ಭಿತರ್ಲಿ

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಕವಿತಾಝರ್

      ಭಿತರ್ಲಿ ಕೋಡ್ತ್!?

ಹಾಂವ್ ಜಲ್ಮತಾನಾ ಮ್ಹಜೆಥಂಯ್ ತುವೆಂಯೀ ಜಲ್ಮ್ ಘೆತ್ಲೊ
ಹಾಂವ್ ಸಮ್ಜೊಂಕ್ ಸಕ್ತಾನಾ ತುಜೊ ತಾಳೊ ಆಯ್ಕಲೊ
ಬರೆಂ ಕರ್ತಾನಾ ಸ್ವಾಭಿಮಾನಾನ್ ತುವೆಂ ಭರಯ್ಲೊ
ವಾಯ್ಟ್ ಆಧಾರ್ತಾನಾ ಮ್ಹಜೆ ಮತಿ ಸಮಧಾನ್ ತುವೆಂ ವಿಭಾಡ್ಲೊ

ಗಾಂವಾಂತ್ ವ್ಹಡ್ಲೆಂ ನಾಂವ್ ಹಾವೆಂ ಜೊಡ್ಲಾಂ, ವಸ್ತೆಕ್ ಊಂಚ್ ಬೊಂಗ್ಲೊ ಭಾಂದ್ಲಾ
ಬ್ಯಾಂಕ್ ಖಾತ್ಯಾಂತ್ ಮ್ಹಜ್ಯಾ ಕೊರೊಡಾಂನಿ ಜಮಯ್ಲಾಂ, ತೆಂ ಕಶೆಂ ಜೊಡ್ಲಾಂ
ಕೊಣಾಕ್ ಹಾಂವೆಂ ಕಾಡ್ಲಾ, ಕೊಣಾಕ್ ಲುಟ್ಲಾಂ, ಕೊಣಾಚೆಂ ಹಾಂವೆಂ ಮೊಡ್ಲಾಂ
ತೆಂ ಮ್ಹಾಕಾ ಸೊಡ್ನ್ ತುಕಾ ಕಶೆಂ ಕಳ್ಳಾಂ? ಅತ್ಮೊ ಹೊಗ್ಡಾಯ್ಲಾ ಆನಿ ಸಂಸಾರ್ ಜಿಕ್ಲಾಂ?

ಘಾತ್ಕಿ ಕರ್ಮಾಂ ಆಧಾರ್ತಾನಾ ’ನಾಕಾ ತಶೆಂ ಕರಿನಾಕಾ’ ತುವೆಂ ಮ್ಹಾಕಾ ಸಾಂಗ್ಲಾಂ
ಆಂಧ್ಳ್ಯಾ ಚಿಂತ್ನಾಂನಿ, ಕರ್ತುಬಾಂನಿ ತ್ಯಾ ವೆಳಾ ಹಾಂವೆ ತುಕಾ ನೆಗಾರ್ಲಾಂ
ಆಜ್ ಅಂತಸ್ಕರ್ನ್ ತುಂವೆಂ ಮ್ಹಾಕಾ ಘಾತ್ಕಿ ಮ್ಹಣ್ ವೊಲಾಯ್ಲಾಂ
ಸುಖಾಚಿ ಏಕ್ ನೀದ್ ನಿದೊಂಕ್ ಆಶೆಲಾಂ ತರಿ ತುಜ್ಯಾ ಕಾಂತವ್ಣೆಂನಿ ತಿ ಲುಟ್ಲ್ಯಾ

ಕಾಂತವ್ಣೆಕ್ ತುಜ್ಯಾ ಜುದಾಸಾ ತಸಲ್ಯಾಂನಿ ಗಳ್ಪಾಸ್ ರೆವ್ಡಾಯ್ಲಾ.
ಥೊಡ್ಯಾಂನಿ ಆಪ್ಣಾಕ್‌ಚ್ ಜಳಯ್ಲಾಂ ತರ್ ಥೊಡ್ಯಾಂನಿ ಜೀವ್ಘಾತ್ ಕೆಲಾ
ಕಾನುನಾ ನದ್ರೆ ಥಾವ್ನ್ ಹಾಂವ್ ಲಿಪ್ಲಾಂ ತರ್‌ಯಿ ತುವೆಂ ಕಿತ್ಯಾಕ್ ಮ್ಹಾಕಾ ವೆಂಗ್ಲಾಂ
ಭಗ್ಸಾಣ್ಯಾವಿಣೆಂ ಸಂಸಾರಾಚ್ಯಾ ಖಂಚ್ಯಾ ಕೊನ್ಶ್ಯಾಂತ್ ಪಾತಾಳಾಂತ್ ಹಾಂವ್ ಲಿಪೊಂ

ಅಂತಸ್ಕರ್ನ್ ಕೊಡ್ತಿಂತ್ ಪಶ್ಚಾತಾಪಾ ವರ್ತೆಂ ಪ್ರಾಯಶ್ಚಿತ್ ನಾತ್ಲೆಂ
ಕಾಳ್ಜಾಥಾವ್ನ್ ಮಾಫ್ ಮಾಗ್‌ಲ್ಲ್ಯಾಕ್ ಕಾಕುಳ್ದಾರಾ ದೆವಾ ಥಂಯ್ ಭಗ್ಸಾಣೆಂ ಆಸ್ಲೆಂ
ಮ್ಹಜೆ ಸಯ್ತಾನಾ ಕರ್ನ್ಯೊ ಗುಪಿತ್ ತರ್‌ಯೀ, ದೆವಾಚ್ಯೊ ವಾಟೊ ವಿಚಿತ್ರ್ ಆತಾಂ ಸಮ್ಜಲೆಂ
ದೆಕುನ್ಂಚ್ ತಾಣೆಂ ಹರ್ಯೆಕ್ಲ್ಯಾ ಥಂಯ್ ಅಂತಸ್ಕರ್ನ್ ಮ್ಹಳ್ಳಿ ಏಕ್ ಕೋಡ್ತ್ ರಚ್ಲಿ

ಕವಿತಾಝರ್ - 157

- ಮೆಲ್ವಿನ್ ಡಿ’ಸೋಜ್ ಬಜ್ಪೆ/ಕುವೇಯ್ಟ್

ಕವಿಚಿ ಪಯ್ಲಿ ಜವಾಭ್ದಾರಿ ಜಾವ್ನಾಸಾ ಪಳೆಂವ್ಚಿ. ಆನಿ ನೈತಿಕ್ ಜವಾಭ್ದಾರಿ ಜಾವ್ನಾಸಾ ತಿ ದೀಷ್ಟ್ ಪಯ್ಲೆಂ ಅಪ್ಣಾಚೆರ್ ಘಾಲ್ಚಿ. ಹ್ಯಾ ಖಾತಿರ್ ವಿಮರ್ಸ್ಯಾಚೊ ಆರ್ಸೊ ಗರ್ಜ್ ಆಸಾ, ವ್ಹಡ್ ಮನ್ ಗರ್ಜ್ ಆಸಾ. ನವೊ ಕವಿ ಮೆಲ್ವಿನ್ ಡಿ’ಸೋಜ್ ಅಪ್ಲೆಂ ಪ್ರಯತ್ನ್ ಮುಖಾರುನ್ ವ್ಹರಿತ್ ತರ್ ಫುಡ್ಲ್ಯಾ ದಿಸಾಂನಿ ಬರೊ ಬರವ್ಪಿ ಜಾಂವ್ಚಿ ಬರಿಂ ಲಕ್ಶಣಾಂ ದಿಸೊನ್ ಯೆತಾತ್.

ಕವಿತಾಝರ್ ಪಾನಾಕ್

ಪಾಟಿಂ ದಾಯ್ಜ್ ಪಾನಾಕ್

About us | Feedback | Contact us
Copyright © 2005 DAAIZ.COM All rights reserved. Page concept, designed and maintained by Ashawadi Publications