ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
[2006 ಇಸ್ವೆಚಾ ಸಪ್ತೆಂಬರ್ 23 ತಾರಿಕೆರ್ ಅಪ್ಲೊ 41ವೊ ಜಲ್ಮಾದಿವಸ್ ಆಚರಣ್ ಕರ್ಚಾ ಆಂಡ್ರು ತುಕಾ ಹೆಂ ಅಂಕಣ್ ಅರ್ಪಣ್]
ಸತಾಂ ಆನಿ ಖತಾಂ - 18. ದುಭಾವ್
ಹೆಂ ಅಂಕಣ್ ’ರಾಕ್ಣೊ’ ಚೆರ್ ತಶೆಂಚ್ ಆಶಾವಾದಿ ಪ್ರಕಾಶನಾಚಾ ಬುಕಾರುಪಾರ್ ಪರ್ಗಟ್ ಜಾಲಾಂ.
ಎಕಾ ಗಾಂವಾಂತ್ ಆಸ್ಲ್ಲೆ ದೋಗ್ ಈಶ್ಟ್ ಸಭಾರ್ ವರ್ಸಾಂಥಾವುನ್ ಎಕಾಮೆಕಾ ಸಮ್ಜೊಣೆಂತ್ ಆನಿ ಮಾಯಾಮೊಗಾನ್ ಜಿಯೆತಾಲೆ. ತಾಂಚಿ ಇಶ್ಟಾಗಾತ್ ದೆಖೊನ್ ಸಭಾರಾಂಕ್ ಮೊಸೊರ್ಯಿ ಜಾಲ್ಲೊ.
ಗಾಂವ್ಚಾ ಥೊಡ್ಯಾ ಮೊಸ್ರಾಳ್ಯಾಂನಿ ತಾಂಕಾ ಎಕಾಮೆಕಾ ಝಗ್ಡೆಂ ಕರವ್ನ್ ತಾಂಚಿ ಇಶ್ಟಾಗಾತ್ ಮೊಡುಂಕ್ ಜಾಹಿತ್ತೆಂ ಪ್ರೇತನ್ ಕೆಲೆಂ ತರೀ ಕೊಣಾಯ್ಚಾನೀ ತೆಂ ಸಾಧ್ಯ್ ಜಾಲೆಂನಾ.
ಏಕ್ ದೀಸ್ ಸಯ್ತಾನಾನ್ ಎಕ್ಲ್ಯಾಚಾ ಕಾನಾಕ್ ಶಿಮ್ಟಿ ಘಾಲಿ ಜಾಯ್ಜಯ್. ದೆಖುನ್ ಕಸ್ಲಿಗೀ ಗುಪ್ತಿಂ ಮಾಂಡಾವಳ್ ಕರ್ನ್ ತೊ ಹ್ಯಾ ದೊಗಾಂ ಇಶ್ಟಾಂಕ್ ಮೆಳೊಂಕ್ ಗೆಲೊ. ತೆ ದೊಗೀ ಈಶ್ಟ್ ಖೆಳಾಂತ್ ಮಗ್ನ್ ಆಸ್ಚೆ ಪಳೆಂವ್ನ್ ಇಲ್ಲೊ ವೇಳ್ ರಾವ್ಲೊ.
ಪುಣ್ ತ್ಯಾ ಇಶ್ಟಾಂಚೊ ಖೆಳ್ ಸಂಪ್ಲೊನಾ, ದೆಖುನ್ ತಾಚಾ ಮತಿಂತ್ ಸಯ್ತಾನ್ ಜಾಗೊ ಜಾಲೊ ಆನಿಂ ತಾಂತ್ಲ್ಯಾ ಎಕ್ಲ್ಯಾಕ್ ವಿಂಗಡ್ ಆಪವ್ನ್ ತಾಚಾ ಕಾನಾಂತ್ ಕಿತೆಂಗೀ ಪುಸ್ಪುಸ್ಲೊ. ತಾಕಾ ಕಿತೆಂ ಮ್ಹಳ್ಳೆಂ ಸಮ್ಜಾಲೆಂನಾ. ಆನಿಂ ತೊ ಕಾನಾಂತ್ ಫ಼ಕತ್ ಇತ್ಲೆಂಚ್ ಸಾಂಗ್ತಾಲೊ "ಭಾತ್ ಖಾಂಡ್ಲ್ಯಾರ್ ತಾಂದು ಜಾತಾ".
ತೆಂಚ್ ಉತಾರ್ ಪರತ್ ಪರತ್ ಸಾಂಗೊನ್ ತೊ ಮೊಸ್ರಾಳಿ ಗೆಲೊ. ಹೆಂ ಪಯ್ಸ್ ಥಾವುನ್ ಪಳೆವ್ನ್ ಆಸ್ಚೊ ಅನ್ಯೇಕ್ಲೊ ಈಶ್ಟ್ ಆತಾಂ ಯೇವ್ನ್ ತಾಚಾ ಇಶ್ಟಾಲಾಗಿಂ ವಿಚಾರಿಲಾಗ್ಲೊ "ತೊ ಕಿತೆಂ ತುಜೆಲಾಗಿಂ ಪುಸ್ಪುಸ್ತಾಲೊ?"
"ಕಾಂಯ್ ವಿಶೇಷ್ ನಾಂ.. ಕಿತೆಂಗೀ ಪುಸ್ಪುಸ್ತಾಲೊ ಪಿಶ್ಯಾಪರಿಂ" ತಾಣೆಂ ಜಾಪ್ ದಿಲಿ. ಆಯ್ಕೊನ್ ತೊ ನಿರಾಸ್ಲೊ ಆನಿಂ ಅಪ್ಲೇಸ್ತಕಿಂ ’ಹೊ ಕಿತೆಂಗೀ ಲಿಪಯ್ತಾ’ ಮ್ಹಣೊನ್ ಚಿಂತಿಲಾಗ್ಲೊ ಅಶೆಂ ಥೊಡೊ ವೇಳ್ ಉತರ್ಲೊ ಆನಿಂ ತಾಣೆಂ ಪರತ್ ತೆಂಚ್ ಸವಾಲ್ ಕೆಲೆಂ "ತೊ ಕಿತೆಂ ತುಜೆಲಾಗಿಂ ಘುಟ್ ಸಾಂಗ್ತಾಲೊ?"
ತೊಂಡಾರ್ ಹಾಸೊ ದೀತ್ ಹಾಣೆಂ ಜಾಪ್ ದಿಲಿ "ತೊ ಸಾಂಗ್ತಾಲೊ ಭಾತ್ ಕಾಂಡ್ಲ್ಯಾರ್ ತಾಂದುಳ್ ಜಾತಾ" ಮ್ಹಣೊನ್.
ಹೆಂ ಆಯ್ಕೊನ್ ತೊ ಅನಿಕೀ ದುಭಾವ್ಲೊ "ಹೆಂ ಕೊಣಾಯ್ಕೀ ಕಳಿತ್ ನಾಂಯೆ ತರ್? ಹೊ ಕಿತೆಂಗೀ ಲಿಪಯ್ತಾ" ಅಶೆಂ ದುಭಾವ್ ಕರ್ನ್ ಹಾಂಚಿ ಇಶ್ಟಾಗಾತ್ ಅಖ್ರೇಕ್ ಮೊಡೊನ್ ಪಡ್ಲಿ.
ಸಂದೇಶ್: ಸಂಭಂಧ್ ಕಸಲೆಯ್ ಜಾವ್ಯೆತ್. ಪುಣ್ ಕೆನ್ನಾ ದುಭಾವ್ ಮ್ಹಳ್ಳಿ ಪಿಡಾ ರಿಗ್ತಾಗೀ ತವಳ್ ಕಸಲೆಯ್ ಸಂಬಂಧ್ ಮೊಡೊನ್ ಪಡ್ಚೆಂ ಖಂಡಿತ್. ತೊ ದುಭಾವ್ ಆಪ್ಲ್ಯಾ ಮತಿಂತ್ ರಾಜ್ ಕರ್ಚಾಧಿಂ ಸಾರ್ಕಿ ಸಮ್ಜೊಣಿಂ ಆಸ್ಚಿ ಸಗ್ಳ್ಯಾಂಕ್ ಗರ್ಜೆಚಿ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
