ಡಾ|ಜೆರಾಲ್ಡ್

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ದಿವೊ ಸಾಹಿತ್ಯ್ ಪುರಸ್ಕಾರ್ 2007

2007 ವರ್ಸಾಚೊ ಪ್ರತಿಷ್ಟಿತ್ ’ದಿವೊ ಸಾಹಿತ್ಯ್ ಪುರಸ್ಕಾರ್’ ಉಡುಪಿಚ್ಯಾ ಡೊ|ಜೆರಿ ನಿಡ್ಡೋಡಿ (ಜೆರಾಲ್ಡ್ ಪಿಂಟೊ) ಆನಿ ಮುಂಬಯಾಂತ್ಲ್ಯಾ ಮಾನೆಸ್ತ್ ರೋನ್ಸ್ ಬಂಟ್ವಾಳ್ ಹ್ಯಾ ದೊಗಾಂ ಮಾನೆಸ್ತಾಂಕ್ ಫಾವೊ ಜಾಲಾ.

$Placeholder: the original page gave this picture no description, and none has been written yet. It came from daaiz\daaiz\special\news\divo07.asp.$ $Placeholder: the original page gave this picture no description, and none has been written yet. It came from daaiz\daaiz\special\news\divo07.asp.$

[ಡಾ|ಜೆರಿ ನಿಡ್ಡೋಡಿ ಆನಿ ರೋನ್ಸ್ ಬಂಟ್ವಾಳ್]

ರುಪಯ್ 50,000 ನಗ್ದಿ ಐವಜ್ ಆಟಾಪ್ಚೊ ಹೊ ’ದಿವೊ ಸಾಹಿತ್ಯ್ ಪುರಸ್ಕಾರ್’ ದೊಗಾಂ ಮಧೆಂ ವಾಂಟುನ್ ಗೆಲ್ಲ್ಯಾನ್ ಎಕೆಕ್ಲ್ಯಾಕ್ 25,000 ರುಪಯ್, ಮಾನ್‌ಪತ್ರ್ ಆನಿ ಯಾದಿಸ್ತಿಕಾ ಆಟಾಪ್ತಾ.

ಗೆಲೆತ್ಯಾ 7 ವರ್ಸಾಂ ಥಾವ್ನ್ ಹೊ ಪುರಸ್ಕಾರ್ ಸಮಾಜೆ ತರ್ಫೆನ್ ’ದಿವೊ’ ಪತ್ರ್ ಸರಾಗ್ ದೀವ್ನ್ ಆಯ್ಲಾಂ. ಹೊ ಪುರಸ್ಕಾರ್ ದಿಂವ್ಚ್ಯಾಂತ್ ಮುಂಬಯ್ಚ್ಯಾ ಉದ್ಯೋಗಿಸ್ತಾಂಚೊ, ಕೊಂಕ್ಣಿ ಅಭಿಮಾನಿಂಚೊ ತಶೆಂಚ್ ಗಳ್ಪಾಂತ್ಲ್ಯಾ ಕೊಂಕ್ಣಿ ಮಾನೆಸ್ತಾಂಚೊ ಮೊಟೊ ಹಾತ್ ಆಸಾ.

ಶಿಕ್ಷಣ್ ತಜ್ಞ್ ಆನಿ ಸಂಶೋಧಕ್ ಜಾವ್ನ್ ನಿರಂತರ್ ಕೊಂಕ್ಣಿ ವಾವ್ರ್ ದೀವ್ನ್ ಆಸ್ಚೊ ಡಾ|ಜೆರಾಲ್ಡ್ ಪಿಂಟೊ (50 ವರ್ಸಾಂ ಪ್ರಾಯ್), 1981 ಇಸ್ವೆ ಥಾವ್ನ್ ಉಡ್ಪಿ-ಕಲ್ಯಾಣ್‌ಪುರ್ ಮಿಲಾಗ್ರಿಸ್ ಕಾಲೆಜಿಂತ್ ಬೌತ್‌ಶಾಸ್ತ್ರ್ ಪ್ರಾಧ್ಯಾಪಕ್ ಜಾವ್ನ್ ವಾವ್ರ್ ದೀವ್ನ್ ಆಸಾ. ತೊ ಏಕ್ ಕೊಂಕ್ಣಿ ಪತ್ರ್‌ಕರ್ತ್, ಕೊಂಕ್ಣಿ ಸಂಘಟಕ್, ಸಮಾಜ್ ಸೆವಕ್ ಆನಿ ಯುವಜಣಾಂ ಖಾತಿರ್ ವಿಶೇಸ್ ವಾವ್ರ್ ದಿಂವ್ಚೊ ವೆಕ್ತಿ ಜಾವ್ನಾಸಾ.

ದುಸ್ರೊ ಕೊಂಕ್ಣಿ ಸುಪುತ್ರ್ ಜಾವ್ನಾಸಾ ಮುಂಬಯ್ ಚಕಾಲ, ಅಂಧೇರಿ ಹಾಂಗಾಸರ್ ವಸ್ತಿ ಕರುನ್ ಆಸ್ಚೊ ಲೊಕಾಮೊಗಾಳ್ ರೋನ್ಸ್ ಬಂಟ್ವಾಳ್ (37 ವರ್ಸಾಂ ಪ್ರಾಯ್), ಮುಂಬಯ್, ಮಂಗ್ಳುರ್ ಚ್ಯಾ ದಿಸಾಳ್ಯಾ, ಹಫ್ತ್ಯಾಳ್ಯಾ, ಮಯ್ನ್ಯಾಳ್ಯಾ ಕೊಂಕ್ಣಿ ಆನಿ ಕಾನಡಿ ಪತ್ರಾಂಕ್ ತಶೆಂಚ್ ಅಂತರ್‌ಜಾಳಾಂಚೊ ಪತ್ರ್‌ಕರ್ತ್ ಜಾವ್ನ್ ಖಬ್ರೊ, ತಸ್ವೀರ್‍ಯೊ ಆನಿ ಹೆರ್ ರಿತಿಚಿ ಸೆವಾ ದೀವ್ನ್ ಆಸಾ. ಸಂಘ್ ಸಂಸ್ಥ್ಯಾಂಚೊ ಸಂಘಟಕ್ ತಶೆಂಚ್ ’ರೊನಿಡಾ ಪ್ರೆಸ್ಸ್ ಮೀಡಿಯಾ ಪ್ರೈವೇಟ್ ಲಿಮಿಟೆಡ್’ ನಾಂವಾಚೊ ಜಾಹಿರಾತ್ ಸಂಸ್ಥೊ ಚಲವ್ನ್ ಆಸಾ.