ಕವಿತಾकविताPoem
’ಇಸ್ಲ
ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.
ಕವಿತಾದಾಯ್ಜ್-26
ಏಕ್ ಪೆಟೊ ಮೆಲಾ
ಮ್ಹಜೊ ಪೆಟೊ ಮೆಲಾ.
ಹಾಂವೆಂ ತಾಕಾ ಭಾಗಿಂತ್ ಪುರ್ಲಾ
ಧುಳ್ ಖೆಲ್ಲ್ಯಾ ಪರ್ನ್ಯಾ ಮೆಶಿನಾಬಗ್ಲೆನ್.
ಥೊಡ್ಯಾ ದಿಸಾಂನಿ ಹಾಂವ್‌ಯೀ ತಾಕಾ ಮೆಳ್ತಲೊಂ ಥಂಯ್‌ಚ್ಚ್,
ಪುಣ್ ಆತಾಂ ತೊ ಗೆಲಾ ಆಪ್ಲ್ಯಾ ಲಾಂಬ್ ಕೆಸಾಂಚ್ಯಾ ಕೊಟಾಸವೆಂ,
ಪುಣ್ ತಾಚ್ಯೊ ಪಾಡ್ ಚಾಲಿ ಆನಿ ತಾಚೆಂ ಶೆಳೆಲ್ಲೆಂ ನಾಕ್,
ಆನಿ ಹಾಂವ್, ತೊ ವಸ್ತುವಾದಿ, ಜೊ ಖಂಚ್ಯಾಯ್ ಜೀವಿಂಕ್
ಮೊಳ್ಬಾರ್ ಭಾಸಾಯಿಲ್ಲೆಂ ಸರ್ಗ್ ಆಸಾ ಮ್ಹಳ್ಳೆಂ
ಕೆದಿಂಚ್ ಪಾತ್ಯೆನಾತ್‌ಲ್ಲೊಂ,
ಹಾಂವ್ ಪಾತ್ಯೆತಾಂ ಜ್ಯಾ ಸರ್ಗಾಕ್ ಜಾಕಾ ಹಾಂವ್ ಕೆದಿಂಚ್ ರಿಗಾಸೊನಾ.
ವ್ಹಯ್, ಹಾಂವ್ ಪಾತ್ಯೆತಾಂ ತ್ಯಾ ಸರ್ಗಾಕ್ ಸರ್ವ್ ಪೆಟ್ಯಾಸಂಯ್ಬಾಚೆಂ
ಖಂಯ್ಸರ್ ಮ್ಹಜೊ ಪೆಟೊ ಮ್ಹಜ್ಯಾ ಯೆಣ್ಯಾಕ್ ರಾಕೊನ್ ಆಸ್ತಲೊ
ಆಪ್ಲ್ಯಾ ಫೆನಾ ತಸ್ಲ್ಯಾ ಶಿಮ್ಟೆಕ್ ಹಾಲಯಿತ್ತ್, ಇಸ್ಟಾಗತೆಕ್.
ವೋಹ್!, ಹಾಂವ್ ನಿರಾಸೆವಿಶಿಂ ಉಲಯ್ನಾಂ ಹ್ಯಾ ಧರ್ತೆಚೆರ್,
ತೆಂಯ್ ಕೆದಿಂಚ್ ಚಾಕ್ರಿ ಕರುಂಕ್ ಆಶೆನಾತ್‌ಲ್ಲ್ಯಾ
ಎಕಾ ಸಾಂಗಾತಿಂಕ್ ಹೊಗ್ಡಾಯಿಲ್ಲೆಂ.
ತಾಚಿ ಇಸ್ಟಾಗಾತ್ ಮ್ಹಾಕಾ, ಜಶೆಂ ತ್ಯಾ ಸಾಳಿಪರಿಂ
ಸಾಂಡುನ್ ಆಪ್ಲ್ಯಾ ಅಧಿಕಾರಾಕ್,
ಇಸ್ಟಾಗಾತ್ ಜಾವ್ನಾಸ್ಲಿ ಎಕಾ ತಾರಾಚಿ, ಪಯ್ಸಿಲಿ,
ಸವೆಂ ಗರ್ಜೆಭಾಯ್ಲಿ ಸಳ್ಗಿ ನಾಸ್ತಾಂ,
ಸವೆಂ ಅತಿಶಯೋಕ್ತಿವಿಣೆಂ:
ತೊ ಕೆದಿಂಚ್ ಮ್ಹಜ್ಯಾ ಸರ್ವ್ ವಸ್ತ್ರಾಂಚೆರ್ ಚಡೊಂಕ್‌ನಾ,
ಆಂಗಾರ್ ಲೋಂವ್ ವಾ ರುವಾಂ ಝಡಂವ್ಕ್‌ನಾ,
ತಾಣೆಂ ಕೆದಿಂಚ್ ಮ್ಹಜ್ಯಾ ಪಾಂಯಾಂಕ್ ಗಸ್ಟುಂಕ್ ನಾ
ಜಶೆಂ ಹೆರ್ ಪೆಟೆ ಮತಿಂತ್ ಕಾಮುಕ್ಪಣಾನ್ ಭರ್ಚೆಪರಿಂ.
ನಾಂ, ಮ್ಹಜೊ ಪೆಟೊ ದೀಶ್ಟ್ ಖಂಚಯ್ತಾಲೊ ಮ್ಹಜೆರ್,
ಮ್ಹಾಕಾ ಗರ್ಜೆಪುರ್ತೆಂ ಗುಮಾನ್ ದಿವುನ್,
ಜೊ ಗುಮಾನ್ ಗರ್ಜೆಚೊ ಜಾವ್ನಾಸ್ಚೊ
ಮ್ಹಜೆತಸಲ್ಯಾ ಪೊಕೊಳ್ ಮನ್ಶ್ಯಾಕ್ ಸಮ್ಜಾಂವ್ಕ್
ಮ್ಹಳ್ಯಾರ್, ಏಕ್ ಪೆಟೊ ಜಾವ್ನ್‌ಯೀ, ತೊ ಅಪ್ಲೊ ವೇಳ್ ವಿಭಾಡ್ತಾಲೊ,
ಪುಣ್, ತ್ಯಾ ಮ್ಹಜ್ಯಾಕೀ ಚಡಿತ್ ನಿತಳ್ ದೊಳ್ಯಾಂನಿ
ಮ್ಹಾಕಾಚ್ ಪಳೆತ್ತಾಸ್ತಾಲೊ
ಜಿ ನದರ್ ಮ್ಹಾಕಾಚ್ ಎಕ್ಲ್ಯಾಕ್ ಅಮಾನತ್ ಕರುನ್
ಸರ್ವ್ ತಾಚೆಂ ಗೊಡ್ ಆನಿ ಖರ್ಕರಿತ್ ಜಿವಿತ್,
ಸದಾಂಚ್ ಮ್ಹಜೆ ಲಾಗಿಂ, ಕೆದಿಂಚ್ ಮ್ಹಾಕಾ ಧೊಸಿನಾಸ್ತಾಂ,
ಆನಿ ಕಿತೆಂಚ್ ವಿಚಾರಿನಾಸ್ತಾಂ.
ವೋಹ್!, ಕಿತ್ಲೆಶೆ ಪಾವ್ಟಿಂ ಮೊಸ್ರಾನ್ ಭರ್ಲಾಂ ತಾಚ್ಯಾ ಶಿಮ್ಟೆಚೆರ್
ಜಶೆಂ ಆಮಿ ’ಇಸ್ಲ ನೆಗ್ರಾ’ಚ್ಯಾ ಎಕ್ಸುರ್‍ಯಾ ಹಿಂವಾಳ್ಯಾಂತ್
ಸಾಂಗಾತಾ ಆಮಿ ನಂಯ್‌ಚ್ಯಾ ದೆಗೆರ್ ಚಲೊನ್ ಆಸ್ತಾನಾ
ಖಂಯ್ ಹಿಂವಾಳ್ಯಾಚಿಂ ಸುಕ್ಣಿಂ ಮೊಳ್ಬಾರ್ ಭರ್‌ಲ್ಲಿಂ
ಆನಿ ಮ್ಹಜೊ ಕೆಸಾಳೊ ಪೆಟೊ ಉಡ್ತಾಲೊ ಭಂವ್ತೊಣಿಂ
ನಂಯ್‌ಚ್ಯಾ ಸಂಚಾಲನಾಂತ್ ಭರ್‌ಲ್ಲ್ಯಾ ವೀಜ್ ಸಕ್ತೆಚೆಂ:
ಮ್ಹಜೊ ಭಂವ್ಚೊ ಪೆಟೊ, ಹುಂಗ್ಚೊ
ಅಪ್ಲಿ ಭಾಂಗ್ರಾಳಿ ಶಿಮ್ಟಿ ಊಂಚ್ ಉಭಾರುನ್,
ದರ್ಯಾಚ್ಯಾ ಶೆಣಾವ್ಣೆಸವೆಂ ಮುಖಾಮುಖಿಂತ್.
ಉಲ್ಲಾಸ್‌ಭರಿತ್, ಉಲ್ಲಾಸ್‌ಭರಿತ್, ಉಲ್ಲಾಸ್‌ಭರಿತ್,
ಕಿತ್ಯಾಕ್; ಪೆಟೆ ಮಾತ್ರ್ ಜಾಣಾಂತ್ ಕಶೆಂ ಸಂತೊಸ್ ಪಾವೊಂಕ್
ಫಕತ್ತ್ ಸ್ವಯಂ ನಿಯಂತ್ರಣಾಚ್ಯಾ
ತಾಂಚ್ಯಾ ಲಜ್ ನಾತ್‌ಲ್ಲ್ಯಾ ಸ್ಪಿರಿತಾನ್.
ಹಾಂಗಾ ಅಧೇವ್ಸ್ ಆಸ್ಚೆ ನಾಂತ್ ಮ್ಹಜ್ಯಾ ಪೆಟ್ಯಾಕ್ ಜೊ ಮೆಲಾ,
ಆನಿ ಆಮಿ ಆತಾಂ ವಾ ಕೆದಿಂಚ್ ಎಕಾಮೆಕಾ ಫಟಂವ್ಕ್ ನಾ.
ದೆಕುನ್ ಆತಾಂ ತೊ ಗೆಲಾ ಆನಿ ಹಾವೆಂ ತಾಕಾ ಪುರ್ಲಾ,
ಆನಿ ಇತ್ಲೆಂಚ್ ಹಾಂಗಾಸ್ಚಾಂತ್ಲೆಂ.
ಮೂಳ್ ಸ್ಪ್ಯಾನಿಶ್: ಪ್ಯಾಬ್ಲೊ ನೆರುಡಾ
(12 ಜುಲಾಯ್ 1904 - 23 ಸಪ್ತೆಂಬರ್ 1973)
ಕೊಂಕ್ಣೆಕ್: ವಲ್ಲಿ ಕ್ವಾಡ್ರಸ್
ಏಕ್ ಪೆಟೊ ಮೆಲಾ - ಚಿಲಿ ದೇಶಾಚೊ ಕವಿ ಪ್ಯಾಬ್ಲೊ ನೆರೊಡಾ (ಜುಲಾಯ್ 12, 1904 ಸಪ್ತೆಂಬರ್ 23, 1973) ಹಾಣೆಂ ಬರಯಿಲ್ಲ್ಯಾ ’A Dog has died' ಕವಿತೆಚೆಂ ತರ್ಜಣ್ ಹೆಂ ಜಾವ್ನಾಸಾ;
- ªÀ°è PÁéqÀæ¸ï.
’ಇಸ್ಲಾ ನೆಗ್ರಾ’: ನಂಯ್‌ಚ್ಯಾ ತಡಿಚೆರ್ ಪ್ಯಾಬ್ಲೊ ನೆರುಡಾನ್ ವಸ್ತಿ ಕೆಲ್ಲೆಂ ಅನ್ಯೇಕ್ ಘರ್.
Kovithadaaiz: 1,2,3,4,5,6,7,8, 9,10,11,12,13,14,15,16,17,18,19,20,21,22,23,24,25
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
© ಆಶಾವಾದಿ ಪ್ರಕಾಶನ್ ಸರ್ವ್ ಹಕ್ಕಾಂ ರಾಕೊನ್ ದವರ್ಲ್ಯಾಂತ್.
More in Daaiz
ಕವಿತಾकविताPoem Nov 2006
ಪರತ್ ಆಯ್ಲ್ಯಾರೇ ದಿವಾಳಿ
ಕವಿತಾकविताPoem Nov 2006
ಕಿತ್ಲೆ ವೇಸ್?
ಕವಿತಾकविताPoem Nov 2006
ಮೊಗಾಚೊ ಘಾತ್
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.