ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಏಡ್ಸ್ - ಸಂಸಾರಾಚಾ ಸಂಪ್ಣೆಕ್ ಕಾರಾಣ್ ಜಾಯ್ತ್?
ವಲ್ಲಿ ಕ್ವಾಡ್ರಸ್
ದಾಯ್ಜ್ ವಿಶೇಷ್ ಲೇಖನ್ [ಮೂಳ್ - ಸಿ.ಎನ್.ಎನ್]
"ಆಮಿಂ ಚಿಂತುನ್ ಆಸ್ಲ್ಲ್ಯಾಂವ್ ಏಡ್ಸ್ ಏಕ್ ಭಲಾಯ್ಕೆಕ್ ಸಂಬಂದ್ ಜಾಲ್ಲೊ ವಿಶಯ್, ಪುಣ್ ಆಮಿ ಚುಕ್ಲ್ಯಾಂವ್’
ಆಯ್ಲೆವಾರ್ ವಿಶ್ವ್ ಭಲಾಯ್ಕೆ ಸಂಸ್ಥೊ (ವರ್ಲ್ಡ್ ಹೆಲ್ತ್ ಓರ್ಗನೈಸೇಶನ್
WHO) ಹಾಣಿಂ ಕಾಡ್ಲ್ಲ್ಯಾ ಸಮೀಕ್ಶೆಪ್ರಕಾರ್ ಭಾರತ್ ದೇಸಾಂತ್ ಅತೀ ಚಡ್ ಏಡ್ಸ್ ಪಿಡೇಸ್ತ್ ಆಸಾತ್, ದುಸ್ರೆಂ ಸ್ಥಾನ್ ಆಫ್ರಿಕಾನ್ ಜೊಡ್ಲಾಂ. ಪುಣ್ ಹೆಂ ಲೇಖನ್ ಆಫ್ರಿಕಾಚಾ ಸಮಾಜೆಚೆಕ್ ಲಗ್ತಿ ಜಾಲ್ಲೆಂ ಜಾವ್ನಾಸಾ.
ಎದೊಳ್ ಪರ್ಯಾಂತ್ ಸಂಸಾರಾತ್ ಆಯಿಲ್ಲ್ಯಾ ಆತ್ಯಂತ್ ಭಯಾನಕ್ ಪಿಡಾ ಜಾವ್ನ್ ಏಡ್ಸ್ ಉದೆಲ್ಯಾ, ಸಂಸಾರ್ಭರ್ ಹ್ಯಾ ಪಿಡೆಕ್ ವಖ್ತಾಂ ಸೊಧುನ್ ಸೊಧುನ್ ಥಕ್ಲ್ಯಾತ್. ವಿಶ್ವ್ ಭಲಾಯ್ಕೆ ಸಂಸ್ಥೆ ತಸಲ್ಯಾ ಪ್ರತಿಶ್ಟಿತ್ ಸಂಸ್ಥ್ಯಾಂನಿ ಸಯ್ತ್ ಹಾತ್ ಉದಾರೆ ಕೆಲ್ಯಾತ್ ಮ್ಹಣ್ತಾನಾ ಹ್ಯಾ ಪಿಡೆಚೊ ಅಂದಾಜ್ ಕರ್ಯೆತಾ. ಪಯ್ಲೆಂ ಹ್ಯಾ ಪಿಡೆವಿಶಿಂ ಲೊಕಾಂಕ್ ಜೊಕ್ತಿ ಜಾಣ್ವಾಯ್ ಲಾಭ್ಲಿನಾ ತರ್ ಉಪ್ರಾಂತ್ ಹಿ ಪಿಡಾ ಪಾವ್ತಾನಾ ತಿ ಆಡಾಂವ್ಕ್ ಉಪಾವ್ ನಾಸ್ತಾಂ ಜಿಯೆಂವ್ಚೊ ಹರ್ಯೆಕ್ ಮನಿಸ್ ಹ್ಯಾ ಪಡಿವೊ ಶಿಕಾರಿ ಜಾಯ್ತ್ ತರ್ ಖಂಡಿತ್ ಜಾವ್ನ್ ವೆಗಿಂಚ್ ಸಂಸಾರಾಚಿ ಸಂಪ್ಣಿ ಜಾಂವ್ಚಾಂತ್ ದುಭಾವ್ ನಾ.
ಯುನಾಯ್ಟೆಡ್ ನೇಶನ್ಸ್ ಹಾಂಚಾ ಏಡ್ಸ್ ಸಂಸ್ಥ್ಯಾನ್
(UNAIDS - ಅಮೆರಿಕಾಚಾ ಪಾಂಚ್ ಸಂಸ್ಥ್ಯಾಂಚೊ ಪಂಗಡ್) ವಿಶ್ವ್ ಬ್ಯಾಂಕ್ ಆನಿ ವಿಶ್ವ್ ಭಲಾಯ್ಕೆ ಸಂಸ್ಥೊ ಹಾಂಚಾ ಆಧ್ಲ್ಯಾ ವರ್ಸಾಚಾ ಎಕಾ ಸಮೀಕ್ಶೆಚಾ ಪ್ರಕಾರ್,
34.4
ಮಿಲಿಯನ್ ಲೋಕ್ ಸಂಸಾರಾಂತ್ ಏಡ್ಸ್ ಪಿಡೆಂತ್ ವಳ್ವಳ್ತಾ. ತಾಂತುಂ
24.5
ಮಿಲಿಯನ್ ಲೋಕ್ ಆಫ್ರಿಕಾಂತ್ ಆಸಾ. ಸುಮಾರ್ 19
ಮಿಲಿಯನ್ ಲೋಕ್ ಎದೊಳ್ಚ್ ಹ್ಯಾ ಪಿಡೆಧ್ವಾರಿಂ ಮೆಲಾ, ಹಾಂತುಂ
3.8
ಮಿಲಿಯನ್ ಭುರ್ಗಿಂ 15
ವರ್ಸಾಂ ಸಕಯ್ಲಿಂ.
ಸಮೀಕ್ಶೆಚೊ ಇತರ್ ವಿವರ್:
* 5.4
ಮಿಲಿಯನ್ ನವೆ ಏಡ್ಸ್ ಪಿಡೇಸ್ತ್ 1999 ಂತ್, ತಾಂತುಂ
4
ಮಿಲಿಯನ್ ಆಫ್ರಿಕಾಂತ್.
* 2.8
ಮಿಲಿಯನ್ ಪಿಡೇಸ್ತ್ 1999 ಇಸ್ವೆಂತ್ ಮರಣ್ ಪಾವ್ಲೊ, ತಾಂತ್ಲೊ
85% ಆಫ್ರಿಕಾಚೊ ಲೋಕ್
* 13.2
ಮಿಲಿಯನ್ ಭುರ್ಗಿಂ ಏಡ್ಸ್ ಪಿಡೆಚಿಂ ಶಿಕಾರಿ ಜಾವ್ನ್ ಅನಾಥ್ ಜಾಲಿಂ, ಹಾಂತ್ಲೊ
12.2
ಮಿಲಿಯನ್ ಭುರ್ಗಿಂ ಆಫ್ರಿಕಾಂತ್ಲಿಂ.
* 2005- ಥಾವ್ನ್
2010 ಇಸ್ವೆಂತ್ ಆಫ್ರಿಕಾಂತ್ ಮನ್ಶಾಜಿಣ್ಯೆಚಿ ಸರಾಸರ್ ಆವ್ದಿ
59
ವರ್ಸಾಂ ಥಾವ್ನ್ 45
ವರ್ಸಾಂ ಭಿತರ್ಲಿ ತರ್ ಜಿಂಬಾಬ್ವೆಂತ್ 61 ಥಾವ್ನ್
33
ಪರ್ಯಾಂತ್.
* 1999 ಇಸ್ವೆಂತ್ ಜಿಂಬಾಬ್ವೆಂತ್
500000
ಬುರ್ಗ್ಯಾಂಚಾಕೀ ಚಡ್ ಬುರ್ಗ್ಯಾಂಕ್ ಆಪ್ಲ್ಯೆ ಆವಯ್ ಥಾವ್ನ್ ಹಿ ಪಿಡಾ ಆಯ್ಲಿ, ಹಾಂತ್ಲಿಂ ಚಡ್ತಾವ್ ಆಫ್ರಿಕಾಂತ್ಲಿಂ.
ಅಖ್ರೇಕ್ ಹ್ಯಾ ಮಾರೆಕಾರ್ ಪಿಡೆನ್ 30
ಮಿಲಿಯನ್ ಲೊಕಾಂಕ್ ಯುರೋಪಾಂತ್ ಜಿವೆಶಿಂ ಮಾರ್ಲೆಂ. ಅಮೆರಿಕಾಚಾ ಸೆನ್ಸಸ್ ಬ್ಯೂರೊನ್ ಸಾಂಗ್ಚೆಪ್ರಕಾರ್ ಏಡ್ಸ್ ಪಿಡಾ ಫುಡ್ಲ್ಯಾ ವರ್ಸಾಂನಿ ಸಂಸಾರಾಂತ್ ಲೊಕಾಂಚೊ ಸಂಕೊ ಉಣೊ ಕರುಂಕ್ ಕಾರಾಣ್ ಜಾತಲಿ,
2010 ಇಸ್ವೆ ತಿತ್ಲ್ಯಾಕ್, ಆಫ್ರಿಕಾಂತ್ಚ್ ಲಗ್ಬಗ್
71
ಮಿಲಿಯನ್ ಲೋಕ್ ಉಣೊ ಜಾತಲೊ..
ಹೊ ಸಂಖೊ ಅನಿಕ್ಯೀ ಚಡೊಂಕ್ ಸಾಧ್ಯತಾ ಆಸಾ.
’ಆಮಿಂ ಚಿಂತಾಂವ್ ಆಮಿ ಜಾನ್ವಾರಾಂ?’
[ಫಕತ್ತ್ ಅಪ್ಣಾಕ್
ಏಡ್ಸ್ ಪಿಡಾ ಆಸ್ಚಿ ಕಬೂಲ್ ಕೆಲ್ಲ್ಯಾಖಾತಿರ್ ದಾದ್ಲ್ಯಾಂನಿ ಹಿಕಾ
ಜಿವೆಶಿಂ ಮಾರ್ಲೊ]
ತಸ್ವೀರೆಂತ್ ಆಸ್ಚಿ ಗುಗು ದ್ಲಾಮಿನಿ - ಸೌತ್ ಆಫ್ರಿಕಾಚಿ ಏಕ್ ಬಾಯ್ಲ್ ಟಿವಿಚೆರ್ ಉಚಾರ್ತಾ - ವಿಶ್ವ್ ಏಡ್ಸ್ ದಿಸಾ ಅಪ್ಣಾಕ್ ಏಡ್ಸ್ ಆಸ್ಚಿ ಕಬೂಲ್ ಕೆಲ್ಲೆಖಾತಿರ್ ತಿ ಆಪ್ಲ್ಯಾ ಘರಾ ಯೆತೆಚ್ಚ್ ಸೆಜಾರ್ಚಾಂನಿ ಎಕ್ಟಾಂಯ್ ಜಾವ್ನ್ ತಿಕಾ ದರಬಸ್ತ್ ಮಾರ್ಲೆಂ
ಆನಿ ಲಗಾಡ್ ಕಾಡ್ಲೊ. ಅನ್ಯೇಕ್ಲೆಂ ಉಗಾಂಡಾಚೆಂ ಚೆಡುಂ ಕೆವಿನಾ, ಹಾಚಿಂ ಆವಯ್ ಬಾಪುಯ್ ದೊಗಾಂಯ್ ಏಡ್ಸ್ ಪಿಡೆಂತ್ ಮೆಲಿಂ,
14 ವರ್ಸಾಂಚಾ ಪ್ರಾಯೆರ್ ಅಪ್ಲ್ಯಾ ಚಾರ್ ಲ್ಹಾನ್ ಭಾವಾಂಚಿ, ತೆಗಾಂ ಭಯ್ಣ್ಯಾಂಚಿ ತಶೆಂಚ್
84
ವರ್ಸಾಂಚಾ ಆಜ್ಯಾಚಿ ಜವಾಬ್ಧಾರಿ. ತಾಂಚೆಲಾಗಿಂ ಪೊಯ್ಶೆ ನಾಂತ್, ಖಾಣ್ ನಾ, ಭಲಾಯ್ಕೆಚಿ ಖಂತ್ ಆಸಾ, ವಾಹನ್ ವೆವಸ್ಥಾಕ್ ಪೊಯ್ಶೆ ನಾಂತ್. ತಾಂಚೆಂ ಘರ್ ಪೊಂವ್ತಾ ಆನಿ ಸೆಜಾರ್ಚಿಂ ಸಭಾರ್ ಪಾವ್ಟಿಂ ತಾಂಚಾ ಘರ್ಚಿಂ ಲಾಂಕ್ಡಾಂ ಸಯ್ತ್ ಚೊರ್ತಾತ್..
"ಟಿಚರಾಂ ಆಮ್ಕಾಂ ಆನಾಥಾಂ ಮ್ಹಣ್ ವೊಲಾಯ್ತಾತ್" ಮ್ಹಣ್ತಾ ಕೆವಿನಾ ಅಪ್ಲ್ಯಾ ಪತ್ರಾಂತ್ - ಜೆಂ ಪತ್ರ್ ಯುನಾಯ್ಟೆಡ್ ನೇಶನ್ಸ್ ಡೆವಲಪ್ಮೆಂಟ್ ಪ್ರೋಗ್ರಾಮ್ ಹಾಚೆರ್ ಪರ್ಗಟ್ಲಾಂ. "ಪುಣ್ ಆಮ್ಕಾಂ ತೆಂ ನಾಂವ್ ನಾಕಾ, ಆಮ್ಚಾ ಭುರ್ಗ್ಯಾಂಕ್ ಸಯ್ತ್ ತೆಂ ನಾಂವ್ ನಾಕಾ, ಆಮಿಂ ಚಿಂತಾಂವ್ ಆಮಿಂ ಜಾನ್ವಾರಾಂ"
ಥೊಡ್ಯಾ ರಾಶ್ಟ್ರಾಂನಿ ವಿಪ್ರೀತ್ ಸಂಕಶ್ಟಾಂಚಾ ವಖ್ತಾಂಧ್ವಾರಿಂ ಹ್ಯಾ ಪೀಡೆಕ್ ಕಾಂಯ್ ಮಾಪಾನ್ ಉಣೆಂ ಕರುಂಕ್ ಪಾವ್ಲ್ಯಾತ್, ಪುಣ್ ಚಡ್ತಾವ್ ರಾಶ್ಟ್ರಾಂನಿ ಹ್ಯಾ ಪಿಡೆಸ್ತಾಂಚೊ ಸಂಖೊ ವಾಡೊನ್ ವೆತಾ..
ಹ್ಯಾ ಪಿಡೇಸ್ತಾಂಚೊ ಸಂಖೊ ಸೋವಿಯತ್ ಯೂನಿಯನಾಂತ್ ಪಾಟ್ಲ್ಯಾ ದೋನ್ ವರ್ಸಾಂ ಭಿತರ್ ದೊಡೊ ಜಾಲಾ. ಪತ್ರ್ಕರ್ತ್ ಪ್ಯಾಟ್ರಿಸಿಯಾ ತೋಮಸ್ (ಏಡ್ಸ್ ಪಿಡೆಚಾ ವಖ್ತಾಚೊ ಬೂಕ್ - ’ಬಿಗ್ ಶೋಟ್’ ಹಾಚಿ ಲೇಖಕಿ) ಅಶೆಂ ಉಚಾರ್ತಾ; "ಭಾರತಾಂತ್ ಆನಿ ಚೈನಾಂತ್ ಹೊ ಸಂಖೊ ಚಡೊಂಕ್ ಲಾಗ್ಲಾ ಮಾತ್ರ್, ಪುಣ್ ವೆಗಿಂಚ್ ತಾಂಕಾಂ ಸಂಸಾರಾಂತ್ ಚಡ್ ಪಿಡೆಸ್ತಾಂಕ್ ಕರ್ಚಿ ಶ್ಯಾಥಿ ಆನಿ ಪ್ರಭಲ್ ಲಕ್ಶಣಾಂ ಆಸಾತ್".
ಸದ್ದ್ಯಾಕ್ ತಾಂಚೆಂ ಗಮನ್ ಆಫ್ರಿಕಾಚೆರ್ ಆಸಾ, ಕಿತ್ಯಾಕ್ ಹಾಂಗಾಸರ್ ಸದ್ದ್ಯಾಕ್
11 ಂತ್
10 ಜಣಾಂಕ್ ಏಡ್ಸ್ ಪಿಡಾ ಎಕೆಕಾ ಮಿನುಟಾಂತ್ ವಿಸ್ತಾರೊನ್ ಆಸಾ. ಥೊಡ್ಯಾ ರಾಶ್ಟ್ರಾಂನಿ ಟಿಚೆರಾಂ, ದೊತೊರ್ ಆನಿ ನರ್ಸಾಂ ಇತ್ಲೆ ವೆಗಿಂ ಮೊರ್ತಾತ್ ಮ್ಹಳ್ಯಾರ್ ತಾಂಕಾ ಬದ್ಲುಂಚಿಂ ಮೆಳೊಂಕ್ ತ್ರಾಸ್ ಜಾತಾತ್..
ಭರ್ಲ್ಲೊ ಸಂಸಾರ್:
[ಆವಯ್ ಬಾಪುಯ್
ಪಿಡೆಚಿಂ ಶಿಕಾರಿ ಜಾಲ್ಲ್ಯಾ ವೆಳಾರ್ ಆಪ್ಲ್ಯಾ ನಾತ್ವಾಕ್
ಸಾಂಭಾಳ್ಚಿ ಜವಾಬ್ಧಾರಿ ಘೆತ್ಲ್ಲೊ ಎಕ್ಲೊ ಅಜೊ]
ಏಡ್ಸ್ ಪಿಡಾ ಪಯ್ಲೆಂ 1959 ಇಸ್ವೆಂತ್ ಬೆಲ್ಗಿಯನ್ ಕಾಂಗೊಂತ್ ಮೆಳೊನ್ ಆಯ್ಲಿ. ಟ್ರಾನ್ಸ್ಪೆರೆನ್ಸಿ ಇಂಟರ್ನ್ಯಾಶನಲ್ ಹಾಚೊ ಫ್ರಾಂಕ್ ವೋಗ್ಲ್ ಉಚಾರ್ತಾ,
"1980 ಮಾಯ್ ಮಯ್ನ್ಯಾ ಪರ್ಯಾಂತ್ ಚಡ್ತಾವ್ ರಾಶ್ಟ್ರಾಂ ಹ್ಯಾ ವಿಶಿಂ ನೆಗಾರ್ ಕರ್ನ್ಂಚ್ ಆಸ್ಲ್ಲಿಂ. ತಿಂ ಚಿಂತಾಲಿಂ ಆಮಿಂ ಪಾಸ್ಚಿಮಾಚಿಂ ರಾಶ್ಟ್ರಾಂ ಹಾಂಕಾ ಬೇಕೂಫ್ ಕರ್ತಾಂವ್ ಮ್ಹಣೊನ್. ತಾಣಿಂ ಪ್ರತಿಕ್ರಿಯಾ ದಿಲ್ಲಿ ಜಾವ್ನಾಸಾ ’ತೆಂ ತುಮ್ಚೆ ಸಮಸ್ಸೆ, ಆಮ್ಕಾಂ ಆಮ್ಚೆಚ್ಚ್ ಮ್ಹಳ್ಳೆ ಸಮಸ್ಸೆ ಆಸಾತ್. ಪುಣ್ ಅಸಲೆ ಉದ್ಗಾರ್ ಆತಾಂ ಮ್ಹಾಕಾ ಆಯ್ಕೊಂಕ್ ಮೆಳಾನಾಂತ್"
ಆಜ್ ಬೋಸ್ತ್ವಾನಾ, ಜಿಂಬಾಬ್ವೆ, ನಾಂಬಿಯಾ ಆನಿ ಸ್ವಾಜಿಲ್ಯಾಂಡ್ ದೇಶಾಂನಿ ಏಡ್ಸ್ ಪಿಡಾ ಇತ್ಲಿ ಪಾಡ್ ಸ್ಥಿತೆಕ್ ಪಾವ್ಲ್ಯಾಕೀ, ಸಭಾರ್ ಪಾವ್ಟಿಂ ಹಿಂ ಪಿಡೇಸ್ತಾಂ ಆಪ್ಲ್ಯಾ ಪಿಡೆಕ್ ಅಪ್ಲಿಂಚ್ ವಖ್ತಾಂ ಸೊಧುಂಕ್ ಲಾಗ್ಲ್ಯಾಂತ್..
ದಕ್ಶಿಣ್ ಆಫ್ರಿಕಾಂತ್ ಧಾಂತ್ ಎಕ್ಲ್ಯಾಕ್ ಏಡ್ಸ್ ಆಸಾ, ರಾಶ್ಟ್ರ್ ಅಧ್ಯಕ್ಶ್ ಥಾಬೊ ಮಾಬೆಕಿನ್ ಹ್ಯಾ ಲೊಕಾಂಕ್ ಆಟ್ ಡ್ರಗ್ಸ್ ಘೆಂವ್ಕ್ ನೆಗಾರ್ ಕೆಲ್ಲ್ಯಾಕ್ ದುರ್ಸಲ್ಲೆಂ ಆಸಾ. (ಆಟ್ ಡ್ರಗ್ಸಾಂತ್ ಏಡ್ಸ್ ಪಿಡಾ ಉಣಿ ಜಾತಾ ಮ್ಹಳ್ಳಿ ಪಾತ್ಯೆಣಿ ಆಸಾ - ಕಿತ್ಯಾಕ್ ಮ್ಹಳ್ಯಾರ್ ಎದೊಳ್ ಪರ್ಯಾಂತ್ ಅತ್ಯಾಂತ್ ಯಶಸ್ವಿ ವಕಾತ್ ಹೆಂಚ್ ಜಾವ್ನಾಸಾ).
"ಆಮಿಂ ಜಾಣಾಂವ್ - ಸರ್ಕಾರ್ ಮಧೆಂ ಯೆತಲೊಚ್ ಆನಿ ಹಸ್ತಕ್ಶೇಪ್ ಕರ್ತಲೊಚ್ಚ್" ಡಾ|ರೋಬರ್ಟ್ ಶೆಲ್ (ಪೋಪುಲೇಶನ್ ರಿಸರ್ಚ್ ಯುನಿಟ್, ರೋಡ್ಸ್ ಯುನಿವರ್ಸಿಟಿ ಗ್ರಹಾಮ್ಸ್ಟೌನ್, ದಕ್ಶಿಣ್ ಆಫ್ರಿಕಾ) ಸಾಂಗ್ಟಾ "ಆಮ್ಚಿಂ ಪ್ರೇತನಾಂ ಚಾಲುಚ್ ಆಸಾತ್, ಸದಾಂಯ್ ಆಮ್ಕಾಂ
1700 ನವ್ಯೊ ಕೇಜಿ ಮೆಳ್ತಾತ್"
ಏಡ್ಸ್ ಪಿಡೆಚಿಂ ಮೂಳ್ ಕಾರಣಾಂ:
ಏಡ್ಸ್ ಪಿಡೆಚಿಂ ಮೂಳ್ ಕಾರಣಾಂ ಹಿಂಚ್ ಮ್ಹಣೊಂಕ್ ಜಾಯ್ನಾಂ ತರ್ಯ್ ದುಬ್ಳಿಕಾಯ್, ನಾ-ಸಮ್ಜೊಣಿ, ಡ್ರಗ್ಸ್ ಪಿಡೆಚಾ ವಖ್ತಾಚೆಂ ಮೋಲ್, ಸೆಕ್ಸ್ ವಿಶಿಂ ಉಲಂವ್ಕ್ ಲಜ್-ಕಾವ್ಜೆಣಿ, ಸಭಾರ್ ಪಾವ್ಟಿಂ ಅನೈತಿಕ್/ಗುಪಿತ್ ಸಂಬಂದ್.....)
ಡಾ|ಶೆಲ್ ಸಾಂಗ್ಚೆಪ್ರಕಾರ್ ’ಅನೈತಿಕ್/ಗುಪಿತ್ ಸಂಬಂದ್’ ಸಂಸಾರ್ಭರ್ ವಿಸ್ತಾರ್ಲಾ ಆನಿ ಏಡ್ಸ್ ಪಿಡಾ ಹ್ಯಾ ಪಿಡೆಚೊ ಪ್ರತಿಫಳ್. ಅಸುರಕ್ಶಿತ್ ರಿತಿಚೊ ಸಂಭೋಗ್, ನಾ-ಸಮ್ಜೊಣಿ ಹಾಚೊ ಮೊಟೊ ವಾಂಟೊ.
ಚಡ್ತಾವ್ ದಾದ್ಲ್ಯಾಂಕ್ ತಪಾಸ್ಣಿ ನಾ?
[ಆವಯ್ ಬಾಪುಯ್
ಪಿಡೆಚಿಂ ಶಿಕಾರಿ ಜಾಲ್ಲ್ಯಾ ಉಪ್ರಾಂತ್ ಆಪ್ಲ್ಯಾ ಕುಡ್ಡ್ಯಾ
ಆಜಿಯೆಸವೆಂ ಜಿಯೆಂವ್ಚಿಂ ಲ್ಹಾನ್ ಭುರ್ಗಿಂ ಹಿಂ]
ಚಡ್ತಾವ್ ದಾದ್ಲೆ ಅಪ್ಲೊ ಗಾಂವ್ ಸೊಡ್ನ್ ಗಣಿ ಪ್ರಾಂತ್ಯಾಂತ್ ಆನಿ ಭಾಂದ್ಪಾಂ ಭಾಂದ್ಚಾ ಸುವಾತೆಂನಿ ಕಾಮ್ ಕರ್ನ್ ಆಸ್ತಾತ್. ಹೆಂ ಚಾಲನ್ ಕಾಮಾಂತ್
40 ಥಾವ್ನ್
50 ಠಕ್ಕೊ ಜನ್ಸಂಖೊ ಏಡ್ಸ್ ಪಿಡೆಚೊ ಶಿಕಾರಿ ಜಾತಾ.
ಅಮೆರಿಕಾನ್ ತಯಾರ್ ಕೆಲ್ಲ್ಯಾ ಎಕಾ ವರ್ದೆಪ್ರಕಾರ್, ಸಂಸೋಧಕ್ ಡೆಸ್ಮಂಡ್ ಕೊಹೆನ್ ಲಿಖ್ತಾ
"40-50 ಠಕ್ಕೊ ಇನ್ಫೆಕ್ಶನ್ ದರ್ ಎಕಾ ತೆಂಪಾರ್ ಚಿಂತ್ಲ್ಲೆಂ ಅಸಂಭವ್ ಮ್ಹಣೊನ್"
ಝುಜಾಂನಿ ಸಯ್ತ್ ಹ್ಯಾ ಪಿಡೆಕ್ ಪುಶ್ಟಿ ದಿಲ್ಯಾ.
ಭಯ್ಲೊ ಲೋಕ್, ಟ್ರಕ್ ಡ್ರಾಯ್ವರಾಂ, ತರ್ನಾಟೆ, ಸೊಜೆರ್ ’ವೇಶ್ಯ್ ಬಾಯ್ಲಾಂಲಾಗಿಂ’ ವ ಅಸಲ್ಯಾ ವೃತ್ತೆಂತ್ ಆಸ್ಚಾಸವೆಂ ಲೈಂಗಿಕ್ ಸಂಬಂದ್ ದವರ್ತಾತ್, ಹಾಂತುಂ
90 ಠಕ್ಕೊ ಏಡ್ಸ್ ಆಸ್ಚಿ ಸಂಭಾವನ್ ಆಸ್ತಾ. ನೈಗೀರಿಯಾಚೊ ಏಕ್ ಸೊಜೆರ್ ಏಛೋಂಓಘ್ ಫೋರ್ಸ್ಸವೆಂ ಸಿಯೆರ್ರಾ ಲಿಯೊನೆ ಆನಿ ಫಿನ್ನಿಶ್ ಸೊಜೆರ್ ಹಾಣಿಂ ಏಡ್ಸ್ ಪಿಡೆಕ್ ತಾಂಚಾ ರಾಶ್ಟ್ರಾಕ್ ವೆಲಿ.
ಚೆಡ್ವಾಂ ಆನಿ ಬಾಯ್ಲಾಂಕ್ ಚಡಾವತ್ ಜಾವ್ನ್ ಲೈಂಗಿಕ್ ಕ್ರಿಯೆಕ್ ಆಫ್ರಿಕಾಂತ್ ವತ್ತಾಯ್ ಆಸ್ತಾ, ಪತ್ರ್ಕರ್ತ್ ತೋಮಸ್ ಸಾಂಗ್ತಾ "ತಿಂ ಪಾತ್ಯೆತಾತ್ ಎಕಾ ಕನ್ಯೆಲಾಗಿಂ ಲೈಂಗಿಕ್ ಸಂಪರ್ಕ್ ಕೆಲ್ಯಾರ್ ಏಡ್ಸ್ ಪಿಡಾ ಗೂಣ್ ಜಾತಾ" - ಅಶೆಂ ತಿ
12 ವರ್ಸಾಚೆಂ ಚೆಡುಂ ಏಡ್ಸ್ ಪಿಡೆಚಿ ಶಿಕಾರ್ ಜಾತಾ.
ಬಾಯ್ಲಾಂಕ್ ಹಿ ಪಿಡಾ ದಾದ್ಲ್ಯಾಂಚಾಕೀ ಚಡಿತ್ ಮಾಪಾನ್ ಆಸಾ, ಕಿತ್ಯಾಕ್ ಮ್ಹಳ್ಯಾರ್ ಚಡ್ತಾವ್ ದಾದ್ಲ್ಯಾಂನಿ ಪರಿಕ್ಶಾ ಕರುಂಕ್ ನಾ.
ಹೆಚ್ಚ್ಪರಿಂ ಯುನಾಯ್ಟೆಡ್ ನೇಶನ್ಸ್ ಹಾಂಚಾ ಅಭ್ಯಾಸಪ್ರಕಾರ್
30 ಠಕ್ಕೊ ಆಫ್ರಿಕಾಂತ್ಲ್ಯಾ ಚೆಡ್ವಾಂ ಚಿಂತಾತ್ - "ಜರ್ ದಾದ್ಲೊ ಭಲಾಯ್ಕೆವಂತ್ ದಿಸ್ತಾ ತರ್ ತಾಕಾ ಏಡ್ಸ್ ನಾ"
ಅಮೆರಿಕನ್ ಫುಂಡೇಶನ್ ಆಫ್ ಏಡ್ಸ್ ರಿಸರ್ಚ್ ಸಂಸ್ಥ್ಯಾನ್ ಸಾಂಗ್ಚೆಪ್ರಕಾರ್
1999 ಇಸ್ವೆಂತ್
80% ಲೋಕ್ ಮೆಲ್ಲೊ, ಕಾಮೆಲಿ ವರ್ಗಾಚೊ
20 ಥಾವ್ನ್
50 ವರ್ಸಾಂ ಭಿತರ್ಲೊ.
ಹಾಚೊ ಪರಿಣಾಮ್ ಸಭಾರ್ ರಾಶ್ಟ್ರಾಂಚಾ ವಾಣಿಜ್ಯಾಚೆರ್ ಪಡೊಂಕ್ ಲಾಗ್ಲಾ - ಸಭಾರ್ ಕಂಪೆನಿಂನಿ ಎಕ್ಲ್ಯಾಕ್ ಘೆಂವ್ಚಾ ಬದ್ಲಾಕ್ ದೊಗಾಂಕ್ ವ ತೆಗಾಂಕ್ ಘೆವ್ನ್ ತಾಂಕಾಂ ತರ್ಭೆತಿ ದಿತಾತ್, ಕಿತ್ಯಾಕ್ ಮ್ಹಳ್ಯಾರ್ ಹ್ಯಾ ಪಿಡೆಕ್ ಲಾಗೊನ್ ಕೊಣ್ ಕೆದ್ನಾಂ ಮೊರ್ತಾ ತೆಂ ಕೊಣ್ಂಚ್ ನೆಣಾಂ. ಹ್ಯಾ ಪಿಡೆಧ್ವಾರಿಂ ಚಾರ್ಯೀ ಕುಶಿಂನಿ ಜೀವ್ವಿಮಾಚಿಂ ಪ್ರೀಮಿಯಮ್ ಭರುಂಕ್ ಜಿಂಬಾಬ್ವೆಂತ್ ಕಾರಾಣ್ ಜಾಲೆಂ. ಬೋಸ್ತ್ವಾನಾ ದೇಶಾಂತ್ ಭಲಾಯ್ಕೆಚೊ ಖರ್ಚ್
500 ಠಕ್ಕೊ ಚಡೊನ್ ಹ್ಯಾ ಭಲಾಯ್ಕೆ ಸಂಸ್ಥ್ಯಾಂಚೊ ಆದಾಯ್ ಚಡ್ಲೊ.
ಜಿಂಬಾಬ್ವೆಂತ್ ಆನಿ ಬೋಸ್ತ್ವಾನಾಂತ್ ಜೆರಾಲ್ ರಿತಿನ್ ಸಾಂಗ್ಚೆಂ ತರ್ ಹರ್ಯೆಕಾ ಚಾರ್-ಪಾಂಚ್ ಲೊಕಾಂ ಮಧೆಂ ಎಕ್ಲ್ಯಾಕ್ ಏಡ್ಸ್ ಪಿಡಾ ಆಸಾ, ಹೆಂ ದೇಶಾಚಾ ಲೊಕಾಂಚೊ ಸಂಖೊ ದೆವಂವ್ಕ್ ಮೂಳ್ ಕಾರಾಣ್ ಜಾತಾ.
0%
ವ್ಹಾಡಾವಳ್ ಯೆತಾ ಕಿತ್ಯಾಕ್ ಮ್ಹಳ್ಯಾರ್ ಚಡ್ತಾವ್ ಜಾವ್ನ್ ಮೆಲ್ಲೊ ಯಾ ಮೊರ್ಚೊ ಲೋಕ್ ತರ್ನಾಟೊ, ತಾಂಚಿಂ ಜಿಣಿ ಸಂಪಾಧಿಂಚ್ ಮೊರ್ತಾತ್ ದೆಖುನ್ ವ್ಹಾಡಾವಳ್
0% ಜಾಲ್ಯಾ ಮ್ಹಣ್ತಾ ಕಾರೆನ್ ಸ್ಟಾನೆಕಿ.
(US ಸೆನ್ಸಸ್ ಬ್ಯೂರೊ ಹಾಚೊ ಮುಖೆಲಿ).
"ಲೋಕ್ ಮೊರೊನ್ ಆಸಾ, ಕೆನ್ನಾ ತಾಣಿಂ ವೃದ್ದಿ ಕರಿಜಾಯ್ ಆಸ್ಲ್ಲೆಂ, ಫುಡ್ಲ್ಯಾ ಜನಾಂಗಾಂತ್ ಉದೆವ್ನ್ ಯೆತೆಲಿಂ ನಾಂಚ್ ಜಾಲ್ಯಾಂತ್. ಮ್ಹಳ್ಯಾರ್ ಆಸ್ಚಿಂ ಚಡ್ತಾವಾಂ ಅನಾಥಾಂ ಆನಿ ತಾಂಕಾಂ ವಯ್ರ್ ಹಾಡುಂಕ್ ಕೊಣ್ಂಚ್ ಆಸ್ಚಿಂನಾಂತ್"
ಜಾಗತಿಕ್ ಪರಿಣಾಮ್:
[ಪಿಡೆವಿಶಿಂ ಲೊಕಾಂಕ್
ಜಾಗ್ವಣ್ ದಿಂವ್ಚೆ ಭಲಾಯ್ಕೆ ಸಂಸ್ಥೆ ಮಾತ್ರ್ ಬರೆಂ
ಕಾಮಾಯ್ತಾತ್ ಅಶೆಂ]
ಏಕ್ ಅತ್ಯಾಂತ್ ಭಿರಾಂಕುಳ್ ಕಲ್ಪನ್ ಜಾವ್ನಾಸಾ 2010 ಇಸ್ವೆಂತ್
40 ಮಿಲಿಯನ್ ಏಡ್ಸ್ ಅನಾಥಾಂ ಆಫ್ರಿಕಾಂತ್ ಆಸ್ತೆಲಿಂ. ಹಾಂತ್ಲ್ಯಾ ಚಡ್ತಾವಾಂಕ್ ಇಲ್ಲೆಂ ಯಾ ನಾತ್ಲ್ಲೆಂ ಸಮಾಜಿಕ್ ವಾತಾವರಣ್ ಲಾಭ್ತೆಲೆಂ.
ಆಮಿ ಜರ್ ಆಫ್ರಿಕಾ ದೇಶಚ್ಯಾ ಲೊಕಾಂಸವೆಂ ಕಾಮ್ ಕರಿನಾಂವ್ ತರ್ ತಾಂಚೆಥಾವ್ನ್ ಹ್ಯಾ ಸಮಸ್ಯಾಂಕ್ ಪರಿಹಾರ್ ಲಾಭ್ಚೊನಾ" ಅಮೆರಿಕಾಚೊ ರಾಯ್ಭಾರಿ ರಿಚಾರ್ಡ್ ಹೋಲ್ಬ್ರೂಕ್ ಅಶೆಂ ಉಚಾರ್ತಾ ಜನವರಿ
2000 ಇಸ್ವೆಂತ್. "ಆಮಿಂಚ್ ಹ್ಯಾವಿಶಿಂ ಚತ್ರಾಯ್ ಘೆಂವ್ಕ್ ಆಸ್ತೆಲಿ, ಹಿ ಪರಿಗತ್ ಚಡ್ ಮಾರೆಕಾರ್ ಆನಿ ಮಾರಗ್ ಜಾಲ್ಲ್ಯಾವೆಳಾರ್"
ಸಂಸೋಧಕ್ ಸರ್ವ್ ಹ್ಯಾ ಪಿಡೆಚಾ ವಕ್ತಾಕ್ ಸೊಧುನ್ ಕಾಡ್ಚಾ ಕಾಮಾರ್ ಆಸಾತ್, ಪುಣ್ ತೆಂ ವಕಾತ್ ಲಾಭೊಂಕ್ ವರ್ಸಾಂಚ್ ಲಾಗ್ತೆಲಿಂ, ತೆದೊಳ್ ಪರ್ಯಾಂತ್ ಹ್ಯಾ ಪಿಡೆಕ್ ಆಡಾಂವಿ, ವಾ ವಿಸ್ತಾರ್ನಾಶೆಂ ಜಾಂವ್ಚಿ ಚತ್ರಾಯ್ ಘೆಂವ್ಚೆಂ ಭೋವ್ ಬರೆಂ.
ಏಕ್ ಬುಧ್ವಂತ್ ಸೇಫ್-ಸೆಕ್ಸ್ ಕ್ಯಾಂಪೇಯ್ನ್ ಅಶೆಂ ಸ್ಲೋಗನ್ ದಿತಾ ("ಸೋ ಸ್ಟ್ರಾಂಗ್, ಸೋ ಸ್ಮೂತ್" - ’ಇತ್ಲೆಂ ಘಟ್ ಇತ್ಲೆಂ ಸುಡಾಳ್’). ಕಾಂಡೊಮಾಕ್ ಯುಗಾಂಡಾಂತ್ ಹರ್ಯೆಕ್ಲ್ಯಾನಿ ವಾಪಾರ್ ಕರುಂಕ್ ಉಲೊ ದಿತಾತ್. ಹ್ಯಾ ವರ್ವಿಂ ಏಡ್ಸ್ ಪಿಡೆಚಿ ದರ್
15 ಠಕ್ಕೆ ಥಾವ್ನ್
9.7 ಠಕ್ಕೊ ದೆಂವ್ಲಾ.ಸೆನೆಗಲಾಂತ್ ಏಕ್ ಕಠೀಣ್ ಸಾಧನಾಂತ್ ಪಿಡೆಚಿ ದರ್
2 ಠಕ್ಕೊ ಮಾತ್ರ್.
ಪುಣ್ ಆಫ್ರಿಕಾ ದೇಶಾಂತ್
ಅಮೆರಿಕನ್ ಡಾಲರ್ 165 ಮಿಲಿಯನ್ ಎಕಾ ವರ್ಸಾ ಏಡ್ಸ್ ಪಿಡೆಕ್ ಖರ್ಚಿತಾತ್, ಆನಿ ಹೊ ಸಗ್ಳೊ ದುಡು ಇಂಡಸ್ಟ್ರಿ ಆಸ್ಚಾ ದೇಶಾಂಚೊ. ಜೇಮ್ಸ್ ವೋಲ್ಫನ್ಸೊನ್ (ವಿಶ್ವ್ ಬ್ಯಾಂಕಾಚೊ ಅಧ್ಯಕ್ಶ್) ಅಮೆರಿಕಾಚಾ ಸೆಕ್ಯೂರಿಟಿ ಕೌನ್ಸಿಲಾಕ್ ಜನವರಿ
2000 ಇಸ್ವೆಂತ್ ಸಾಂಗ್ಚೆಪ್ರಕಾರ್ ಆಫ್ರಿಕಾಕ್ ಸಂಪೂರ್ಣ್ ಬರೆಂ ಕರುಂಕ್ ಲಾಗತ್ ಜಾಲ್ಲೊ ಖರ್ಚ್
2.3 ಬಿಲಿಯನ್
ಅಮೆರಿಕನ್ ಡಾಲರ್ ಎಕಾ ವರ್ಸಾಕ್.
ಹ್ಯಾ ಪಿಡೆಥಾವ್ನ್ ಸುರಕ್ಶಿತ್ ರಾವೊಂಕ್ ಶೈಕ್ಶಣಿಕ್ ಶೆತಾಂತ್, ಉದ್ಯೋಗಿಕ್ ಶೆತಾಂತ್ ಜಾಗರಣ್ ಗರ್ಜೆಚೆಂ. ದುಬ್ಳಿಕಾಯೆಂತ್ ಆಸ್ಚಾಕ್ "ಹಾಂಗಾ ಆನಿ
ಆತಾಂ (HERE and NOW)" ಮ್ಹಳ್ಳ್ಯಾ ಮನೋಗತೆಕ್ ವೊಡುಂಕ್ ಜಾಯ್. ಹರ್ಯೆಕ್ಲ್ಯಾನ್ ಆಪಾಪ್ಲಿ, ಆಪ್ಲ್ಯಾ ಕುಟ್ಮಾಚಿ ಜವಾಬ್ಧಾರಿ ಘೆಂವ್ಕ್ ಜಾಯ್ - ತೆದ್ನಾಂ ಮಾತ್ರ್ ಹ್ಯಾ ಪಿಡೆಚೆಂ ನಾಸ್ ಕರುಂಕ್ ಆಮಿಂ ಪಾವ್ತೆಲ್ಯಾಂವ್. ನಾಂತರ್ ಆಮ್ಚೆಂ ಆವ್ಕ್ ಕಾಬಾರ್ ಜಾಂವ್ಚಾಧಿಂಚ್ ಹೊ ಸಂಸಾರ್ ಸಾಂಡುನ್ ಆಮ್ಕಾಂ ವಚೊಂಕ್
ಪಡ್ತೆಲೆಂ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications