ಕವಿತಾकविताPoem
’ಚಿಂತಾಪ್’
This poem is available in its original Kannada only.
ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಕವಿತಾಝರ್
ಚಿಂತಾಪ್
ಜಿಣ್ಯೆಂತ್ ಆಮಿ ಸಭಾರ್ ಪಾವ್ಟಿಂ ಚಿಂತಾಂವ್
ಆನಿ ಚಿಂತುನ್ಚ್ ಮುಕಾರ್ ಸರ್ತಾಂವ್
ಚಿಂತುನ್ ಚಿಂತುನ್ ಥೊಡೆಪಾವ್ಟಿಂ ವಿರಾರ್ ಜಾತಾಂವ್
ಉಪ್ರಾಂತ್ ಪುರಾಸಣ್ ಆಮ್ಚಿ ಮತಿಂತ್ ಆಮಿ ಭಗ್ತಾಂವ್
ಅಕೇರಿಕ್ ಚಿಂತುನ್ಚ್ ಎಕಾ ನಿರ್ದಾರಾಕ್ ಆಮಿ ಪಾವ್ತಾಂವ್
ಆನಿ ಮುಕಾರ್ ಚಿಂತ್ಚೆಂಚ್ ಸದಾಂಕಾಳ್ ಸೊಡ್ತಾಂವ್
ಹೆಂ ಚಿಂತುನ್ ತೆದಾಳಾ ಆಮ್ಚೆ ಮತಿಂತ್ ಆಮ್ಕಾಂ ಭಗ್ತಾ
ಚಿಂತ್ಚೆಂಚ್ ಸೊಡ್ಲೆಂ ತರ್ ಕಶಿ ಅಪ್ಲಿ ಮತ್ ಚಲ್ತಾ?
ಚಿಂತುನ್ಚ್ ನ್ಹಂಯ್ಗಿ ಮನಿಸ್ ಮುಕಾರ್ ಪಾವ್ತಾ
ಚಿಂತಿನಾತ್ಲ್ಲೊ ಕಿತೆಂ ರೂಪ್ ಅಪ್ಲೆ ಜಿಣ್ಯೆಕ್ ದೀಂವ್ಕ್ ಸಕ್ತಾ
ಹೆಂಚ್ ಚಿಂತುನ್ ಚಿಂತುನ್ ತೊ ಜೀಣ್ಭರ್ ಕರ್ಗತಾ
ಚೀಂತ್ ಯಾ ನಾ ಚೀಂತ್ ಕಿತೆಂ ಫರಕ್ ಮ್ಹಣ್ ಪುರ್ಪುರ್ತಾ
ಅಶೆಂ ಅಮಿಯಿ ಜೀಣ್ಭರ್ ಕಿತೆಂ ನಾ ಕಿತೆಂ ಚಿಂತಾಂವ್
ಚಿಂತುನ್ ಚಿಂತುನ್ ಎಕಾ ನಿರ್ದಾರಾಕ್ ಆಮಿ ಯೆತಾಂವ್
ಪರ್ತ್ಯಾನ್ ಪರ್ತ್ಯಾನ್ ಹೆಂಚ್ ಚಿಂತಪ್ ಮನಾಂತ್ ಆಟಯ್ತಾಂವ್
ಹ್ಯಾ ವಿಶ್ಯಾಂತ್ ಉಪ್ರಾಂತ್ ಚಿಂತ್ಚೆಂ ಮ್ಹಣ್ ಸೊಡ್ತಾಂವ್
ಪುಣ್ ಆತಾಂ ಚಿಂತಾಂ ಫಕತ್ ಆಯ್ಚ್ಯಾ ದಿಸಾವಿಶಿಂ ಹಾಂವ್..
ಉಪ್ರಾಂತ್ಲೆಂ ಸಗ್ಳೆಂ ಕರ್ತಲೊ ಮ್ಹಣ್ ಮ್ಹಜೊ ದೇವ್..
ಕವಿತಾಝರ್ - 134
- ಗ್ಲ್ಯಾಡಿಸ್ ನೊರೊನ್ಹಾ, ಕುವೇಯ್ಟ್
ಕವಿತಾ ಬರಂವ್ಚಾ ಹರ್ಯೆಕಾ ಕವಿಕ್ ಜರ್ ’ಚಿಂತಾಪ್’ ನಾತ್ಲ್ಲೆಂ ತರ್ ಕಿತೆಂ ಜಾತೆಂ? ಹ್ಯಾ ವಿಶಿಂ ಇಲ್ಲೊ ಆಟೊವ್ ಕರುಂಕ್ ಆಶೆತಾ ಕವಯತ್ರಿ ಗ್ಲ್ಯಾಡಿಸ್ ನೊರೊನ್ಹಾ, ಪಿಯುಸ್ನಗರ್. ವೃತ್ತೆಂತ್ ಹಿ ಏಕ್ ಶಿಕ್ಶಕಿ ತರ್ಯ್ ಕೊಂಕ್ಣಿ ಸಾಹಿತ್ಯಾಂತ್ ಹಿ ಪಾಟ್ಲ್ಯಾ ಸಭಾರ್ ವರ್ಸಾಂ ಥಾವ್ನ್ ಅಪ್ಲಿ ದೇಣ್ಗಿ ದೀವ್ನ್ ಆಸಾ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.