ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಜಿವಿತಾ ಸೊಭಾಣ್
ಜೊರ್ಜಿ ಪೀಂತ್ ಆಯ್ಕೊಳ್: ಕೊಂಕ್ಣಿ ಸಾಹಿತ್ಯಾಂತ್ ಮ್ಹಾಕಾ ಹಾಚಿ ಸಳಾವಳ್ ಜಾಲ್ಲಿ ತಾಚಾ ಅಖ್ರೇಚಾ ಥೊಡ್ಯಾ ವರ್ಸಾಧಿಂ ತರ್ಯ್ ಹಾಂವೆಂ ಕಾಳ್ಜಾ ಮನಾನ್ ಏಕ್ ಪ್ರಾಮಾಣಿಕ್ ಸಾಹಿತಿ, ಚಿಂತ್ಪಿ ಮ್ಹಣ್ ಮಾಂಧುನ್ ಘೆತ್ಲ್ಲ್ಯಾ ಭೋವ್ ಥೊಡ್ಯಾಂ ಪಯ್ಕಿ ಹೊ ಎಕ್ಲೊ. ಆಮಿಂ ಜಾಯ್ತೆಪಾವ್ಟಿಂ ಎಕಾಮೆಕಾ ರಾಗ್ ಕೆಲಾ ತರ್ಯ್ ಎಕಾಮೆಕಾ ಥಂಯ್ ಗೌರವ್ ಆನಿ ಅಭಿಮಾನ್ ದವರ್ಲಾ. ಅಪ್ಲೆ ಜಿಣ್ಯೆ ಆವ್ದೆಂತ್ ಕಾಂಯ್ ನಾಂವಾಚೊ ಆಂಗಾಲಾಪ್ ಕರಿನಾಸ್ತಾಂ, ಆಪ್ಲ್ಯಾ ತತ್ವಾಂಖಾತಿರ್ ಕೆದಿಂಚ್, ಕೊಣಾಲಾಗಿಂಚ್ ಸಂಧಾನ್ ಕರಿನಾಸ್ತಾಂ, ಕಶ್ಟಾಂತ್ ಜಾಂವ್ ಸುಖಾಂತ್ ಜಾಂವ್ - ತಕ್ಲಿ ಉಭಾರ್ನ್ ಜಿಯೆಲ್ಲ್ಯಾ ಹಾಚ್ಯಾ ವೆಕ್ತಿತ್ವಾಚಿ ಝಳಕ್ ತಾಕಾ ಲಾಗ್ಸಿಲ್ಯಾನ್ ವಳ್ಕಲ್ಲೆ ಜರೂರ್ ಜಾಣಾಂತ್. ಕೊಂಕ್ಣೆಂತ್ ತರ್ಜಣ್ ಜಾಲ್ಲೆಂ ತತ್ವ್ಶಾಸ್ತಿರ್ ಬುಕಾರುಪಾರ್ ಪರ್ಗಟ್ಲ್ಲೆಂ ಪಯ್ಲೆಪಾವ್ಟಿಂ ಆನಿ ಹ್ಯಾ ಬುಕಾಕ್ ಎಕೆಕಾ ಆಂಕ್ಡ್ಯಾಚೆಂ ರೂಪ್ ದೀವ್ನ್ ವಾಚ್ಪ್ಯಾಂಕ್ ಪಾವಂವ್ಚೆಂ ಆಮ್ಚೆಂ ಮಿಸಾಂವ್.
ಲಾವೋ ತ್ಸೂ
ತೂಂ, ಹಾಂವ್ ಆನಿ ದಾವೋ, 1, 2, 3, 4, 5, 6, 7
ದೆ|ಜೊರ್ಜಿ ಪೀಂತ್
8. ವಾಪಾರ್
ಉನ್ನತ್ ಬರೆಪಣ್, ಉದ್ಕಾಬರಿ ಜಾವ್ನಾಸಾ
ಆಪ್ಲೆಂ ಸಾಧನ್ ನಾಸ್ತಾಂ ಸರ್ವಾಂಕೀ ಜಿವಾಳಾಯ್ ದಿತಾ
ಲೊಕಾನ್ ಕಾಂಟಾಳ್ಟಾ ಜಾಗ್ಯಾಂನಿ ತೃಪ್ತೆನ್ ಆಸ್ತಾ
ಅಶೆಂ ತೆಂ ದಾವೊ ದಿಸ್ತಾ
ವಸ್ತಿ ಕರ್ತಾಂ ಜಿಯೆ ಧರ್ಣಿಕ್ ಲಾಗಿಂ
ಚಿಂತ್ಪಾಂತ್ ರಾವ್ ಸಾದೆಪಣಿ ಸಂಗಿಂ
ಝಗ್ಡ್ಯಾಂತ್ ಜಾ ನಿತಿವಂತ್ ಆನಿಂ ದಯಾಳ್
ಆಡಳ್ತ್ಯಾಂತ್ ಕರಿನಾಕಾ ನಿಯಂತ್ರಣ್
ವಾವ್ರಾಂತ್ ಕರ್ ತುಕಾ ಉಲ್ಲಾಸ್ ದಿಂವ್ಚೆಂ
ಕುಟ್ಮಾಂತ್ ರಾವ್ ಸಂಪೂರ್ಣ್ ಹಾಜರ್
ಜೆದ್ನಾಂ ತುಕಾ ಸಾದೆಪಣಿಂ ಅಪುಣ್ಂಚ್
ಜಾಂವ್ಚ್ಯಾಂತ್ ತೃಪ್ತಿ ಲಾಭ್ತಾ
ಆನಿಂ ಸ್ಪರ್ಧೊ ವ ತುಲನ್ ಕರಿನಾಂಯ್
ತೆದ್ನಾಂ ಹರ್ಯೆಕ್ಲೊಯ್ ತುಕಾ ಮನಾನ್ ಲೆಖ್ತಾ.
[ಹೊ ಆಶಾವಾದಿ ಪ್ರಕಾಶನಾನ್ 2002 ಇಸ್ವೆಂತ್ ಪರ್ಗಟ್ಲ್ಲೊ ದುಸ್ರೊ ಬೂಕ್]
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
