ಕವಿತಾकविताPoem
ಜೆಜುಚೆಂ
This poem is available in its original Kannada only.
ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಪಿಂತುರಾಚೆರ್ ಪ್ರೇರಣ್ ಜೊಡುನ್ ಕವಿತಾ ಬರಂವ್ಕ್ ’ತಿಂತೆರಾಂತ್ ಪಿಂತುರಾಂ’ ಅಂಕಣಾಕ್ ಭೆಟ್ ದಿ
ಕವಿತಾಝರ್
ಜೆಜುಚೆಂ ಜನನ್
ನಜೆರೆತಾಚಾ ಗಾವಾಂತ್
ಮರಿ ನಾವಾಚಿ ಅಂಕ್ವಾರ್ ಚಲಿ ಆಸ್ಲಿ.
ದಾವಿದಾಚಾ ಘರಾಣ್ಯಾಂತ್
ಸುತಾರಿ ಜುಜೆಲಾಗಿಂ ಖರಾರ್ ಜಾಲ್ಲಿ.
ಏಕ್ ದೀಸ್ ಮರಿ ಮಾಗ್ಣೆ ಕರಿ
ದೆವಾಚೊ ಧುತ್ ಭಿತರ್ ಸರಿ.
ನಮಾನ್, ದೆವಾಚೆ ಕುರ್ಪೆನ್ ಭರ್ಲೆಲಿ,
ದೆವಾಚೊ ಧುತ್ ಹಾಂವ್ ಗಾಬ್ರಿಯೆಲಿ.
ನಮಾನ್ ಆಯ್ಕೊನ್ ಮರಿ ಶೆರ್ಮೆಲಿ,
ಮನಾ ಭಿತರ್ಚ್ ಕಾವ್ಜೆಲಿ.
ಬಿಯೆನಾಕಾ ಮರಿಯೆ ಘೆ ತುಂ ಧಯ್ರ್,
ದೆವಾಚಿ ಸಕತ್ ಆಸಾ ತುಜೆ ವಯ್ರ್.
ಏಕ್ ಪುತಾಕ್ ಪ್ರಸೂತ್ ಜಾತೆಲಿಯ್,
ತಾಕಾ ಜೆಜು ಮ್ಹಣ್ ನಾಂವ್ ದಿತೆಲಿಯ್.
ರಾಯಾಂಚೊ ರಾಯ್ ಪರಮೊನ್ನತಚೊ
ಪೂತ್,
ರಾಜ್ವಟ್ಕೆಕ್ ತಾಚಾ ಆಸ್ಚೊನಾ ಕೆದಿಂಚ್ ಅಂತ್.
ಹೆಂ ಕಶೆಂ ಘಡ್ತೆಲೆಂ ವಿಚಾರಿ ಮರಿ
ನೆಣಾಂಯ್ಗಿ ತುಂ ಆಜೂನ್ ಹಾಂವ್ ಆಂಕ್ವಾರಿ
ಪವಿತ್ರ್ ಅತ್ಮೊ ತುಜೆರ್ ದೆಂವ್ತೊಲೊ,
ತೊಚ್ಚ್ ತುಜೆರ್ ಸಾವ್ಳಿ ಘಾಲ್ತಲೊ.
ಪಳೆ ಮಾವ್ಶಿ ತುಜಿ ಎಲಿಜಾಬೆತ್,
ದೆವಾಚಾ ಕುರ್ಪೆನ್ ತಿ ಜಾಲ್ಯಾ ಗರ್ಬೇಸ್ತ್.
ತಿಚೆರ್ ದೆವಾನ್ ದಾಖಯ್ಲ್ಯಾ ದಯಾ,
ನಾಂ ಕಿತೆಂಚ್ ಆಸಾಧ್ಯ್ ತಾಕ.
ಹಾಂವ್ ಸರ್ವೆಸ್ಪರಾಚಿ ಚಾಕರ್ನ್
ಜಾಪ್ ದಿಲಿ ಮರ್ಯೆನ್ ಖಾಲ್ತಿಮಾನ್ ಘಾಲ್ನ್.
ದೆವಾಚಿ ಖುಶಿ ಮ್ಹಜೆ ಥಂಯ್ ಜಾಂವ್,
ಹರ್ಸುಂಕ್ ಪಾವೊ ತಾಚೆ ನಾಂವ್.
II
ಆಗುಸ್ತಿನ್ ಚಕ್ರವರ್ತಿನ್ ದಾಡ್ಲೆಂ
ಪರ್ಮಾಣ್
ಕರ್ಚ್ಯಾಕ್ ರೊಮಿ
ಸಂಸಾರಾಚೆಂ ಜನಗಣನ್.
ಸಮೇಸ್ತ್ ರಾಯಾಚಿ ಹುಕುಮ್ ಪಾಳುನ್
ನಾಂವ್ ದಾಕಲ್ ಕರುಂಕ್ ಆಪ್ಲ್ಯಾ ಗಾವಾಕ್ ಗೆಲೆ.
ಜುಜೆ ದಾವಿದಾಚಾ ಘರಾಣ್ಯಾಚೊ ದೆಕುನ್
ಬೆತ್ಲೆಹಮಾಕ್ ನಾಂವ್ ದಾಖಲ್ ಕರುಂಕ್ ಗೆಲೊ.
ಸಂಗಿಂ ಮರಿ ತಾಚಿ ಪತಿಣ್
ತವಳ್ ತಿ ಭರ್ಲೆಲಿ ಗರ್ಬಿಣ್.
ಥಂಯ್ ತಿಚೆ
ಪ್ರಸೂತ್ಪಣಾಚೆ ದೀಸ್ ಲಾಗಿಂ ಪಾವ್ಲೆ,
ಛಾತ್ರಾಂತ್ ತಾಂಕ ಖಂಯ್ಸರೀ ಜಾಗೊ ಮೆಳೊಂಕ್
ನಾ ಜಾಲೆಂ,
ಗೊರ್ವಾಂಚಾ ಗೊಟ್ಯಾಂತ್ ತಿ ಏಕಾ
ಬುರ್ಗ್ಯಾಕ್ ಪ್ರಸೂತ್ ಜಾಲಿ,
ಫಾಳಿಯಾಂನಿ ಗುಟ್ಲಾವ್ನ್ ತಾಣಿ ತಾಕಾ ಖಾವ್ಣೆರ್ ನಿದಾಯ್ಲೊ.
III
ಆಟ್ವ್ಯಾ ದಿಸಾಂನಿ, ಬಾಳ್ಕಾಕ್ ಸುನತ್ ಕರ್ನ್,
’ಜೆಜು’ ಮ್ಹಣ್ ನಾಂವ್ ದವರ್ಲೆಂ.
ಹೆಂ ನಾಂವ್ ತೊ ಗರ್ಭಿಂ ಸಂಬಂವ್ಚೆ,
ಆದಿಂಚ್ ದೇವ್ ಧುತಾನ್ ದಿಲ್ಲೆಂ.
ಕವಿತಾಝರ್
- ಜೊಮೆಲ್ ಬೊಂದೆಲ್
ಜೆಜುಚಾ ಜನನಾಚಿ ಕಥಾ ಕ್ರಿಸ್ಮಾಚಾಚಾ ವೆಳಾರ್ ವೆವೆಗ್ಳ್ಯಾ ವಾಚ್ಪಾಂನಿ ವಾಚ್ತಾಂವ್ ತರ್ಯ್ ಜೆದ್ನಾಂ ಏಕ್ ಕವಿ ಅಪ್ಲ್ಯಾ ಕವಿತೆಂತ್ ಹೆಂ ವರ್ಣಿತಾನಾ ದಿಸ್ಚಿ ಸೊಭಾಯ್ ವೆಗ್ಳಿಚ್. ಜಶೆಂ ಅಬ್ರಾಂವ್ಚೆಂ ಜಯ್ನ್ದಾನಾಚೊ ಉಡಾಸ್ ಕಾಡ್ತಾನಾ ಥೊಡೆ ಕವಿ ಕೊಣ್ ಅಬ್ರಾಂವ್? ಲುವಿಸ್ ಮಸ್ಕರೇಞಾಚೊಗೀ ಮ್ಹಣ್ತಾನಾ ಹೆಂ ಕಾವ್ಯನಾಟಕ್ ಕಿತ್ಲೆಂ ಫಾಮಾದ್ ಮ್ಹಳ್ಳಿ ಅಂದಾಜ್ ಕರ್ಯೆತ್. ಪುಣ್ ಹೆಂ ಕವಿತಾ ವಾಚುನ್ ಕೊಣ್ ಜೆಜು ಮ್ಹಳ್ಯಾರ್ ಜೊಮೆಲಾಚೊ ಮ್ಹಣ್ ಕೊಣೆಂಯ್ ಸಾಂಗಾನಾತ್ಲ್ಯಾರ್ ಪುರೊ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.