ಹೆರಿಬೋಯ್‌ಚಿ

ಹೆರಿಬೋಯ್‌ಚಿ ನವಿ ಸಿಡಿ "ಕ್ರಿಸ್ಟಲ್ ಕೊಂಕಣಿ ಹಿಟ್ಸ್" ಮೊಕ್ಳಿಕ್

82 ವರ್ಸಾಂ ಪ್ರಾಯೆಚೊ ಕೊಂಕ್ಣಿ ಕಲಾಕರ್ "ಕೊಮೆಡಿ ಕಿಂಗ್" ಮ್ಹಣ್ ನಾಂವಾಡ್ದಿಕ್ ಹಾಚಿ ತಿಸ್ರಿ ಸಂಗೀತ್ ಕೊವ್ಳಿ "ಕ್ರಿಸ್ಟಲ್ ಕೊಂಕಣಿ ಹಿಟ್ಸ್" ನಾಂವಾಚಿ ಸಂಗೀತ್ ಸಿಡಿಚೆಂ ಮೋಕ್ಳಿಕ್ ಕಾರ್ಯೆಂ ಹ್ಯಾಚ್ಚ್ ಆಗಸ್ಟ್ 28 ತಾರಿಕೆರ್ ಕಲೀನಾ ಇಗರ್ಜೆ ಸಭಾಸಲಾಂತ್ ಚಲ್ಲೆಂ. ಬಾಯ್ಕಾಲಾ ಗ್ಲೋರಿಯಾ ಇಗರ್ಜೆಚೊ ವಿಗಾರ್ ಬಾಪ್ ರೊಕಿ ಡೆ’ಸಾ ಹಾಣೆ ಸಿಡಿ ಮೊಕ್ಳಿಕ್ ಕರುನ್ "ಕೊಂಕ್ಣಿ ಭಾಸ್ ಆಮ್ಚ್ಯಾ ಘರಾಂನಿ ಆಮಿ ಉಲಂವ್ಕ್‌ಜಾಯ್ ಆನಿ ಆಮ್ಚ್ಯಾ ಫುಡ್ಲ್ಯಾ ಪಿಳ್ಗೆಕ್ ಪಾಂವಂವ್ಕ್ ಜಾಯ್." ಮ್ಹಣ್ ಉಲೊ ದಿಲೊ.

$Placeholder: the original page gave this picture no description, and none has been written yet. It came from daaiz\daaiz\special\news\mumbai.asp.$ $Placeholder: the original page gave this picture no description, and none has been written yet. It came from daaiz\daaiz\special\news\mumbai.asp.$ $Placeholder: the original page gave this picture no description, and none has been written yet. It came from daaiz\daaiz\special\news\mumbai.asp.$ $Placeholder: the original page gave this picture no description, and none has been written yet. It came from daaiz\daaiz\special\news\mumbai.asp.$

ವೇದಿಚೆರ್ ಫಾಮಾದ್ ಸಂಗೀತ್‌ಗಾರ್ ಜೆರೊಮ್ ಡಿ’ಸೋಜಾಚಿ ಪತಿಣ್ ಆಗ್ನೆಸ್ ಡಿ’ಸೋಜಾ, ಶ್ರೀ ಬೆನೆಡಿಕ್ಟ್ ರೆಬೆಲ್ಲೊ ಆನಿ ಶ್ರೀ ಡೆನಿಸ್ ಡಿ’ಸೋಜಾ ಹಾಜರ್ ಆಸ್‌ಲ್ಲಿಂ.

ಗಾವ್ಪಿ ಐವನ್ ಡಿ’ಸೋಜಾ, ರಾಯನ್ ಡಿ’ಸೋಜಾ, ಸಂಗೀತ್ ನಿರ್ದೇಶಕ್ ಬೆಂಜಮಿನ್ ಮಿರಾಂದಾ ಆನಿ ಕವಿ ಆನ್ಸಿ ಪಾಲಡ್ಕಾ ಹಾಣಿ ಹೆರಿಬೋಯ್‌ಚ್ಯಾ ಯುವಸ್ಪಿರಿತಾಕ್ ಶಾಭಾಸ್ಕಿ ಪಾಟಯ್ಲಿ.

ದೆವಾದಿನ್ ಹೆಲೆನ್ ಡಿ’ಸೋಜಾಕ್ ಅರ್ಪಿಲ್ಲ್ಯಾ ಹ್ಯಾ ಸಿಡಿಂತ್ ಬಾರಾ ಪದಾಂ ಆಸಾತ್. ಹಾಂತ್ಲ್ಯಾ ಸಾಸ್ಣಾಚೊ ವಿಶೆವ್ ಪದಾಂತ್ ಕೊಂಕ್ಣಿ ಸಾಹಿತ್ಯ್, ಸಂಗೀತ್ ಆನಿ ಕಲೆಕ್ ಸೆವಾ ದೀವ್ನ್ ಅಮರ್ ಜಾಲ್ಲ್ಯಾ ಸುಪುತ್ರಾಂಚಿಂ ನಾಂವಾಂ ಕಾಡುನ್ ತಾಂಚೊ ವಾವ್ರ್ ವಾಖಾಣ್ಲಾ.

ಶ್ರೀ ಐವನ್ ಸಿಕ್ವೇರಾ, ರೀನಾ ಡಿ’ಸೋಜಾ, ಕ್ಲೇಮೆಂಟ್ ಲೋಬೊ, ವಿಲ್ಲಿಯಮ್ ಡಿ’ಸೋಜಾ, ರೋಬರ್ಟ್ ಸಿಕ್ವೇರಾ, ಎಲಿನಾ ಡಿ’ಸೋಜಾ, ರೋಯ್ಸಿ ಸಿಕ್ವೇರಾ, ಮೈಕಲ್ ಡಿ’ಸೋಜಾ, ರೋಹನ್ ಡಿ’ಸೋಜಾ ಹಾಣಿ ಹ್ಯಾ ಕೊವ್ಳೆಂತ್ ಆಪ್ಲೊ ತಾಳೊ ಮೆಳಯ್ಲಾ. ಬೆಂಜಮಿನ್ ಮಿರಾಂದಾನ್ ಸಂಗೀತ್ ನಿರ್ದೇಶನ್ ದಿಲಾಂ. ರೋನಿ ಬಂಯ್ದೂರಾನ್ ಹಿ ಕೊವ್ಳಿ ವಿಕ್ರಾಪಾಕ್ ಘಾಲ್ಯಾ.

ಕಾರ್ಯಾವಳ್ "ವಾಕೊಲಾಚೊ ತಾಳೊ"ಚೊ ಅಧ್ಯಕ್ಷ್ ಶ್ರೀ ವಿಲ್ಲಿಯಮ್ ಡಿ’ಸೋಜಾಚ್ಯಾ ಪ್ರಸ್ತಾವನಾದ್ವಾರಿಂ ಆರಂಭ್ ಜಾಲೆಂ. ಹೆರಿಬೋಯ್ಚಿ ನಾತ್ ಕುಮಾರಿ ಕ್ರಿಸ್ಟಲಾನ್ ಸರ್ವಾಂಕ್ ಫುಲಾಂಚೊ ತುರೊ ದೀವ್ನ್ ಸನ್ಮಾನ್ ಕೆಲೊ. ಶ್ರೀ ಕ್ಲೆಮೆಂಟ್ ಲೋಬೊನ್ ಆಪುರ್ಭಾಯೆನ್ ಕಾರ್ಯೆಂ ಚಲವ್ನ್ ವೆಲೆಂ. ಅಕ್ರೇಕ್ ಶ್ರೀ ವಿಲ್ಲಿಯಮ್ ಡಿ’ಸೋಜಾನ್ ಧನ್ಯವಾದ್ ಪಾಟಯ್ಲೆ.