ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಕಥಾದಾಯ್ಜ್ - 20
ಕಾಳಿಜ್
ಎಚ್.ಜೆ.ಗೋವಿಯಸ್
ನಾಂವ್: ಎಚ್.ಜೆ.ಗೋವಿಯಸ್
ಲಿಖ್ಣೆ ನಾಂವ್: ಎಚ್.ಜೆ.ಗೋವಿಯಸ್
ಜನನ್: 22 ಎಪ್ರಿಲ್ 1956.
ಜಲ್ಮಾಲ್ಲೊ ಗಾಂವ್: ಕಂಕನಾಡಿ, ಮಂಗ್ಳುರ್.
ಆವಯ್-ಬಾಪುಯ್: ಲಿಲ್ಲಿ ಗೋವಿಯಸ್ ಆನಿ ದೆ|ಎಸ್.ಬಿ.ಗೋವಿಯಸ್.
ಹೆರ್ ಕಾಣ್ಯೊ: ಹಾಂವ್ ತುಜಿಂ ಜಾಂವ್ಕ್ ಆಶೆತಾಂ, ಮ್ಹಜ್ಯೆ ಆವಯ್ ಖಾತಿರ್
ವಳೊಕ್:
ಶಿಕಾಪ್: ಬಿ.ಕಾಮ್ ಆನಿ ಬಿಜ್ನೆಸ್ ಮ್ಯಾನೆಜ್ಮೆಂಟ್.
ಪಯ್ಲಿ ಮಟ್ವಿ ಕಥಾ: ’ಹಾಂವೆಂ ಆಶೆಲ್ಲಿ ಚಲಿ’, (ಪಯ್ಣಾರಿ, 1973)
ಪರ್ಗಟ್
ಜಾಲ್ಲೆ ಬೂಕ್: 18
ಭುಂಯಾರಾಂತ್ಲೊ
ಘುಟ್ (ಕಾದಂಬರಿ, ಪುನವ್
ಪ್ರಕಾಶನ್, 1976)
ಖತ್ರ್ಯಾಂತ್ಲ್ಯಾ ಪಾಸಾಂತ್ (ಕಾದಂಬರಿ, ಪುನವ್ ಪ್ರಕಾಶನ್, 1976)
ಭಗ್ಸಿಲ್ಲೆಂ ಫಾರಿಕ್ಪಣ್ (ಕಾದಂಬರಿ, ಪುನವ್ ಪ್ರಕಾಶನ್, 1976)
ಭಿರಾಂಕುಳ್ ಚಲಿ (ಕಾದಂಬರಿ, ಪುನವ್ ಪ್ರಕಾಶನ್, 1976)
ಹಾಂವ್ ತುಕಾ ನಾಸ್ ಕರ್ತೆಲಿಂ (ಕಾದಂಬರಿ, ಪುನವ್ ಪ್ರಕಾಶನ್, 1976)
ಮಾಳಿನಾತ್ಲ್ಲೆಂ ಫುಲ್ (ಕಾದಂಬರಿ, ಪುನವ್ ಪ್ರಕಾಶನ್, 1976)
ತುಂ ಮ್ಹಜ್ಯೆ ಸಾವ್ಳೆಂತ್ ಜಿಯೆ (ಕಾದಂಬರಿ, ಪುನವ್ ಪ್ರಕಾಶನ್, 1976)
ವೊಡಾ ರುಕಾಕ್ ಗಳ್ಪಾಸ್ (ಕಾದಂಬರಿ, ಪುನವ್ ಪ್ರಕಾಶನ್, 1976)
ಸಿಮೆಸ್ತ್ರಿಂತ್ಲ್ಯಾ ವಟಾರಾಂತ್ (ಕಾದಂಬರಿ, ಪುನವ್ ಪ್ರಕಾಶನ್, 1976)
ತೆ ರಾಕೊನ್ ಆಸಾತ್ (ಕಾದಂಬರಿ, ಪುನವ್ ಪ್ರಕಾಶನ್, 1976)
ಲಿಪಯಿಲ್ಲೆಂ ಸತ್ (ಕಾದಂಬರಿ, ಪುನವ್ ಪ್ರಕಾಶನ್, 1976)
ಜೊವ್ಳಿ ರುಪಾಂ (ಕಾದಂಬರಿ, ಪುನವ್ ಪ್ರಕಾಶನ್, 1976)
ಉಗ್ಡಾಪೊ ಜಾಲ್ಲೊ ಘುಟ್ (ಕಾದಂಬರಿ, ಪುನವ್ ಪ್ರಕಾಶನ್, 1976)
ವಳ್ವಳ್ಚಿಂ ಫಾರಿಕ್ಪಣಾಂ (ಕಾದಂಬರಿ, ಪುನವ್ ಪ್ರಕಾಶನ್, 1976)
ಕಿಂಕ್ರಾಟ್ (ಕಾದಂಬರಿ, ಪುನವ್ ಪ್ರಕಾಶನ್, 1976)
ಮೊರ್ನಾಚ್ಯೆ ತಣೀರ್ (ಕಾದಂಬರಿ, ಪುನವ್ ಪ್ರಕಾಶನ್, 1976)
ರಾತ್ (ಕಾದಂಬರಿ, ಪುನವ್ ಪ್ರಕಾಶನ್, 1976)
ಎಪ್ರಿಲ್ 22 (ಕಾದಂಬರಿ, ಪುನವ್ ಪ್ರಕಾಶನ್, 1976)
ಮಟ್ವ್ಯೊ ಕಾಣ್ಯೊ: 200 ವಯ್ರ್ [ಲೇಕ್ ಧರುಂಕ್ ನಾಂತ್]
ಕವಿತಾ: 25 ವಯ್ರ್.
ಕಾದಂಬರಿ: 17
ಯೆತಾಂ ತುಜಿ ವಾಟ್ ಧರುನ್ (0000, ಆಆಆಆ)
ಆಂಕ್ವಾರ್ ಆವಯ್ (0000, ಆಆಆಆ)
ತಾಚೆ ಖಾತಿರ್ (0000, ಆಆಆಆ)
ವಿಚಿತ್ರ್ ಪುನರ್ ಮಿಲನ್ (0000, ಆಆಆಆ)
ಹಾಂವ್ ಅನಿಸ್ಕಳ್ ನ್ಹಯ್ (0000, ಆಆಆಆ)
ವ್ಯಭಿಚಾರಿಣ್ (0000, ಆಆಆಆ)
ಹಾಂವ್ ತುಕಾ ವಿಸ್ರೊಂಚಿನಾ (0000, ಆಆಆಆ)
ಕಾಳೊಕಾಂತ್ಲೆ ದೊಳೆ (0000, ಆಆಆಆ)
ಮ್ಹಾಕಾ ಸೊಡುನ್ ವಚಾನಾಕಾ (0000, ಆಆಆಆ)
ತುಂಚ್ ಮ್ಹಾಕಾ ಜಾಯ್ (0000, ಆಆಆಆ)
ತುಜ್ಯಾ ಮೊಗಾ ಖಾತಿರ್ (0000, ಆಆಆಆ)
ಬಾರಾ ಮೆಟಾಂ (0000, ಆಆಆಆ)
ಹಾಂವ್ ತುಕಾ ಭಗ್ಸುಂಚಿಂ ನಾ (0000, ಆಆಆಆ)
ವಿಚಿತ್ರ್ ಪುನರ್ ಮಿಲನ್ (0000, ಆಆಆಆ)
ಹಾಂವ್ ಅನಿಸ್ಕಳ್ ನ್ಹಯ್ (0000, ಆಆಆಆ)
ಲೇಖನಾಂ: 100 ವಯ್ರ್
ಹೆರ್ ಭಾಸಾಂನಿ ಅನುವಾದ್ ಕೆಲ್ಲೆಂ ಸಾಹಿತ್ಯ್:
ಇಂಗ್ಲಿಶಾಕ್ ಅನುವಾದ್ ಕೆಲ್ಲೊ ನಾಟಕ್ ’A Spinster Mother’.
ಇಂಗ್ಲಿಶಾಕ್ ಅನುವಾದ್ ಕೆಲ್ಲಿ ಮಟ್ವಿ ಕಾಣಿ ’The Naked virginity’.
ಚಿಂತಾಪ್: ಕೊಂಕ್ಣಿ ಸಾಹಿತ್ಯಾಂತ್ ಮಟ್ವ್ಯೊ ಕಾಣ್ಯೊ ಬರಯ್ತೆಲ್ಯಾ ಮಾಲ್ಘಡ್ಯಾ ಕಾಣ್ಯೆಗಾರಾಂ ಪಯ್ಕಿಂತ್ ಎಚ್.ಜೆ.ಗೋವಿಯಸ್ ಎಕ್ಲೊ. ಅಪ್ಲಿಚ್ಚ್ ಮ್ಹಳ್ಳಿ ಶೈಲಿ ಆಸೊನ್ ಕಾಣ್ಯೊ ಬರಂವ್ಚ್ಯಾ ಹಾಣೆಂ ವೆವೆಗ್ಳ್ಯಾ ಪ್ರಕಾರಾಚ್ಯೊ ವೆವೆಗ್ಳ್ಯಾ ರಿತಿಚ್ಯೊ ಕಾಣ್ಯೊ ಬರಯ್ಲ್ಯಾತ್. ವೃತ್ತೆನ್ ಮೆತೆರ್ ಆಸೊನ್ಯೀ, ಕೊಂಕ್ಣೆಂತ್ ಸರಾಗ್ ಕಾಣ್ಯೊ ಬರಂವ್ಚ್ಯಾ ಹಾಣೆಂ ಹೆರ್ ಪ್ರಕಾರಾಚೆಂ ಸಾಹಿತ್ಯ್ಯೀ ರಚ್ಲಾಂ.
- ವಲ್ಲಿ ಕ್ವಾಡ್ರಸ್
ಕಥಾದಾಯ್ಜ್ - 20. ಕಾಳಿಜ್
ಡೆಲ್ಹಿ, ಲಾಜ್ಪತ್ ನಗರ್!
ಮಾರ್ಲ್ಲ್ಯಾ ಭಿರಾಂಕುಳ್ ಘಡ್ಘಡ್ಯಾಕ್ ಸಗ್ಳೆಂ ಡೆಲ್ಹಿ ಶೆಹರ್ ಏಕ್ ಪಾವ್ಟಿಂ ಕಾಂಪೊನ್ ಉಟ್ಲೆಂ!!!
ಪಾವ್ಸಾಚೊ ಕಾಳ್! ರಾತಿಚಿಂ ವೊರಾಂ ೧೦.೪೦ ಉತ್ರಾಲ್ಲಿಂ!! ಘಡ್ಘಡ್ಯಾ-ಝಗ್ಲಾಣ್ಯಾಸಂಗಿಂ ಶಿರಾಂಧಾರಿಚೊ ಪಾವ್ಸ್!!! ಆಬ್ಳೆ ಹ್ಯಾ ವೆಳಾ ಪಯ್ಸ್ ಪಾವ್ಲ್ಲಿ ನೀಮಾ, ಹಾತಿಂ ಸತ್ರಿ ಘೆವ್ನ್, ಆಮ್ಸೊರಾಚಾ ಮೆಟಾಂನಿ, ಭಿಂಯಾನ್ ಪಾವ್ಸಾಚಾ ಮಾರಾಂ ಥಾವ್ನ್ ಶಾಭಿತ್ ಉರ್ಚೆಂ ಪ್ರಯಾತ್ನ್ ಕರಿತ್ತ್, ಘರ್ಚ್ಯೆ ವಾಟೆರ್ ಆಸ್ಲ್ಲಿ.
ನಿರ್ಜನ್ ರಸ್ತೊ ಜಾಲ್ಲ್ಯಾನ್, ಘಡ್ಘಡ್ಯಾಚಾ ಆವಾಜಾನ್ ತಿಚೆಂ ನಾಜುಕ್ ಕಾಳಿಜ್ ಕಾಂಪ್ತಾಲೆಂ.
ಚಲ್ತಾಂ ಚಲ್ತಾಂ, ತಿಚಾ ಕಾನಾಂತ್ ಏಕ್ ಕಸಲಿಗಿ, ಪಿಂರ್ಗವ್ಣಿ ಆಯ್ಕಾಲಿ. ಘಡ್ಯೆಕ್ ನೀಮಾಚೆ ಕಾನ್ ನೀಟ್ ಜಾಲೆ, ಆಂಗಾಚಿ ಲೋಂವ್ ಉಬಿ ಜಾಲಿ. ಆಕ್ಲಾಸಾಚೆ ಧಡ್ಧಡೆ ಚಡ್ಲೆ ಆನಿ ತಿಣೆ ಮೆಟಾಂ ಸರಾಗ್ ಕೆಲಿಂ. ಪರಾತ್ ಚಿಕ್ಕೆ ವಡ್ಲ್ಯಾನ್ ಪಿಂರ್ಗಾಲ್ಲೊ ಆವಾಜ್!
ನೀಮಾನ್ ಆಪ್ಲಿ ಭಿಂಯಾಚಿ ಚಾಲ್ ರಾವವ್ನ್, ಭಂವ್ತಣಿ ದೀಷ್ಟ್ ಚರೈಲಿ. ರಸ್ತ್ಯಾಚಾ ಕುಶಿಕ್ ಏಕ್ ದಾದ್ಲೊ ಪಡೊನ್ ಆಸ್ಚೊ, ಝಗ್ಲಾಂವ್ಚ್ಯಾ ಪ್ರಕಾಸಾಕ್ ದಿಷ್ಟಿಕ್ ಪಡ್ಲೊ. ತಾಚಾ ಆಂಗಾರ್ ಅಸ್ಚೆಂ ಶರ್ಟ್ ಬಿಜ್ಲ್ಲ್ಯಾ ಮಾತ್ಯೆ ರಂಗಾಚೆಂ ಜಾಲ್ಲೆಂ. ಖಂಚಿಚ್ ಪರ್ವಾ ನಾಸ್ತಾಂ ತೊ ಆಧಾರಾವೀಣ್ ಭಿಜ್ತಾಲೊ.....
ನೀಮಾಚೆಂ ಸ್ತ್ರಿ ಕಾಳಿಜ್ ತ್ಯಾ ದಾದ್ಲ್ಯಾ ಪ್ರತಿ ಮೊವಾಳ್ಳೆಂ. ಭಿರಾಂತ್ ಸದ್ದ್ಯಾಕ್ ವಿಸ್ರುನ್, ಕೋಣ್ ಜಾವ್ಯೆತ್ ಹ್ಯಾ ಬಿರಾಂಕುಳ್ ಪಾವ್ಸಿಲ್ಯಾ ರಾತಿಂ ನಿರಾಧಾರಿ ಪಡೊನ್ ಆಸಾ? ಸವಾಲ್ ತಿಚೆ ಥಂಯ್ ಉದೆತಾನಾ, ತಿಣೆ ಬಾಗ್ವೊನ್, ತ್ಯಾ ದಾದ್ಲ್ಯಾಚೆರ್ ದೀಷ್ಟ್ ಘಾಲಿ. ತೊ ಸಗ್ಳೊಚ್ ಸೊರೊ ಘಾಣ್ತಾಲೊ. ತೊಂಡಾರ್ ಬರ್ಪೂರ್ ಖಾಡ್ ವಾಡೊನ್, ಘಡ್ಯೆಕ್ ಪಾವ್ಟಿಂಚಾ ಝಗ್ಲಾಣೆಚಾ ಉಜ್ವಾಡಾಕ್ ತಾಚಿ ವ್ಹಳಕ್ ಧರುಂಕ್ ಜಾಲೆಂನಾ ನೀಮಾಕ್॒..
ತರೀ ತಾಕಾ ತಸಲ್ಯಾ ಸ್ತಿಥೆರ್ ಸೊಡುನ್ ವಚುಂಕ್ಯಿ ನೀಮಾಚೆಂ ಮನ್ ಆಯ್ಕಾಲೆಂನಾ. ‘ಅಶೆಂಚ್ ಹಿ ಸಗ್ಳಿ ರಾತ್ ಪಾವ್ಸಾಕ್ ಬಿಜೊನ್ ಪಡೊನ್ ಆಸಾತ್ ತರ್, ಸಾಕಾಳಿಂ ಪರ್ಯಾಂತ್ ನಿರ್ಜೀವ್ ಜಾಂವ್ಕ್ ಆಸಾ’ ಚಿಂತ್ನಾಂ ಬರಾಬರ್, ತುರ್ತಾಚಿಂ ಮೆಟಾಂ ಕಾಡುನ್ ತಿ ಮೊಟರ್ ಸಂಚಾರ್ ಆಸ್ಚ್ಯಾ ರಸ್ತ್ಯಾಕ್ ಪಾವ್ಲಿ.
ಥೊಡ್ಯಾ ವೆಳಾನ್ ತಿಕಾ ಏಕ್ ಟೆಕ್ಷಿ ಮೆಳ್ಳಿ. ಡ್ರಾಯ್ವರಾಕ್ ವಿನಂತಿಚಾ ಸ್ವರಾನ್ ತಿಣೆ ಫಟಿ ಮಾರ್ಲ್ಯೊ ಆಪ್ಲೊ ಘೊವ್ ಸೊರೊ ಪಿಯೆವ್ನ್ ರಸ್ತ್ಯಾರ್ ಪಡ್ಲಾ ಮ್ಹಣ್.
ಟೆಕ್ಷಿ ಡ್ರಾಯ್ವರಾಚಾ ಮಜತಿನ್, ಕಶೆಂಯ್ ನೀಮಾನ್ ತ್ಯಾ ದಾದ್ಲ್ಯಾಕ್ ಆಪ್ಲ್ಯಾ ಘರಾ ವೆಲೆಂ. ತ್ಯಾ ಘರಾಂತ್ ತಿಚಾ ಶಿವಾಯ್ ಹೆರ್ ಕೊಣ್ಂಚ್ ರಾವಾನಾತ್ಲ್ಲಿಂ. ಲೊಕಾ ಮುಖಾರ್ ಗುನ್ಯಾಂವ್ ತರೀ, ದೆವಾಕ್ ಮೆಚ್ವಾತೆಲಿ ಆಪ್ಲಿ ಕರ್ನಿ. ಅಶೆಂ ತಿ ಚಿಂತಿಲಾಗ್ಲಿ. ಟೆಕ್ಷಿ ಡ್ರಾಯ್ವರ್ ಗೆಲ್ಯಾ ನಂತರ್, ನೀಮಾನ್ ಕಷ್ಟಾಂನಿ ತ್ಯಾ ದಾದ್ಲ್ಯಾಚಾ ಆಂಗಾವಯ್ಲೆಂ ಶರ್ಟ್ ನಿಕ್ಳಾವ್ನ್, ಹುನ್ ಉದ್ಕಾಂತ್ ಬಿಜವ್ನ್ ತಾಚೆಂ ಆಂಗ್ ಮಾತೆಂ ಪುಸೊನ್ ತಾಚಾ ತೊಂಡಾಕ್ ಉದಾಕ್ ಬರೈಲೆಂ. ಉಪ್ರಾಂತ್ ಏಕ್ ಬೆಡ್ಡ್ಶಿಟ್ ಆಂಗಾರ್ ಘಾಲುನ್ ತಾಕಾ ಫ್ಯಾನಾಚಾ ಪಂದಾ ನಿದಾಯ್ಲೆಂ.
ತ್ಯೆ ಚಾಕ್ರೆಂತ್ ನೀಮಾ ಸ್ವತಾಃ ಪೊಟಾಕ್ ಘೆಂವ್ಕ್ ವಿಸ್ರಾಲಿ. ರಾತ್ ಬಳ್ ಜಾಲ್ಲಿ ಆನಿ ತಿಕಾ ನೀದ್ ಯೇಂವ್ಕ್ ಲಾಗ್ಲ್ಲಿ ತರೀ, ಘರಾಂತ್ ಏಕ್ ಪಿಡೆಸ್ತ್ ಆಸಾ ತಶೆಂ, ತೊ ದಾದ್ಲೊ ಮತಿರ್ ಯೇಂವ್ಕ್ ರಾಕೊನ್ ರಾವ್ಲಿ. ಫಾಂತೆಂ ಜಾತಾನಾ ತಿಕಾ ಜೆಮ್ ಪಡ್ಲ್ಲಿ.
ಸಾಕಾಳಿಂ ಆಮಾಲ್ ಪಿರ್ವೊನ್ ದಾದ್ಲ್ಯಾಕ್ ಜಾಗ್ ಜಾತಾನಾ, ತಾಣೆ ಆಪ್ಣಾಕ್ ಎಕಾ ಘರಾಂತ್ ಆಸ್ಚೆಂ ಪಳೈವ್ನ್ ತೊ ಅಜಾಪ್ ಜಾಲೊ. ಮುಖಾರ್ ಎಕ್ಯೆ ಸ್ತ್ರೀಯೆಕ್(ನೀಮಾಕ್) ಬಸ್ಲ್ಲೆ ಕಡೆನ್ ನಿದೊನ್ ಆಸ್ಚೆಂ ಪಳೈಲೆಂ. ತೊ ಎಕಾಚ್ಫಾರಾ ಕಾವ್ಜೆನ್ ಉಭೊ ಜಾಲೊ.
‘ಹೆಂ ಕಶೆಂ ಸಾಧ್ಯ್???’ ತಾಣೆ ಆಪ್ಣಾಕ್ ಸವಾಲ್ ಕೆಲೆಂ. ಕುಶಿಚಾ ಕದೆಲಾರ್ ಆಪ್ಲೆಂ ಶರ್ಟ್ ಧುವ್ನ್ ಫ್ಯಾನಾ ಪಂದಾ ಸುಕೊಂಕ್ ದವರ್ಲ್ಲೆಂ ಕಾಡುನ್ ತೊ ನೆಸ್ಲೊ.
ತಾಚೆಂ ಆಂಗ್ ಖಠೀಣ್ ಪಡ್ತಾಲೆಂ. ತಕ್ಲಿ ಜಡ್ ಭಗ್ತಾಲಿ. ಆಪ್ಣೆಂ ಮೀತ್ ಮಿರ್ವೊನ್ ಪಿಯೆವ್ನ್ ಅಶೆಂ ಘಡ್ಚೆಂ ತಾಕಾ ಸದಾಂಚೆಂ ಜಾಲ್ಲೆಂ ತರೀ, ಆಯ್ಚ್ಯಾ ಹ್ಯಾ ಘಟಾನಾಕ್ ತೊ ವಿಸ್ಮಿತ್ ಜಾಲ್ಲೊ. ನೀಮಕ್ ತೊ ಉಭೊ ರಾವ್ಲ್ಲೆ ಥಂಯ್ಚ್ ಸುಮಾರ್ ವೇಳ್ ಪಳಂವ್ಕ್ ಪಡ್ಲೊ. ಪಳೈಲ್ಲೆ ತಿತ್ಲಿ ತಾಚಿ ಆತುರಾಯ್ ಚಡ್ಲಿ ಶಿವಾಯ್, ಮಿಸ್ತೆರ್ ತಕಾ ಸಮ್ಜಾನಾ ಜಾಲೊ. ‘ಕಶೆಂ ಸಾಧ್ಯ್?’ ಎಕ್ಚ್ ಸವಾಲ್ ಘಡ್ಯೆ ಘಡ್ಯೆ ದೊಸುಂಕ್ ಲಾಗ್ಲೆಂ.
ಅಚಾನಕ್ ನೀಮಾ ನಿದೆಂತ್ ಆಪ್ಲೊ ಗಾಲ್ ಖೊರ್ಪುಂಕ್ ಲಾಗ್ಲಿ. ದುಸ್ರ್ಯೆ ಘಡ್ಯೆ ತಿಣೆ ದೊಳೆ ಉಘಡ್ಲೆ! ಮುಖಾರ್, ಅಪ್ಲೆಂ ಶರ್ಟ್ ನೆಸೊನ್ ಉಭೊ ರಾವೊನ್ ಆಸ್ಚ್ಯಾ ತ್ಯಾ ಖಾಡ್ಯಾಳ್ಯಾ ದಾದ್ಲ್ಯಾಕ್ ತಿ ಪಳೈಲಾಗ್ಲಿ. ತಿಚ್ಯಾ ತೊಂಡಾರ್ ಹಾಸ್ಯೊ ಉದೆಲ್ಯೊ.
“ಗುಡ್ ಮೊರ್ನಿಂಗ್’’ ನೀಮಾ ಮ್ಹಣಾಲಿ, “ತುಂ ಜಾಗೊ ಜಾಲ್ಲೆಂ ಕಳಿತ್ ಜಾಂವ್ಕ್ನಾ”
“॒॒॒”
“ತುಜೆಂ ಸವಾಲ್, ತುಂ ಹಾಂಗಾ ಕಸೊ ಪಾವ್ಲೊಯ್ ಮ್ಹಳ್ಳೆಂ ವ್ಹಯ್ಮೂ?” ನೀಮಾ ಉಟೊನ್
ಉಭಿ ಜಾಲಿ. “ಆಯ್ಕ್ ಹಾಂವ್ ಕಾಲ್ ಮಂಗ್ಳಾರಾ ದನ್ಫಾರಾಂ ಕಾಮಾ ಉಪ್ರಾಂತ್ ಕೈಲಾಶ್ಮಾರ್ಗ್
ಪಾವ್ಲ್ಲಿಂ. ಥಂಯ್ಸರ್ ಮ್ಹಾಕಾ ಥೊಡೆಂ ಗರ್ಜೆಚೆಂ ಕಾಮ್ ಆಸ್ಲ್ಲೆಂ. ಕಾಮ್ ಜಾವ್ನ್ ಪಾಟಿಂ ಪರ್ತಾತಾನಾ ವೇಳ್ ಉತ್ರಾಲ್ಲೊ. ಶಿವಾಯ್ ಪಾವ್ಸಾಚೊ ಕಾಳ್. ಬಸ್ಸಾರ್ ಥಾವ್ನ್ ದೆಂವೊನ್ ಹಾಂವ್ ಘರ್ಚ್ಯಾ ವಾಟೆರ್ ಆಸ್ತಾನಾ, ತುಕಾ ರಸ್ತ್ಯಾರ್ ಪಡೊನ್, ಪಾವ್ಸಾಕ್ ಬಿಜ್ಚೆಂ ಪಳೈವ್ನ್॒..(ನೀಮಾನ್ ಗಜಾಲ್ ವಿವರ್ಸಿಲಿ)
“ಹಾಂವ್ ದುಸ್ರೆಂಚ್ ಚಿಂತುಂಕ್ ಪಡ್ಲ್ಲೊಂ, ಸೊರ್ಯಾಚ್ಯಾ ಆಮಾಲಾ ಥಾವ್ನ್ ಸಾಕಾಳಿಂ ಜಾಗ್ ಜಾತಾನಾ, ಮ್ಹಾಕಾ ತುಜ್ಯಾ ಘರಾ ದೆಖೊನ್....” ತೊ ದಾದ್ಲೊ ಸಾಂಗಾಲಾಗ್ಲೊ. “ಹಾಂವ್ ರಿತೇಶ್ ಕ್ಯಾಸ್ಟನ್, ಏಕ್ ಸಾಂಯಂಟಿಷ್ಟ್(ವಿಜ್ಞಾನಿ) ಪುಣ್ ಆಜ್ ಸೊರ್ಯಾಚೊ ಗುಲಾಮ್ ಜಾವ್ನ್ ರಸ್ತ್ಯಾರ್ ಪಡ್ತಾಂ......”
ನೀಮಾಚಾ ತೊಂಡಾರ್ ಆಶ್ಚರ್ಯಚೊ ಜಿನೊಸ್ ಉಟೊನ್ ನಿವ್ಲೊ.
“ಏಕ್ ವಿಜ್ಞಾನಿ ಆನಿ ಅಶಿ ತುಜಿ ಜಿಣಿ?”
“ಗಜಾಲ್ ಆನಿ ಕಾರಾಣಾಂ ಮ್ಹಜಾಚ್ ಚುಕಿಂಚೊ ಪರಿಣಾಮ್....”
“ಹಾಂವ್ ನೀಮಾ ರ್ಯಾಲನ್.......” ನೀಮಾನ್ ಮದೆಂಚ್ ಆಪ್ಲಿ ವಳಕ್ ಸಾಂಗ್ಲಿ.
“ನೀಮಾ?” ರಿತೇಶಾಚಾ ಕೊಪಲಾರ್ ಹಜಾರ್ ಸವಾಲಾಂಚ್ಯೊ ಮಿರ್ಯೊ ಪಡ್ಲ್ಯೊ.
“ವ್ಹಯ್ ಆಮಿ ಸಗ್ಳೆಂ ಉಲವ್ಯಾಂ. ಪಯ್ಲೆಂ ಕುಡಿಚ್ಯೊ ಗರ್ಜೊ ತಿರ್ಸುನ್, ತೊಂಡ್ ಬಿ ದುವ್ನ್,
ನಾವ್ನ್ ನಾಸ್ಟೊ ಕರುನ್, ಉಪ್ರಾಂತ್ ಮ್ಹಾಕಾ ಕಾಮಾಕ್ಯಿ ವಚುಂಕ್ ಆಸಾ.......” ಉತ್ರಾಂ ಬರಾಬರ್,
ನೀಮಾ ಫುಡೆಂ ಚಮ್ಕಾಲಿ.
ತೆಂ ಏಕ್ ಸೊಬಿತ್ತ್ ಲಾನ್ಶೆಂ, ಇಸ್ಕಳ್ ಕುಡಾಚೆಂ ನಿಸ್ಕಳ್ ಫ್ಲ್ಯಾಟ್ ಜಾವ್ನಾಸ್ಲ್ಲೆಂ.
****
ದೊಗಾಂಯ್ ನೆಸೊನ್ ನಾಷ್ಟೊ ಕರುಂಕ್ ಮೆಜಾರ್ ಬಸ್ಲ್ಲಿಂ. ವೊರಾ ಸಾಕಾಳಿಂಚಿಂ ೮ ಜಾಲ್ಲಿಂ. ರಿತೇಶ್ ಭಿತರ್ಲ್ಯಾ ಬಿತರ್ ಲಜೆನ್ ಆನಿ ಕಾವ್ಜೆಣೆನ್ ಆಸ್ಲ್ಲೊ. ಪುಣ್ ನೀಮಾ ಎಕ್ದಮ್ ಶಾಂತ್ ಆಸ್ಲ್ಲಿ.
“ಆತಾಂ ಸಾಂಗ್ ಏಕ್ ವಿಜ್ಞಾನಿ ಜಾವ್ನ್ ತುಂ ಹ್ಯಾ ಪರಿಸ್ತಿತೆಕ್ ಕಸೊ ಪಾವ್ಲೊಯ್?” ನೀಮಾನ್ ಟೊಸ್ಟಿರ್ ಸುರ್ಯೆನ್ ಜಾಮ್ ಸಾರೈತಾನಾ ಉಲೊಣ್ಯಾಕ್ ಭುನ್ಯಾದ್ ಘಾಲಿ.
“ಮ್ಹಜಿ ಗಜಾಲ್ ಜರ್ತರ್ ಆಜ್ ಸಾಂಗಾನಾ ತರ್, ಹಾಂವ್ ಅಜ್ಚ್ ಮೆಲ್ಲೆಪರಿಂ ಜಾಯ್ನ್. ಜಶೆಂ
ಸ ವರ್ಸಾಂ ಆದಿಂ ಹಾಂವೆಂ ಕೆಲ್ಲ್ಯಾ ಪಾತ್ಕಾಚಿ ಶಿಕ್ಷಾ ಮ್ಹಾಕಾ ಹಾಂವ್ ಸ್ವತಾಃ ದೀವ್ನ್ ಆಸಾಂ. ಗಾಂವಾಥಾವ್ನ್ ಗಾಂವಾಕ್ ಭಂವೊನ್ ಆಸಾಂ. ಆನಿ ಸತ್ ಸಾಂಗ್ಚೆಂ ತರ್, ಹಾಂವ್ ತ್ಯಾಚ್ ದೀಸ್ ಮೆಲ್ಲೊಂ, ಜೆದ್ನಾಂ ಹಾಂವೆಂ ತೆಂ ಪಾತಾಕ್ ಕೆಲ್ಲೆಂ.
“.......?” ನೀಮಾಚಾ ಹಾಂತಾತ್ಲಿ ಸುರಿ, ಟೊಸ್ಟಿರ್ ಮೊಸ್ಕೊ ಸಾರೈತಾನಾ ಸವಾಲಾಸಂಗಿಂ ಥಾಂಬ್ಲಿ.
ರಿತೇಶಾನ್ ನೀಮಾಚಾ ತೊಂಡಾರ್ ಸವಾಲ್ ವಾಚ್ಲೆಂ, ಆನಿ ತೊ ಮ್ಹಣಾಲೊ-
“ಪುಣ್ ತ್ಯಾ ಪಯ್ಲೆಂ ಮ್ಹಾಕಾ ತುಂ, ತುಜೆವಿಶಿಂ ಸಾಂಗ್ಶಿ ತರ್ ಮ್ಹಾಕಾ ಥೊಡಿ ಮಜತ್ ಜಾಯ್ತ್.....”
“ಮ್ಹಜಿ ಗಜಾಲ್ ಕಾಂಯ್ ವ್ಹಡ್ಲಿ ನ್ಹಹಿಂ. ಹಾಂವ್ ಅನಾಥ್. ಹ್ಯಾ ಗಾಂವಾಂತ್ ಥೊಡ್ಯಾ ವರ್ಸಾಂಥಾವ್ನ್ ಜೆಯೆವ್ನ್ ಆಸಾಂ. ಮ್ಹಾಕಾ ಪಾಟ್ಲಿಂ ಮುಖ್ಲಿಂ ಕೊಣ್ಯಿನಾಂತ್. ಹಾಂವ್ ಕಾಂಯ್ ತುಜೆಪರಿಂ ಚಡ್ ಶಿಕ್ಪಿ ನ್ಹಂಹಿ, ಹಾಂಗಾಸರ್ ಎಕಾ ಆಫಿಸಾಂತ್ ಲಾನ್ಶ್ಯಾ ಕಾಮಾರ್ ಆಸಾಂ.....ಆನಿ ಎಕ್ಸುರಿಂ ಜಿಯೆವ್ನ್ ಆಸಾಂ....”
ರಿತೇಶ್ ಘಡಿಬರ್ ನೀಮಾಚಾ ತೊಂಡಾಕ್ ಪಳೈಲಾಗ್ಲೊ. ನೀಮಾನ್ ಅಪ್ಲಿ ದೀಷ್ಟ್ ಪ್ರತಿವಾರ್ ಕರುಂಕ್ ಸಕಾನಾಸ್ತಾಂ ಪಂದಾವೆಲಿ.
ರಿತೇಶಾನ್ ಆಪ್ಲ್ಯಾ ಪಾಟ್ಲ್ಯಾ ಜಿಣ್ಯೆಂತ್ ಘಡ್ಲ್ಲಿಂ ಘಟನಾ ಸಾಂಗೊಂಕ್ ಸುರು ಕೆಲಿಂ-
“ಹಾಂವ್ ಮ್ಹಜೆಂ ಒ.sಛಿ ಜಾಲ್ಯಾ ಉಪ್ರಾಂತ್ ಮಡ್ರಾಸ್ ಯುನಿವರ್ಸಿಟಿಂತ್ ಎಕಾ ಖಾಸ್ ವಕ್ತಾಚಾ ಸಂಶೊಧನಾಚೆರ್ ವಾವ್ರ್ ಕರುನ್ ಆಸ್ಲ್ಲೊಂ. ಮ್ಹಜಾ ಟೀಮಾಂತ್ ಸುಮಾರ್ ೧೬ ಜಾಣಾಂ ತ್ಯಾ ವಾವ್ರಾಂತ್ ಕಾಮ್ ಕರ್ತಾಲಿಂ. ತ್ಯಾ ಪೈಕಿಂ ಮ್ಹಜೊ ಏಕ್ ಖಾಸ್ ಮಿತ್ರ್ ಪ್ರಕಾಶ್
“ಏಕ್ ದೀಸ್ ಪ್ರಕಾಶಾಕ್ ಮೆಳ್ಲ್ಲೆ ತವೊಳ್ ಹಾಂವೆಂ ಸಾಂಗ್ಲೆಂ. ‘ಪ್ರಕಾಶ್ ಹಾಂವ್ ಆಮ್ಚ್ಯಾ ಸಂಶೊಧನ್ ಕರ್ಚ್ಯಾ ವಾವ್ರಾಂತ್ ೯೦% ಯಶಸ್ವಿಜಾಲಾಂ...., ಫೊರ್ಮುಲಾ ಹಾಂವೆಂ ತಯಾರ್ ಕೆಲಾ”
‘ಸತ್ತ್?’ ಪ್ರಕಾಶ್ ಆಯ್ಕೊನ್ ಖುಶಿ ಜಾಲೊ.
“ವ್ಹಯ್ ಪ್ರಕಾಶ್ ತೆಂ ವೊಕಾತ್ ಆಮಿ ಸಂಶೊಧನ್ ಕರ್ಚೆಂ, ರಾನ್ ಮನ್ಜಾತಿಂಕ್ ಥೊಡ್ಯಾ ವೆಳಾಕ್ ಸಂಪೂರ್ಣ್ ನಿಯಾಂತ್ರಾಣಾರ್ ಹಾಡುನ್, ತಾಂಚೆರ್ ಜೈತ್ ವರುನ್ ತಾಂಕಾಂ ತರ್ಭೆತಿ ದೀಂವ್ಕ್. ಹೆಂ ವೊಕಾತ್ ಗುಳಿಯೆನ್ಯಿ ಕರ್ಯೆತಾ ವ ಧೃವಾನ್ಯಿ ತಾಯಾರ್ಸಿಯೆತ್. ಫಕತ್ತ್ ಮನ್ಜಾತಿಂಕ್ ಖಾಣಾಂತ್ ಘಾಲ್ನ್ ದಿಂವ್ಚೆಂ. ಕೂಡ್ಲೆಚ್ ತಾಂಚೆರ್ ವರ್ತೊ ಪರಿಣಾಮ್ ಜಾತಾ, ಬದ್ಲಾವಣ್ ಯೆತಾ. ತಿಂ ಆಪ್ಣಾಕ್ ವಿಸ್ರೊನ್ ತಾಂಚೊ ಜಿನೊಸ್ ಎಕ್ದಮ್ ಖಾಲ್ತೆಪಣಾಚೊ ಜಾತಾ. ನಾಂ ತರ್, ಇತ್ಲ್ಯಾ ವರ್ಸಾಂನಿ, ರಾನ್ ಮನ್ಜಾತಿಂಕ್, ಸಾಂಕ್ಳಿನಿ ಭಾಂದುನ್, ಉಪ್ವಾಶಿಂ ಘಾಲುನ್, ತಾಂಕಾಂ ಮಾರುನ್, ಬೆಷ್ಟಾವ್ನ್ ತರ್ಭೆತಿ ದಿತಾಲೆ. ಆನಿ ಉಪ್ರಾಂತ್ ಫಾವೊ ತ್ಯಾ ಠಿಕಾಣ್ಯಾಕ್, ಜಶೆಂ ಝೂ, ಸರ್ಕಾಸ್ ಇತ್ತ್ಯಾದಿನಿ ವರುನ್ ಪಿಚಾರ್ ಕರ್ತಾಲೆ ಆನಿ ತಾಂಚೆ ಕರ್ನಾಂ ಲೊಕಾಕ್ ಮೆಚ್ವೊಂಚಿಂ ಕಾಮಾ ಕರವ್ನ್, ಲೊಕಾಕ್ ವಿಜ್ಮಿತ್ ಜಾಯ್ಶೆಂ ಕರ್ತಾಲೆ.......
“ಆತಾಂ ಹ್ಯಾ ವೊಕ್ತಾನಿಮ್ತಿಂ ತಾಂಕಾಂ ತಶೆಂ ಕಾಂಯ್ ಇಜಾ ದೀವ್ನ್ ನಿಯಾಂತ್ರಾಣಾರ್ ಹಾಡ್ಚಿ ಗರ್ಜ್ನಾ. ಕಸಲ್ಯಾ ರಾನ್ ಮನ್ಜಾತಿಕ್ಯಿ ಅಬ್ಯಾಸ್ ನಾಸ್ತಾಂ ಸರ್ಕಾಸಾಚಾ ಥಳಾರ್ ವರುನ್ ಜಾಯ್ ಜಾಲ್ಲೆಂ ಕಾಮ್ ಕರವ್ಯೆತ್. ತ್ಯಾ ವಕ್ತಾಚೊ ಮುಖ್ಯಾ ಗೂಣ್ ಕಿತೆಂಗಿ ಮ್ಹಳ್ಯಾರ್, ತೆಂ ವಕಾತ್ ಸೆವ್ಲ್ಲಿ ಮನ್ಜಾತ್ ಆಪ್ಣಾಕ್ಚ್ ನ್ಹಹಿಂ ಬಗಾರ್ ಮುಖ್ಲ್ಯಾಕ್ಯಿ ವಿಸ್ರಾತಾ. ಫಾಲ್ಯಾಂಚಾ ಸಂಶೊಧನೆಂತ್ ಹಾಂವ್ ಲೆಬೊರಟರಿಂತ್ ೧೦೦% ಕಾಮ್ಯಾಬ್ ಜಾಂವ್ಚ್ಯಾರ್ ಆಸಾಂ. ಪುಣ್ ಹಾಂವೆಂ ಹಿ ಗಜಾಲ್ ಎದೊಳ್ ತುಕಾ ಮಾತ್ರ್ ಸಾಂಗ್ಲ್ಯಾ ಶಿವಾಯ್ ಹೆರ್ ಕೊಣಾಯ್ಕಿನಾ. ಆಮ್ಚೊ ಮುಖೆಲಿ ವಿಜ್ಞಾನಿ-ಪ್ರೊ. ರಾಮಾನಂದ್ ಹೆಂ ವಕಾತ್ ಸಾರ್ಥಕ್ ಕರುಂಕ್ ಬಾರಿಚ್ ಮ್ಹಿನತ್ ಕರುನ್ ಆಸಾ, ಪುಣ್ ಹಾಂವ್ ಎದೊಳ್ಚ್ ಯಶಸ್ವಿ ಜಾಲಾಂ, ತೆಂ ಆಜುನ್ ನೆಣಾ......”
“ಪ್ರಕಾಶ್ ಆಯ್ಕೊನ್ ಸಂತೊಸಾನ್ ನಾಸ್ಲೊ. ದುಸ್ರ್ಯಾ ದಿಸಾ ಹಾಂವ್ ಲೆಬೊರಟರಿಂತ್ ೧೨ ಘಂಟ್ಯಾಂ ವಯ್ರ್ ವಾವ್ರ್ಲೊಂ. ಮ್ಹಜೆಂ ತೆಂ ಆಖ್ರೇಚೆಂ ಸಾಧನ್ ಜಾವ್ನಾಸ್ಲ್ಲೆಂ ಆನಿ ಹಾಂವ್ ಸಂಶೊಧನಾಂತ್ ಯಶಸ್ವಿ ಜಾಲ್ಲೊಂ. ಹಾಂವೆಂ ತಿ ಖಭಾರ್ ಪ್ರಕಾಶಾಕ್ ತಿಳ್ಸಿಲಿ ಆನಿ ಎಕಾ ಲಾನ್ಶ್ಯಾ ಸಿಸ್ಲೆಂತ್ ಲಾನ್ಶೆಂ ಆಂಶ್ ಭರುನ್ ಭಾಯ್ರ್ ಆಯ್ಲೊಂ......
“ಆತಾಂ ಮ್ಹಾಕಾ ತೆಂ ವೊಕಾತ್ ಖಂಚಾಯ್ ಜಾನ್ವಾರಾ ವಯ್ರ್ ಪ್ರಯೊಗ್ ಕರುನ್ ಸಂಶೊಧನಾಚಿ ಸಫಲತಾ ಪಾರ್ಕುಂಕ್ ಜಾಯ್ ಆಸ್ಲ್ಲಿ. ಪ್ರಕಾಶ್ಯಿ ಮ್ಹಜೆ ಬರಾಬರ್ ಆಸ್ಲ್ಲೊ. ತಶೆಂ ತ್ಯಾ ವಾಟಾರಂತ್ಲ್ಯಾ ಎಕಾ ವ್ಹಡ್ಲ್ಯಾ ಬಂಗ್ಲ್ಯಾಭಿತರ್ ಮೊಟ್ಯಾ ಸಾಂಕ್ಳಿಂತ್ ಬಾಂಧುನ್ ಘಾಲ್ಯಾ ರಾಕ್ಸಾ ಕಾಸ್ತಾಚ್ಯಾ ಆಲ್ಶಿಶಿಯೆನ್ ಪೆಟ್ಯಾಕ್, ಜೊ, ತ್ಯಾ ವಾಟೆಂತ್ಲ್ಯಾನ್ ಪಾಶಾರ್ ಜಾತೆಲ್ಯಾಂಕ್ ಸೈತ್ ವಾಗಾಚಾ ತಾಳ್ಯಾನ್ ಘೊಂಕುನ್ ಆಂಗ್ ಕಾಂಪಯ್ತಾಲೊ, ತಾಚೆರ್ ಪ್ರಯೊಗ್ ಕರುಂಕ್ ಹಾಂವೆಂ ಚಿಂv
“ಎಕಾ ಮಾಸಾಚ್ಯಾ ಸ್ಯಾಂಡ್ವಿಚೆಂತ್ ದೋನ್ ಥೆಂಬೆ ವಕಾತ್ ಘಾಲುನ್ ಹಾಂವೆಂ ದೊರ್ಯಾರ್ ಚಡೊನ್ ತಿ ಸ್ಯಾಂಡ್ವಿಚ್ ತ್ಯಾ ಪೆಟ್ಯಾ ಮುಖಾರ್ ಉಡೈಲಿ. ಘಡ್ಯೆಕ್ ಪೆಟೊ ತೆಣೆ-ಹೆಣೆ ಪಳೈಲಾಗ್ಲೊ, ಉಪ್ರಾಂತ್ ಮಾಸಾಚೊ ಪರ್ಮಳ್ ಆಯಿಲ್ಲೊ ಪೆಟೊ ತಿ ಸ್ಯಾಂಡ್ವಿಚ್ ರುಚಿನ್ ಖಾಂವ್ಕ್ ಲಾಗ್ಲೊ. ಥೊಡ್ಯಾಚ್ ವೆಳಾನ್ ಪೆಟ್ಯಾಚೆ ನೀಟ್ ಕಾನ್ ಸಕ್ಲಾ ಬಾಗ್ವಾಲೆ. ಘಡ್ಯೆನ್ ತ್ಯಾ ಪೆಟ್ಯಾಚೆರ್ ಜಾಲ್ಲೊ ಪರಿಣಾಮ್ ಪಾರ್ಕುನ್ ಆಸ್ಲ್ಲೊ ಹಾಂವ್, ಕಸಲ್ಯಾಯಿ ಭಿರಂತಿವಿಣೆ, ಗೇಟ್ ಲೊಟುನ್ ಭಿತರ್ ಗೆಲೊಂ.
“ಪೆಟೊ ದೋನ್ ಪಾಂಯಾನಿ ಉಬೊ ರಾವುನ್ ಜಶೆಂ ತಾಚ್ಯಾ ಘರ್ಚೊ ಧನಿ ಆಯ್ಲೊ ಮ್ಹಳ್ಳೆಪರಿಂ ಉರ್ಡೊಂಕ್ ಲಾಗ್ಲೊ. ಪ್ರಕಾಶ್ ಭಾಯ್ರ್ ರಾವುನ್ ಹೆಂ ದೃಶ್ ಪಳೈತಾಲೊ. ಹಾಂವೆಂ ಪೆಟ್ಯಾಕ್ ಮೊಗಾನ್ ಪೊಶೆಲೆಂ. ಪೆಟೊ ಮ್ಹಜೆ ಹಾತ್ ಪಾಂಯ್ ಲೆವಾಂಲಾಗ್ಲೊ. ಹಾಂವೆಂ ತಾಕಾ ಎಕಾ ಬೊಟಾನ್ ಧಂಡ್ ಬಸುಂಕ್ ಹಿಶಾರೊ ಕರ್ತಾನಾ, ತೊ ಪೆಟೊ ಆಪಾಪಿಂ ಮ್ಹಜಿ ಹುಕುಮ್ ಪಾಳೊನ್, ಬಾಗ್ವೊನ್ ಬಸ್ಲೊ.
ಹೆಂ ಪಳೈಲ್ಲೊ ಪ್ರಕಾಶ್ ಅಜಾಪ್ ಜಾಲೊ. ಭಿತರ್ ಆಸ್ಲ್ಲ್ಯಾ ಘರ್ಚ್ಯಾ ಮನ್ಶ್ಯಾಂಕ್ ಪೆಟ್ಯಾಚೆರ್ ಭರ್ವೊಸೊ ಆಸ್ಲ್ಲ್ಯಾನ್ ತಿಂ ಕೊಣ್ಯಿ ಬಹುಷಾ ಭಾಯ್ರ್ಚ್ ಯೇನಾತ್ಲ್ಲಿಂ, ಜೆದ್ನಾಂ ಪರ್ಯಾಂತ್ ಪೆಟೊ ಘೊಂಕುನ್ ವಾಧಳ್ ಉಟೈನಾ.....
“ಇಲ್ಲ್ಯಾ ವೆಳಾನ್ ಹಾಂವ್ ಗೆಟಿ ಭಾಯ್ರ್ ಆಯ್ಲೊಂ. ಪ್ರಕಾಶ್ ಮ್ಹಣಾಲೊ, ‘ವಾ ರಿತೇಶ್, ಮಾಂದ್ತಾಂ ತುಕಾ.....’ ತ್ಯಾ ಉಪ್ರಾಂತ್ ಆಮಿ ಕಾಪಿ ಪಿಯೆಂವ್ಕ್ ಎಕಾ ಹೊಟೆಲಾಕ್ ರಿಗ್ಲ್ಯಾಂವ್.....
“ತಶೆಂ ಹಾಂವ್ ಆನಿ ಪ್ರಾಕಾಶ್ ಸದಾಂಯ್ ಭೆಟೆಲ್ಯಾಂವ್. ಹಾಂವ್ ಪ್ರತಿಬಾ ಮ್ಹಳ್ಳ್ಯೆ ಚಲಿಯೆಚಾ ಮೊಗಾರ್ ಆಸ್ಲ್ಲೊಂ. ಪ್ರತಿಬಾ ಪ್ರೊ. ರಮಾನಂದಾಚಿ ದುವ್ ಜಾವ್ನಾಸ್ಲ್ಲಿ. ಸೊಭಾಯೆಂತ್ ಆನಿ ಕುಡಿ ವಿಶ್ವ್ಯಾಂನಿ ಇತ್ಲೆಂ ಸುಂದರ್ ಆಸ್ಲ್ಲೆಂಕಿ, ಪ್ರಕಾಶ್ � ಮ್ಹಾಕಾ ಉದ್ದೇಸುನ್ iಣ್ತಾಲೊ, ‘ತುಂ ನಶಿಬ್ವಂತ್ ರಿತೇಶ್ ಪ್ರತಿಬಾ ತಸಲಿ ಸುಂದರ್ ಚಲಿ ತುಜೆಂ ಗರ್ಲ್ ಫ್ರೆಂಡ್ ಜಾವ್ನಾಸಾ’ ಆಮಿ ನಿಸ್ಕಳ್ ಮೋಗ್ ಕರುನ್ ಆಸ್ಲ್ಲ್ಯಾಂವ್ ತರೀ ಪ್ರಕಾಶಾಚಾ ಉಲೊಣ್ಯಾಂತ್ ಹಾಂವೆ ಪಾರ್ಕಿಲ್ಲೆಂ, ಆಮಿ ಕುಡಿಚೆಂ ಸುಖ್ ಜಾಯ್ತೆ ಪಾವ್ಟಿಂ ಭಗ್ಲಾಂ ಮ್ಹಳ್ಳೆಪರಿಂ ತೊ ಉಲೈತಾಲೊ.......”
“ಪ್ರತಿಬಾ ಆನಿ ಮ್ಹಜೊ ಸಂಬಂಧ್ ಪಾಟ್ಲ್ಯಾ ತೀನ್ ವರ್ಸಾಂ ಥಾವ್ನ್ ಚಲೊನ್ ಆಸ್ಲ್ಲೊ, ಪುಣ್ ಪ್ರೊ. ರಮಾನಂದ್ ತ್ಯಾ ವಿಶಿಂ ಕಾಂಯ್ ನೆಣಾಸ್ಲ್ಲೊ. ಪ್ರತಿಬಾ ‘ಆನ್ನಾ ಯುನಿವರ್ಸಿಟಿ’-ಂತ್ ಒಃಃS-ಚೆಂ ನಿಮಾಣೆ ವರಸ್ ಕರುನ್ ಆಸ್ಲ್ಲೆಂ ಆನಿ ‘ಲಿಟ್ಲ್ ಮೌಂಟ್ ಚರ್ಚ್ ಹೊಸ್ಟೆಲಾ’-ಂತ್ ಪೆಯಿಂಗ್ ಗೆಸ್ಟ್ ಜಾವ್ನ್ ಆಸ್ಲ್ಲೆಂ. ಮ್ಹಜಾ ಜಾಗ್ಯಾ ಥಾವ್ನ್ ತಾಚೆಂ ಹೊಸ್ಟೆಲ್ ಸುಮಾರ್ ಪಯ್ಸ್ ಆಸ್ಲ್ಲೆಂ ಜಾಲ್ಲ್ಯಾನ್ ಆಮ್ಚಿ ಭೆಟ್ ಹಪ್ತ್ಯಾಕ್ ಏಕ್ ಪಾವ್ಟಿಂ ವ ರಜೆಚ್ಯಾ ದಿಸಾಂನಿ ಮಾತ್ರ್. ಸ್ಪೆಶಿಯಲ್ ಪೆಯಿಂಗ್ ಗೆಸ್ಟ್ ರೂಮಾಂತ್ ತೆಂ ರಾವ್ತಾಲೆಂ ಜಾಲ್ಲ್ಯಾನ್, ಥಂಯ್ಸರ್ ತಾಚಾ ಗೆಸ್ಟಾಂಕ್ ಯೇವ್ನ್ ವಚುಂಕ್ ಕಸಲಿಯಿ ಅಡ್ಕಳ್ ನಾತ್ಲ್ಲಿ.....
“ಪ್ರತಿಬಾನ್ ಮ್ಹಜೆ ಸಾಂಗಾತಾ ಪ್ರಕಾಶಾಕ್ ಸಭಾರ್ಪಾವ್ಟಿ ಪಳೈಲ್ಲೆಂ ಆನಿ ತೊ ಮ್ಹಜೊ ಬರೊ ಮಿತ್ರ್ ಮ್ಹಣ್ ಜಾಣಾ ಆಸ್ಲ್ಲೆಂ. ಶಿವಾಯ್, ಪ್ರಕಾಶ್ ಮ್ಹಜೆ ಸಂಗಿಂ ಹೊಸ್ಟೆಲಾಕ್ಯಿ ಸುಮಾರ್ ಪಾವ್ಟಿಂ ಆಯಿಲ್ಲೊ. ಏಕ್ ದೀಸ್ ಪ್ರತಿಬಾನ್ ಮ್ಹಾಕಾ ಫೊನ್ ಕರುನ್ ತುರಂತ್ ತಾಕಾ ಭೆಟುಂಕ್ ಆಪಯಿಲ್ಲೆಂ. ಆನಿ ಹಾಂವ್ ತಾಕಾ ಮೆಳೊಂಕ್ ಗೆಲ್ಲ್ಯಾ ತವೊಳ್, ತಾಣೆ ‘ಆಪುಣ್ ಗರ್ಭೆಸ್ತ್ ಆಸಾಂ ಕಿತೆಂ ಕರುಂಕ್ ಜಾಯ್?’ ಮ್ಹಣ್ ವಿಚಾರ್ಲೆಂ.
“ಹಾಂವೆಂ ಅಜಾಪ್ ಪಾವೊನ್, ‘ಕಿತೆಂ ಉಲೈತಾಯ್ ಪ್ರತಿಬಾ ತುಂ? ತುಂವೆಂ ಗರ್ಭೆಸ್ತ್ ಕಶೆಂ ಜಾಂವ್ಚೆಂ?’ ಮ್ಹಣ್ ವಿಚಾರ್ಲೆಂ.
‘ಕಿತ್ಯಾಕ್? ಸಂಭೊಗ್ ಆಧಾರ್ಲ್ಯಾ ಉಪ್ರಾಂತ್ ಎಕಾ ಸ್ತ್ರೀಯೆನ್ ಗರ್ಭೆಸ್ತ್ ಜಾಂವ್ಚೆಂ ವಿಚಿತ್ರ್ ದಿಸ್ತಾಗಿ ತುಕಾ?’ ತೆಂ ವಿಚಾರಿ ಲಾಗ್ಲೆಂ.
“ಪುಣ್......, ಪುಣ್ ತುಂವೆಂ ಕೊಣಾಸಂಗಿಂ.....?” ಹಾಂವ್ ಮುಖಾರ್ ಸವಾಲ್ ಕರುಂಕ್ ಸಕ್ಲೊಂನಾ......
‘ರಿತೇಶ್.....!?’ ಪ್ರತಿಬಾ ರಾಗಾನ್ ವಿಚಾರಿ, ‘ತುಂ ಖುಶಾಲ್ಕಾಯ್ ಕರ್ತಾಯ್ ವ ಮ್ಹಜೆ ತಮಾಶೆ?’
“ಹಾಂವ್ ತೆಂ ದೊನ್ಯಿ ಕರಿನಾ, ಫಕತ್ತ್ ವಿಚಾರ್ತಾಂ ತುಂ ಕೊಣಾಸಂಗಿಂ......”
‘ರಿತೇಶ್, ತುಂಚ್ ನ್ಹಹಿಂಗಿ, ಮ್ಹಜೆಸಂಗಿಂ ತ್ಯಾ ರಾತಿಂ ಯೇವ್ನ್ ನಿದ್ಲ್ಲೊಯ್?’
“ಹಾಂವ್!!!?”
‘ತ್ಯಾ ಅರ್ಥಾರ್ ಅಜಾಪ್ ಜಾವ್ನ್ ಕಿತ್ಯಾಕ್ ವಿಚಾರ್ತಾಯ್.....? ಮ್ಹಜಿ ಮಸ್ಕರಿ ಕರುಂಕ್? ತುಂ ಯೇನಾಸ್ತಾಂ ಕಿತೆಂ ತುಜೊ ಮಿತ್ರ್ ಯೇವ್ನ್ ನಿದ್ಲ್ಲೊ ಮ್ಹಜೆ ಸಂಗಿಂ?’
“ಮಿತ್ರ್!!!?” ಹಾಂವ್ ಉಡೊನ್ ಪಡ್ಲೊಂ.
ಮುಖಾರ್ಸುನ್ ಪ್ರತಿಬಾ ಮ್ಹಣಾಲೆಂ- ‘ತ್ಯಾ ಘಟಾನಾ ಉಪ್ರಾಂತ್ ಆಮಿ ಸಭಾರ್ ಪಾವ್ಟಿಂ ಮೆಳ್ಲ್ಲ್ಯಾಂವ್, ತರೀ ಹಾಂವೆಂ ತ್ಯಾವಿಶಿಂ ಕಾಂಯ್ ತುಜೆ ಕಡೆನ್ ವಿಚಾರುಂಕ್ನಾ, ವ ತುಂವೆಂಯಿ ತಿ ಖಬಾರ್ ಕಾಡುಂಕ್ ನಾಂಯ್. ಪುಣ್ ಮ್ಹಾಕಾ ಆನಿಕಿ ಸಾರ್ಕೊ ಉಡಾಸ್ ಆಸಾ, ತಿ ತಾರಿಕ್ ಮಾರ್ಚಾಚಿ ೧೭ ಜಾವ್ನಾಸ್ಲ್ಲಿ. ತುಂವೆಂ ಸಾಂಜೆರ್ ಹಾಂಗಾ ಯೇವ್ನ್ ತುಜ್ಯಾ ಮಾಯ್ನ್ ಕಿರ್ ಕೆಲ್ಯಾ ಮ್ಹಣ್ ಹೊಸ್ಟೆಲಾಚಾ ಚೆಡ್ಯಾಸಂಗಿಂ ಸಾಂಗೊನ್ ಧಾಡ್ಲ್ಲೆಂಯ್, ತುಂ ಅರ್ಧ್ಯಾ ಘಂಟ್ಯಾಭಿತರ್ ಯೆತಾಯ್ ತುಕಾ ಅಚಾನಕ್ ಖಂಯ್ಗಿ ಭಾಯ್ರ್ ವಚುಂಕ್ ಆಸಾ ತ್ಯಾ ಪರ್ಯಾಂತ್ ತುಂ ಕಿರ್ ಖಾ ಮ್ಹಣ್. ಆನಿ ತುಕಾ ಕಳಿತ್ ಆಸಾ, ಮ್ಹಾಕಾ ಕಿರ್ ಮ್ಹಳ್ಯಾರ್ ಬಾರಿ ಮ್ಹಣ್. ಹಾಂವೆಂ ಸಂತೊಸಾನ್ ತುಂವೆಂ ಪ್ಲ್ಯಾಸ್ಟಿಕ್ ಡಬ್ಬ್ಯಾಂತ್ ಧಾಡುನ್ ದಿಲ್ಲಿ ಕಿರ್ ಖೆಲ್ಲಿ ಆನಿ ಥೊಡ್ಯಾಚ್ ವೆಳಾನ್ ತುಂ ಪಾವ್ಲ್ಲೊಯ್........ ಉಪ್ರಾಂತ್ ತುಂ ಮ್ಹಜೆಸಂಗಿಂ ರಾವ್ಲ್ಲೊಯ್. ಹೆಂ ಸಗ್ಳೆಂ ವಿಸ್ರಾಲೊಯ್ ತುಂ?’
“ಹಾಂವ್ ಉಲೈಲ್ಯಾರ್ ಜೀಬ್ ಪರ್ತಾನಾ ಮ್ಹಳ್ಳ್ಯಾ ಪರಿಂ ಮೊನೊ ಜಾಲ್ಲೊಂ. ಹೆಂ ಕಾಮ್ ಹಾಂವೆಂ ಮ್ಹಜ್ಯಾ ಜಿವಾ ಪ್ರಾಸ್ ಚಡ್ ಮೋಗ್ ಕೆಲ್ಲ್ಯಾ ಮಿತ್ರಾಚೆಂ ಮ್ಹಣ್ ಸಮ್ಜೊಂಕ್ ವೇಳ್ ಲಾಗ್ಲೊನಾ. ತ್ಯಾ ದೀಸ್ ಮ್ಹಜೆ ಥಾವ್ನ್ ಹೊಟೆಲಾಂತ್ ಕಾಣ್ಗೆಲ್ಲೆಂ ವಕಾತ್ ತೊ ಮ್ಹಜ್ಯಾಚ್ ಪ್ರೆಯಸಿಚೆರ್ ಉಪಯೊಗ್ ಕರುನ್, ಮ್ಹಜ್ಯಾ ಹಕ್ಕಾ ವಯ್ರ್ ಹಾತ್ ಘಾಲಿತ್ ಮ್ಹಣ್ ಹಾಂವೆಂ ಸ್ವಪ್ಣಾಂತ್ಯಿ ಚಿಂತುಂಕ್ನಾ. ಆಪ್ಲೆಂ ಕಾಮುಖ್ಪಣ್ ಆಪ್ಲ್ಯಾಚ್ ಭಯ್ಣಿಥಂಯ್ ಆದಾರ್ಲ್ಲೆಪರಿಂ ತಾಣೆ ಮನ್ಜಾತಿ ತಸಲೆಂ ಗಲಿಜ್ ಪಾತಾಕ್ ಆಧಾರ್ಲ್ಲೆಂ......ಆಪ್ಲ್ಯಾ ಮಿತ್ರಾಕ್ ಘಾತ್ ಕೆಲ್ಲೊ.....!
‘ಕಿತೆಂ ಜಾಲೆಂ ರಿತೇಶ್ ತುಕಾ?’ ಬದ್ಲಾಲ್ಲ್ಯಾ ಮ್ಹಜ್ಯಾ ತೊಂಡಾ ವಯ್ಲ್ಯಾ ಛಾರ್ಯಾಕ್ ಪಳೈವ್ನ್ ಪ್ರತಿಬಾ ವಿಚಾರಿ. ‘ತುಂ ಉಗ್ಡಾಸ್ ನಾತ್ಲ್ಲೆ ಪರಿಂ ಕರ್ತಾಯ್..... ವ ತುವೆಂ ತಶೆಂ ಕಾಂಯ್ ಮ್ಹಜೆ ಥಂಯ್ ಕರುಂಕ್ ನಾಂಯ್ ಮ್ಹಳ್ಳೆಂ ನಟನ್ ದಾಖೈತಾಯ್?’
“ನಿಜಾಯ್ಕಿ ಹಾಂವೆಂ ತುಜೆಸಂಗಿಂ ತಶೆಂ ಕಾಂಯ್ ಕರುಂಕ್ನಾ, ಹಾಂವ್ ಸತ್ಚ್ ಉಲ್ಶೆತಾಂ....” ಹಾಂವೆಂ ಗುನ್ಯಾಂವ್ಕಾರಾಚಾ ನದ್ರೆಂತ್, ಪ್ರತಿಬಾಕ್ ಪಳವ್ನ್ ಸಾಂಗ್ಲೆಂ ಮ್ಹಜ್ಯಾ ಮಿತ್ರಾಚೊ ಘಾತ್ ಚಿಂತುನ್.
‘ರಿತೇಶ್!!!’ ಪ್ರತಿಬಾ ಕಿಳಂಚ್ಲೆಂ. ‘ತುಂ ಇತ್ಲೊ ಗಲಿಜ್.....ಇತ್ಲೊ ಲ್ಹಾನ್ ಚಿಂತ್ಪಾಚೊ....... ಇತ್ಲೊ ಮತ್ಲಾಬಿ ಮ್ಹಣ್ ಹಾಂವೆಂ ಲೆಕುಂಕ್ ನಾ. ಹಾಂವ್ ಮ್ಹಜೆ ಥಂಯ್ ಘಡ್ಲ್ಲ್ಯಾಚೆಂ ಸುದ್ರಾಪ್ ಕರುಂಕ್ ಜಾಣಾಂ. ಪುಣ್ ತುಕಾ ಕೆದಿಂಚ್ ಮಾಫ್ ಕರ್ಚಿನಾ. ಬರೆಂ ಜಾಲೆಂ ತುಜೆಂ ರೂಪ್ ಹಾಂವೆಂ ಕಾಜಾರಾ ಆದಿಂಚ್ ಪಳೈಲೆಂ. ತೀನ್ ವರ್ಸಾಂ ಮೋಗ್ ಕರುನ್ ತುಜ್ಯಾ ಮತಿಂತ್ ಕರುಂಕ್ ಆಸ್ಲ್ಲೊ ಫಕತ್ತ್ ಘಾತ್! ತುಂ ರಾಕೊನ್ ಆಸ್ಲ್ಲೊಯ್ ಫಕತ್ತ್ ಕುಡಿಚಾ ಬೊಗಾ ಖಾತಿರ್, ನ್ಹಹಿಂ ಖರ್ಯಾ ಮೊಗಾ ಖಾತಿರ್. ಆನಿ ತುಜೆಂ ತೊಂಡ್ ಮ್ಹಾಕಾ ಕೆದಿಂಚ್ ದಾಖೈನಾಕಾ, ಹಾಂವ್ ಆಜ್ ಥಾವ್ನ್ ತುಜೆ ಖಾತಿರ್ ಮೆಲ್ಯಾಂ.....’
“ತಶೆಂ ಮ್ಹಣಾನಾಕಾ ಮೊಗಾ, ಮ್ಹಾಕಾ ಪಾತ್ಯೆ. ಹಾಂವೆಂ ತುಜೆ ಥಂಯ್ ತಶೆಂ ಕಾಂಯ್ ಕರುಂಕ್ ನಾ. ತೆಂ ಕಶೆಂ ಜಾಲೆಂ ಹೆಂಯಿ ಹಾಂವ್ ಸಾಂಗೊಂಕ್ ಅಸಹಾಯೆಕ್ ಜಾವ್ನಾಸಾಂ. ಉಪ್ಕಾರ್ ಕರುನ್ ಮ್ಹಾಕಾ ಪಾತ್ಯೆ. ಮ್ಹಜ್ಯಾ ಮೊಗಾಚೆರ್ ದುಬಾವ್ ಕರಿನಾಕಾ. ತುಕಾ ಸೊಡುನ್ ಹಾಂವ್ ಜಿಯೆಂವ್ಕ್ ಸಕ್ಚೊನಾ. ತುಂ ಎಬೊರ್ಶೆನ್(ಗರ್ಭಾಪಾತ್) ಕರೈ, ಹಾಂವ್ ಸಗ್ಳೆಂ ಸಾಂಬಾಳ್ತಾಂ.....”
‘ತೊಂಡ್ ಧಾಂಪ್!’ ಪ್ರತಿಬಾ ಗರ್ಜಾಲೆಂ. ‘ಹಾಂವ್ ಎಬೊರ್ಶೆನ್ ಕರೈತೆಲಿಂಚ್. ತೆಂ ಪಾತಾಕ್ ತರೀ, ಮ್ಹಜ್ಯಾ ಭವಿಶ್ಯಾ ಖಾತಿರ್, ಮುಖ್ಯಾ ಜಾವ್ನ್ ಮ್ಹಜ್ಯಾ ಬಾಪಾಯ್ಚ್ಯಾ ಮರ್ಯಾಧಿ ಖಾತಿರ್, ತಶೆಂ ಮ್ಹಾಕಾ ಕರುಂಕ್ ಪಡ್ತೆಲೆಂ. ಪುಣ್ ತುಕಾ ಹಾಂವ್ ಮಾಫ್ ಕರ್ಚಿನಾ. ಹೆಂ ಹಾಂವ್ ಕೊಣಾಯ್ಕಿ ಸಾಂಗೊನ್ ತುಕಾ ಶಿಕ್ಷಾ ದಿವಂವ್ಕ್ಯಿ ಸಕಾನಾ. ಕಿತ್ಯಾಕ್ ಹಾಂವೆಂ ತುಜೊ ಖರೊ ಮೋಗ್ ಕೆಲ್ಲೊ. ತುಜಿ ಶಿಕ್ಷಾ ಹಿಚ್ ಜಾವ್ನಾಸ್ತೆಲಿ, ತುಂವೆಂ ಮ್ಹಜ್ಯಾ ಜಿಣ್ಯೆಂತ್ಲೆಂ ಪಯ್ಸ್ ಸರ್ಚೆಂ......’ ಉತ್ರ್ರಾಂ ಬರಾಬರ್, ಪ್ರತಿಬಾ ರಡೊನ್ ಥಂಯ್ ಥಾವ್ನ್ ಚಲ್ತೆ ರಾವ್ಲೆಂ.
“ವೆಚಾ ತಾಚಾ ಪಾಟಿಕ್ ಹಾಂವ್ ಅಸಹಾಯೆಕ್ ರಿತಿರ್ ಪಳೈತ್ತ್ ರಾವ್ಲೊಂ. ದುಸ್ರ್ಯಾ ಘಡ್ಯೆ ಹಾಂವ್ ರಾಗಾನ್ ಇಂಗ್ಳೊ ಜಾಲೊಂ. ಇತ್ಲೆಂ ಸರ್ವ್ ಕರುನ್ಯಿ ಮ್ಹಜೆ ಕಡೆನ್ ನೆಣಾರ್ಯಾಪರಿಂ ಆಸ್ಚ್ಯಾ ಪ್ರಕಾಶಾಚೆರ್ ಹಾಂವೆಂ ಪಾರಿಕ್ಪಣ್ ಘೆಂವ್ಕ್ ನಿರ್ಧಾರ್ ಕರುನ್ ಜಾಲ್ಲೊ......!!!
“ಹಾಂವ್ ಆತಾಂ ಚಿಂತುಂಕ್ ಪಡ್ಲ್ಲೊಂ, ಪ್ರಕಾಶಾನ್ ಖೆಳ್ಲ್ಲ್ಯಾ ಖೆಳಾಚೊ! ತ್ಯಾದೀಸ್ ಹಾಂವೆಂ ಸಂಶೊಧನಾಚೆರ್ ಕಾಮ್ಯಾಬ್ ಜಾವ್ನ್ ಸಿಸ್ಲೆಂತ್ ಹಾಡುನ್ ಆಯಿಲ್ಲೆಂ ವೊಕಾತ್, ಪ್ರಕಾಶಾ ಮುಖಾರ್, ತ್ಯಾ ಆಲ್ಶಿಶಿಯೆನ್ ಪೆಟ್ಯಾಚೆರ್ ಉಪಾಯೊಗ್ಸಿಲ್ಯಾ ಉಪ್ರಾಂತ್, ಆಮಿ ಎಕಾ ಹೊಟೆಲಾಕ್ ಕಾಪಿ ಪಿಯೆಂವ್ಕ್ ಗೆಲ್ಲ್ಯಾಂವ್. ತೆದ್ನಾಂ ಪ್ರಾಕಾಶಾನ್ ಮ್ಹಾಕಾ ವಿಚಾರ್ಲ್ಲೆಂ-
‘ರಿತೇಶ್, ಜರ್ತರ್ ಹೆಂ ವೊಕಾತ್ ಮನ್ಶಾಂಚೆರ್ ಪ್ರಯೊಗ್ ಕೆಲ್ಯಾರ್?’
“ಮನ್ಶ್ಯಾಂಚೆರ್!?” ಹಾಂವ್ ಉಡೊನ್ ಪಡ್ಲ್ಲೊಂ. “ಮನ್ಶ್ಯಾಂಚೆರ್ ಕಿತ್ಯಾಕ್, ಮನಿಸ್ ರಾನ್ ಮನ್ಜಾತ್ ವೆ?” ಹಾಂವೆ ವಿಚಾರ್ಲ್ಲೆಂ.
‘ನ್ಹಹಿಂ...., ಜರ್ತರ್, ಕೊಣಾಯ್ಕಿ ಆಪ್ಲ್ಯಾ ತಾಬೆನ್ ಕರುಂಕ್ ಆಸಾತರ್....?’ ತೊ ಹಾಸ್ಲೊ
“ತುಜೊ ಮತ್ಲಾಬ್ ಕಿತೆಂ?”
‘ಮತ್ಲಾಬ್ ತುಕಾ ಕಳ್ಳಾ.....’ ತೊ ಪರಾತ್ ಹಾಸ್ಲ್ಲೊ.
“ಆಳೆ ಪ್ರಕಾಶ್ ಆಮಿ ತಶೆಂ ಹ್ಯಾ ವೊಕ್ತಾಕ್ ನ್ಹಹಿಂ ಜಾಲ್ಲ್ಯಾ ಸಂಗ್ತಿಂತ್ ಉಪಾಯೊಗ್ಸುಂಕ್ ನಜೊ. ಆಮಿ ಹೆಂ ವೊಕಾತ್ ಸೊಧುನ್ ಕಾಡ್ಲಾಂ, ಮನ್ಜಾಂತಿಂಚಾ ಬರ್ಯಾಪಣಾ ಖಾತಿರ್. ಆತ್ತಾಂ ತ್ಯಾ ಪೆಟ್ಯಾಚೆರ್ ಜಾಲ್ಲೊ ಪರಿಣಾಮ್ ತುಕಾ ಕಳಿತ್ ಆಸಾ. ಹೆಂ ಕಿತ್ಲೆಂ ಬರೆಂಗಿ, ತಿತ್ಲೆಂಚ್ ಪಾಡ್ಯಿ, ಜರ್ತರ್ ಹೆಂ ವೊಕಾತ್, ನ್ಹಹಿಂ ಜಾಲ್ಲ್ಯಾ ಹಾತಾಂಕ್ ಪಾವ್ಲ್ಯಾರ್, ಜಶೆಂ ಚೊರಾಂಚಾ ಹಾತಿಂ ಪಾವ್ಲ್ಯಾರ್, ತಾಣಿ ವಾಯ್ಟಾಕ್ ಉಪಾಯೊಗ್ಯಿ ಕರ್ಯೆತಾ ಆನಿ ಭರ್ಲ್ಲೆಂ ಘರ್ ಲುಟ್ಯೆತಾ. ದೆಕುನ್ ಹ್ಯಾ ವೊಕ್ತಾಕ್ ಸರ್ಕಾರಾಚಾ ತಾಬೆಂತ್ ದವರುನ್, ಗರ್ಜೆಕ್ ಮಾತ್ರ್ ಉಪಾಯೊಗ್ಸುಂಕ್ ಅನುಮತಿ ಆಸ್ತೆಲಿ, ಹ್ಯಾ ವಕ್ತಾಕ್ ವಿಜ್ಞಾನಾನ್ ವಳ್ಕುನ್ ಸೆರ್ಟಿಫಿಕೆಟ್ ದಿಲ್ಯಾ ನಂತರ್.......
“ಮನ್ಶಾಚೆರ್ ಉಪಾಯೊಗ್ಸಿಲ್ಯಾರ್ ಶಿಕ್ಷೆಕ್ ವಳಗ್ ಜಾಂವ್ಕ್ಯಿ ಸಾಧ್ಯ್ ಆಸ್ತೆಲೆಂ. ಥೊಡ್ಯಾ ವೆಳಾ ಖಾತಿರ್ ತೊ ಮನಿಸ್ ಆಪ್ಣಾಕ್ ಸಂಪುರ್ಣ್ ವಿಸ್ರುನ್, ಮುಖ್ಲ್ಯಾ ಮನ್ಶಾಕ್ ಆಪ್ಲೊ ಸಮ್ಜುನ್ ಕಿತೆಂಯಿ ದೀವ್ಕ್ ವ ಕರುಂಕ್ ಪಾಟಿಂ ಸರ್ಚೊನಾ. ಆನಿ ಆಮಿ ಜರ್ತರ್ ಹ್ಯಾ ವಕ್ತಾಚೊ ಚೂಕ್ ಉಪಾಯೊಗ್ ಕೆಲ್ಯಾರ್, ಆಮಿ ವ್ಹಡ್ಲೆ ಗುನ್ಯಾಂವ್ಕಾರ್ ಜಾಂವ್ಕ್ ಆಸಾಂವ್. ಆಮಿ ಶಿಕ್ಲ್ಲ್ಯಾ ಶಿಕ್ಷಣಾಚೊ ಅಖ್ಮಾನ್ ಜಾಂವ್ಕ್ಯಿ ಆಸಾ....”
‘ಜಾಯ್ತ್ ಬಾಬಾ, ಹಾಂವೆಂ ಬೆಷ್ಟೆಂ ವಿಚಾರ್ಲೆಂ ಆನಿ ತುವೆಂ ಶೆರ್ಮಾಂವ್ ದೀವ್ನ್ಯಿ ಜಾಲೊಯ್. ತುಜ್ಯಾ ಮಿತ್ರಾಚೆರ್ � ನಾಂವೆ ತುಕಾ? ತಶೆಂ ಹಾಂವ್ ಕಾಂಯ್ ಕರಿನ್ವೆ?’ ಪ್ರಕಾಶಾನ್ ಮ್ಹಳ್ಳೆಂ.
“ತುಜೆರ್ ಪಾತ್ಯೆಣಿ ನಾತ್ಲ್ಲಿ ತರ್, ಹ್ಯಾ ಸಂಶೊಧನಾಚೊ ಘುಟ್, ಪ್ರೊ. ರಮಾನಂದಾಕ್ ಕಳಂವ್ಚ್ಯಾ ಪಯ್ಲೆಂ ತುಕಾ ಸಾಂಗ್ತೊವೆ?” ಹಾಂವೆಂ ಮ್ಹಳ್ಳೆಂ. ಕಾಪಿ ಪಿಯೆವ್ನ್ ಜಾಲ್ಯಾ ನಂತರ್, ಪ್ರಕಾಶಾನ್ ಸಿಸ್ಲೆಂತ್ ಬಾಕಿ ಆಸ್ಲ್ಲೆಂ ವೊಕಾತ್, ಅಪ್ಣಾಕ್ ಸೆಜಾರ್ಚ್ಯಾ ಪೆಟ್ಯಾಚೆರ್ ಪ್ರಯೊಗ್ ಕರುನ್ ಪಳಂವ್ಕ್ ಜಾಯ್ ಮ್ಹಣ್ ಸಾಂಗೊನ್ ಕಾಣ್ಘೆಲ್ಲೆಂ. ಹಾಂವೆಂ ತಾಕಾ ಛತ್ರಾಯ್ ಸಾಂಗೊನ್ ದಿಲ್ಲೆಂ.....
“ಮ್ಹಜ್ಯೊ ಸಭಾರ್ ಸಂಗ್ತಿ ಜಾಣಾ ಆಸ್ಲ್ಲ್ಯಾ ಪ್ರಕಾಶಾನ್, ಪ್ರತಿಬಾಕ್ ಕಿರಿಂತ್ ತೆಂ ವೊಕಾತ್ ಘಾಲುನ್, ಆಪ್ಲಿ ಕಾಮುಖಿ ಕರ್ನಿ ವ್ಹಡಾ ಧೈರಾನ್ ಆನಿ ಸುಲಾಬಾಯೆನ್ ಅಧಾರ್ಲ್ಲಿ.... ಕಿತ್ಯಾಕ್ ಹಾಂವೆಂ ಆನಿ ಪ್ರತಿಬಾನ್ ಮೆಳೊನ್ ಕುಡಿಚೆಂ ಸುಖ್ ಸಭಾರ್ ಪಾವ್ಟಿಂ ಭಗ್ಲಾಂ ಮ್ಹಳ್ಳೆಂ ತಾಚೆಂ ಚಿಂತಾಪ್ ಜಾವ್ನಾಸ್ಲ್ಲೆಂ ಜಾಲ್ಲ್ಯಾನ್. ಪುಣ್ ಆಪ್ರಾಧ್ ಲಿಪಾನಾ ಮ್ಹಳ್ಳ್ಯಾಪರಿಂ ಪ್ರತಿಬಾ ಗರ್ಭೆಸ್ತ್ ಜಾಲೆಂ ಆನಿ ತಾಣೆ ಮ್ಹಾಕಾ ಆಪವ್ನ್ ತಾಚೆ ಥಂಯ್ ಘಡ್ಲ್ಲೆಂ ಸಾಂಗ್ಲ್ಲೆಂ, ಜಶೆಂ ತೆಂ ಹಾಂವೆಂಚ್ ಕೆಲ್ಲೆಂ ಮ್ಹಳ್ಳ್ಯಾ ಚಿಂತ್ಪಾನ್......
“ಹಾಂವ್ ಸಗ್ಳೊಚ್ ರಾಗಾನ್ ಆನಿ ಧ್ವೇಷಾನ್ ಭರ್ಲ್ಲೊಂ ಪ್ರಕಾಶಾಚೆರ್, ಫಾರಿಕ್ಪಣ್ ಘೆಂವ್ಚ್ಯಾ ಇರಾದ್ಯಾನ್. ತೊ ದೀಸ್ ಹಾಂವೆಂ ವಿರಾರಾಯೆನ್ ಆನಿ ಬೆಜಾರಾಯೆನ್ ಪಾಶಾರ್ಲೊ. ಅಚಾನಕ್ ವ್ಮ್ಹಜ್ಯಾ ಮತಿಂತ್ ಏಕ್ ಆಲೊಚೆನ್ ಆಯ್ಲಿ. ಆನಿ ಹಾಂವ್ ಶಾಂತ್ ಜಾಲೊಂ ಆಮ್ಸೊರಾನ್ ಹಾಂವೆಂ ಕಿತೆಂಯ್ ಕೆಲ್ಯಾರ್, ಲುಕ್ಸಾಣ್ ಮ್ಹಾಕಾಚ್ ಸಂಭವ್ತೆಲೆಂ ಆನಿ ಪ್ರಕಾಶ್ ಶಾಬಿತ್ ಉರ್ತೊಲೊ ದೆಕುನ್ ಹಾಂವ್ ಕಾಂಟ್ಯಾನ್ ಕಾಂಟೊ ಕಾಡುಂಕ್ ಸಂಧರ್ಬಾಕ್ ರಾಕೊನ್ ರಾವ್ಲೊಂ. ಪ್ರಕಾಶಾಕ್ ಹಾಂವೆಂ ತಾಚ್ಯಾ ನೀಚ್ ಹರ್ಕತೆವಿಶಿಂ ಜಾಣಾ ಮ್ಹಣ್ ದಾಖಂವ್ಕ್ ನಾ. ಹಾಂವ್ ತಾಚೆ ಸಂಗಿಂ ಪಯ್ಲೆಂಚಾ ಪರಿಂಚ್ ಬರ್ಯಾನ್ ಆಸ್ಲ್ಲೊಂ......
“ಏಕ್ ದೀಸ್ ಪ್ರಕಾಶಾನ್ ಮ್ಹಾಕಾ ವಿಚಾರ್ಲ್ಲೆಂ, ‘ರಿತೇಶ್ ಹ್ಯಾ ದಿಸಾಂನಿ ತುಂ ಪ್ರತಿಬಾಕ್ ಮೆಳೊಂಕ್ ವಚುಂಕ್ ನಾಂಯ್. ಗಜಾಲ್ ಕಿತೆಂ? ತುಮಿ ರಾಗಾರ್ ಪುಣಿ ನಾಂತ್ಮೂ? ರಾಗಾರ್ ಪುಣ್ಯಿ ಕೆದ್ನಾಂಚ್ ಜಾಯ್ನಾಕಾ ಹಾಂ, ತಾಚೆ ಕಡೆನ್? ನಾ ಜಾಲ್ಯಾರ್ ತುಂ ಚುರ್ಚುತೊಲೊಯ್. ಪ್ರತಿಬಾ ತಸಲಿ ಬರಿ, ಸೊಬಿತ್ ಸುಂದರ್ ಚಲಿ ತುಕಾ ಸೊಧುಂಕ್ ಗೆಲ್ಯಾರ್ಯಿ ಮೆಳ್ಚಿನಾ. ತುಮಿ ಕಾಜಾರ್ ಕೆದ್ನಾಂ ಜಾತಾತ್?’
“ಪ್ರಕಾಶಾಚಾ ಉತ್ರಾಂಕ್ ಅಯ್ಕೊನ್ ಹಾಂವ್ ಭಿತರ್ಲೆ ಭಿತರ್ ಕಿತ್ಲೊಂ ಕಷ್ಟಾತಾಲೊ ಆನಿ ಕಿತ್ಲೊಂ ಅಸಹಾಯೆಕ್ ಆಸ್ಲ್ಲೊಂ, ಹೆಂ ಹಾಂವ್ ಪ್ರಯಾತ್ನ್ ಕರುನ್ಯಿ ವಿವರ್ಸುಂಕ್ ಸಕ್ಚೊನಾ. ಹಾಂವೆಂ ತಾಕಾ ಕಷ್ಟಾಂನಿ ಜಾಪ್ ದಿಲ್ಲಿ, ‘ಹೆಂ ತಾಚೆಂ ನಿಮಾಣೆ ವರಸ್ ನ್ಹಹಿಂವೆ, ದೆಕುನ್ ಅಮಿ ಎಕಾಮೆಕಾ ಥಾವ್ನ್ ಪಯ್ಸ್ ಉರೊನ್ ಸಾಕ್ರಿಫಿಸ್ ಕರ್ಚೊ.’
ಆಖ್ರೇಕ್ ಹಾಂವೆಂ ರಾಕೊನ್ ಆಸ್ಚೊ ದೀಸ್ಯಿ ಆಯ್ಲೊ.....!
ಆನಿಮಾಶಾ!! ಪ್ರಕಾಶಾಚಿ ಪ್ರೇಯಸಿ, ಫಿಯಾಂಸಿ, ಸೈರಿಕ್ ಜಾಲ್ಲಿ ಚಲಿ!!! ತಾಯ್ನಾಮ್ಪೆಟಾಂತ್ ಎಡ್ಮಂಡ್ ಯುನಿವರ್ಸಿಟಿಂತ್ ಇಕೊನೊಮಿಕ್ಸಾಂತ್ ಲೆಕ್ಚರಾರ್ ಜಾವ್ನ್ ಕಾಮ್ ಕರ್ತಾಲಿ. ಸ್ವಭಾವಾಂತ್ ಬೋವ್ ದೃಡ್ ಆನಿ ಶೀದಾ. ಹಾಂಕಾಂ ಹಾಂವೆಂ ಸಭಾರ್ ಪಾವ್ಟಿಂ ಪಳೈಲ್ಲೆಂ ಆನಿ ಆನಿಮಾಶಾಕ್ ತಾಚಾ ಗುಣಾನಿಯಿ ಪಾರ್ಕಿಲ್ಲೆಂ. ಪುಣ್, ಆನಿಮಾಶಾಕ್ ಮ್ಹಜಿ ವಳ್ಹಕ್ ನಾತ್ಲ್ಲಿ ಆನಿ ತಾಣೆ ಮ್ಹಾಕಾ ಪಳಂವ್ಕ್ಯಿ ನಾತ್ಲ್ಲೆಂ. ಪ್ರಕಾಶಾಚೆಂ ಖರಾರ್, ಆನಿಮಾಶಾಸಂಗಿಂ ಜಾಲ್ಲೆಂ ತರಿ, ತಾಂಚಾ ಕುಡಿಚೆಂ ಮಿಲನ್ ಜಾಂವ್ಕ್ ನಾತ್ಲ್ಲೆಂ. ಹೆಂ ಹಾಂವೆಂ, ಏಕ್ ದೀಸ್ ಎಕಾ ಹೊಟೆಲಾಂತ್ ಮ್ಹಜ್ಯಾ ಎಕಾ ಮಿತ್ರಾಸಂಗಿಂ ರಾತಿಚೆಂ ಜೆವಾಣ್ ಕರುಂಕ್ ಗೆಲ್ಲ್ಯಾ ತವೊಳ್ ಸಮ್ಜೊನ್ ಘೆತ್ಲ್ಲೆಂ........
“ಕುಶಿಚಾ ಕ್ಯಾಬಿನಾಂತ್ ಪ್ರಕಾಶ್ ಆನಿ ಆನಿಮಾಶಾ ಜೆವಾಣ್ ಕರುನ್ ಆಸ್ಲ್ಲಿಂ. ತ್ಯಾ ಹೊಟೆಲಾಂತ್ ಬಾಡ್ಯಾಕ್ ರುಮಾಂಯಿ ಮೆಳ್ತಾಲಿಂ. ಪ್ರಕಾಶ್ ಆನಿಮಾಶಾಕ್ ವತ್ತಾಯೆನ್ ಸಮ್ಜಾಯ್ತಾಲೊ ಆನಿ ಫುಸ್ಲಾಯ್ತಾಲೊ, ರಾತಿಂ ರೂಮ್ ಕರುನ್ ರಾವ್ಯಾಂ ಮ್ಹಣ್. ಖರಾರ್ ಆಮ್ಚೆಂ ಜಾಲಾಂ ಫಕತ್ತ್ ಕಾಜಾರ್ ಮಾತ್ರ್ ಜಾಂವ್ಕ್ ಬಾಕಿ ಆಸಾ ಆನಿ ತೆಂ ವೆಗ್ಗಿಂಚ್ ಜಾಂವ್ಚ್ಯಾರ್ ಆಸಾ, ತರ್ ತಾಂತು ಭಿರಾಂತ್ ಕಸಲಿಗಿ ಮ್ಹಣ್. ಪುಣ್ ಆನಿಮಾಶಾ ಆಪ್ಲ್ಯಾ ದ್ಯೆಯಾಂತ್ ದೃಡ್ ಆಸೊನ್ ವಪ್ವೊಂಕ್ ತಯಾರ್ ನಾತ್ಲ್ಲೆಂ, ಸಾಂಗೊನ್, ಕಾಜಾರಾ ಉಪ್ರಾಂತ್ಲೆಂ ಕಾಜಾರಾ ಉಪ್ರಾತ್ಚ್. ತೆಂ ಪಯ್ಲೆಂ ಕರ್ಚೆಂ ಪಯ್ಶಿಲೆಂ, ಚಿಂತುಂಕ್ಯಿ ನಜೊ. ತೆಂ ಸುಖ್ ಪಯ್ಲೆಂಚ್ ಚಾಕ್ಲ್ಯಾರ್, ಕಾಜಾರಾ ಉಪ್ರಾಂತ್ ತೆಂ ಜಿವಿತ್, ತೆಂ ಸುಖ್ ಸಂತೊಸಾಚೆಂ ನ್ಹಹಿಂ ಬಗಾರ್ ಅಸಾಮಾಧಾನೆಚೆಂ ಕಾರಾಣ್ ಜಾಂವ್ಕ್ ಪಾವ್ತಾ ಮ್ಹಣ್. ಆಖ್ರೇಕ್ ಪ್ರಕಾಶ್ ಹಾರ್ಲ್ಲೊ. ತಾಂಚಾ ಕಾಜಾರಾಕ್ ಫಕತ್ತ್ ತೀನ್ ಮಹಿನೆ ಬಾಕಿ ಆಸ್ಲ್ಲೆ.....
“ಆನಿಮಾಶಾ ಆಪ್ಲ್ಯೆ ಪ್ರಾಯ್ವಂತ್ ಆವಯ್ ಸಂಗಿಂ ಎಕಾ ಫ್ಲ್ಯಾಟಾಂತ್ ರಾವ್ತಾಲೆಂ. ಆವಯ್ಚಿ ದೀಷ್ಟ್ ಆಸ್ಕತ್ ಆಸೊನ್ ತಿಕಾ ಸಾರ್ಕೆಂ ಕಾಂಯ್ ದಿಸಾನಾತ್ಲ್ಲೆಂ. ಪ್ರಕಾಶಾನ್ ಮ್ಹಜೆಥಂಯ್ ಖೆಳ್ಲ್ಲಿ ಚಾಲ್ಚ್
ತಾಚೆರ್ ಖೆಳೊನ್ ತಾಕಾ ಫಸವ್ನ್ ಫಾರಿಕ್ಪಣ್ ಘೆಂವ್ಕ್ ಹಾಂವೆಂ ಚಿಂತುನ್ ಆಸ್ಲ್ಲಿ ಘಡಿ ಆಜ್ ಲಾಗ್ಗಿಂ ಪಾವ್ಲ್ಲಿ. ಹಾಂವ್ ಆನಿಮಾಶಾ ಘರಾ ಪಾಂವ್ಚೆ ಆದಿಂ, ಏಕ್ ಖಾಣಾಚಿ ಪ್ಯಾಕೆಟ್ ಘೆವ್ನ್ ತಾಂಗೆರ್ ಪಾವ್ಲೊಂ. ಹಾಂವೆಂ ಆನಿಮಾಶಾಚಾ ಆವಯ್ಕ್ ಸಾಂಗ್ಲೆಂ, ತ್ಯಾ ಪ್ಯಾಕೆಟಿಂತ್ ಬೇಲ್ಪುರಿ ಆಸಾ, ಆನಿಮಾಶಾಕ್ ಬಾರಿ ಪಸಂದ್. ಹಾಂವೆಂ ಮ್ಹಜೆಂ ನಾಂವ್ ತಿಕಾ ಪ್ರಕಾಶ್ ಮ್ಹಣ್ ತಿಳ್ಸಿಲೆಂ. ಆನಿ ಹಾಂವ್ ಥಂಯ್ ಥಾವ್ನ್ ಚಲ್ಲೊಂ.......
“ಬೊಂಬೈಚಿ ಬೇಲ್ಪುರಿ ಚೆನ್ನಾಯಾಂತ್ ಆಪ್ರೂಬ್ ಜಾಗ್ಯಾನಿ ಮಾತ್ರ್ ಮೆಳ್ತಾಲಿ ಆನಿ ಸಭಾರ್ ಲೋಕ್ ಖಾಯ್ಸ್ ಕರ್ತಾಲೊ ಖಾಂವ್ಕ್ ಪಯ್ಸ್ ಪಯ್ಸ್ ಥಾವ್ನ್ ಯೇವ್ನ್. ಹಾಂವೆಂ ಪ್ರಕಾಶಾಕ್ ಆನಿ ಆನಿಮಾಶಾಕ್ಯಿ ಬೇಲ್ಪುರಿ ಖಾಂವ್ಚೆಂ ಪಳೈಲ್ಲೆಂ ಥೊಡೆಪಾವ್ಟಿಂ.....
“ಹಾಂವೆಂ ಚಿಂತ್ಲ್ಲೆಂ ಯೊಜನ್ ಫಳ್ಸಾಲ್ಲೆಂ. ಆನಿಮಾಶಾ ಸಾಂಜೆರ್ ಘರಾ ಪಾವ್ತಾನಾ, ತಾಕಾ ತಾಚಾ ಆವಯ್ನ್ ಪ್ರಕಾಶಾನ್ ಆಯಿಲ್ಲಿ ಗಜಾಲ್ ಸಾಂಗೊನ್ ಬೇಲ್ಪುರಿಚಿ ಪ್ಯಾಕೆಟ್ ದಿತಾನಾ, ಭುಕೆನ್ ಆಸ್ಲ್ಲೆಂ ತೆಂ, ವಸ್ತುರ್ ಸೈತ್ ಬದ್ಲಿ ಕರಿನಾಸ್ತಾಂ, ಸಂತೊಸಾನ್ ಬೇಲ್ಪುರಿ ಖಾಂವ್ಕ್ ಲಾಗ್ಲೆಂ. ಹಾಂವೆಂ ತಾಂತುಂ ತೆಂ ವೊಕಾತ್ ಬರ್ಶಿಲ್ಲೆಂ ಜಾಲ್ಲ್ಯಾನ್ ಕೂಡ್ಲೆಚ್ ಆನಿಮಾಶಾಚೆರ್ ಬದ್ಲಾವಣ್ ಜಾಲ್ಲಿ ಆನಿ ತೆಂ ಬಹುಷಾ ಪ್ರಕಾಶಾಕ್ ಚಿತುಂನ್ ಆಸ್ಲ್ಲೆಂ.......
“ಹಾಂವ್ ರಾತ್ಚ್ಯಾ ಆಟಾಂಕ್ ಆನಿಮಾಶಾಗೆರ್ ಪಾವ್ಲೊಂ. ಮುಖಾರ್ ಮೆಳ್ಲ್ಲ್ಯಾ ಆವಯ್ಕ್ ಹಾಂವ್ ಪ್ರಕಾಶ್ ಮ್ಹಣೊನ್ ಪರಾತ್ ಉಗ್ಡಾಸ್ ದಿಲೊ. ಆನಿಮಾಶಾ ಆಪ್ಲ್ಯಾ ಕುಡಾಂತ್ ಆಸ್ಲ್ಲೆಂ. ವೊಕ್ತಾಚೆರ್ ಮ್ಹಾಕಾ ಖೂಬ್ ಬರ್ವಸೊ ಆಸ್ಲ್ಲೊ. ಆನಿಮಾಶಾ ಆಸ್ಚ್ಯಾ ಕುಡಾಕ್ ಹಾಂವ್ ಗೆಲೊಂ. ಬೇಲ್ಪುರಿ ತಾಣೆ ಖಾವ್ನ್ ಜಾಲ್ಲಿ ಆನಿ ತಿ ಪ್ರಕಾಶಾನ್ ಹಾಡ್ಲ್ಲಿ ಮ್ಹಣ್ ಆವಯ್ ಥಾವ್ನ್ ಆಯ್ಕೊನ್ ತೆಂ ವೊಕ್ತಾಚಾ ಪ್ರಭಾವಾನ್ ಬಧ್ಲಾವಣ್ ಜಾವ್ನ್ ಆಸ್ಲ್ಲೆಂ ಜಾಲ್ಲ್ಯಾನ್, ಮ್ಹಾಕಾ ಪಳೈಲೆಂಚ್ ಪ್ರಕಾಶ್ ಮ್ಹಣ್ ವೆಂಗ್ಲೆಂ. ಆತಾಂ ತಾಚೆಲಾಗಿಂ ವಿರೋಧ್ಪಣ್ ನಾತ್ಲ್ಲೆಂ ಆನಿ ಕಿತ್ಯಾಕ್ಯಿ ತೆಂ ತಯಾರ್ ಆಸ್ಲ್ಲೆಂ. ಫಾರಿಕ್ಪಣ್ ಘೆಂವ್ಕ್ ಆಸ್ಲ್ಲ್ಯಾ ಮ್ಹಾಕಾ, ಯೊವ್ಜಿಲ್ಲೆಂ ಕಾರ್ಯೆಂ ಕರುನ್ ಫೊಳಾಫಳ್ ಘೆವ್ನ್ ಧಾವೊಂಕ್ ಆಸ್ಲ್ಲೆಂ. ಹಾಂವೆಂ ಆನಿಮಾಶಾಚಾ ಆಂಗ್ಲ್ಯಾಚೆ ಬಟ್ಟನ್ ಸುಟೈಲೆ......!”
ಎಕಾಸ್ಫಾರಾ ನೀಮಾಚಾ ಹಾತಾಂತ್ಲಿ, ಸುರಿ ಸಕ್ಲಾ ಪಡ್ಲಿ! ರಿತೇಶ್ ಘಡಿಬರ್ ನೀಮಾಕ್ ಪಳೈಲಾಗ್ಲೊ. ಉಪ್ರಾಂತ್ ಮುಖಾರ್ಸಿಲಾಗ್ಲೊ-
“ವ್ಹಯ್ ಹಾಂವೆಂ ವೊಕ್ತಾಚಾ ಅಧಾರಾನ್ ಪ್ರಕಾಶಾನ್ ಕಾಜಾರ್ ಚಾಂವ್ಕ್ ಆಸ್ಚ್ಯೆ ಹೊಕ್ಲೆಚೆಂ ಆಂಕ್ವಾರ್ಪಣ್ ಲುಟ್ಲ್ಲೆಂ. ಫಾರಿಕ್ಪಣಾಚಾ ಝಿದ್ಧಾನ್ ಹಾಂವೆಂ ಶಿಕ್ಲ್ಲ್ಯಾ ಶಿಕ್ಪಾಚೊ ಅಥ್ವೊ ಫಾಯ್ದೊ ಜೊಡ್ಲ್ಲೊ!!! ರಾತಿಂ ಆನಿಮಾಶಾಕ್ ಸೊಡುನ್ ಹಾಂವ್ ಧಾಂವ್ಲ್ಲೊಂ......
“ಉಪ್ರಾಂತ್ ಖಭಾರ್ ಅಶಿ ಮೆಳ್ಲ್ಲಿ- ಸಾಕಾಳಿಂ ಉಟ್ತಾನಾ, ಆನಿಮಾಶಾಕ್ ಆದ್ಲ್ಯಾ ರಾತಿಚೊ ಕಾಂಯ್ ಉಗ್ಡಾಸ್ ನಾತ್ಲ್ಲೊ. ಆಪ್ಲ್ಯಾ ಬೆಡ್ಡಾರ್ ಆಪ್ಣಾಕ್ ವಸ್ತ್ರಾವೀಣ್ ದೆಖೊನ್ ತೆಂ ದೆದೆಸ್ಫರ್ ಜಾಲ್ಲೆಂ. ಆವಯ್ಕ್ ವಿಚಾರ್ತಾನಾ, ಆವಯ್ನ್, ಪ್ರಕಾಶಾನ್ ಆಯಿಲ್ಲಿ ಗಜಾಲ್, ಬೇಲ್ಪುರಿ ಹಾಡ್ಲ್ಲಿ ಗಜಾಲ್ ಸಾಂಗ್ಲ್ಲೆಂ ಆಯ್ಕೊನ್, ಪ್ರಕಾಶಾನ್ ಖಂಡಿತ್ ಆಪ್ಣಾಕ್ ಖಾಣಾಂಕ್ ಕಿತೆಂಗಿ ಬರ್ಸುನ್ ದೀವ್ನ್ ಆಪ್ಣಾಥಂಯ್ ಆಪ್ಲಿ ಗಲೀಜ್ ಇಛ್ಛಾ ಆಧಾರ್ಲ್ಯಾ ಮ್ಹಣ್ ಆನಿಮಾಶಾ ಸಮ್ಜಾಲೆಂ. ತೆಂ ತಾಕಾ ಕಾಂಠಾಳ್ಳೆಂ, ಆಪ್ಣೆ ತಾಕಾ ಕಾಜಾರಾ ಆದಿಂ ಇನ್ಕಾರ್ ಕೆಲ್ಲೆಂ ಸುಖ್ ತಾಣೆ ಚೊರ್ಪಣಿ ಜೊಡ್ಲೆಂ ಮ್ಹಣ್.......
“ಪ್ರಕಾಶಾಕ್ ಮೆಳೊನ್ ತಾಚೆರ್ ರಾಗಾರ್ ಜಾವ್ನ್ ಗಜಾಲ್ ವ್ಹಯ್-ನ್ಹಹಿಂ ಕರ್ತಾನಾ, ಪ್ರಕಾಶ್ ವಪ್ವೊಂಕ್ ತಯಾರ್ ಜಾಲೊನಾ. ಹಳ್ಶಿಕ್ ಕರ್ನಿ ಆಧಾರುನ್ಯಿ ಚೂಕ್ ವಳ್ಕುಂಕ್ ತಯಾರ್ ನಾತ್ಲ್ಲ್ಯಾ ತಾಚೆರ್ ಆನಿಮಾಶಾ ಪುರ್ತೆಂ ಕಾಂಠಾಳ್ಳೆಂ. ತಸಲೊ ಫಟ್ಕಿರೊ ಆನಿ ಘಾತ್ಕಿ ನವ್ರೊ ಆಪ್ಣಾಕ್ ಖಂಡಿತ್ ನಾಕಾ ಮ್ಹಣ್ ನಿರ್ಧಾರ್ ಕರುನ್, ಆನಿಮಾಶಾನ್ ಪೊಲಿಸಾಂಕ್ ದೂರ್ ದಿಲೆಂ. ಮೆಡಿಕಲ್ ತಾಪಾಸ್ಣಿಚಿ ರುಜ್ವಾತ್ ಆವಯ್ಚಿ ಸಾಕ್ಸ್ ಇತ್ಯಾದಿಚಿ ಮಜತ್ ಘೆವ್ನ್, ಆನಿಮಾಶಾನ್ ಪ್ರಕಾಶಾಕ್ ಪೊಲಿಸಾಂ ಕರ್ನಾಂ ಲೊಕಾಪ್ಪಾಂತ್ ಘಾಲೆಂ........
“ನಿರಾಪ್ರಾದಿ ಪ್ರಕಾಶ್ ಹಾಂವೆಂ ಮಾಂಡ್ಲ್ಲ್ಯಾ ಜಾಳಾಂತ್ಲ್ಯಾ ಫಾರಿಪ್ಕಣಾಂತ್ ಶಿರ್ಕೊನ್ ಕೊಡ್ತಿಚಾ
ತಿರ್ಪಾರ್ ‘ಘಾತ್ಕಿ-ಮಾನ್ಭಂಗ್’ ಮ್ಹಳ್ಳಾ ಆರೊಪಾಚೆರ್ ಜೈಲಾಕ್ ವೆಚಾರ್ ಆಸ್ಲ್ಲೊ. ಆನಿ ತಾಣೆ ತಾಚೊ
ಖಾಸ್ ಮಿತ್ರ್ ಜಾವ್ನಾಸ್ಚ್ಯಾ ಮ್ಹಜೊ ಉಗ್ಡಾಸ್ ಕರುನ್ ಮ್ಹಾಕಾ ಆಪಂವ್ಕ್ ಧಾಡ್ಲ್ಲೆಂ. ಹಾಂವೆಂ ಕಶೆಂತರಿ, ವಕಿಲಾಕ್ ಧರುನ್, ಶಿಕ್ಷಾ ಜಾಂವ್ಚ್ಯಾ ಪಯ್ಲೆಂ ತಾಕಾ ರಾಕೊಂಕ್ ಜಾಯ್ ಮ್ಹಣ್. ಆನಿ ಹಾಂವ್ ಕೂಡ್ಲೆಚ್ ಪ್ರಕಾಶಾಕ್ ಬೆಟುಂಕ್ ಪೊಲಿಸ್ ಕಸ್ಟಡಿಕ್ ಪಾವ್ಲೊಂ. ಮ್ಹಾಕಾ ಪಳವ್ನ್ ಪ್ರಕಾಶ್ ಗಳ್ಗಳ್ಯಾಂ ರಡ್ಲೊ.....
‘ಹಾಂವೆಂ ತಶೆಂ ಕಾಂಯ್ ಕರುಂಕ್ನಾ ಮಿತ್ರಾ, ಹಾಂವ್ ಆನಿಮಾಶಾಚೊ ಖರೊಚ್ ಮೋಗ್ ಕರ್ತಾಲೊಂ. ಆಮ್ಚೆಂ ಕರಾರ್ ಸೈತ್ ಜಾಲ್ಲೆಂ ಆನಿ ಫಕತ್ತ್ ತೀನ್ ಮಹಿನ್ಯಾನಿ ಆಮ್ಚೆಂ ಕಾಜಾರ್ಯಿ ಜಾಂವ್ಚ್ಯಾರ್ ಆಸ್ಲ್ಲೆಂ. ತರ್, ಹಾಂವ್ ತಸಲೆಂ ಭುರ್ಶೆಂ ಕಾಮ್ ಕರಿನ್ಗಿ? ಆನಿಮಾಶಾಕ್ ಕಸಲಿಗಿ ಚೂಕ್ ಸಮ್ಜಣಿ ಜಾಲ್ಯಾ ವ ತೆಂ ಮ್ಹಾಕಾ ಪಯ್ಸ್ ಕರುಂಕ್ ಚಿಂತಾ; ದೆಕುನ್ಂಚ್ ಕಾಣಿ ಘಡುನ್ ಮ್ಹಜೆ ವಿರೊದ್ ಫಟಿ ಸಾಕ್ಷಿ ತಯಾರ್ ಕರುನ್, ಮ್ಹಾಕಾ....., ನಿರಾಪ್ರಾದಿ ಜಾವ್ನಾಸ್ಚ್ಯಾ ಮ್ಹಾಕಾ ಬೆಷ್ಟೆಂಚ್ ಬಿತರ್ ಘಾಲಾಂ. ಹಾಂವೆಂ ಆಧಾರುಂಕ್ ನಾತ್ಲೆಲಿ ಚೂಕ್ ವಳ್ಕುಂಕ್, ಮಾಕಾ ಹಾಂಗಾ ಪೊಲಿಸಾನಿ ಸೈತ್ ಜಾಯ್ತೆಂ ಮಾರ್ಲಾಂ. ಸದಾಂಯ್ ಮಾರ್ತಾತ್. ಹಾಂವ್ ಸೊಸುಂಕ್ ಸಕಾನಾ ರಿತೇಶ್, ಹಾಂಗಾಚೆ ಮಾರ್ ಅನಿ ಹಿಂಸಾ. ದೆಕುನ್ ಉಪ್ಕಾರ್ ಕರುನ್ ಮ್ಹಾಕಾ ಹಾಂಗಾ ಥಾವ್ನ್ ಕಶೆಂಯಿ ಜಾಮಿನ್ ರಾವುನ್ ತರಿ ಭಾಯ್ರ್ ಕಾಡ್. ಬಾಕಿಚೆಂ ಹಾಂವ್ ಸಾರ್ಕೆಂ ಕರ್ತಾಂ......’ ಪ್ರಕಾಶ್ ರಡೊನ್ ಮ್ಹಜೆಲಾಗ್ಗಿಂ ಬಿಕ್ ಮಾಗಾಲಾಗ್ಲೊ.......
“ತುಕಾ ಜಾಮಿನ್ ರಾವುನ್ ಹಾಂವೆಂ ಬಾಯ್ರ್ ಕಾಡಿಜಾಯ್ಗಿ ಪ್ರಕಾಶ್........., ಮ್ಹಜ್ಯಾ ಮಿತ್ರಾ.......?” ಹಾಂವೆಂ ಬೊಳ್ಯಾಪಣಾನ್ ವಿಚಾರ್ಲೆಂ.
‘ತುಜೊ ಉಪ್ಕಾರ್ ಹಾಂವ್ ಕೆದಿಂಚ್ ವಿಸರ್ಚೊನಾ ರಿತೇಶ್’ ತೊ ಮ್ಹಣಾಲೊ.
‘ತುಜೆರ್ ಆರೊಪ್ ಕಸಲೊ ಆಸಾ ಪ್ರಕಾಶ್? ತುಂವೆಂ ಬೇಲ್ಪುರಿಂತ್ ಕಸಲೆಂಗಿ ವೊಕಾತ್ ಘಾಲುನ್ ಆನಿಮಾಶಾಚೊ ಮಾನ್ಭಂಗ್ ಕೆಲಾಯ್ ಮ್ಹಣ್, ವ್ಹಯ್ಮೂ?’
‘ವ್ಹಯ್....., ವ್ಹಯ್’ ತೊ ವೆಗಿಂ ಮ್ಹಣಾಲೊ.
‘ಬಹುಷಾ ಆನಿಮಾಶಾಕ್ ಚೂಕ್ ಸಮ್ಜಣಿ ಜಾಲ್ಯಾ. ಬೇಲ್ಪುರಿಂತ್ ನ್ಹಹಿಂ, ಕಿರಿಂತ್ ತುಂವೆಂ ಮ್ಹಜೆ ಕಡ್ಚೆಂ ವೆಲ್ಲೆಂ ವೊಕಾತ್ ಘಾಲುನ್ ಮಾನ್ಭಂಗ್ ಕೆಲ್ಲೊಯ್.....’ ಹಾಂವೆಂ ಸವ್ಕಾಸ್ ಮ್ಹಳೆಂ.
‘ಕಿರಿಂತ್!?’ ತೊ ಎಕಾಚ್ಫಾರಾ ಥಂಡ್ ಪಡ್ಲೊ. ಮ್ಹಾಕಾ ಆಪ್ರಾಧ್ಯಾಚಾ ದಿಷ್ಟಿಂತ್ ಪಳಂವ್ಕ್ ಪಡ್ಲೊ.
‘ರಿತೇಶ್....., ತುಂವೆಂ.....?’ ಮುಖಾರ್ ತೊ ಉಲಂವ್ಕ್ ಸಕ್ಲೊನಾ.
‘ವ್ಹಯ್ ಪ್ರಕಾಶ್ ಹಾಂವೆಂ....., ಹಾಂವೆಂ ತುಜೆಂ ಫಾರಿಕ್ಪಣ್ ಕಾಣ್ಗೆಲಾಂ. ತುಜೆ ತಸಲ್ಯಾ ವಿಶ್ವಾಸ್ ಘಾತ್ಕ್ಯಾಕ್ ಜಿವೆಶಿಂಚ್ ಮಾರುಂಕ್ ಜಾಯ್ ಆಸ್ಲ್ಲೆಂ. ತರೀ ಹಾಂವ್ ಸಂದರ್ಭಾಕ್ ರಾಕ್ಲೊಂ. ಪ್ರತಿಬಾನ್ ಮ್ಹಾಕಾ ಗುನ್ಯಾಂವ್ಕಾರ್ ಕರುನ್ ಕಶೆಂ ಪಯ್ಸ್ ಕೆಲ್ಲೆಂ, ಆನಿ ಹಾಂವೆಂ ತುಜೆಂ ಪಾತಾಕ್ ತಾಕಾ ಸಾಂಗೊಂಕ್ ಸಕಾನಾಸ್ತಾಂ, ಆಸಹಾಯೆಕ್ ಆಸೊನ್ ಕಶೆಂ ಸೊಸೊನ್ ವೆಲ್ಲೆಂ ಹೆಂ ಹಾಂವ್ ಮಾತ್ರ್ ಜಾಣಾಂ. ಹಾಂವೆಂ ಭಗ್ಲ್ಲಿ ಕಾಳ್ಜಾಚಿ ದೂಕ್, ಪ್ರತಿಬಾ ತಸಲ್ಯಾ ಮ್ಹಜ್ಯಾ ಮೊಗಾಚಾ ಚಲ್ಯೆಚೊ ಬಹಿಷ್ಕಾರ್, ಹಾಂವೆಂ ಹ್ಯಾ ಕಾಳ್ಜಾಂತ್ ಕಸೊ ಜಿರೈಲಾ, ಹಾಚೊ ಅಂದಾಜ್ ತುಕಾನಾ. ತುಂ ನೆಣಾರ್ಯಾಪರಿಂ ಥೊಡೆ ಪಾವ್ಟಿಂ ಮ್ಹಜೆ ಕಡೆನ್ ಪ್ರತಿಬಾವಿಶಿಂ ಸವಾಲಾಂ ಕರ್ತಾನಾಂಯ್ ಹಾಂವೆ ತೆಂ ಪೂರಾ ಕಶೆಂ ಸೊಸುನ್ ವೆಲ್ಲೆಂ, ಹೆಂ ಹಾಂವ್ ಮಾತ್ರ್ ಜಾಣಾ. ಮ್ಹಾಕಾ ಸೊಸುಂಕ್ ಜಾಯ್ ಆಸ್ಲ್ಲೆಂ...., ಕಿತ್ಯಾಕ್ ಹಾಂವೆಂ ತುಕಾ ಮಾಂಡ್ಲ್ಲೊ ಪಾಸ್ ವಿಂಗಡ್ಚ್ ಆಸ್ಲ್ಲೊ......
“ಮ್ಹಜೆ ಥಾವ್ನ್ ಸಗ್ಳಿ ಗಜಾಲ್ ಆಯ್ಕಾಲ್ಯಾ ಉಪ್ರಾಂತ್, ಪ್ರಕಾಶ್ ನಿಜಾಯ್ಕಿ ಖಂಗಾಲ್ ಜಾಲ್ಲೊ. ಆಪ್ಲಿ ಚೂಕ್, ಆಪ್ಲೊ ಘಾತ್ ಪಶ್ಚ್ಯಾತಾಪಾನ್ ವಳ್ಕುನ್ ಕಿತೆಂಯ್ ಕರುಂಕ್ ತೊ ತಯಾರ್ ಜಾಲ್ಲೊ, ಪುಣ್ ವೇಳ್ ಉತ್ರಾಲ್ಲೊ. ನಾ ತಾಣೆ ಪ್ರತಿಬಾಕ್ ಆಪ್ಲ್ಯಾ ಖಾಮುಖಿ ಪಾತ್ಕಾಚಿ ಚೂಕ್ ಸಾಂಗೊನ್ ಆಪ್ಲಿ ಬಾಚಾವಿ ಮ್ಹಜೆ ಥಾವ್ನ್ ಜೊಡುನ್, ಆನಿಮಾಶಾಕ್ ಆಪ್ಣಾಂವ್ಕ್ ಸಾಧ್ಯ್ ಆಸ್ಲ್ಲೆಂ, ವ ಆಪ್ಲ್ಯಾಚ್ ನದ್ರೆಂತ್ ಶಾಬಿತ್ ಉರೊಂಕ್ ಸಾಧ್ಯ್ ಆಸ್ಲ್ಲೆಂ.......
“ವ್ಹಯ್ ತೊ ಸಂಪುರ್ಣ್ ಹಾರ್ಲ್ಲೊ. ಆಪ್ಲ್ಯಾ ಪಾತ್ಕಾಕ್ ದೆವಾನ್ ದಿಲ್ಲಿ ಶಿಕ್ಷಾ ಮ್ಹಣ್ ಚಿಂತುನ್ ಥಂಡ್ ಜಾಲ್ಲೊ. ಮ್ಹಜೆ ಲಾಗ್ಗಿಂ ಮಾಫಿ ಮಾಗೊಂಕ್ಯಿ ತಾಚೆ ಲಾಗ್ಗಿಂ ಉತ್ರಾಂ ನಾಜಾಲ್ಲಿಂ. ತೊ ಅಸಾಮರ್ಥ್ ಜಾಲ್ಲೊ......ಆನಿ ತಾಕಾ ಸಜಾ ಜಾಲ್ಲಿ.....!!! ಮ್ಹಜ್ಯಾ ಫಾರಿಕ್ಪಣಾಚಿ ತಾನ್ ಬಾಗ್ಲ್ಲಿ....!!!
“ಉಪ್ರಾಂತ್ ಖಬಾರ್ ಆಯ್ಕೊಂಕ್ ಮೆಳ್ಳಿ, ಪ್ರಕಾಶಾನ್ ಮರ್ಯಾದ್ ಲುಟ್ಲ್ಲ್ಯಾ ಚಲಿಯೆಚಿ ಆವಯ್ ಬೆಜಾರಾಯೆನ್ ಆನಿ ಲಜೆನ್ ಕಾಳ್ಜಾಘಾತ್ ಜಾವ್ನ್ ಸರ್ಲಿ ಮ್ಹಣ್. ಆನಿ ಹೆಣೆ ತ್ಯಾ ಬೆಜಾರಾಯೆನ್ ಆನಿ ನಾಲಿಸಾಯೆನ್ ಆನಿಮಾಶಾ ಆತ್ಮಾಹತ್ಯಾ ಕರುನ್ ಮೆಲೆಂ ಮ್ಹಣ್......
ಮ್ಹಾಕಾ ವರ್ತಿ ಬೆಜಾರಾಯ್ ಭಗ್ಲಿ, ಪ್ರಕಾಶಾಚಾ ಎಕ್ಯೆ ಚುಕಿಕ್ ಹಾಂವೆಂ ತಾಚೆರ್ ಘೆತ್ಲ್ಲೆಂ ಫಾರಿಕ್ಪಣ್ ಬಹುಷಾ ಚಿಕ್ಕೆ ವಿಶೇಷ್ ಜಾಲ್ಲೆಂ.
ಮ್ಹಾಕಾ ರಾತಿಂ ನೀದ್ ಪಡಾನಾ ಜಾಲಿ. ಫಕತ್ ಆನಿಮಾಶಾಚೆಂ ಚಿಂತುನ್, ಜೆಂ ನಿಶ್ಪಾಪಿ ಜಾವ್ನಾಸ್ಲ್ಲೆಂ. ಆನಿ ಹಾಂವೆಂ ಮ್ಹಜೆಂ ಫಾರಿಕ್ಪಣ್ ಘೆಂವ್ಕ್ ಬೆಷ್ಟೆಂಚ್ ಎಕಾ ಮಾಸುಮ್ ಚಲಿಯೆಕ್ ಬಲಿ ಘೆತ್ಲ್ಲೆಂ. ಹಾಂವ್ ತಾಚಾ ಮರ್ನಾಕ್ ಕಾರಣ್ ಜಾಲ್ಲೊಂ. ತಾಚಿ ಚೂಕ್ ಕಿತೆಂ ಆಸ್ಲ್ಲಿ? ಪ್ರಕಾಶಾಚಾ ಪಾತ್ಕಾಕ್, ಮ್ಹಾಕಾ ಕಿತೆಂ ಹಕ್ಕ್ ಆಸ್ಲ್ಲೆಂ, ಹಾಂವೆಂ ಎಕಾ ಪಾಪ್-ಬಿರ್ಮೊತ್ ಚಲಿಯೆಚೆರ್ ಅನ್ಯಾಯ್ ಕರುಂಕ್? ಪ್ರಕಾಶ್ ಕಾಮುಖಿ, ಘಾತ್ಕಿ-ಪಾತ್ಕಿ ಆನಿ ವಿಸ್ವಾಸ್ ಘಾತ್ಕಿ! ಆನಿ ಹಾಂವ್!!? ಹಾಂವ್ ಫಕತ್ತ್ ಪಾತ್ಕಿ, ಘಾತ್ಕಿಚ್ ನ್ಹಹಿಂ, ಬಗಾರ್ ಏಕ್ ಖುನಿಗಾರ್ಯಿ. ಹೆಂ ಸಗ್ಳೆಂ ಚಿಂತುನ್ ಹಾವೆಂ ನಿರ್ಧಾರ್ ಕೆಲೊ, ಮ್ಹಜ್ಯಾ ಪಾತ್ಕಾಚಿ � ಹಾಂವೆಂಚ್ ಮ್ಹಾಕಾ ದೀವ್ಕ್. ಆನಿ ಹಾಂವ್, ವಕಿಲಾಕ್ ಮೆಳ್ಳೊಂ, ಪರಾತ್ ಪ್ರಕಾಶಾಚಿ ಕೇಜ್ ಉಘಡುಂಕ್. ಆನಿ ಮ್ಹಜಿ ಚೂಕ್ ವಳ್ಕುನ್, ನಿರಾಪ್ರಾದಿ ಪ್ರಕಾಶಾಕ್ ಸುಟ್ಕಾ ಲಾಬಂವ್ಕ್. ಪುಣ್ ಹಾಂವ್ ಹ್ಯಾ ಮ್ಹಜ್ಯಾ ಖರ್ಯಾ ಕಾಮಾಂತ್ ಸುಫಳ್ ಜಾಲೊಂನಾ......
“ಕಿತ್ಯಾಕ್ ಕೊಣ್ಯಿ ವಕಿಲ್ ಮ್ಹಜಿ ಅಸ್ಕತ್ ಕೇಜ್ ಘೆಂವ್ಕ್ ತಯಾರ್ ಜಾಲೊನಾ. ಮ್ಹಕಾ ಪರಾತ್ ಮ್ಹಜ್ಯಾ ಚುಕಿಂಕ್ ಉಜ್ವಾಡಾಕ್ ಹಾಡುನ್ ಜಿಕೈಲ್ಯಾರ್, ತೆಂ ಜಾವ್ನಾಸ್ತೆಲೆಂ ವಕಿಲಾಂಚೆಂಚ್ ನ್ಹಹಿ, ಬಗಾರ್, ಎಕಾ ನೀತ್ ಕರ್ಚ್ಯಾ ಕೊಡ್ಚಿಚೆಂಯಿ ಅಖ್ಮಾನ್ ಮ್ಹಣ್.......
“ಹೆಂ ಸಗ್ಳೆಂ ಮ್ಹಜ್ಯಾನ್ ಜಿರಂವ್ಕ್ ಜಾಲೆನಾ. ಹಾಂವೆಂ ಮ್ಹಜ್ಯಾ ಖಾಸ್ಗಿ ರಾಗಾನ್, ಸಭಾರಾಂಚ್ಯೊ ಜಿಣಿಯೊ ದೆಸ್ವಾಟ್ಲ್ಲ್ಯೊ. ಮ್ಹಜೆ ದೊಳೆ ಉಘಡ್ಲ್ಲೆ. ಜರ್ತರ್ ಆನಿಮಾಶಾ ಆಸ್ಲ್ಲೆಂ ತರ್, ಸಗ್ಳಿ ಚೂಕ್ ಸಮ್ಜಣಿ ಪಯ್ಸ್ ಕರುನ್ ತಾಂಕಾಂ ಪರಾತ್ ಮೆಳೈತೊಂ, ಪುಣ್ ವೇಳ್ ಉತ್ರಾಲ್ಲೊ. ದೆಕುನ್ ದೆದೆಸ್ಪರ್ ಜಾವ್ನ್ ಹಾಂವೆಂ ತೊ ಗಾಂವ್ ಸೊಡ್ಲೊ.....
“ಗಾಂವಾನ್ ಗಾಂವ್ ಭವ್ಲೊಂ. ಪಕತ್ತ್ ಜಿವಾಂತ್ ಉರೊಂಕ್ ಖಂಚಾಯ್ ಗಾಂವಾಂತ್ ಪಾವ್ಲ್ಲ್ಯಾ ಕಡೆನ್, ಮೆಳ್ಲ್ಲೆಂ ಕಾಮ್ ಕರುನ್, ಲಾಬ್ಲ್ಲ್ಯಾ ಪಯ್ಶ್ಯಾನಿ, ಸೊರೊ ಪಿಯೆವ್ನ್ ಆಪ್ಣಾಚಾ ಜಿವಾಚೊ ಸ್ವತಾಃ ದುಸ್ಮಾನ್ ಜಾವ್ನ್ ರಸ್ತ್ಯಾರ್ ಪಡಾಲಾಗ್ಲೊಂ. ಆಖ್ರೇಕ್ ಹ್ಯಾ ಡೆಲ್ಹಿಕ್ಯಿ ಪಾವ್ಲೊಂ..... ಏಕ್ ವಿಜ್ಞಾನಿ ಜಾವ್ನಾಸೊನ್, ಫಾರಿಕ್ಪಣ್ ಘೆವ್ನ್ ಆಜ್ ಮ್ಹಜಿ ಗತ್ ಬಹುಷಾ ಎಕಾ ಬಿಕಾರ್ಯಾಪ್ರಾಸ್ ಪಾಸ್ಟ್.....”
ಆಪ್ಲಿ ಕಾಣಿ ಸಾಂಗೊನ್ ರಿತೇಶ್ ನೀಮಾಚಾ ಮುಖಾಮಳಾರ್ ದೀಷ್ಟ್ ಘಾಲಿಲಾಗ್ಲೊ.
ನೀಮಾ, ಶಾಂತ್ ಆಸೊನ್ ಥೊಡೊ ವೇಳ್ ಮೌನ್ ಸಾಂಬಾಳಿಲಾಗ್ಲಿ. ಉಪ್ರಾಂತ್ ರಿತೇಶಾಕ್ ಪಳವ್ನ್ ಮ್ಹಣಾಲಿ, “ಮ್ಹಾಕಾ ಆತಾಂ ಕಾಮಾಕ್ ವಚುಂಕ್ ಆಸಾ..... ವೇಳ್ ಜಾಲೊ”
ರಿತೇಶ್ ಉಟ್ಲೊ. “ಹಾಂವ್ ಚಲ್ತಾಂ. ತುಂವೆಂ ಮ್ಹಜೆರ್ ಕೆಲ್ಲೊ ಉಪ್ಕಾರ್ ಹಾಂವ್ ಕೆದಿಂಚ್ ವಿಸ್ರೊಂಚೊನಾ”
ನೀಮಾನ್ ಜಾಪ್ ದಿಲಿನಾ. ತಿ ಉಟೊನ್ ಫ್ಲ್ಯಾಟಾ ಭಾಯ್ರ್ ಆಯ್ಲಿ.....! ರಿತೇಶ್ಯಿ ಭಾಯ್ರ್ ಆಯ್ಲೊ.
ನೀಮಾನ್ ಆಪ್ಲ್ಯಾ ಫ್ಲ್ಯಾಟಾಕ್ ಬೀಗ್ ಘಾಲೆಂ. ಏಕ್ ದೀಷ್ಟ್ ರಿತೇಶಾಚೆರ್ ಘಾಲುನ್, ಥಂಯ್ ಥಾವ್ನ್ ಚಲ್ತೆ ರಾವ್ಲಿ.
“ಏಕ್ ಮಿನುಟ್, ಆನಿಮಾಶಾ............” ರಿತೇಶಾನ್ ಮ್ಹಳೆಂ.
ನೀಮಾ ಪಾಟಿಂ ಪಳೈನಾಸ್ತಾಂ ಥಾಂಬ್ಲಿ!!!
“ಆಜ್ ಮ್ಹಾಕಾ ವರ್ತೊ ಸಂತೊಸ್ ಭಗ್ತಾ, ಇತ್ಲ್ಯಾ ವರ್ಸಾನಿಂ ಮ್ಹಜೆಂ ಪಾತಾಕ್, ಘಾತ್ ಹಾಂವ್ ಸಭಾರ್ ವರ್ಸಾಂ ಆದಿಂ ಮೆಲ್ಲ್ಯಾ ಹ್ಯಾ ಕುಡಿಚಾ ಖಾಂದ್ಯಾರ್ ವಾವವ್ನ್ ಆಸ್ಲ್ಲೊಂ....., ಆನಿ ಆಜ್ ತೊ ಭಾರ್ ಹಾಳು ಕರುಂಕ್ ಸಕ್ಲೊಂ, ತುಕಾ ಖರಿ ಗಜಾಲ್ ಸಾಂಗೊನ್. ಹಾಂವ್ ಪ್ರಕಾಶಾ ಪ್ರಾಸ್ ಪಯ್ಲೊಂ ತುಜೊ ಗುನ್ಯಾಂವ್ಕಾರ್. ತಾಣೆ ಕೆಲ್ಲ್ಯಾ ಪಾತ್ಕಾಕ್, ಹಾಂವೆಂ ತುಕಾ ಫಾರಿಕ್ಪಣಾಚಿ ಬಲಿ ಕರುಂಕ್ ನಜೊ ಆಸ್ಲ್ಲೆಂ. ತುಜ್ಯಾ ಘರಾಂತ್ ತುಜ್ಯಾಚ್ ಮುಖಾರ್, ತುಜೆ ಥಂಯ್ ಕೆಲ್ಲೊ ಘಾತ್, ಮಾನ್ಭಂಗ್, ಹಾಂವೆಂ ಸಾಂಗ್ತಾನಾ, ತುಕಾ ಕಿತೆಂ ಭಗ್ಲೆಂ ಆನಿ ತುಂವೆಂ ಕಶೆಂ ಸೊಸ್ಲೆಂಯ್ ಕೊಣ್ಣಾ. ತರೀ ಆಖ್ರೆ ಪರ್ಯಾಂತ್ ಮದೆಂ ಏಕ್ ಸಬ್ದ್ ಸೈತ್ ಸಾಂಗಾನಾಸ್ತಾಂ, ಮ್ಹಾಕಾ ಕಾಂಯ್ ಮ್ಹಣಾನಾಸ್ತಾಂ, ತುಂವೆಂ ಖಾಲ್ತ್ಯಾಪಣಾನ್ ವೆಚೆಂ ತೆಂ ದೆಖ್ತಾನಾ, ಮ್ಹಾಕಾ ಖರೊಚ್ ಅಬಿಮಾನ್ ಭಗ್ತಾ ತುಜೆರ್.....
“ತುಂ ಮ್ಹಾಕಾ ವಳ್ಕಾನಾತ್ಲ್ಲೆಂಯ್ ತರೀ, ಮ್ಹಾಕಾ ಸಾಕಾಳಿಂ ಅಚಾನಕ್ ತುಜ್ಯಾ ಘರಾ ದೆಖೊನ್ ಹಾಂವ್ ವಿಸ್ಮಿತ್ ಜಾಲ್ಲೊಂ. ಹೆಂ ಕಶೆಂ ಸಾಧ್ಯ್? ಎಕ್ಚ್ ಸವಾಲ್ ಮ್ಹಾಕಾ ದೊಸುಂಕ್ ಲಾಗ್ಲ್ಲೆಂ. ಕಿತ್ಯಾಕ್ ಹಾಂವೆಂ ತುಕಾ ಮೆಲ್ಲ್ಯಾಂತ್ ದಾಖಲ್ ಕೆಲ್ಲೆಂ ಆಯ್ಕಾಲ್ಲ್ಯಾ ಖಬ್ರೆಪ್ರಕಾರ್. ಏಕ್ ತಕ್ಲ್ಯೆರ್ ಆಸ್ಲ್ಲೊ ಖುನಿಯೆಚೊ ಭಾರ್ ತುಕಾ ದೆಖ್ತಾನಾ ಹಾಳು ಜಾಲ್ಲೊ! ಮ್ಹಜಿ ಕಾಣಿ ಸಾಂಗ್ಚ್ಯಾ ಫುಡೆಂ ತುಕಾ ಹಾಂವೆ ಸಾಂಗ್ಲ್ಲೆಂ, ಪಯ್ಲೆಂ ತುಜಿ ಗಜಾಲ್ ಸಾಂಗ್ಶಿ ತರ್, ಮ್ಹಾಕಾ ಮ್ಹಜಿ ಕಾಣಿ ಸಾಂಗೊಂಕ್ ಚಿಕ್ಕೆ ಆಧಾರ್ ಜಾಯ್ತ್ ಮ್ಹಣ್. ಪುಣ್ ತುಂವೆಂ ತುಜೆವಿಶಿಂ ಕಾಂಯ್ ಸಾಂಗೊಂಕ್ ನಾಂಯ್. ಸಂಪ್ಯಾ ಉತ್ರಾಂನಿ ತುಕಾ ಚಡ್ ಶಿಕಾಪ್ ಸೈತ್ನಾ ಇತ್ಯಾದಿ ಸಾಂಗೊನ್ ತಿರ್ಸಿಲ್ಲೆಂಯ್........
“ತುಂವೆಂ ಪ್ರಕಾಶಾಕ್ ಕಾಂಠಾಳೊನ್, ಸಂಸಾರಾಚಿ ಆಶಾ ಸಾಂಡುನ್, ಆಪ್ಲ್ಯಾ ನಾವಾಂತ್ ಸೈತ್ ಮಖಾರ್ ಪಾಟಿಂ ಆಸ್ಲ್ಲ್ಯಾ ‘ಆ,ಶಾ’ ಆಕ್ಷರಾಂಕ್ ಕಾಡುನ್, ಅರ್ಥಾತ್ ಆಶಾ ಮ್ಹಳ್ಳ್ಯಾ ಸಬ್ದಾಕ್ ಕಾಡುನ್, ಆನಿಮಾಶಾ ಥಾವ್ನ್ ‘ನೀಮಾ’ ಮ್ಹಳ್ಳ್ಯಾ ಮದ್ಲ್ಯಾ ದೋನ್ ಅಕ್ಷರಾಂಕ್ ಮಾತ್ರ್ ಉರವ್ನ್ ತುಜೆಂ ನಾಂವ್ ತುಂವೆಂ ನೀಮಾ ಮ್ಹಣ್ ದವರ್ಲೆಂಯ್. ಹಾಚೊಯ್ ಅಂದಾಜ್ ಹಾಂವೆಂ ಕೆಲ್ಲೊ, ತುವೆಂ ತುಜೆಂ ನಾಂವ್ ನೀಮಾ ಮ್ಹಣ್ ಸಾಂಗ್ತಾನಾ...........
“ಕಿತೆಂಯ್ ಜಾಂವ್ ತುಜ್ಯಾನ್ ಸಾದ್ಯ್ತರ್ ಮ್ಹಾಕಾ ತುಂವೆಂ ಭಗ್ಸಿಜಾಯ್. ಮ್ಹಜೆಂ ಪಾತಾಕ್ ಹಾಂವ್ ರಡ್ಲಾಂ ಆನಿ ಪ್ರಾಜಿತ್ಯಿ ಕೆಲಾಂ ಪುಣ್ ತುಜೆ ಮುಖಾರ್ ಆನಿಕಿ ಹಾಂವ್ ಗುನ್ಯಾಂವ್ಕಾರ್. ಆನಿ ಮ್ಹಾಕಾ ಜಿಯೆಂವ್ಚಿ ಆಶಾನಾ. ಬಹುಷಾ ತುಕಾ ಮ್ಹಜೆಂ ಪಾತಾಕ್ ಸಾಂಗೊಂಕ್ ದೆವಾನ್ ಮ್ಹಾಕಾ ಆನಿಕಿ ಜಿವಾಂತ್ ದವರ್ಲ್ಲೆಂ, ತುಜ್ಯಾಚ್ ಮುಖಾಂತ್ರ್, ತುಜ್ಯಾಚ್ ಘರಾಂತ್ ಪಾವೊನ್.......”
“ತುಕಾ ದೆವಾನ್ ಭಗ್ಸಿಲಾಂ ತರ್, ಹಾಂವೆಂಯಿ ತುಕಾ ಭಗ್ಸಿಲಾಂ. ಮ್ಹಜೊ ಮಾನ್-ಭಂಗ್ ತುಂವೆಂ ತುಜೆಂ ಫಾರಿಕ್ಪಣ್ ಘೆಂವ್ಕ್ ಆಧಾರ್ಲ್ಲೊಯ್. ಆತಾಂ ತುಂವೆಂಚ್ ಆಪ್ಲೊ ಗುನ್ಯಾಂವ್ ಸಾಂಗೊನ್ ಆಪ್ಣಾಕ್ ಮಾಫ್ ಕರ್ ಮ್ಹಣ್ತಾನಾ ಮ್ಹಾಕಾ ಕಸಲೆಂಯ್ ಹಕ್ಕ್ನಾ ತುಜಿ ತನ್ಕಿ ಕರುನ್ ತುಕಾ ಶಿಕ್ಷಾ ದೀಂವ್ಕ್. ಹಾಂವೆಂ ತುಜೆರ್ ರಾಗಾರ್ ಜಾವ್ನ್ ತುಕಾ ಬರೆಂ ವಾಯ್ಟ್ ಮ್ಹಣೊನ್ ದುಖವ್ನ್ ವ ಶಿರಾಪುನ್ ಧಾಡ್ಲ್ಯಾರ್, ಕಿತೆಂ ಮ್ಹಾಕಾ ಹಾಂವೆಂ ಹೊಗ್ಡಾಯ್ಲೆಂ ಪಾಟಿಂ ಮೆಳಾತ್? ತುಕಾ ತುಜಿ ಶಿಕ್ಷಾ ಮೆಳ್ಳ್ಯಾ, ಪ್ರಕಾಶಾಕ್ ತಾಚಿ ಶಿಕ್ಷಾ ಮೆಳ್ಳ್ಯಾ. ಪ್ರತಿಬಾಚೆಂ ಹಾಂವ್ ನೆಣಾ, ಪುಣ್ ಮ್ಹಾಕಾ ಮ್ಹಜ್ಯಾ ನಶಿಬಾಚಾ ವಾಂಟ್ಯಾಚೆಂ ಮೆಳ್ಳಾಂ.......
“ಮನ್ಶ್ಯಾನ್ ಕೆದ್ನಾಂಚ್ ವಿಸ್ರೊಂಕ್ ನಜೊ, ಕಾಳ್ಜಾಚೊ ತಾಳೊ. ಮನಿಸ್ ತಿತೆಂಯ್ ಬರೆಂ ವಾಯ್ಟ್ ಕರ್ತಾನಾ ಪಯ್ಲೆಂ ತಾಚೆಂ ಕಾಳಿಜ್ ತಾಚೆ ಕಡೆನ್ ಉಲೈತಾ. ಎಕಾ ಕೊನ್ಶ್ಯಾಥಾವ್ನ್ ಕಾಳಿಜ್ ವಾಯ್ಟ್ ಆಧಾರಿನಾಕಾ ಮ್ಹಣ್ ಉಲೊ ದಿತಾನಾ, ಆನ್ಯೆಕಾ ಕೊನ್ಶ್ಯಾಥಾವ್ನ್ ಮನ್ ದುಸ್ರೆಂಚ್ ಶಿಕೈತಾ. ಆನಿ ಚಡಾವತ್ ಮನಿಸ್ ಮನಾಚೆರ್ ಚಡ್ ಹೊಂದೊನ್ ಗುಲಾಮ್ ಜಾತಾ. ಆನಿ ತಾಚೆ ಥಾವ್ನ್ ಚಡಾವತ್ ಪಾಡ್ಚ್ ಜಾತಾ.......” ನೀಮಾ ಪಾಟಿಂ ಪಳೈನಾಸ್ತಾಂ ಉಲೈಲಿ ಆನಿ ಶಿದಾ ಚಲ್ತೆ ರಾವ್ಲಿ.
“ಆನಿಮಾಶಾ........, ಆದೆವ್ಸ್ ತುಕಾ, ಮ್ಹಜೆ ತಸಲ್ಯಾ ಪಾತ್ಕ್ಯಾಕ್ ತುಂವೆಂ ಭಗ್ಸಿಲಾಂಯ್ ಜಾಂವ್ಕ್ ಪುರೊ, ಪುಣ್ ಹಾಂವ್ ಸ್ವತಾಃ ಭಗ್ಸುಂಕ್ ತಯಾರ್ನಾ. ಹೊ ದೀಸ್ ಮ್ಹಜೊ ಆಖ್ರೇಚೊ ಜಾತಲೊ......””
ನೀಮಾ ಜಾಪ್ ಕಾಡಿನಾಸ್ತಾಂ ಫುಡೆಂ ಚಮ್ಕಾತಾಲಿ......! ತಿಚಾ ದೊಳ್ಯಾಂನಿ ದುಃಖಾ ಆಸ್ಲ್ಲಿಂ. ಸಭಾರ್ ವರ್ಸಾಂ ಪಯ್ಲೆಂಚಿ ಕಾಳ್ಜಾಚಿ ದೂಕ್ ತಿ ವಿಸ್ರುಂಚಾಂತ್ ಸಫಲ್ ಜಾಲ್ಲಿ, ಫಕತ್ತ್ ಪ್ರಕಾಶಾಚಾ ಕಾಮುಖಿ ಘಾತಾಕ್ ಚಿಂತುನ್. ಪುಣ್ ಆಜ್ ತಿ ದೂಕ್ ಪರಾತ್ ಜೀವ್ ಜಾಲ್ಲಿ, ಪಯ್ಲೆಂಚಾ ಪ್ರಾಸ್ ಚಡ್ ಮಾಪಾನ್! ತಿಚಿ ಚೂಕ್ ಸಮ್ಜಣಿ ಆಜ್ ನಿತ್ಳಾಲ್ಲಿ, ತಿಚೆ ಥಂಯ್ ಜಾಲ್ಲೊ ಘಾತ್, ಮಾನ್-ಭಂಗ್ ಆಧಾರ್ಲ್ಲ್ಯಾ ಖರ್ಯಾ ವ್ಯಕ್ತಿಚಾ ಥೊಂಡಾಂತ್ಲ್ಯಾನ್ ಆಯ್ಕೊನ್. ತರೀ ದೊನ್ಯಿ ವಾಟೆನಿ ಪ್ರಕಾಶ್ಚ್ ಪಯ್ಲೊ ಗುನ್ಯಾಂವ್ಕಾರ್ ಮ್ಹಣೊನ್ಯಿ ತಿ ಸಮ್ಜಾಲ್ಲಿ......!!!
ಎಕಾಚ್ಫಾರಾ ನೀಮಾ ಆಪ್ಲಿ ಚಾಲ್ ರಾವವ್ನ್ ಪಾಟಿಂ ಘುಂವ್ಲಿ! ತಿಚೆಂ ಕಾಳಿಜ್ ರಡಾಲಾಗ್ಲೆಂ.....!! ರಿತೇಶ್ ಘರಾಚಾ ದಾವ್ಯಾಕ್ ಮೆಟಾಂ ಕಾಡ್ತಾಲೊ, ತಿ ವಾಟ್ ರೆಯ್ಲಾಚಾ ಪಾಟ್ಯಾಚಿ ಜಾವ್ನಾಸ್ಲ್ಲಿ.....!!!
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
