ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ ’ದಾಯ್ಜ್’ ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಸವಾಲಾಂಕ್ ಜಾಪಿ
ಹ್ಯಾ ಅಂಕಣಾಂತ್ ಇನಾಮಾಂಕ್ ಫಾವೊ ಜಾಲ್ಲ್ಯಾ ಸವಾಲಾಂಚೆಂ ಪೋಶಕ್ ಜಾವ್ನಾಸಾತ್ ಹಿಂ ಕೊಂಕ್ಣಿ ಪತ್ರಾಂ
ದಿವೊ ಹಾಫ್ತ್ಯಾಳೆಂ
ಮಿತ್ರ್ ಹಾಫ್ತಾಳೆಂ
ಸೆವಕ್ ಮಯ್ನ್ಯಾಳೆಂ
ಅಂಕಣ್ಕಾರಾ ವಿಶ್ಯಾಂತ್
’ಮಿತ್ರ್’, ’ಝೆಲೊ’ ತಶೆಂಚ್ ’ಕಾಣಿಕ್’ ಪತ್ರಾಂಚೆಂ ಸಂಪಾದಕ್ಪಣ್ ಚಲಂವ್ಚೆ ಮಾರಿಫಾತ್, ಕೊಂಕ್ಣಿ ಪತ್ರಿಕೋಧ್ಯಮಾಂತ್ ಭರ್ಪೂರ್ ಅನ್ಭೋಗ್ ಆಸ್ಚೊ ದೊ|ಆಸ್ಟಿನ್ ಡಿ’ಸೋಜ್ ಪ್ರಭು ಪ್ರಸ್ತುತ್, ಅಮೆರಿಕಾಂತ್ ಅಪ್ಲ್ಯಾ ಕುಟ್ಮಾಸವೆಂ ವಸ್ತಿ ಕರುನ್ ಆಸಾ. ಕೊಂಕ್ಣಿ ಭಾಸ್/ಸಾಹಿತ್ಯಾಚಾ ವ್ಹಾಡಾವಳೆಕ್ ಖಾಂದ್ ದಿಲ್ಲೊ ಹೊ ಏಕ್ ಸಂಘಟಕ್/ಮುಖೆಲಿ ತಶೆಂಚ್ ಕೊಂಕ್ಣಿ ಕಾರ್ಭಾರಿ ಜಾವ್ನಾಸಾ.
ಹಾಚಾ ವೆಕ್ತಿತ್ವಾ/ವಿಚಾರಾಂವಿಶಿಂ ಚಡ್ ಜಾಣಾಂ ಜಾಂವ್ಕ್ ಕೊಂಕ್ಣಿ ಕಾರ್ಭಾರಿ ಅಂಕಣಾಕ್ ಭೆಟ್ ದೀ.
[ಹೆಂ ಮಯ್ನ್ಯಾಳೆಂ ಅಂಕಣ್ ಜಾವ್ನಾಸಾ, ತುಮ್ಚಿಂ ಸವಾಲಾಂ ವಿಚಾರಾ, ಇನಾಮಾಂ ಜೊಡಾ]
ಆಪ್ಣಾವಿಶಿಂ ಹೆರಾಂ ತಾರಿಫೊ ಕರ್ತಿತ್ ತರ್ ತೆಂ ’ವಾಜ್ಬಿ’ ಆನಿ ಹೆರಾಂವಿಶಿಂ ಕೋಣ್ಯ್ ತಾರಿಪೊ ಕರ್ತಿತ್ ತರ್ ತಿ ’ಧುಂಪವ್ಣಿ’ ಮ್ಹಣ್ ಚಿಂತೆಲ್ಯಾಂಕ್ ತುಜಿ ಸಲ್ಹಾ ಕಸಲಿ ಆಸ್ಟಿನ್? [ಸಹನಾ, ಕುವೇಯ್ಟ್]. (ಎಕಾ ವರ್ಸಾಚಿ ದಿವೊ ಪತ್ರಾಚಿ ದೇಶಿ ವರ್ಗಣೆಚೆಂ ಇನಾಮ್ ಫಾವೊ ಜಾಲ್ಲೆಂ ಸವಾಲ್)
ಹಾಂಚ್ಯಾ ಆಂಗಾಕ್ ತಿಂ ನ್ಹಾಂವ್ನ್ ಆಯಿಲ್ಲೆಂಚ್ ತಾಂಬ್ಡ್ಯಾ ಮಿರ್ಸಾಂಗೆಚೆಂ ಆಳೆಣ್ ಸಾರವ್ನ್ ಅರ್ಧೊ ಘಂಟೊ ಉಗ್ತೆಂಚ್ ದವ್ರುಂಕ್ ಜಾಯ್! ತೆನ್ನಾಂ ಮಾತ್ರ್ ಹಾಂಕಾಂ ಕಳಿತ್ ಜಾತೆಲೆಂ ಹ್ಯಾ ದೊನಾಂ ಮಧ್ಲೊ ತಫಾವತ್.
ಕೊಂಕ್ಣೆಕ್ ’ಏಕ್ ಲಿಪಿ’ ಮ್ಹಳ್ಳೊ ವಾದ್ ಮಾಂಡ್ತೆಲ್ಯಾಂಕ್ ತುಂ ಕಿತೆಂ ಸಾಂಗೊಂಕ್ ಆಶೆತಾಯ್ ಆಸ್ಟಿನ್ ಅಂಕಲ್? [ಬೋರಿ ಬಸವ, ಅಬ್ಬಾಸಿಯಾ].
ಪಾಂಚ್ ಜಣಾಂಕ್ ಏಕ್ ಕಾಶ್ಟಿ ನ್ಹೆಸಂವ್ಚಿ ಸಾಧ್ಯತಾ ಆಸಾಯೆ ಬೋರಿ ಬಸವ? ಕೊಂಕ್ಣೆಚಿ ಗತ್ ಜಾಲ್ಯಾ ತಶಿ!
ಮ್ಹಜ್ಯಾ ಆಬಾಕ್ ಮಾಧುರಿ ದೀಕ್ಶಿತ್ ಸ್ವಪ್ಣಾಂತ್ ಯೆತಾ ಖಂಯ್ - ’ಪೋಪಿಕಾಲ’ ಲಾಗಿಂ ಆಯಿಲ್ಲ್ಯಾಚಿ ರುಜ್ವಾತ್ ಪುಣಿಂ ನ್ಹಂಯ್ಮೂ ಆಸ್ಟಿನಾ? [ಚಂಡಿ ಕಂಬಳ, ಗಾಂವ್ ನಾಕಾ].
ಪೆಂಕ್ಟಾಂತ್ ಬಳ್ ನಾಸ್ಲ್ಲೊ ಹಸ್ತಿಕ್ ಉಕ್ಲುಂಕ್ ಆಶೆತಾಲೊ ಖಂಯ್! ತುಂವೆ ತಾಕಾ ಕಾಂಯ್ ’ವ್ಯಾಗ್ರ’ ದೀಂವ್ಕ್ ನಾಂಯ್ಮೂ?
ಮಂಗ್ಳುರಾಂತ್ ’ಆಮಿಂಚ್ ವಯ್ರ್ - ಹೆರಾಂ ಕೋಯ್ರ್’ ಮ್ಹಣ್ ದಾಂಗ್ರೊ ಮಾರ್ಚಾ ಥೊಡ್ಯಾಂಕ್ ತುಜಿ ಕಾಂಯ್ ಬೂದ್ ಬಾಳ್ ಆಸಾಗೀ ಆಸ್ಟಿನ್ ಅಂಕಲ್? [ರೊಜಿಟಾ ನಜ್ರೆತ್, ಮೀರಾ ರೋಡ್].
ತಿಂ ಥಂಯ್ ವಯ್ರ್ಚ್ಚ್ ಆಸೊಂದಿತ್; ತುಂ ವಯ್ರ್ ತಿಳುನ್ ತಾಂಚ್ಯೊ ಗುಪಿತ್ ವಸ್ತು ಪಳೆನಾಕಾ! ತಾಂಚಾ ಮತಿಕ್ ಪ್ರಕಾಸ್ ಯೆತಾನಾ ಆಪ್ಶೆಂಚ್ ತಾಂಕಾಂ ಬೂಧ್ ಯೆತೆಲಿ.
’ಏಕ್ಚ್ ಹಾವೆಂ ಜಿಕಾಜಾಯ್ ವ ತುವೆಂ ಸಲ್ವಾಜಾಯ್’ ಮ್ಹಳ್ಳೊ ವಾದ್ ಮಾಂಡ್ಚೆ ಥೊಡೆ ಕೊಂಕ್ಣಿ ಪತ್ರ್ ಚಲಂವ್ಕ್ ಲಾಗ್ಲ್ಯಾತ್ ಆನಿ ಕೊಂಕ್ಣೆಕ್ ಕದ್ವಳ್ ಕರುಂಕ್ ಲಾಗ್ಲ್ಯಾತ್. ತುಕಾ ಹೆಂ ಕಶೆಂ ಸೊಸ್ತಾ ಆಸ್ಟಿನ್? [ಬೆರ್ಚಪ್ಪ, ನಾಗೋರಿ].
ಆಳೆ ಬೆರ್ಚಪ್ಪಾ, ತುಕಾ ಹಾಂವ್ ಸತ್ ಸಾಂಗೊಂ ತರ್ - ತಸಲೆಂ ಚಿಂತಾಪ್ ನಾಸ್ಲ್ಯಾರ್ ವ್ಯಾಪಾರ್ ವಹಿವಾಟಾಂತ್ ವಯ್ರ್ ಯೇಂವ್ಕ್ ಸಾಧ್ಯತಾ ನಾ. ತುಜ್ಯಾ ರುಕಾವಯ್ಲಿಂ ಬಿಂಬ್ಲಿಂ ಝಡಾನಾಂತ್ ಜಾಲ್ಯಾರ್ ತುಕಾ ಕಸಲ್ಯಾಚಿ ಭಿರಾಂತ್?
ಸುರ್ವಾತ್ ಕೆಲ್ಲ್ಯಾ ದಿಸಾಚ್ ಮೊರೊನ್ ಪಡ್ಲ್ಲಿಂ ಥೊಡಿಂ ’ಕೊಂಕ್ಣಿ ಸಂಘಟನಾಂ’ ಆತಾಂ ಅಛಾನಕ್ ಉಟೊನ್ ದಶಮಾನೋತ್ಸವ್ ಆಚರಣ್ ಕರ್ತಾತ್ಮೂ? [ದರ್ಯಾ ದೆಂಕ್ಳೊ, ಉಳ್ಳಾಲ್].
ದೆವಾಕ್ ಅರ್ಗಾಂ ತಾಂಕಾಂ ಆತಾಂ ಜಾಗ್ ಜಾಲ್ಲ್ಯಾಕ್! ಫಳಾಂ ದೀನಾಸ್ಚೆ ಪೊಪಾಯೆ ರೂಕ್ ಹೆ; ಹಾಂಕಾಂ ಮುಳಾಸಮೇತ್ ಕಾತ್ರುಂಕ್ ಜಾಯ್.
ಸೊರೊ ಆನಿ ಧುಂವ್ರಾಪಾನ್ ಜಿವಾಕ್ ಬರೆಂ ನ್ಹಂಯ್ ಮ್ಹಳ್ಳೆಂ ಕಳಿತ್ ಆಸೊನ್ಯ್ ಸಂಸ್ರಾಂತ್ ಚಡ್ತಾವ್ ಲೋಕ್ ಹಾಂಚೊ ಶಿಕಾರಿ ಜಾಲಾಮೂ? [ವಿನ್ಸಿ, ಬೆಂಗ್ಳುರ್].
ಆಪ್ಲ್ಯಾ ಕರ್ತವ್ಯಾಂಚೊ ಬೆಪಾರ್ವೊ ಕರ್ಚ್ಯಾ ಹಾಂಕಾಂ ತಾತ್ಕಾಲಿಕ್ ಮಝಾಚ್ಚ್ ಸಾಸ್ಣಿಕ್ ಸುಖ್ ಜಾಲಾಂ! ವೆಗಿಂಚ್ ಖೆವಾದ್, ಕ್ಯಾನ್ಸರ್ ಇತ್ಯಾದಿ ಮಾರೆಕಾರ್ ಪಿಡಾ ಲಾಗ್ತಾನಾ ಹಾಂಚೆ ದೊಳೆ ಸ ಮಹಿನ್ಯಾಂಕ್ ಉಗ್ತೆ ಜಾತೆಲೆ ಆನಿ ತೆ ಶೀದಾ ಸಾಂ. ಪೆದ್ರುಚೆ ಪಾಂಯ್ ಧರುಂಕ್ ವೆತೆಲೆ.
ಆದಿಂ ಕಾಜಾರಾಂ ಸೊಭಾಣಾಂನಿ ದುಬ್ಳಿಕಾಯ್ ಆಸ್ಲ್ಲಿ ತರೀ ಮಾಯಾಮೋಗ್ ಆಸ್ಲ್ಲೊ ತೊ ಆಯ್ಚಾ ಕಾಳಾಚಾ ಕಾಜಾರಾಂ ಸೊಭಾಣಾಂನಿ ದುಡ್ವಾಂತ್ ಮೆಳಾನಾಂ ಮೂ? [ಸೆಲಿನ್, ಶಿರ್ವಾಂ].
ಹ್ಯಾ ಕಾಳಾರ್ ಯಾಂತ್ರಿಕತಾ ಭರೊನ್ ಗೆಲ್ಯಾ ಆನಿ ತಾಂತ್ರಿಕತಾ ಮಾತ್ರ್ ದೊಳ್ಯಾಂಕ್ ದಿಸ್ತಾ! ನೀಜ್ ಮಾಯಾಮೋಗ್ ಗುಡ್ಯಾಕ್ ಗೆಲಾ ಸೆಲಿನಾ - ಹಾಗು ಕರುಂಕ್.
ಸವಾಲಾಂ ವಿಚಾರ್ತಲೊ ಬುಧ್ವಂತ್ಗಿ ವಾ ಜಾಪಿ ದಿತಲೊ? [ಸಾಡೆ ಸಾತ್ ದುಮ್ಗಾ, ಕುಪ್ಪೆಪದವು]. (ಎಕಾ ವರ್ಸಾಚಿ ಸೆವಕ್ ಪತ್ರಾಚಿ ದೇಶಿ ವರ್ಗಣೆಚೆಂ ಇನಾಮ್ ಫಾವೊ ಜಾಲ್ಲೆಂ ಸವಾಲ್)
ದುಮ್ಗಾ, ಸವಾಲಾಂ ವಿಚಾರ್ತಲೊ ನಿಜಾಕ್ಯೀ ಬುಂದ್ವಂತ್; ಜಾಪಿ ಬೂದ್ ನಾಸ್ಚ್ಯಾ ಪಿಶ್ಯಾಂನಿಯೀ ದಿವ್ಯೆತ್. ತ್ಯೊ ಸಾರ್ಕ್ಯೊ ಆಸಾಜಾಯ್ ಮ್ಹಣ್ ಖಂಯ್ ಬರವ್ನ್ ಘಾಲಾಂ?
ಹಾಂಗಾ ಎಕ್ಲೊ ’ದೇವ್ ಬಾಪ್ ಆನಿ ದೇವ್ ಪೂತ್ ಸರ್ಗಾರ್ ಆಸಾತ್’, ಆನಿ ’ಪವಿತ್ರ್ ಅತ್ಮೊ’ ಸೊರ್ಯಾಚಾ ಬೊತ್ಲೆಂತ್ ಆಸಾ ಮ್ಹಣ್ತಾ ಹೆಂ ವ್ಹಯ್ಗಿ? [ಕುಮಾದ್ರ್, ಕುಂದಾಪುರ್].
ಆಳೆ ಕುಮಾದ್ರೆ, ತುಂ ಕಥೊಲಿಕಾಂಚ್ಯಾ ನೀಜ್ ಭಾವಾಡ್ತಾಚ್ಯಾ ಬುನ್ಯಾದೆಕ್ಚ್ಚ್ ಕುರಾಡ್ ಮಾರ್ತಾಯ್! ತೊ ಪಿಸೊ ಪಿಯೆವ್ನ್ ತಸೆಂ ಉಲಯ್ತಾ ಮ್ಹಣ್ ತಾಕಾ ಪಾತ್ಯೆಂವ್ಚಿ ತುಂ ಕಿತ್ಲಿ ಸವಾಯ್ ಬುದ್ವಂತ್ ಕುಮಾದ್ರೆ?
ಆಜ್ಕಾಲ್ಚಿಂ ಚೆಡ್ವಾ೦ ಪರ್ಕ್ಯಾ ಜಾತಿಚ್ಯಾ ಚಲ್ಯಾ೦ಚ್ಯಾ ಮೊಗಾರ್ ಪಡ್ಟಾತ್ ಆನಿ ತಾ೦ಚ್ಯಾ ಹಾತಿ೦ ಮಾಡ್ತಿರ್ ಮೊರ್ತಾತ್ ಹಾಕಾ ಕಾರಾಣ್ ಕಿತೆ೦ ಆಸ್ಟಿನ್ ದಾಟ್ಟ್ಯಾ? [ವಾಯ್ಲೆಟ್ ಪಿರೇರಾ, ಬೆಂದುರ್]
ಮೊಗಾಕ್ ದೊಳೆ ನಾಂತ್ ಆನಿ ಹ್ಯಾ ಚಲಿಯಾಂಚ್ಯಾ ಪೆಂಕ್ಟಾರ್ ಕುಲೆ ನಾಂತ್! ಕುಡಿಂತ್ ಮೊಗಾಚೊ ಹುಲೊಪ್ ಚರ್ತಾನಾ ಮೆಂದು ಕಾಮ್ ಕರ್ಚೊ ತೊ ಬಂಧ್ ಪಡ್ಟಾ ಆನಿ ತಾತ್ಕಾಲಿಕ್ ಮಝಾ ಸಾಸ್ಣಿಕ್ ಸಜಾ ಜಾವ್ನ್ ಪರಿವರ್ತಿತ್ ಜಾತಾ.
ಸಾರ್ಕಿ ನೆಸೊಂಕ್ ಕಾಶ್ಟಿ ಸಯ್ತ್ ನಾತ್ಲ್ಲೊ ಇತ್ಲೊ ಲೋಕ್ ಆಮ್ಚಾ ದೇಶಾಂತ್ ಆಸಾ, ಹಾಂಕಾಂ ಸೊಡ್ನ್ ’ವಂದೇ ಮಾತರಂ’ ಸರ್ವಾಂನಿ ಗಾಯ್ಜಯ್ ಮ್ಹಳ್ಳೆಂ ಪಿಶೆಂ ಧರ್ಚ್ಯಾಂಕ್ ಕಿತೆಂ ಕರಿಜಾಯ್ ಮ್ಹಣ್ತಾಯ್ ತುಂ? [ಲಿಂಬಾಮ್ ಕುವೇಯ್ಟ್] (ಎಕಾ ವರ್ಸಾಚಿ ಮಿತ್ರ್ ಪತ್ರಾಚಿ ದೇಶಿ ವರ್ಗಣೆಚೆಂ ಇನಾಮ್ ಫಾವೊ ಜಾಲ್ಲೆಂ ಸವಾಲ್)
ದುರ್ಗಾ ದೇವಿಕ್ ಹರ್ಸುನ್ ಬರಯಿಲ್ಲೆಂ ಕಾವ್ಯೆಂ ಹೆಂ. ಆತಾಂ ಬಜರಂಗ ದಳಾಚೆ ಹೆಂ ಕಡ್ಡಾಯ್ ಕರುನ್ ಗಾಂವ್ಕ್ ವೊತ್ತಾಯ್ ಕರ್ತಾತ್. ಹೆರಾಂಕ್ ಕಾಶ್ಟಿ ನಾ ಜಾಲ್ಯಾರ್ ಹಾಂಕಾಂ ಕಿತೆಂ ಪಡೊನ್ ಗೆಲಾಂ? ತಾಂಚ್ಯೆಲಾಗಿಂ ಖಾಕಿ ಚಾಡ್ಡಿ ಆಸಾ ನ್ಹಂಯ್!
ಮೋಗ್ ಅನಿ ಮಾಯ್ಪಾಸ್ ಮಧೆಂ ವ್ಯತ್ಯಾಸ್ ಅಸಾಗಿ ಆಸ್ಟಿನಾಮಾ; ಆಸಾ ತರ್ ತೊ ಕಸಲೊ? [ಪ್ರಸನ್ನ, ನಿಡ್ಡೋಡಿ]
ಮೋಗ್ ಮ್ಹಳ್ಯಾರ್ - ಪ್ರೇಮ್, ಪ್ರೀತ್ ವ ಪ್ರಣಯಾಕ್ ಸರಿ ಕೆಲ್ಯಾರ್; ಮಯ್ಪಾಸ್ ಮ್ಹಳ್ಯಾರ್ - ಮನೋಭಾವ್, ಅನುರಾಗ್, ಮಾಯಾಮೋಗ್, ಆಸಕ್ತ್, ಸ್ನೇಹ್, ಗೂಣ್, ಅನುರಕ್ತ್, ಪ್ರವೃತ್ತಿ ಹಾಕಾ ಬಾಂಧುನ್ ದಿವ್ಯೆತ್. ಮಾಯ್ಪಾಸ್ ಗುಲೊಬಾಚೆಂ ಝಡ್ ತರ್, ಮೋಗ್ ಜಾವ್ನಾಸಾ ಗುಲೊಬ್.
ಥೊಡ್ಯಾಂನಿ ಸಾಂಗ್ಚೆಂ ಸಗ್ಳೆಂ ಸಾಂಗೊನ್ ಉಪ್ರಾಂತ್ ’ಆಮೆನ್’ ಮ್ಹಣೊನ್ ಹಾತ್ ಧುಂವ್ಚೆ ಕಿತ್ಯಾಕ್ಗಾ? [ದುಕೊರ್ ಬೊಸ್ತ್ಯಾಂವ್, ದುಭಾಯ್].
ಪಾಟಿಚೊ ಕಣೊ ನಾಸ್ಚೆಂ ಬೊಂಬಿಲ್ ತಿಂ. ತಿಂ ಭೋವ್ಶಾ ಪಿಲಾತಾಕ್ ಜಲ್ಮಾಲ್ಲಿಂ ಆಸ್ತೆಲಿಂ!
ಕರುಂಕ್ ಎಕ್ಲೊ ಭರುಂಕ್ ಅನ್ಯೇಕ್ಲೊ ಮ್ಹಳ್ಳ್ಯಾ ಗಾದೆಚೊ ಮತ್ಲಬ್ ಕಹಲೊ ಆಸ್ಟಿನಾ [ಬೊನಾಬ್, ಕಂಕ್ನಾಡಿ].
ತಶೆಂ ಮ್ಹಳ್ಯಾರ್ ಬೊನಾಬಾ, ಮೋಗ್ ಕರುಂಕ್ ದಾದ್ಲೊ ಆನಿ ಬಾಳಾಂದ್ ಜಾಂವ್ಕ್ ಬಾಯ್ಲ್ ವ ಕಷ್ಟ್ ಕಾಡುಂಕ್ ತುಂ ಆನಿ ಖಾಂವ್ಕ್ ತೊ ಮ್ಹಣ್!
ಮಿಸ್ಸ್ ವರ್ಲ್ಡ್, ಆನಿ ಮಿಸ್ಸ್ ಇಂಡಿಯಾ ಸ್ಪರ್ಧೆ ಆಸ್ಚೆಪರಿಂ ಮಿಸ್ಸ್ ಕಂಕ್ನಾಡಿ, ಮಿಸ್ಸ್ ನಾಗೊರಿ, ಮಿಸ್ಸ್ ಹಂಪನ್ಕಟ್ಟ, ಮಿಸ್ಸ್ ಬೊಂದೆಲ್ ಸ್ಪರ್ಧೆ ಕೆಲ್ಯಾರ್ ಕಶೆಂಗಾ? [ಬೆರ್ಚಪ್ಪಾ, ಮಂಗ್ಳುರ್].
ತುಕಾ ಬೆರ್ಚಪ್ಪಾಕ್ ಕುಡಿಂತ್ ಮಾಸ್-ರಗಾತ್ ನಾಸ್ತಾಂ ಹುಂಬ್ಲ್ಯಾಂನಿ ಘುಡ್ ಭಾಂದ್ಲಾ ಆಸ್ತೊಲೊ! ತುಕಾ ತಿತ್ಲೊಯ್ ಚೆಡ್ವಾಂಚೊ ಆಂಗಾಲಾಪ್ ಜಾಲ್ಯಾರ್, ಲೇಡಿಸ್ ಹೊಸ್ಟೆಲಾಂತ್ಲೊ ಸಾಬು ಜಾಯ್ನಾಂಯ್ ಕಿತ್ಯಾಕ್?
ಎಕಾ ವರ್ಸಾಚಿ ದೇಶಿ ವರ್ಗಣಿ ಹ್ಯಾ ಸಕಯ್ಲ್ಯಾಂಕ್ ಫಾವೊ ಜಾತಾ
’ಮಿತ್ ಹಾಪ್ತ್ಯಾಳೆಂ’
ಲಿಂಬಾಮ್, ಕುವೇಯ್ಟ್
’ದಿವೊ ಹಾಪ್ತ್ಯಾಳೆಂ’
ಸಹನಾ, ಕುವೇಯ್ಟ್
’ಸೆವಕ್ ಮಯ್ನ್ಯಾಳೆಂ’
ಸಾಡೆ ಸಾತ್ ದುಮ್ಗಾ, ಕುಪ್ಪೆಪದವು
(ಇನಾಮಾಂ ಜಿಕ್ಪ್ಯಾಂಕ್ ತಾಂಚಿಂ ಇನಾಮಾಂ ತಾಣಿಂ ದಿಲ್ಲ್ಯಾ ವಿಳಾಸಾಕ್ ಪಾವ್ತೆಲಿಂ, ಚೂಕ್ ವಿಳಾಸಾಕ್ ಆಮಿ ಜವಾಬ್ಧಾರ್ ನಾಂವ್) - ಸಂ.
ತುಮ್ಚಿಂ ಸವಾಲಾಂ ಧಾಡುಂಕ್ ವಿಳಾಸ್: austinporob@gmail.com ವಾ editor@daaiz.com
ಹ್ಯಾ ಅಧ್ಲಿಂ ಸವಾಲಾಂ-ಜಾಪಿ: 1, 2, 3, 4, 5, 6, 7, 8, 9
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
