परत आयल्यारे दिवाळी

परत आयल्यारे दिवाळी

पेटय दिवे पेटय वाती

व्हाजय घांटी, बडय थाली

उबार तोर्णां, मार गर्नाळी

परत आयल्यारे दीवाळी

जळों दिवे - तांचो प्रकास

धांवडांव अज्ञान, दुर्गूण, निरास,

चडों सुगूण, सुमन, सुज्ञान

लोका मधें जिण्येची आस

प्रजळ दिव्यांच्या उज्वाडाक

पोळों जाती-द्वेषा काळोक

हिंदू, क्रिसतांव, मुसलिमां थंय

वाडों भाव-बंध-पणा वोळोक

जळोंव, दिव्यां प्रकास जळोंव

हिंसा, अन्याय, अनीत, आकांत

हुल्पावन हगें राग दुस्मानकाय

अर्नून बांधूं मोगाचे बांध

दीवाळीन नीज उज्वाड हाडला

दिवो गाजंव आपलो संदेश

एकवट, मायामोगांत वाडों

भारत आमचो मोगाचो देश

- काव्यदास