ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಎಡ್ವಿನ್ ಜೆ.ಎಪ್. ಡಿ’ಸೊಜಾನ್ ಕೊಂಕ್ಣೆಂತ್ ಮಾತ್ರ್ ನ್ಹಯ್, ಇಂಗ್ಲಿಶಾಂತ್ಯ್ ಕಾಣ್ಯೊ ಬರಯ್ಲ್ಯಾತ್.
ಎಡ್ವಿನ್ ಜೆ.ಎಫ್.ಡಿ’ಸೋಜ್
ಕಾದಂಬರಿಕಾರಾ ವಿಶ್ಯಾಂತ್
ವಿಂಚಿನ್ ಕಾಡ್ಲೆಲಿ ಪರ್ಜಾ
ಲಿಖ್ಣೆ ನಾಂವ್ : ಎಡ್ವಿನ್ ಜೆ.ಎಫ್.ಡಿ’ಸೋಜ್, ವಾಸು ವಾಲೆನ್ಸಿಯಾ.
ಜನನ್ : 14 ಜೂನ್ 1948.
ಜಲ್ಮಾಲ್ಲೊ ಗಾಂವ್ : ವಾಲೆನ್ಸಿಯಾ.
ಪತಿಣೆಚೆಂ ನಾಂವ್ : ಜೇನ್ ಡಿ’ಸೋಜ್.
ಇಮೇಯ್ಲ್ : edwinjfd@gmail.com
ವೆಬ್ಸಾಯ್ಟ್ : www.angelfire.com/home/edwin/edwin.html
ಎಡ್ವಿನ್ ಜೋಸೆಫ್ ಫ್ರಾನ್ಸಿಸ್ ಡಿ’ಸೋಜ್.
ವಿ೦ಚುನ್ ಕಾಡ್ಲೆಲಿ ಪರ್ಜಾ [ಸುರ್ವಿಲಿಂ ದೋನ್ ಉತ್ರಾಂ ಪರ್ತ್ಯಾನ್ - ಎಡ್ವಿನ್ ಜೆ. ಎಫ್. ಡಿ’ಸೋಜ್]
ಕೋಣ್ ಹ್ಯಾ ಪರ್ಜೆ೦ತ್ ಆಸಾತ್?
ಹಾ೦ವ್, ಜೇನ್, ರೂತ್ ಯಾ ದೋನ್ ವರ್ಸಾ೦ ಆದಿ೦ ಆಮ್ಚ್ಯಾ ಕುಟ್ಮ೦ತ್ ಸೆರ್ವಾಲ್ಲೊ ಮ್ಹಜೊ ಜಾ೦ವಯ್, ಸುಧಾಕರ್ ಪ್ರಭು? ಯಾ ಮ್ಹಜೊಚ್ಚ್ ಸ೦ಸಾರ್?
ಹಾ೦ವ್ ನೆಣಾ೦. ಪುಣ್ ಕುವೇಯ್ಟಾ೦ತ್ ಮ್ಹಜ್ಯಾ ಬೆಡ್ರೂಮಾಚ್ಯಾ ಕಾರ್ಪೆಟಿಚೆರ್ ಬಸುನ್ ಹಿ ಹಾತ್ ಪ್ರತಿ ಲಿಕ್ತಾನಾ (ತವಳ್ ಕ೦ಪ್ಯೂಟರ್ ನಾತ್ಲ್ಲೆ) ಮ್ಹಜೆ ಮತಿ೦ತ್ ಥೊಡಿ೦ ಸೊದ್ನಾ ಆಸ್ಲ್ಲಿ೦.
ಕೋಣ್ ಹಿ೦, ಹಾ೦ವೆ೦ ರಚ್ಲ್ಲಿ೦:
ಕ್ರಿಸ್ತಿನ್ ಆನ್ನ್ನಾಬೆಲ್ ಡಿಮೆಲ್ಲೊ?
ಕೆನೆತ್ ಮಾಯ್ಕಲ್ ಸುವಾರಿಸ್?
ಜ್ಯೊ ಸಿಲ್ವೆಸ್ಟರ್ ಡಿಸೊಜಾ?
ಆನಿ ಕೋಣ್ ಹೊ ಎಡ್ವಿನ್ ಜೆ.ಎಫ್.ಡಿಸೊಜಾ?
ಹಿ೦ ಸೊದ್ನಾ೦.
ಮ್ಹಾಕಾ ಮ್ಹಜಿ ಜೀಣ್ ಎಕ್ ಸೊದ್ನಾ೦.
ಆನಿ ಕಾದ೦ಬರಿ ಹಾ೦ವೆ೦ ಬರವ್ನ್ ಜಾತೆಚ್ಚ್ ಆಮಿ೦ ರಜೆರ್ ಮಾಯ್ಗಾ೦ವಾಕ್ ಆಯ್ಲ್ಯಾ೦ವ್. ಹ್ಯಾ ಕಾದ೦ಬರಿಯೆಚಿ ಹಾತ್ ಪ್ರತಿ ಹಾ೦ವೆ೦ ಬಾಪ್ ವಿ.ವಿ. ಮಿನೇಜಾಕ್ ದಿಲಿ (‘ರಾಕ್ಣೊ’ ಸ೦ಪಾದಕ್) ಆನಿ ಜುಲಾಯ್ 22-ವೆರ್ ರಜಾ ಕಾಬಾರ್ ಕರುನ್ ಪಾಟಿ೦ ಗೆಲ್ಯಾ೦ವ್.
ಅಗೋಸ್ತ್ 2, 1990 ತಾರಿಕೆರ್ ‘ಅ೦ಕಲ್’ ಸದ್ದಾಮ್ ಕುವೇಯ್ಟಾಕ್ ಮ್ಹಾಕಾಚ್ಚ್ ಮ್ಹಳ್ಳೆಪರಿ೦ ಸೊದುನ್ ಆಯ್ಲೊ. ಕಿತ್ಯಾಕ್, ವಿಚಾರ್ಶಾತ್ ತುಮಿ೦. ಹಾ೦ವ್ ಆನಿ ಮ್ಹಜೆ೦ ಕುಟಮ್ ಹ್ಯಾ ಆಕ್ರಮಣಾ೦ತ್ ಮೆಲ್ಲೆ೦ ತರ್ ‘ವಿ೦ಚುನ್ ಕಾಡ್ಲೆಲಿ ಪರ್ಜಾ’ ಅಮರ್ ಜಾಲಿ ಮ್ಹಣ್ ‘ಶೋಕ್ ಸಭಾ’ ಚಲ್ತ್ಯೊ. ಆತಾ೦, ಮ್ಹಜೊ ಖಾಸ್ ದೋಸ್ತ್ ವಲ್ಲಿ, ಬಾಪ್ ವಿ.ವಿ.ಮಿನೇಜಾಚೆ೦ ಪ್ರಸ್ತಾವನ್ ಹಾ೦ಗಾಸರ್ ದಿತೊಲೊ ಮ್ಹಣ್ ಹಾ೦ವ್ ಜಾಣಾ೦.
ಪುಣ್ ಹಾ೦ವ್ ಸದ್ದಾಮಾಚ್ಯಾ ಆಕ್ರಮಣಾ೦ತ್ ಮೆಲೊ೦ ನಾ ಆನಿ ಹಿ ಸಗ್ಳಿ ಕಾದ೦ಬರಿ ಪರತ್ ‘ವಾಚ್ಚೆ೦’ ನಶೀಬ್ ಮ್ಹಾಕಾ ಲಾಬ್ಲೆ೦. ಹಾಚೆ೦ ಮುಕ್ಚಿತ್ರ್ ಮ್ಹಜೆ೦ಚ್ ಚೊರ್ಪಾಣ್. ಆತಾ೦ ಮ್ಹಜೊ ಖಾಸ್ ದೋಸ್ತ್ ವಲ್ಲಿ ಹಿ ಕಾದ೦ಬರಿ ಆಪ್ಲ್ಯಾ ‘ದಾಯ್ಜ್.ಕೊಮ್’ ಹಾಚೆರ್ ಘಾಲ್ತಾ ಖ೦ಯ್. ಘಾಲು೦ದಿ. ತವಳ್ ಕಾ೦ಯ್ ಮ್ಹಾಕಾ ಯೆದೊಳ್ ಮೆಳಾನಾತ್ಲ್ಲಿ (ಹ್ಯಾ ಕಾದ೦ಬರಿಯೆಕ್ ತೀನ್ ಪ್ರಶಸ್ತ್ಯೊ ಲಾಬ್ಲ್ಯಾತ್) ಜಾಪ್ ಮೆಳತ್, ಹಿ ‘ವಿ೦ಚುನ್ ಕಾಡ್ಲೆಲಿ ಪರ್ಜಾ’ ಕೋಣ್ ಮ್ಹಣ್.
ಮೊಗಾಸವೆ೦,
ಎಡ್ವಿನ್ ಜೆ.ಎಫ್.ಡಿಸೊಜಾ
14 ಸಪ್ತೆ೦ಬರ್ 2006 (ಪ೦ದ್ರಾ ವರ್ಸಾ೦ ಉಪ್ರಾ೦ತ್)
ವಳೊಕ್:
ಆಪ್ಣಾಯಿಲ್ಲಿಂ ಇನಾಮಾಂ/ಪ್ರಶಸ್ತ್ಯೊ ;
’ಹಾಂವ್ ಜಿಯೆತಾಂ’ ಬುಕಾಕ್ 1973 ಇಸ್ವೆಂತ್, ಕೊಂಕ್ಣಿ ಭಾಷಾ ಮಂಡಳಿ ಗೊಯಾಂ ಥಾವ್ನ್ ಪ್ರಶಸ್ತಿ.
’ಹಾಂವ್ ಜಿಯೆತಾಂ’ ಬುಕಾಕ್ 1988 ಇಸ್ವೆಚಿ ದೆ|ಲುವಿಸ್ ಮಸ್ಕರೇನ್ಹಸ್ ಜಲ್ಮಾ ಶತಾಬ್ಧಿಚಿ ಪ್ರಶಸ್ತಿ.
’ವಿಂಚುನ್ ಕಾಡ್ಲೆಲಿ ಪರ್ಜಾ’ 1992 ಇಸ್ವೆಂತ್ ಡಾ|ಟಿ.ಎಮ್.ಎ.ಪೈ ಫ಼ೌಂಡೇಶನ್ ಮಣಿಪಾಲ್ ಥಾವ್ನ್ ಪ್ರಶಸ್ತಿ.
’ವಿಂಚುನ್ ಕಾಡ್ಲೆಲಿ ಪರ್ಜಾ’ ಬುಕಾಕ್ 1993 ಇಸ್ವೆಂತ್, ಕೊಂಕ್ಣಿ ಭಾಷಾ ಮಂಡಳಿ ಗೊಯಾಂ ಥಾವ್ನ್ ಪ್ರಶಸ್ತಿ.
’ವಿಂಚುನ್ ಕಾಡ್ಲೆಲಿ ಪರ್ಜಾ’ ಬುಕಾಕ್ 1994 ಇಸ್ವೆಚಿ ದೆ|ಲುವಿಸ್ ಮಸ್ಕರೇನ್ಹಸ್ ಜಲ್ಮಾ ಶತಾಬ್ಧಿಚಿ ಪ್ರಶಸ್ತಿ.
’ಬೆತ್ಲೆಹೆಮ್’ ಬುಕಾಕ್ 1995-97 ಇಸ್ವೆಚಿ ಕರ್ನಾಟಕ ಕೊಂಕಣಿ ಸಾಹಿತ್ಯ್ ಅಕಾಡೆಮಿ ಪ್ರಶಸ್ತಿ.
1997-98 ಇಸ್ವೆಚಿ ಕರ್ನಾಟಕ ಕೊಂಕಣಿ ಸಾಹಿತ್ಯ್ ಅಕಾಡೆಮಿ ಥಾವುನ್ ಸಾಹಿತಿಕ್-ಪ್ರಶಸ್ತಿ.
1998 ಇಸ್ವೆಂತ್ ’ಸಂದೇಶಾ’ ಪ್ರಶಸ್ತಿ.
2003 ಇಸ್ವೆಂತ್ ’ದಾಯ್ಜಿ ದುಭಾಯ್’ ಪ್ರಶಸ್ತಿ.
ಸಾಹಿತಿಕ್ ವಾವ್ರ್ :
1992 ಇಸ್ವೆಂತ್ ಸಾಂತ್ ಎಲೋಶಿಯಸ್ ಕೊಲೆಜಿಂತ್ ಕೊಂಕ್ಣಿ ಸಾಹಿತ್ಯ್ ಶಿಕವ್ಪಿ ಜಾವ್ನ್ ವಾವ್ರ್.
ಆಜೂನ್ಯ್ ಸಯ್ರೊ-ಶಿಕವ್ಪಿ (Guest Lecturer ಜಾವ್ನ್ ವಾವ್ರ್) 1992 ಇಸ್ವೆಂತ್ ಕಾರ್ವಾರಾಂತ್ ಚಲ್ಲ್ಲ್ಯಾ ಇಕ್ರಾವ್ಯಾ ಕೊಂಕಣಿ ಸಾಹಿತಿಕ್ ಸಮ್ಮೇಳನಾಚೊ ಅಧ್ಯಕ್ಶ್ ಜಾವ್ನ್ ವಾವ್ರ್.
ಬರವ್ಪ್ಯಾಂಚೊ ಎಕ್ತಾರ್ - ಮಂಗ್ಳುರ್ ಹಾಚೊ ಪಯ್ಲೆಂಚೊ ಅಧ್ಯಕ್ಶ್ ಜಾವ್ನ್ ವಾವ್ರ್.
ಸಂಪಾದನ್ ಕೆಲ್ಲಿಂ ಪತ್ರಾಂ :
’ಅಮರ್ ಕೊಂಕಣಿ’ ’ರೋಟಲೋರ್’
’ರಾಕ್ಣೊ (ಸಾಹಿತಿಕ್ ಸಂಪಾದಕ್ ಜಾವ್ನ್)’
’ದಿ ಎಲೋಶಿಯನ್’
ಅಣ್ಕಾರಿತ್/ತರ್ಜಣ್ ಜಾಲ್ಲೆಂ ಸಾಹಿತ್ಯ್ :
’215 ಧಾರುವಾಲ ಎಸ್ಟೇಟ್’ ದೆ|ಗಾಬ್ರಿಯೆಲ್ ಅಗೇರಾನ್ ಕಾಂದ್ಡ್ಯಾ ಭಾಸೆಕ್ ತರ್ಜಣ್ ಕರುನ್ ’ಜ್ನಾನ ಪ್ರಕಾಶನಾ ಥಾವ್ನ್ ಮಾನೆಸ್ತ್ ಚಂದ್ರಕಾಂತ ಕಂಬಾರಾನ್ ಪ್ರಸ್ತಾವನಾಚಿಂ ಉತ್ರಾಂ ಬರವ್ನ್ ಪರ್ಗಟ್ಲಾ.
'A Cup of hot coffee' ಇಂಗ್ಲಿಶಾಕ್ ತರ್ಜಣ್ ಕೆಲ್ಲ್ಯಾ ಮಟ್ವ್ಯಾ ಕಣ್ಯೆಕ್ ಖುಶ್ವಂತ್ ಸಿಂಘಾನ್ 'Our Favourite Indian Short Stories' ಮ್ಹಳ್ಳ್ಯಾ ಬುಕಾರ್ ಫಾಯ್ಸ್ ಕೆಲ್ಯಾ.
’ದೇವ್ ದೀವ್ಳ್ ಆನಿಂ ರಗಾತ್’ ಮಾಣೆಸ್ತ್ ವಾಸುದೇವ್ ಶ್ಯಾನ್ಭೋಗಾನ್ ಹಿಂದಿಕ್ ತರ್ಜಣ್ ಕರುನ್ ಸಾಹಿತ್ಯ್ ಎಕಾಡೆಮಿನ್ ’ಭಗ್ವಾನ್, ಮಂದಿರ್ ಔರ್ ಲಹೂ’ ಮ್ಹಳ್ಳ್ಯಾ ನಾಂವಾರ್ ಫಾಯ್ಸ್ ಕೆಲ್ಯಾ.
'A Collar For Moti' ಇಂಗ್ಲಿಶಾಕ್ ತರ್ಜಣ್ ಕರ್ನ್ ಸಾಹಿತ್ಯ್ ಅಕಾಡೆಮಿನ್ ಪರ್ಗಟ್ ಕೆಲ್ಯಾ.
’ಎಜಿಪ್ತಾಕ್ ಪೊಳಾಪೊಳಿ’ ಕಾಣ್ಯೆಕ್ ಮಾನೆಸ್ತ್ ಪುಂಡಲಿಕ್ ನಾಯಕ್ ’ದಿರ್ವೆಂ’ ಬುಕಾರ್ ಪರ್ಗಟ್ ಕೆಲ್ಯಾ.
'A Collar For Moti', 'I Confess', 'The Paper Woman' www.ndtv.com ಹಾಚೆರ್ಯ್ ಪರ್ಗಟ್ಲ್ಯಾತ್.
ಕಾದಂಬರಿಂಚೊ ವಿವರ್:
’ನಿಮಾಣಿ ಶೆಳಿ’
’ರಾಜ್ ಧ್ರೋಹಿ’
’ಪಿಲಾತಾನ್ ದಿಲ್ಲೆಂ ಫರ್ಮಾಣ್’
’ಜೊವ್ಳಿಂ ವಜ್ರಾಂ’
’ಶೆತಾಂತ್ಲಿಂ ಫುಲಾಂ ’
’ಏಕ್ ಮನಿಸ್ ದೋನ್ ಸಾವ್ಳ್ಯೊ’
’ಚಾರ್ ದೀಸ್ ಪಾಂಚ್ ರಾತಿ’
’ಜುದಾಸಾಂಕ್ ಕುರೊವ್’
’ಖುರ್ಸಾ ಪಾಟ್ಲೊ ಉಜ್ವಾಡ್’
’ತಾಂಬ್ಡೊ ಸಾಳ್ಯೊ’
’ಮ್ಹಜಾ ವೊಡ್ತಾಂತ್ಲೆ ಗುಲೊಬ್’
’ಮೊಗಾಚಿ ರಾತ್’
’ತರ್ನಿಂ ಕಿರ್ಣಾಂ’
’ಹಾಂವ್ ಜಿಯೆತಾಂ’
’ತೆ ಆಯ್ಲ್ಯಾತ್’
’ಹಾಂವ್ ಪಾಟಿಂ ಆಯ್ಲಾಂ’
’215 ಧಾರುವಾಲಾ ಎಸ್ಟೇಟ್’
’ಜೆರಿಕೊಚೆ ಪಾಗೊರ್’
’ಆಜ್ ಆಮಿಂ ಪೊಯ್ಶೆ ಕರ್ಯಾಂ’
’ತಾಕಾ ಆಮಿ ಫಾಶಿ ದಿವ್ಯಾಂ’
’ಸಿರೆನಾಂತ್ಲೊ ಜುದಾಸ್ ’
’ಆಜ್ ಆಮಿ ಖುನ್ ಕರ್ಯಾಂ’
’ವಿಂಚುನ್ ಕಾಡ್ಲೆಲಿ ಪರ್ಜಾ’
’ಆಯ್ಚಿ ರಾತ್ ಮ್ಹಜಿ’
’ಮ್ಹೊಂವ್ ಆನಿ ರಗಾತ್’
’ದರ್ಯಾಂತ್ ಪಾವ್ಸ್ ಪಡ್ಲೊ’
’ರೆಂವೆಂತ್ಲೆ ಫಾತೊರ್’
’ಬೆತ್ಲೆಹೆಮ್’
’ಹಾಂವ್ ಮ್ಹಜೊ ನಿತಿದಾರ್’
’ಉಣ್ಯಾ ಭಾವಾಡ್ತಾಚೆ’
’ಕಾಳೆಂ ಭಾಂಗಾರ್’
ಹೆರ್ ಥೊಡೊ ವಿವರ್:
ಹಾಚಿ ’ಕಾಗ್ದಾಚಿ ಸ್ತ್ರೀ’ ಮಟ್ವಿ ಕಾಣಿ ಸಾಂ.ಲುವಿಸ್ ಕೊಲೆಜಿಚಾ ಪಾಠ್ ಬುಕಾಂನಿ ಆಸೊನ್ ಬಿ.ಎ. ವಿಧ್ಯಾರ್ಥಿ ಹಿ ಶಿಕ್ತಾತ್.
ಹಾಚೆಂ ’ಧುಳ್ ವಾದಾಳ್’ ಕವಿತಾ ಸಾಂ.ಲುವಿಸ್ ಕೊಲೆಜಿಚಾ ಪಾಠ್ ಬುಕಾಂನಿ ಆಸೊನ್ ಬಿ.ಎ. ವಿಧ್ಯಾರ್ಥಿ ಹಿ ಶಿಕ್ತಾತ್.
ಪ್ರಸ್ತುತ್ ಹೊ ಸಾಂ.ಲುವಿಸ್ ಕೊಲೆಜಿಚಾ ಪಯ್ಲ್ಯಾ ಆನಿ ದುಸ್ರ್ಯಾ ವರ್ಸಾಚಾ ಪಿಯುಸಿಚಾ ವಿಧ್ಯಾರ್ಥಿಂಕ್ ’ಮುಳಾವೆಂ ದೇವ್ಶಾಸ್ತ್ರ್’ ಶಿಕಯ್ತಾ.
ಪ್ರಸ್ತಾವನ್:
52
"ರಾಕ್ಣೊ" ಅಂಕ್ಯಾಂನಿ ಭರ್ತಿ ಏಕ್ ವರ್ಸ್, (ಅಗೋಸ್ತ್ 2, 1990 ಥಾವ್ನ್ ಅಗೋಸ್ತ್
8, 1991 ಪರ್ಯಾಂತ್) ಪ್ರಗಟ್ ಜಾವ್ನ್ ಹಜಾರೊಂ ವಾಚ್ಪ್ಯಾಂಚಾ ಮೆಚ್ವಣೆಕ್ ಪಾತ್ರ್ ಜಾಲ್ಲಿ ಎಡ್ವಿನ್ ಜೆ. ಎಫ್. ಡಿ’ಸೋಜಾಚಿ "ವಿಂಚುನ್ ಕಾಡ್ಲೆಲಿ ಪರ್ಜಾ" ಆತಾಂ
’ರಾಕ್ಣೊ ಪ್ರಕಾಶನಾ’ ದ್ವಾರಿಂ ಗ್ರಂಥಾ ರುಪಾರ್ ಪ್ರಗಟುಂಕ್ ಆಮ್ಕಾಂ ವ್ಹಡ್ ಅಭಿಮಾನ್ ಭಗ್ತಾ.
ಜೂನ್ 1990 - ಂತ್ ಎಡ್ವಿನಾನ್ ಆಪ್ಲ್ಯಾ ಬ್ರಹತ್ ಕಾದಂಬರಿಯೆಚಿ ಹಾತ್ ಪ್ರತಿ ಮ್ಹಜಾ ಹಾತಿಂ ದಿತಾನಾ ತಾಚಾ ಸಾಮ್ಕಾರ್ಚ್ ಹಾಂವೆಂ ಪಾನಾಂ ಪರ್ತಿಲಿಂ ಆನಿ ಮ್ಹಜೆಂ ಗಮನ್ ಜಿಕ್ಲೆಂ ತೆಂ ಸಮರ್ಪಣ್ -
"ತುಕಾ, ಹೆ ಲ್ಹಾನ್ ವಸತೆ." ಹ್ಯಾ ಸಮರ್ಪಣಾಚೊ ಅರ್ಥ್ ಹಾಂವೆಂ ವಿಚಾರ್ಲ್ಲ್ಯೆ ವೆಳಿಂ ತೊ ಮ್ಹಣಾಲೊ:
"ಕಾದಂಬರಿ ವಾಚ್ತಾಂ ವಾಚ್ತಾಂ ತುಕಾ ಸಮ್ಜತಲೊ!" ಆನಿ ತಸೆಂಚ್ ಜಾಲೆಂ. ಆಪ್ಲ್ಯಾ ಜಿಣಿಯೆಚಿಂ ಸೊಳಾ ವರ್ಸಾಂ ಕುವೇಯ್ಟಾಂತ್ ಖರ್ಚಿಲ್ಲ್ಯಾ ಲೇಖಕಾನ್ ಆಪ್ಲಿ ಚೊವಿಸಾವಿ ಕೃತಿ ಕುವೆಯ್ಟಾಕ್, ತ್ಯಾ ಸೊಭಿತ್ ಸುಂದರ್ "ಲ್ಹಾನ್ ವಸತೆಕ್" ಅರ್ಪಿಲ್ಲಿ.
ಹಾಂಗಾಸರ್ ಥಾವ್ನ್ ಪ್ರಾರಂಭ್ ಜಾಲಿಂ ವಿಚಿತ್ರ್ ಆನಿ ವಿಶಿಷ್ಠ್ ಸಂಘಟನಾಂ ಹ್ಯಾ ಕೃತಿಯೆಕ್ ಲಗ್ತಿ ಜಾವ್ನ್ ಕಥಾ ವಸ್ತುಕ್ ನವೊ ಜಿವಾಳ್ ಆನಿ ಉಜಳ್ ಹಾಡುನ್ ಯೆಂವ್ಚೆ ತಸಲಿಂ.
ಕೃತಿಯೆಚೊ ಪ್ರಥಮ್ ಅವಸ್ವರ್ ಅಗೋಸ್ತ್ 2, 1990 ಅಂಕ್ಯಾಂತ್ ಪ್ರಕಟ್ ಜಾಲೊ. ಆನಿ ತ್ಯಾಚ್ ದಿಸಾ ಇರಾಕಾನ್ ಕುವೇಯ್ಟ್ ಮ್ಹಳ್ಳ್ಯಾ ಶಾಂತ್ ಪ್ರಧಾನ್, ಸೊಭಿತ್ ಸುಂದರ್ ಲ್ಹಾನ್ ವಸತೆಚೆರ್ ಆಕ್ರಮಣ್ ಚಲಯ್ಲೆಂ, ತಿಚೊ ದೆಸ್ವಾಟ್ ಕೆಲೊ ಆನಿ ಹಜಾರಾಂನಿ ವಿದೇಶಿ ನಿರ್ಗತಿಕ್ ಜಾಲೆ. ಎಕೇಕ್ಲೆ ಖಂಚೆ ರಿತಿರ್ ತಾಂತಾಂಚಾ ದೇಶಾಂಕ್ ಆನಿ ಬಿಡಾರಾಚಾ ಭದ್ರತೆನ್ ಪಾವ್ಲೆ ಹಿ ಜಾವ್ನಾಸಾ ಏಕ್ ಚರಿತ್ರಾ.
ಆಮ್ಚೊ ಳೇಖಕ್ಯೀ ಹ್ಯಾ ಚರಿತ್ರೆಚೊ ಏಕ್ ಅನ್ಭೋಗಿ. ಕಾದಂಬರಿಯೆಚಾ
52
ಅವಸ್ವರಾಂಕ್ ಪಾಟಿಂಬೊ ಮ್ಹಳ್ಳೆಪರಿಂ, ಅನ್ಯೇಕ್ ವಿಚಿತ್ರ್ ಸಂಘಟನಾಕ್ ಲಾಗೊನ್, ಆಕ್ರಮಣಾ ನಂತರ್
52
ದೀಸ್ ಕುವೆಯ್ಟಾಂತ್ ಜಿಯೆವ್ನ್ ತೊ ಆನಿ ತಾಚೆಂ ಕುಟಾಂಬ್ ಶಾಭಿತಾಯೆನ್ ಮಂಗ್ಳುರಾಕ್ ಪಾವ್ಲೆಂ. ಆಪ್ಲ್ಯಾ ಕೃತಿಯೆಚಾ, ಛಾಪುನ್ ಆಯಿಲ್ಲ್ಯಾ, ಪ್ರಥಮ್ ಅವಸ್ವರಾಚೆರ್ ದೀಷ್ಟ್ ಘಾಲ್ಚೊ ಆವ್ಕಾಸ್ ತಾಕಾ ಮಂಗ್ಳುರಾಕ್ ಆಯ್ಲ್ಯಾ ನಂತರ್ಚ್ ಲಾಭ್ಲೊ!.
ಹಾಂಗಾಸರ್ ದಿಲ್ಲಿ ತಸ್ವೀರ್ ಲೇಖನಾನ್ಂಚ್ ಕುವೇಯ್ಟಾ ಥಾವ್ನ್ ಧರ್ಣಿ-ವಾಟೆರ್ ಜೊರ್ಡಾನಾಚಾ ಅಮ್ಮಾನ್ ಶ್ಹೆರಾ ಪರ್ಯಾಂತ್ ಘೆತ್ಲೆಲ್ಯಾ ಪೊಳಾಪೊಳಾಚೆರ್ ಕಾಡ್ಲೆಲಿ ಜಾವ್ನಾಸಾ.
ಹ್ಯಾ ಪೊಳಾಪಳೆಚೊ ಮಿರ್ಮಿರೊ ಆನಿ ಮಾನವೀಯ್ ವಿವರ್ ವೆಗಿಂಚ್ ಆಮ್ಕಾಂ ವಾಚುಂಕ್ ಸುಯೋಗ್ ಕರುಂಕ್ ಎಡ್ವಿನ್ ತಯಾರ್ ಆಸ್ತಲೊ ಮ್ಹಣ್ ಆಮಿ ಭರ್ವಸ್ತಾಂವ್.
"ವಿಂಚುನ್ ಕಾಡ್ಲೆಲಿ ಪರ್ಜಾ" ಪ್ರಕಟ್ ಕರ್ಚಾ ಸಂದರ್ಭಾರ್ ಹಾಂವೆಂ ಬರಯಿಲ್ಲೆಂ, "ಸುರ್ವೆರ್ ಥಾವ್ನ್ ಅಖೇಯ್ರ್ ಪರ್ಯಾಂತ್ ಆಸಕ್ತ್ ಉಟಂವ್ಚಿ ಹಿ ನವಿ ಕಾದಂಬರಿ ವಾಚ್ತಾನಾ ತುಮಿಂಚ್ ಫರ್ಮಾಣ್/ತೀರ್ಪ್ ದಿತೆಲ್ಯಾತ್ - ಕೊಂಕಣಿ ಕಾದಂಬರಿಂಚಾ ಪರ್ಜೆಂತ್ (ಭಂಡಾರಾಂತ್) ಹಿ ಏಕ್ ವಿಂಚುನ್ ಕಾಡ್ಲೆಲಿ ಕೃತಿ!"
ಆತಾಂ ತಸೆಂಚ್ ಜಾಲಾಂ!
ಸಾಹಿತಿಕ್ ದೃಷ್ಟೆನ್ ಡೊ|ಟಿ.ಎಮ್.ಎ.ಪೈ, ಸಾಹಿತ್ಯ್ ಅಕಾಡೆಮಿ ತಸಲ್ಯಾ ಉಂಚ್ಲ್ಯಾ ಪುರಸ್ಕಾರಾಂಕ್ ಅರ್ಹ್ ಜಾಲ್ಲಿ ಹಿ ಕೃತಿ ಫಾವೊತಿ ಮಾನ್ಯತಾ, ಪುರಸ್ಕಾರ್ ಆನಿ ಪ್ರಶಸ್ತಿ ಜೊಡುಂದಿ.
- ಮಾ|ಬಾ|ವಿಶೆಂತ್ ವಿತೊರ್ ಮಿನೇಜ್
ರಾಕ್ಣೊ ಪ್ರಕಾಶನ್/ಸಂಪಾದಕ್-ಸಂಚಾಲಕ್
15-8-91
ಎಡ್ವಿನಾಚಿ ಮಟ್ವಿ ಕಾಣಿ - ಕಾಗ್ದಾಚಿ ಸ್ತ್ರೀ
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
