विल्सन कटील
विल्सन कटील लिखणे नांवार दिसान दीस लोकामोगाळ जावन येंवचो विल्सन सिकवेरा कोंकणेचो फुडाराचो एक प्रभुद्द साहिती, चिंत्पी, कवी, विमर्शक, काण्येगार जांवचीं लक्षणां म्हाका दिसोन येतात. कोंकणी साहित्याचें मट्ट जर चडाजय, तर असलें साहित्य भोव गर्जेचें म्हळ्ळी आमची अभिपराय. ह्या अंकणाचेर तुमचे उग्त्यामनाचे विचार आमी अशेतांव.
समीक्षा/विमर्शेविशीं....
"एक कृती वाचताना आमची समजोणी आनी आनभोग उग्तो दवरून आमी वाचिनांव. वाचल्या उपरांत ती कृती कित्याक आंवडली वा आंवडोंक ना म्हण सवाल कर्ताना जाप दीवंक घुस्पडतांव. तेन्ना एकाच्च धम्मान वाचल्लें आमी भोगल्लें आमकांच स्पश्ट कर्चे खातीर तरी शिंदून शिंदून प्रत्येक करिजे पडता. हाची ओत्ताय आमचेर चड पडची वाचल्ल्या कृतियेविशीं संगीं मेळोन चर्चा कर्ताना वा शाळेंत शिकयताना. लीवीस नांवाचो आंगल विमर्शक हें अशें सांग्ता- एक कृती वाचल्या उपरांत "ही कृती आमच्ये दिश्टेंत अशी आसा न्हंयवे" म्हण उटच्या प्रश्नार्तक संवादांत "व्हय. पूण....." म्हळ्ळी जाप येताना संशोदन, विमर्सो सुर्वात जाता. हांगासर "व्हय" म्हळ्ळी अभिपराय आनी "पूण...." म्हळ्ळी भिन्नाभिपराय दोनी प्रमूख जातात." - यू. आर. अनंतमूर्ती (’विमर्शेची परिभास’ बुकाक लीकल्ल्या प्रसतावनांत)
विमर्सो भोव गर्जेचो. विमर्शाविणें साहित्याक बेजवाब्दारपण येंवची साध्याताय आसा. आनी आमच्या कोंकणेच्या साहितीक फुडाराक हो भोव गर्जेचो म्हण दीसल्ल्यान थोडें ध्यान ह्या साहीत प्रकाराचेर दिव्यां म्हण भोगलें. हें अंकण सुर्वात कर्चे आदीं एक विनती आसा:
तुमच्या सर्व प्रतिक्रियेंक आनी विचारांक उग्तो आवकास आसा. तुमचे विचार कृतियेविशीं असोंदीत. पूण बालीश थरान लिकून उपरांत सवाल केल्यार ’हांव साहिती न्हंय, कवी न्हंय, वाचपी न्हंय, साहित्याविशीं म्हाका कांय कळीत ना’ म्हण हात धुंवचांनी दया करून हाचेथावन पयस रांवचें बरें.
-विल्सन कटील
१. कवीक खंय पुरला?.
२. एल्येराचो ’स्वादीक साक्रामेंत’.
३. आर्थर रोशन पिरेराचो कविताजमो ’तीं दुकां उलयताना’.
समीक्षा: हें अंकण कोणायचेर वयक्तीक ध्वेशान जांव रागान सुरू केल्लो न्हंय. कोंकणी साहित्याच्या व्हाडावळेच्या नद्रेन सुरू केला. हाचेर वा कोंकणी कविता/विमर्श्यांचेर कोणेंय अपली अभिपराय उचाऱ्येता, पूण दयकरून खंच्याय रितीन वेक्तिचेर केद उडंवचीं, वा हल्क कर्च्या इराद्याचीं वा अपूण बुध्वंत म्हण शेंकारें फुलंवच्या इराद्याचीं बर्पां आमीं पर्गट कर्चीं नांव. अन्येक प्रमूख - महान साहिती वा नवे, सर्वांक एकाच्च रितिचो मान मेळतलो. बरवप्यान अपलें खरें नांव लिपव्येता पूण संपादकाक अपली खरी वळोक दिंवची गर्जेची. कसलेय विचार पर्गट कर्चें वा ना कर्चें हक्क संपादकाचें - सं.
