ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಹಾಡ್ ಚೆಡ್ವಾ ಬುಡ್ಕುಲೊ
ಹ್ಯಾ ವಿಮರ್ಶ್ಯಾವಿಶಿಂ: ಚಾ.ಫ್ರಾ.ದೆ’ಕೋಸ್ತಾಚ್ಯಾ ಸಾಹಿತ್ಯಾಚೆರ್, ಪ್ರತ್ಯೇಕ್ ಜಾವ್ನ್ ಕವಿತೆಂಚೆರ್ ಮಂಗ್ಳುರಾಂತ್, ಬೊಂಬೊಯಾಂತ್, ಗೊಯಾಂತ್ ತಶೆಂ ಪರ್ಗಾಂವಾಂತ್ ಸಯ್ತ್ ಸಭಾರಾಂನಿ ಅಧ್ಯಯನ್ ಕೆಲಾಂ, ವಿಮರ್ಸೊ ಕೆಲಾ. ಪುಣ್ ಚಾ.ಫ್ರಾ.ದೆ’ಕೋಸ್ತಾಕ್ ವೆಕ್ತಿಗತ್ ಜಾವ್ನ್ ಜಿತ್ಲಿ ತಾಚಿಚ್ಚ್ ಪತಿಣ್ ವಳ್ಕತಾ/ಸಮ್ಜತಾ ತಿತ್ಲೆಂ ಹೆರ್ ಕೊಣ್ಯೀ ಸಮ್ಜೊಂಕ್ ಕಶ್ಟ್. ಆತಾಂ ನಂದಿನಿನ್ ಚಾ.ಫ್ರಾ.ದೆ’ಕೋಸ್ತಾಚ್ಯಾ ಎಕೆಕಾ ಕವಿತೆಚೆರ್ ಕೆಲ್ಲೊ ವಿಮರ್ಸೊ ಹಾಂಗಾಸರ್ ಆಮಿ ದಿತೆಲ್ಯಾಂವ್. ಎಕೆಕಾ ಆಂಕ್ಡ್ಯಾಂತ್ ಏಕ್ ಕವಿತಾ ತಶೆಂಚ್ ತ್ಯಾ ಕವಿತೆಚೆರ್ ಕೆಲ್ಲೊ ವಿಮರ್ಸೊ ಪರ್ಗಟ್ತಲೊ. ಕವಿತಾ ಸಮ್ಜೊಂಕ್ ತಶೆಂಚ್ ಬರಿಂ ಕವಿತಾ ರಚುಂಕ್ ಹೊ ವಿಮರ್ಸೊ ದಿಶ್ಟಾವೊ ಜಾತಲೊ ಮ್ಹಳ್ಳೊ ಆಮ್ಚೊ ಭರ್ವಸೊ. - ಸಂ.
ನಂದಿನಿ
ಚಾ.ಫ್ರಾ.ದೆ’ಕೋಸ್ತಾಚ್ಯಾ ’ದರ್ಯಾಕ್ ಉಜೊ ಪೆಟ್ಲಾ’ ಕವಿತೆಂಚೆರ್ ’ಕವಿತಾಪಾಠಾಚೆರ್ ಕೆಲ್ಲೆಂ ಅಧ್ಯಯನ್’
ಚಾ.ಫ್ರಾ.ದೆ’ಕೋಸ್ತಾಚ್ಯಾ ’ಪಣ್ತೆಚಿ ಪೆಲಿ’ ಬುಕಾಚೆರ್ ಕೆಲ್ಲೆಂ ಅಧ್ಯಯನ್
3. ಕಾಣಿ ಜಿಣಿ
8. ತಿಸ್ರೊ ಶಕುನಿ
9. ಸಾಡೊ
ಕಾಜಾರಾ೦ಚಾ ಸ೦ಧರ್ಬಾರ್
ಎಕೆಕ್ಲ್ಯಾಕ್ ಎಕೇಕ್ ರೂಚ್: ಥೊಡ್ಯಾ೦ಕ್
ಗದ್ದಳ್, ಥೊಡ್ಯಾ೦ಕ್ ನಾಚ್.
ಥೊಡಿ೦ ಸ೦ತೊಸ್ ಭಾ೦ಗಾರಾ೦ತ್
ಥೊಡಿ೦ ಕೆಕಿ೦ತ್, ಥೊಡಿ೦
ಖಾಣಾ೦ತ್, ಥೊಡಿ೦ ಪಿಯೊಣ್ಯಾ೦ತ್
ಪುಣ್ ಖ೦ಯ್ಚ್ಯೆಯ್
ವೊಕ್ಲೆಕ್ ಸ೦ತೊಸ್ ದೊಡ್ತೊ
ಆ೦ಗಾರ್ ಆಸ್ಲ್ಯಾರ್ ಸಾಡೊ.
ಕಾಜಾರಾಚೊ ಸಂಭ್ರಮ್ ಎಕಾ ಕುಟ್ಮಾ ಜಿವಿತಾಚಿ ಸುರ್ವಾತ್. ದೆಕುನ್ ಕಾಜಾರ್ ಕೊಣಾಚೆಂಯಿ ಜಾಂವ್ ಸರ್ವಾಂಕ್, ಪಯ್ಸ್ ರಾವೊನ್ ದೆಕ್ತೆಲ್ಯಾಕ್ಯಿ ಸಂಭ್ರಮ್ಚ್ ಸಂಭ್ರಮ್! ಕಾಜಾರಾಚ್ಯಾ ದಬಾಜ್ಯಾಂತ್ ಎಕೆಕೆ ವೆಕ್ತಿಕ್ ಎಕೆಕೆ ಸಂಗ್ತಿಚೆರ್ ಸಂತೊಸ್. ಕೊಣಾಕ್ ಗದ್ದಳಾಯ್, ಕೊಣಾಕ್ ಖಾಣ್ಜೆವಣ್, ಕೊಣಾಕ್ ನ್ಹೆಸಣ್, ಕೊಣಾಕ್ ಭಾಂಗಾರ್, ಕೊಣಾಕ್ ಪೀವನ್! ಹರ್ಎಕ್ಲೆಂಯಿ ಧಾದೊಶಿ!! ಪುಣ್ ವ್ಹಕ್ಲೆಕ್ ಮಾತ್ ತಿಚೊ ಸಂಭ್ರಮ್ ದೊಡೊ ಕರುಂಕ್ ಸಾಡೊಚ್ ಜಾಯ್!
ಸಾಡೊ ನಾತ್ಲ್ಲೆಂ ಕಾಜಾರ್ ಕೊಣೆಂ ಪಳೆಲಾಂ? ಸಾಡೊ ನಾ ತರ್ ವ್ಹಕಲ್ ನಾ, ವ್ಹಕಲ್ ನಾ ತರ್ ವ್ಹರೆತ್ ಕಿತ್ಯಾಕ್ ಆನಿ ಕಾಜಾರ್ ಕಿತ್ಯಾಕ್? ತರ್ಯಿ ತೊ ಜಾಯ್ ವ್ಹಕ್ಲೆಕ್ ಆನಿ ವ್ಹಕ್ಲೆಕ್ ಮಾತ್! ಅಶೆಂ ಎಕಾ ಸಾಡ್ಯಾಚೆರ್ ಹಿ ಲ್ಹಾನ್ ಕವಿತಾ ನವ್ ವೊಳಿಂನಿ ವಿಣುನ್ ಹಾಡ್ಲ್ಯಾ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications