ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ರಾಂದ್ಪಾವೋಳ್
ದಾಯ್ಜ್ ಕುಜ್ನ್:ದಾಯ್ಜ್ಚೊ
ಪ್ರಮುಖ್ ಇರಾದೊ ಕೊಂಕ್ಣಿ ಸಾಹಿತ್ಯಾಚೊ ತರ್ಯ್ ವಾಚ್ಪ್ಯಾಂಚಾ ಪಸಂದೆಖಾತಿರ್ ಆಸಾ ಕೆಲ್ಲ್ಯಾ ದಾಯ್ಜ್ ಕುಜ್ನಾಂತ್ ಆಮ್ಚಾ ಮಾಂಯ್ಗಾಂವ್ಚಾ ಎಕೆಕಾಚ್ ಖಾಣಾ-ರಾಂದ್ಪಾಚೊ, ತಾಚಾ ತಯಾರಾಯೆಕ್ ಗರ್ಜೆಚ್ಯೊ ವಸ್ತು ತಶೆಂಚ್ ತೆಂ ಕಶೆಂ ರಾಂದ್ಚೆಂ ಮ್ಹಳ್ಳೆಂ ವಿವರ್ಚಾ ಇರಾದ್ಯಾನ್ ಹಿ ವೋಳ್ ಆಸಾ ಕೆಲ್ಯಾ,
ರಾಂದ್ಪಿಣ್: ಹರ್ಯೆಕಾ ಮಯ್ನ್ಯಾಂತ್, ತಿಚೆಂ ತಶೆಂಚ್ ಸಂಪಾದನ್ ಕೆಲ್ಲೆಂ ಹೆರಾಂಚೆಂ ಎಕೆಕ್ ನವೆಂ ರಾಂದಾಪ್ ತುಮ್ಚೆಮುಖಾರ್ ಹಾಡ್ನ್ ಯೆತೆಲೆಂ ಫೆರಾರ್ ಫಿರ್ಗಜೆಚೆಂ ಬಾಯ್ ಪ್ರಿಯಾ ಸಿಕ್ವೇರಾ. ತುಮ್ಕಾಂಯ್ ಹಾಂತುಂ ತುಮ್ಚಿಂ ರಾಂದ್ಪಾಂ ಧಾಡುಂಕ್ ಆಸಾತ್ ತರ್ ತಿಂ ತುಮಿಂ priya@daaiz.com ವಿಳಾಸಾಕ್ ಧಾಡ್ಯೆತಾ. ವಿಂಚ್ಣಾರ್ ಬರ್ಪಾಂಕ್ ಎಕ್ಟಾಂವ್ನ್ ಎಕಾ ಬುಕಾರುಪಾರ್ ಪರ್ಗಟ್ ಕರ್ಚೆಂ ಯೋಜನ್ಯ್ ಆಸ್ತೆಲೆಂ.
ಪ್ರಿಯಾ ಸಿಕ್ವೇರಾ
ರಾಂದ್ಪಾವೋಳ್ - 14. ಎಗ್ಗ್ ಮಸಾಲಾ [- ಜೇನ್ ಡಿ’ಸೋಜ್]
ಮಿಲಾರ್ ಫಿರ್ಗಜೆಚಿ ಬಾಯ್ ಜೇನ್ ಡಿ’ಸೋಜ್ ಕೊಂಕ್ಣೆಂತ್ಲ್ಯಾ ಫಾಮಾದ್ ಸಾಹಿತ್ಕಾರ್ ಎಡ್ವಿನ್ ಜೆ.ಎಫ್.ಡಿ’ಸೋಜಾಚಿ ಪತಿಣ್ ಆನಿ ಬರವ್ಪಿಣ್ ಸಯ್ತ್. ಹಿಚೆ ಹವ್ಯಾಸ್ ಸಭಾರ್, ಸ್ಟ್ಯಾಂಪ್ ಕಲೆಕ್ಶನ್, ಗಾರ್ಡನಿಂಗ್, ತಶೆಂಚ್ ರಾಂದಾಪ್. ಎದೊಳ್ಚ್ಚ್ ಹಿಚ್ಯಾ ವಿಂಚ್ಣಾರ್ ರಾಂದ್ಪಾಂಚೊ ಬೂಕ್ ಪರ್ಗಟ್ಲಾ. ಕೊಂಕ್ಣಿ ಸಾಹಿತ್ಯಾಚಿ ಅಭಿಮಾನಿ ಜಾವ್ನಾಸ್ಚಾ ಜೇನ್ ಡಿ’ಸೋಜಾಚೆಂ ’ರುಮ್ಡಿ ಫುಲಾಂ’ ಭೋವ್ ಲೊಕಾಮೊಗಾಳ್ ಅಂಕಣ್.
- ಪ್ರಿಯಾ ಸಿಕ್ವೇರಾ, ಫೆರಾರ್
ಜೇನ್ ಡಿ’ಸೋಜ್
ಗರ್ಜೆಚ್ಯೊ ವಸ್ತು:
4. ತಾಂತಿಯಾಂ
1. ವ್ಹಡ್ಲೊ ಪಿಯಾವ್
4. ಚಾಚಿಂ ಕುಲೆರಾಂ ಕನ್ಪಿರೆಚೊ ಪಿಟೊ
1" ಚಾಚೆಂ ಕುಲೆರ್ ಮಿರ್ಸಾಂಗೆ ಪಿಟೊ
1" ಕುಡ್ಕೊ ಆಲೆಂ
ಮೀಟ್, ಶಿರ್ಕೊ ರುಚಿಪರ್ಮಾಣೆ
1/4 ಕಿಲೊ ಟೊಮೆಟೊ
1 ಕುಲೆರ್ ಹಳ್ದಿ ಪಿಟೊ
ಚಿಮ್ಟಿಭರ್ ಹಲ್ದಿ ಪಿಟೊ
ಚಿಮ್ಟಿಭರ್ ಗರಮ್ ಮಸಾಲಾ ಪಿಟೊ
ಥೊಡಿಂ ಕನ್ಪಿರ್ ಭಾಜಿಯೆಚಿಂ ಪಾನಾಂ
ರಾಂದ್ಪಾಚಿ ರೀತ್:
ತಾಂತ್ಯಾ ಉಕ್ಡೊನ್ ಕರ್ಲಾಂ ಲಾಂಬಾಯೆನ್ ಅರ್ದಾಂ ಕರ್, ತೇಲ್ ತಾಪವ್ನ್ ಅರ್ದೊ ಶಿಂದ್ಲ್ಲೊ ಪಿಯಾವ್ ತಾಂಬ್ಸೊ ಜಾತಾ ಪರ್ಯಾಂತ್ ಭಾಜ್. ಉಪ್ರಾಂತ್ ಪಿಟೆ ಘಾಲ್ನ್ ಭಾಜ್, ಗರ್ಜ್ ಪಡ್ಲ್ಯಾರ್ ಇಲ್ಲೆಶೆಂ ಉದಾಕ್ ಭರ್ಶಿ. ಉಪ್ರಾಂತ್ ಉರ್ಲ್ಲೊ ಪಿಯಾವ್, ಚೆಂಚ್ಲ್ಲೆಂ ಆಲೆಂ, ಮೀಟ್, ಲ್ಹಾನ್ ಕುಡ್ಕೆ ಕೆಲ್ಲೆ ಟೊಮೆಟೊ ಘಾಲ್ನ್ ಥೊಡಿಂ ಮಿನುಟಾಂ ಭಾಜ್, ಜಾಯ್ ಪುರ್ತೆಂ ಉದಾಕ್ ಘಾಲ್ನ್ ಕಡಿ ದಾಟ್ ಜಾತಾ ಪರ್ಯಾಂತ್ ದವರ್. ತವಳ್ ತವಳ್ ಚಾಳ್ನ್ಚ್ ರಾವ್. ಶಿರ್ಕೊ ಘಾಲ್ನ್ ಭಾರ್ಶಿ. ಉಪ್ರಾಂತ್ ತಾಂತ್ಯಾಂ ಘಾಲ್ನ್ ಉಜ್ಯಾ ವಯ್ಲೆಂ ಕಾಡ್. ಮೆಜಾರ್ ಮಾಂಡ್ತಾನಾ ಕನ್ಪಿರ್ ಭಾಜಿ ಶಿಂಪ್ಡಾಯ್.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
