’ಎಲ್ಡಿ’

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ ’ದಾಯ್ಜ್’ ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಕೊಂಕ್ಣಿ ಕವಿತಾ ಕ್ವಿಜ್- 8

ಶರೊ: ಕೊಂಕ್ಣಿ ಕವಿತಾವಿಶಿಂ ವಾಚ್ಪ್ಯಾಂಕ್ ಚಡಿತ್ ಮಾಹೆತ್ ದಿಂವ್ಚಾ ಇರಾದ್ಯಾನ್ ಹೊ ಸ್ಪರ್ಧೊ ಆಸಾ ಕೆಲಾ ಶಿವಾಯ್ ಕೊಣಾಯ್ಚೆಂಯ್ ಉಣೆಂಪಣ್ ಕರುಂಕ್ ವ ದುಖಂವ್ಕ್ ಭಿಲ್ಕುಲ್ ನ್ಹಂಯ್. ಹ್ಯಾ ಧಾ ಸವಾಲಾಂಕ್ ಸಾರ್ಕ್ಯೊ ಜಾಪಿ ಧಾಡ್ನ್ ದೀಂವ್ಕ್ ಅಖ್ರೇಚಿ ತಾರಿಕ್: 15 ನವೆಂಬರ್ 2006.

ಪಯ್ಲೆಂ ಇನಾಮ್: ಸಾಗೊರಾಚ್ಯಾ ವಾಟೆಚ್ಯೊ ಝರಿ ಬೂಕ್ [ಶೆಂಭೊರ್ ಕವಿತಾಂಚೊ ಕೊಂಕ್ಣೆಂತ್ಲೊ ಪಯ್ಲೊ ಕವಿತಾಜಮೊ].
ದುಸ್ರೆಂ ಇನಾಮ್: ಎಚ್ಚೆಮ್ ಹಾಚೊ ಕವಿತಾಜಮೊ - ಬಾಮುಣಾಚೆಂ ಚೆಡುಂ.
ತಿಸ್ರೆಂ ಇನಾಮ್: ’ದಿವೊ’ ಪತ್ರಾಚಿ ಎಕಾ ವರ್ಸಾಚಿ ವರ್ಗಣಿ.

ಜಾಪಿ ಧಾಡುಂಕ್ ವಿಳಾಸ್: daaiz@daaiz.com

1. ಕೊಂಕ್ಣೆಂತ್ ’ಎಲ್ಡಿ’ ಲಿಖ್ಣೆ ನಾಂವಾರ್ ಕವಿತಾ ಬರಂವ್ಚೊ ಕವಿ.
[a> ಡೊಲ್ಫಿ ಕಾಸ್ಸಿಯಾ b> ಡೊಲ್ಲಾ ನಂದಿಗುಡ್ಡ c> ಲಿಯಾಬ್ d> ಡೇವಿಡ್ ಲುವಿಸ್ e> ಲ್ಯಾನ್ಸಿ ಪಿಂಟೊ ನಾಯಕ್]

2. ಅನಿಲ್ ಪೆರ್ನಾಲ್ ಹಾಚಾ ಪಯ್ಲ್ಯಾ ಕವಿತಾಜಮ್ಯಾಚೆಂ ನಾಂವ್.
[a> ಪಿಸೊಳಿಂ b> ಕೆಸೊಳಿ c> ಗೊಸಾಳಿಂ d> ಕಾಸುಳಿ e> ಪಿಕುಳಿಂ]

3. ಕಾನಡಿ ಲಿಪಿಯೆಚಾ ಕೊಂಕ್ಣೆಂತ್ಲೆಂ ಪಯ್ಲೆಂ ಕವಿತಾಚೆಂ ಅಧ್ಯಯನ್ ಪುಸ್ತಕ್ ಖಂಚೆಂ?.
[a> ದರ್ಯಾಕ್ ಉದಾಕ್ b> ಕವಿತಾಪಾಠ್ ಭಾಗ್-1 c> ಸೊಂಶ್ಯಾಚೆ ಕಾನ್ d> ಅಬ್ರಾಂವ್ಚೆಂ ಯಜ್ನ್‌ದಾನ್ e> ಕೊಂಕ್ಣಿ ದಿರ್ವೆಂ]

4. ’ಎಚ್ಚೆಮ್’ ಲಿಖ್ಣೆನಾಂವಾರ್ ಕವಿತಾ ಬರಂವ್ಚೊ ಹೊ ಏಕ್ ಕಾಣ್ಯೆಗಾರ್ ಸಯ್ತ್.
[a> ಹೆರಾಲ್ಡ್ ಮಸ್ಕರೇಞ್ b> ಹೆನ್ರಿ ಮಿನೇಜಸ್ c> ಹೆನ್ರಿ ಮೆಂದೊಸ್ d> ಹೇಮಾಚಾರ್ಯ e> ಮೆಲ್ವಿನ್ ಜೆ. ವಾಸ್]

5. ಜೆ.ಬಿ.ಮೊರಾಯಸ್ ಹಾಚ್ಯಾ ತಿಸ್ರ್ಯಾ ಕವಿತಾಜಮ್ಯಾಚೆಂ ನಾಂವ್.
[a> ಆಳುಂ ದೆಂಟೊ b> ದೆಂಟೊ ಆನಿ ಕಾಂಟೊ c> ಏಕ್ ಧೇಂಟ್ ಆನಿ ಏಕ್ ಪಾನ್ d> ದೇಂಟ್ ಆನಿ ಕಾಂಟ್ e> ಭಿತರ್ಲೆಂ ರುದಾನ್]

6. ಜೆ.ಬಿ.ಸಿಕ್ವೇರಾ ಜಾವ್ನಾಸಾ ನಾಂವಾಡ್ದಿಕ್.
[a> ಕಾದಂಬರಿಕಾರ್ b> ಕವಿ c> ನಾಟಕಿಸ್ತ್ d> ವಿಮರ್ಶಕ್ e> ಸಂಪಾದಕ್ ]

7. ’ಗೊವೆತ್’ ಕವಿತಾಜಮ್ಯಾಚೊ ಕವಿ.
[a> ಡೊಲ್ಲಾ ನಂದಿಗುಡ್ಡಾ b> ಬೆಂಡ್ಕಾರ್ ಹೆರಿ ಸೋಜ್ c> ರಿಚ್ಚಿ ಪಿರೇರ್ d> ಅವಿಲ್ ರಾಸ್ಕೀನ್ಹಾ e> ಡಾ|ಎಡ್ವರ್ಡ್ ನಜ್ರೆತ್]

8. ಹೆನ್ರಿ ಎಮ್ ಪೆರ್ನಾಲ್ ಹಾಚ್ಯಾ ಪಯ್ಲ್ಯಾ ಕವಿತಾಜಮ್ಯಾಚೆಂ ನಾಂವ್.
[a> ಚಲ್ಯಾಂಕ್ ಚತ್ರಾಯ್ b> ಕುಬೆ ಆನಿ ಮುಟ್ಲಿಂ c> ದರ್ಯಾಚಿಂ ಸ್ವಾಧಿಕ್ ಲ್ಹಾರಾಂ d> ಪಾಡೆ e> ಪೆರ್ನಾಳ್ಚೆ ಕಳೆ]

9. ಸ್ತ್ರೀ ಸಂವೇದನ್ ಕವಿತಾ ಬರಂವ್ಚಾಂತ್ ನಾಂವ್ ವೆಲ್ಲಿ ಕವಯತ್ರಿ.
[a> ಜುಡಿತ್ ಪಿರೇರಾ b> ಐರಿನ್ ಕ್ಯಾಸ್ತಲಿನೊ c> ಶಾಲಿನಿ ವಾಲೆನ್ಸಿಯಾ d> ವಾಯ್ಲೆಟ್ ಜೆ. ಪಿರೇರಾ e> ಅವಿನಾ ಮಿಯಾರ್]

10. ದಾಯ್ಜ್ ವರ್ಸಾಚೊ ಕವಿ 2006 ಜಾವ್ನ್ ವಿಂಚೊನ್ ಆಯಿಲ್ಲೊ.
[a> ವಿಲ್ಸನ್ ಕಟೀಲ್ b> ಎಚ್ಚೆಮ್ c> ಮ್ಯಾಕ್ಸಿಮ್ ಲೋಬೊ d> ಮೆಲ್ವಿನ್ ಜೆ. ವಾಸ್ e> ರೋಬರ್ಟ್ ಫೆರ್ನಾಂಡಿಸ್]

ಫಳಿತಾಂಶ್

ಭಾಗ್ ಘೆತ್‌ಲ್ಲಿಂ: 24

ಸಾರ್ಕಿ ಜವಾಬ್ ದಿಲ್ಲ್ಯಾಂಚಿಂ ನಾಂವಾಂ:
1. ಎಲ್. ಮೊನಿಜ್ [ಇನಾಮ್: ’ಸಾಗೊರಾಚ್ಯಾ ವಾಟೆಚ್ಯೊ ಝರಿ’ ಬೂಕ್]

2. ರೊಜಿಟಾ ನಜ್ರೆತ್, ಮಿರಾ ರೋಡ್.

3. ಸನ್ನೇಶಿ ಬೊಳಿಯೆ, ತಾರ್ದೇವ್ [ಇನಾಮ್: ’ಬಾಮುಣಾಂಚೆಂ ಚೆಡುಂ’ ಬೂಕ್]

4. ಸಿರಿಲ್ ಡಿ’ಸೋಜ್, ಮುಂಬಯ್ [ಇನಾಮ್: ಎಕಾ ವರ್ಸಾಚಿ ’ದಿವೊ’ ಪತ್ರಾಚಿ ವರ್ಗಣಿ]

[7 ಜಣಾಂನಿ ಏಕ್ ಚೂಕ್ ಕೆಲ್ಯಾ, 9 ಜಣಾಂನಿ ದೋನ್ ಚುಕಿ ಕೆಲ್ಯಾತ್ ಆನಿ 3 ಜಣಾಂನಿ ದೋನ್ ಚುಕಿ ಕೆಲ್ಯಾತ್, ಎಕ್ಲ್ಯಾನ್ ತೀನ್ ಚುಕಿ ಕೆಲ್ಯಾತ್. ಹ್ಯಾ ಸ್ಪರ್ಧ್ಯಾಂತ್ ಭಾಗ್ ಘೆತ್‌ಲ್ಲ್ಯಾ ಸರ್ವಾಂಕ್ ಉಲ್ಲಾಸ್. ಇನಾಮಾಂ ಜೊಡ್‌ಲ್ಲ್ಯಾಂನಿ ತಾಂಚೊ ಜೊಕ್ತೊ ವಿಳಾಸ್ ಧಾಡ್ಲಾ ತರ್ ವಯ್ಲೆ ಬೂಕ್ ತ್ಯಾ ವಿಳಾಸಾಕ್ ಆಮಿ ಧಾಡುನ್ ದಿತೆಲ್ಯಾಂವ್ - ಸಂ.]

ರೆಗ್ರೊ:
1. ಸ್ಪರ್ಧ್ಯಾಂತ್ ಕೊಣೆಂಯ್ ಭಾಗ್ ಘೆವ್ಯೆತ್.
2. ಭಾಗ್ ಘೆತೆಲ್ಯಾಂನಿ ಸಾರ್ಕೆಂ ನಾಂವ್, ವಿಳಾಸ್, ಸಂಪರ್ಕ್ ವಿವರ್ ಕಳಂವ್ಚೊ.
3. ಜವಾಬಿ ಬರವ್ನ್ ಧಾಡಿಜಾಯ್ ಮ್ಹಣೊನ್ ನಾ ಬಗಾರ್ ಸಂಖೊ ಆನಿ ಸಾರ್ಕ್ಯಾ ಜವಾಬೆಕ್ ಕಳಾಯ್ಲ್ಯಾರ್ ಪುರೊ.

[ದಾಕ್ಲೊ: ಸವಾಲ್ 11. ಹೊ ಕೊಂಕ್ಣೆಂತ್ ಕವಿತಾ ಬರಂವ್ಚಾಂತ್ ಫಾಮಾದ್ ಜಾಲ್ಲೊ. a> ಚಾ.ಫ್ರಾ b> ಖಡಾಪ್ c> ಜೆರಿ ಕುಲ್ಶೇಕರ್ d> ವಿಕ್ಟರ್ ರೋಡ್ರಿಗಸ್ e> ಗಬ್ಬು ಉರ್‍ವಾ] ಹಾಚಿ ಜೊಕ್ತಿ ಜವಾಬ್ a> ತರ್ ತುಮಿಂ ಆಮ್ಕಾಂ 11[a] ಮ್ಹಳ್ಳಿ ಜಾಪ್ ದಿಲ್ಯಾರ್ ಪಾವ್ತಾ.]

4. ಸಾರ್ಕ್ಯೊ ಜಾಪಿ ಧಾಡ್ಲೆಲ್ಯಾಂಚಿಂ ನಾಂವಾಂ ಪರ್ಗಟ್ ಕರ್ತೆಲ್ಯಾಂವ್ - ಪತ್ರ್ ವೆವ್ಹಾರಾಕ್ ಆವ್ಕಾಸ್ ಆಸ್ಚೊನಾ.
5. ಸಾರ್ಕ್ಯೊ ಜಾಪಿ ಧಾಡ್ಲೆಲ್ಯಾಂ ಮಧೆಂ ಎಕ್ಲ್ಯಾಚೆಂ ನಾಂವ್ ವಿಂಚುನ್ ಕಾಡ್ನ್ ಇನಾಮ್ ದಿತೆಲ್ಯಾಂವ್.

ಆಧ್ಲೆ ಕ್ವಿಜ್: 1, 2, 3, 4, 5, 6, 7

ದಾಯ್ಜ್ ಪಾನಾಕ್

[ಮಿಕ್‌ಮ್ಯಾಕ್ಸ್]

[8. ವಲ್ಲಿ]

[7. ಮಾನೆಸ್ತ್]