ದಾಯ್ಜ್ ತೆಸಾಂವ್: "ಕೊಂಕ್ಣಿ ಉಲಯ್, ಕೊಂಕ್ಣಿ ಉರಯ್, ಕೊಂಕ್ಣಿ ಆಮ್ಚಿ ಆವಯ್"
ಎಕ್ ನದರ್: UÀA©üÃgï £ÁlPÁAZï PÉÆAPÉÚZÉÆ ¥sÀÄqÁgï £ÀíAiÀiï - ಸ್ಟೀಫನ್ ಮಥಾಯಸ್, ಕಿನ್ನಿಗೋಳಿ.
ಚಿಂದಾನಂದ್, ಮಂಗ್ಳುರ್ ಹಾಚ್ಯಾ ’ಬೊಂಗೊಗೀ ತುಳು ಭಾಶೆಚೊ ಮುಂಗೊ’ ವಿಮರ್ಶ್ಯಾಕ್ ಪ್ರತಿಕ್ರಿಯಾ.
ಖಂಚೊಯೀ ಎಕ್ ಸಂಸ್ಥೊ ಯಾ ಪಂಗಡ್ ಭಾಂದ್ತಾನಾ ತ್ಯಾ ಪಾಟ್ಲ್ಯಾನ್ ಎಕ್ ಉದ್ದೇಶ್ ಅನಿಂ ಆದರ್ಶ್ ಅಸ್ತಾಚ್ಚ್. ಅಸಲ್ ಕಲಾಕರಾನಿಂ ಅಪ್ಲೊ ಪಂಗಡ್ ಭಾಂದ್ತಾನಾ ಅಮಿಂ ತುಳುಚೆಂ ಪಾಟ್ಥಳ್ ಘೆವ್ನ್ ತುಳುಂತ್ ಅಸ್ಲ್ಲೆಬರಿ ವೃತ್ತಿಪರ್ ನಾಟಕ್ ಪಂಗಡ್ ಭಾಂದುಂಕ್ ಆಶೆತಾಂವ್. ಅನಿಂ ತಿತ್ಲೆಚ್ಚ್ ಲೊಕಾಮೊಗಾಳ್ ನಾಟಕ್ ಕೊಂಕ್ಣೆಂತ್ ದೀಂವ್ಕ್ ಪೆಚಾಡ್ತಾಂವ್ ಮ್ಹಳ್ಳೆಂ ಹರ್ಯೆಕ್ ಸಂಧರ್ಬಾರ್ ಸ್ಪಷ್ಟ್ ಕೆಲಾಂ ಅಸ್ತಾಂ, ಲೆಕಖಾನ್ ಅಸಲ್ ಕಲಾಕರಾಂಚೆಂ ಪಾಟ್ಥಳ್ ಸಮ್ಜೊನ್ ಘೆನಾಸ್ತಾಂ ಫಕತ್ ಖೊಡಿ ಕಾಡ್ಚ್ಯಾ ನಿಬಾನ್ ವಿಮರ್ಸೊ ಕೆಲಾ.
ಚಿದಾನಂದ ಪರ್ಮಾಣೆಂ ತುಳು ನಾಟಕ್ ರಾಜ್ಯ್ ಮಟ್ಟಾಕ್ ಪಾವೊಂಕ್ ನಾಂತ್, ತ್ಯಾ ದೆಕೂನ್ ತಾಂಚ್ಯಾ ಮೆರೆರ್ ಚಲ್ಚಿ ಅಮ್ಕಾಂ ಗರ್ಜ್ ನಾಂ. ಪುಣ್ ಸತ್ ಗಜಾಲ್ ಹಿ ಕೀ ಲೇಖಕಾನ್ಂಚ್ ಒಪ್ಪಲ್ಲಾಬರಿ ಅಜ್ ತುಳು ನಾಟಕ್ ಹಜಾರೊಂ ಪ್ರೇಕ್ಷಕಾಂಕ್ ಪಾವ್ಲ್ಯಾತ್ ಅನಿಂ ಮನಾಂ ಜಿಕ್ಲ್ಯಾತ್. ಪಯ್ಸ್ ಕಿತ್ಯಾಕ್? ಅಮ್ಚಾ ಇಗರ್ಜಿಚಾ ವಠಾರಾನಿಂ ಸಯ್ತ್ ಅಜ್ ತುಳು ನಾಟಕಾಂಕ್ ಖಾಯ್ಸ್ ಅಸಾ ಶಿವಾಯ್ ಚಿಂದಾನಂದಾಚ್ಯಾ ರಾಜ್ಯ್–ರಾಷ್ಟ್ರ್ ಮಟ್ಟಚ್ಯಾ ನಾಟಕಾಂಕ್ ನ್ಹಯ್.
ಲೇಖಕಾ ಪರ್ಮಾಣೆಂ ಕೊಂಕ್ಣಿ ನಾಟಕ್ ಶೆತ್ ಗಿರೇಸ್ತ್ ಅಸಾ ಅನಿಂ ತುಳು ನಾಟಕಾಂಚೆಂ ಬೆಕೂಫ್ಪಣ್ ಅಮ್ಕಾಂ ಗರ್ಜ್ನಾಂ. ಹೆಂ ವ್ಹಯ್ತರ್, ಆಜ್ ಗಿರೇಸ್ತ್ ಕೊಂಕ್ಣಿ ನಾಟಕ್ ಅಮ್ಚಾ ಯುವಜಣಾಂಚ್ಯಾ ಅನಿಂ ಅಲ್ತಾರ್ ಭುರ್ಗ್ಯಾಂಚ್ಯಾ ವಾರ್ಷಿಕೋತ್ಸವಾಕ್ ಮಾತ್ರ್ ಸೀಮಿತ್ ಕಿತ್ಯಾಕ್ ಜಾಲ್ಯಾತ್? ಅಮ್ಚ್ಯಾ ಪಬ್ಲಿಕ್ ಕಾರ್ಯಾಂಚ್ಯಾ ಅಖೇರಿಕ್ ಸಯ್ತ್ ಅಜ್ ತುಳು ನಾಟಾಕಾಂಚೆಂ ಪ್ರದರ್ಶನ್ ಜಾತಾ. ಹೆಂ ಅಮ್ಕಾಂ ಉಣೆಂಪಣ್ ನ್ಹಯ್?
ಚಿದಾನಂದಾನ್ ಉಲ್ಲೇಕ್ ಕೆಲ್ಲ್ಯಾ ಸಭಾರಾನಿಂ ಕೊಂಕ್ಣಿ ನಾಟಕಾಂಕ್ ಗಿರೇಸ್ತ್ ಕೆಲಾಂ ವ್ಹಯ್, ತಶೆಂ ಮ್ಹಣೊನ್ ಗಂಭೀರ್ ನಾಟಕಾಂಚ್ ಕೊಂಕ್ಣೆಚೊ ಫುಡಾರ್ ನ್ಹಯ್. ಹರ್ಯೇಕ್ ಪ್ರಕಾರಾಕ್ ತಾಚೆಚ್ ಮ್ಹಳ್ಳೆ ಅಭಿಮಾನಿಂ ಅಸ್ತಾತ್. ತಾಂಚೆ ಥಾವ್ನ್ (ತುಳು) ಅಮ್ಕಾಂ ಶಿಕ್ಚೆಂ ಕಿತೆಂಚ್ನಾಂ ಮ್ಹಳ್ಳೆಂ ಎಕಾ ಬರ್ಯಾ ವಿಮರ್ಶ್ಯಾಕಾಚೆಂ ಲಕ್ಷಣ್ ನ್ಹಯ್. ಹೆಂ ಅಪುಣ್ಂಚ್ ವ್ವಡ್ ಮ್ಹಳೆಂ ಅಹಂ ಅಸ್ಲ್ಲೊ ವ್ಯಕ್ತಿ ಮಾತ್ರ್ ಉಚಾರ್ತಾ. ಹೆರಾಂ ಥಂಯ್ ಜೆ ಕಿತೆಂ ಬರೆಂ ಅಸಾ ತೆಂ ಘೆಂವ್ಚೆ ಬರ್ಯಾ ವಾಡಾವಳಿಕ್ ಉಪ್ಕಾರ್ತಾ.
’ಬೊಂಗೊ’ ನಾಟಕಾಚಿ ಸಿಡಿ ಪಳೆವ್ನ್ ನಿರ್ದೇಶಕ್ ಸಲ್ವಲಾ ಮ್ಹಳೆಂ ಫಯ್ಸಲ್ ದಿವ್ಚೆಂ ಸಾರ್ಕೆಂ ನ್ಹಯ್. ಹಾಂವೆಂ ಸಿಡಿಚೆರ್ ತಶೆಂ ವೆದಿರ್ ನಾಟಕ್ ಪಳೆಯ್ಲಾ. ವೆದಿರ್ ಉದೆವ್ನ್ ಅಯಿಲ್ಯಾಬರಿ ಸಿಡಿರ್ ನಾಟಕ್ ಉದೆಂವ್ಕ್ ನಾಂ ಮ್ಹಳ್ಳೆಂ ಸತ್. ಹಾಕಾ ತಾಂತ್ರಿಕ್ ಅನನುಭವ್ ಕ್ಯಾಮೆರಾಮೆನಾಂಚಿ ನಾಂ ಸಮ್ಜಣಿ, ವೆದಿರ್ ದಿಸ್ಚೆಬರಿ ಸಗ್ಳಿಂ ಪಾತ್ರಾಂ ಎಕಾಚ್ಚ್ ಸನ್ನಿವೇಶಾಂತ್ ಪಳೆಂವ್ಕ್ ಮೆಳಾನಾತ್ಲ್ಲೆಂ ಪ್ರಮುಖ್ ಕಾರಣ್. ನಾಟಕ್ ಪ್ರದರ್ಶನಾಕ್ ಸಜಯಿಲ್ಯಾ ವೆದಿರ್ ನಾಟಕ್ ರೆಕೊರ್ಡಿಂಗ್ ಕರ್ತಾನಾ ಹೆಂ ಉಣೆಂಪಣ್ ಉಬ್ಜಾತಾ. ತಶೆಂಚ್ ನಾಟಕ್ ರೆಕೊರ್ಡಿಂಗ್ ಕರ್ತೆಲ್ಯಾ ಕ್ಯಾಮರಾಮೆನಾಂಕ್ ಸೀರಿಯಲಾಂ ರೆಕೊರ್ಡ್ ಕೆಲ್ಲಿಂ ಅನುಭವಂ ಹಾಂಗಾಸರ್ ಗರ್ಜೆಚಿಂ. ಲೇಖಕಾನ್ ಉಲ್ಲೇಖ್ ಕೆಲ್ಲೊ ’ತೊ ಮ್ಹಾಕಾ ನಾಕಾ’ ನಾಟಕ್ ಹ್ಯಾಚ್ಚ್ ಪಾಟ್ಥಳಾರ್ ವೆದಿ ಸಜವ್ಣೆ ಬದ್ಲಾಕ್ ಎಕಾ ಘರಾಚ್ಯಾ ಹೊಲಾಂತ್ ರೆಕೊರ್ಡ್ ಕೆಲಾ, ಹೆಂ ಗಮನಾಂತ್ ಘೆಂವ್ಚೆಂ. ಹೆಂ ಉಣೆಂಪಣ್ ವೆದಿರ್ ನಾಟಕ್ ಪಳೆನಾಸ್ತಾಂ ನಿರ್ದೇಶಕಾಚ್ಯಾ ಮಥ್ಯಾರ್ ಥಾಪುಂಕ್ ಜಾಯ್ನಾ.
ಚಿದಾನಂದ್ ಅಸಲೆ ನಾಟಕ್ ಕೊಂಕ್ಣೆಚೆಂ ಭವಿಶ್ಯ್ ನ್ಹಯ್ ಮ್ಹಣ್ತಾ. ಮುಕಾರುನ್ ಹಾಸ್ಯ್ ನಾಟಕಾದ್ವಾರಿಂ ಪ್ರೇಕ್ಷಕಾಚಿಂ ಮನಾಂ ಜಿಕ್ಯೆತ್ ಪುಣ್ ಕೊಂಕ್ಣೆಕ್ ಬರೊ ನಾಟಕ್ ದಿಲ್ಲೆಬರಿ ಜಾಯ್ನಾ ಮ್ಹಣ್ತಾ. ತರ್ ಕೊಂಕ್ಣೆಂತ್ ಬರೊ ನಾಟಕ್ ಮ್ಹಳ್ಯಾರ್ ಖಂಚೊ? ವೆದಿ ಮುಕಾರ್ ಗಂಭೀರ್ ಥರಾನ್ ಬಸ್ಲ್ಯಾ (ಜಾಯ್ತೆಪಾವ್ಟಿಂ ನಟನ್ ಕರ್ಚ್ಯಾ) ಪಂಚ್ವೀಸ್ ಜಣಾಂ ಮುಕಾರ್ ಖೆಳ್ಚೆ ನಾಟಕ್?
ಚಿದಾನಂದನ್ ಒಪ್ಚೆಬರಿ ಅಜ್ ತುಳು ನಾಟಕ್ ರಾಜ್ಯ್-ರಾಷ್ಟ್ರ್-ಅಂತಾರಾಷ್ಟ್ರೀಯ್ ಮಟ್ಟಾರ್ ಪಾವೊಂಕ್ನಾಂತ್, ಪುಣ್ ಲೊಕಾಮೊಗಾಳ್ ಜಾಲ್ಯಾತ್. ಕೊಂಕಣ್ ಕರಾವಳೆಂತ್ ಅಜ್ ನಾಟಕಾಂಕ್ ಪುನರ್ಜಲ್ಮ್ ದಿಲ್ಲೊಚ್ಚ್ ತುಳು ನಾಟಕ್ ಪಂಗ್ಡಾನಿಂ ಅಜ್ ಟಿವಿ ಮುಕಾರ್ ಥಾವ್ನ್ ಪ್ರೇಕ್ಷಕಾಂಕ್ ವೋಡ್ನ್ ಹಾಡ್ಚೆಂ ತ್ರಾಣ್ ಅಸ್ಚೆಂ ಫಕತ್ ತುಳು ನಾಟಕಾಂಕ್. ತುಳು ನಾಟಕ್ ಪಂಗಡ್ ಅಜ್ ಅಪ್ಲ್ಯಾ ಕಲಾಕರಾಂಕ್ ಅನಿಂ ತಾಂಚ್ಯಾ ಕುಟ್ಮಾಕ್ ಹೆರ್ ವೃತ್ತೆವಿಣೆಂ ಸಗ್ಳೆಂ ವರಸ್ ಪೊಸುಂಕ್ ಸಕ್ತಾತ್. ಆಜ್ ತೆ ಅಜ್ ರಾಷ್ಟ್ರ್ ಮಟ್ಟಾಚ್ಯಾ ನಾಟಕಾಂ ಪಾಟ್ಲ್ಯಾನ್ ಗೆಲ್ಲೆತರ್, ಆಜ್ ಅಮ್ಚ್ಯಾ ಜಾಯ್ತ್ಯಾ ಕೊಂಕ್ಲಿ ನಾಟಕಿಸ್ತಾಂ ಬರಿಂ ಗಲ್ಫಚ್ಯಾ ರೆವೆಂರ್ ಭಾಂಗಾರ್ ಮುಡ್ಡಿತೆ!.
ಅಸಲ್ ಕಲಾಕರಾನಿಂ ಅಸಲಿ ಎಕ್ ವೃತ್ತಿಪರತಾ ಕೊಂಕ್ಣಿ ನಾಟಕ್ ಶೆತಾಕ್ ದಿಂವ್ಚೆಂ ಪ್ರಯತ್ನ್ ಕೆಲಾಂ. ಅಜ್ ಕೊಂಕ್ಣೆಂತ್ ಅಪ್ಣಾಕ್ಚ್ಚ್ ನಾಟಕಿಸ್ತ್ ಮ್ಹಣ್ಚ್ಯಾಂಚೆ ಜಾಯ್ತೆ ನಾಟಕ್ ಅಪ್ಲ್ಯಾಚ್ ಖರ್ಚಾರ್ ಪ್ರದರ್ಶನ್ ಉಭಾರಿನಾತರ್ ಗೊವೆಂತಾ ಥಾವ್ನ್ ಭಾಯ್ರ್ ಯೆನಾಂತ್. ಅಸಲ್ಯಾ ಸಂದರ್ಭಾರ್ ಅಸಲ್ ಕಲಾಕರಾನಿಂ ’ಬೊಂಗೊ’ಚ್ಯಾ ಆಟ್ ಪ್ರದರ್ಶನಾಂ ಪಯ್ಕಿ ಎಕ್ಚ್ ಎಕ್ ಪ್ರದರ್ಶನ್ ಅಪ್ಲ್ಯಾ ಖರ್ಚಾರ್ ಉಭಾರುಂಕ್ ನಾಂ. ತಾಚ್ಯಾಕೀ ವರ್ತ್ಯಾನ್ ತಾಣಿಂ ಘೆಂವ್ಚಾ ಸಂಭಾವನಾಂತ್ ಸಯ್ತ್ ಸೊಡ್ದೊಡ್ ಕರುಂಕ್ ನಾಂ. ಹೆಂ ತಾಂಕಾಂ ತಾಂಚೆರ್ ಅಸ್ಲ್ಲ್ಯಾ ಭರ್ವಶ್ಯಾಕ್ ಅನಿಂ ತಾಂಚ್ಯಾ ವೃತ್ತಿಪರತೆಕ್ ರುಜ್ವಾತ್ ದಿತಾ.
ಭಾಶೆಚಿ ಗಿರೇಸ್ತ್ಕಾಯ್ ಫಕತ್ ಸ್ಪರ್ಧ್ಯಾಕ್ ಅರ್ಹತಾ ಅಸಲ್ಲೆ ನಾಟಕ್ ರಚ್ಲ್ಲೆ ಕೂಡ್ಲೆ ವಾಡಾನಾ ಬಗಾರ್ ಭಾಶೆಚ್ಯಾ ವಾಡಾವಳೆಕ್ ಅಪ್ಲ್ಯಾ ತೊಂಡಾರ್ ಕೊಂಕ್ಣಿ ಘೊಳಂವ್ಚ್ಯಾ ಸಾದ್ಯಾ ಲೊಕಾಚಿ ಕುಮೊಕ್ ವರ್ತಿ. ಅಜ್ ಇಸ್ಕೊಲಾಂತ್ ಕೊಂಕ್ಣಿ ರಿಗ್ತಾನಾ ಥೊಡ್ಯಾ ಪೋಶಕಾಂ ಥಾವ್ನ್ ವಿರೋಧ್ ಅಯ್ಲೆ. ತಶೆಂ ಮ್ಹಣೊನ್ ತಾಂಕಾ ಸರ್ವಾಂಕ್ ಕೊಂಕ್ಣೆಚಿಂ ದುಸ್ಮಾನಾಂ ಮ್ಹಣೊಂಕ್ ಜಾಯ್ನಾ. ಕೊಂಕ್ಣಿ ಗಿರೇಸ್ತ್ಕರ್ಚ್ಯಾ, ಕೊಂಕ್ಣೆಚ್ಯಾ ರಾಕ್ವಲ್ಯಾಂ ಮದೆಂ ಅನಿಂ ಸಾದ್ಯಾ ಲೊಕಾ ಮದೆಂ ವಾಡೊನ್ ಯೆಂವ್ಚೊ ಅಂತರ್ ಅಜ್ ಅಸಲ್ಯಾ ಸಂಗ್ತಿನಿಂ ವಯ್ರ್ ಪಡ್ತಾ.
ಗೆಲೆತ್ಯಾ ವರ್ಸಾ ’ಬೊಂಗೊ’ಚಿಂ ಆಟ್ ಪ್ರದರ್ಶನಾಂ ಜಾಲ್ಯಾಂತ್, ಮ್ಹಕಾ ಕಳಿತ್ ಅಸ್ಲ್ಯಾ ಪರ್ಮಾಣೆಂ ಖಂಚೆಂಚ್ ಪ್ರದರ್ಯನ್ ಸಾಲ್ಭರ್ ಪ್ರೇಕ್ಷಕ್ ನಾಸ್ತಾ ಖಾಲಿ ಪಡೊಂಕ್ನಾಂ. ತರ್ ಚಿದಾನಂದ ಪರ್ಮಾಣೆಂ ತೆ ಸರ್ವ್ ಭೆರೆ, ಟಾಯ್ಮ್ ಪಾಸ್ ಕರುಂಕ್ ಅಯಿಲ್ಲೆ ಸಾದೆ ಪ್ರೇಕ್ಷಕ್? ಕಿತೆಂಯ್ ಜಾಂವ್ ತಾಂಚ್ಯಾ ಸಮೇಸ್ತಾಂ ತರ್ಪೆನ್ ’ಅಸಲ್’ ಕಲಾಕರಾಂಕ್ ಜಯ್ತ್ ಮಾಗ್ತಾಂ. ಆನಿಂ ಎದೊಳ್ಚ್ಚ್ ದೋನ್ ಪ್ರದರ್ಯನಾಂ ದೆಕ್ಲ್ಲೋ ತಾಂಚೊ ದುಸ್ರೊ ನಾಟಕ್ ’ಬೊಂಗ್ಲೊ’ಕ್ ಸರ್ವ್ ಬರೆಂ ಮಾಗ್ತಾಂ.
ಅಖ್ರೇಕ್ ವಿಸ್ರಾನಾಸ್ತಾಂ ಚಿದಾನಂದಾಚ್ಯಾ ’ಕೊಂಕ್ಣಿ ಬಾವ್ಟೊ ಘೆವೂನ್ ಸಂಸಾರ್ ಘುಂವ್ಚೊ’ ನಾಟಕ್ ಪಂಗಡ್ ಬಾಂದ್ಚಾ ಸ್ವಪ್ಣಾಕೀ ಕಾಳ್ಜಾಂತೂನ್ ಬರೆಂ ಮಾಗ್ತಾಂ.
QvÉA¬Äà eÁAªï PÉÆAPÉÚZÉA §gÉA eÁAªï.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
