Amchi somskriti

apvichar

Khoim gelea "amchi" somskriti

Amim fimrgi zaleamv? vhoi, khorench vhoi, amim fimrgi zaleamv!

Jen'nam amim amchi kaxtti, lungi, kachcha, urmal, kutamv iteadi boglek uddoun kolsamvamni amche pam-i rigounko suru kelengi ten'nam thaun'nch amim fimrgi zaun bodli zaleamv. Amchea mhalghoddeamni fimrgi dhorm' amcho kelo, devallam soddn igorzank amim vochonk suru kelem, xenddi kapun tenka thaun boddgak ami vatt dhorli ani soukas amim amchi konknni bhas visron thoddeamni sompurnn fimrgiponn aplem kelem. Bharotant bolatkaran sorkar cholomvchea tea londdonantlea fimrgeank amim ugtean adhar sohokar dilo, bharoti-i rai zaunas‌l'lea ttippuk pattlean suri diunko suru kelem ani nimanne amim amchi bharoti-i somskriti konxant uddoun fimrgi somskritich amchi keli. Anton xetti tosoleamni ttippu virodh bhitoarlea bhitor‌ch motlabi khell khelltana zago zal'lea ttippun amchea hozarom mhalghoddeancho xrirongo pottnant somhar‌ch kelo ani amchea somajek nirnam' kelo! amim sobhar igorzo hogddaileo, ast namv nastanch herank geli anim amim nirgotik zaleamv.

Hea sorv atorvonnank karonn konn? amche purvit? chhe! tankam kiteak hor somoseank dhursonchem?

Toripunn, amchim vhoddilam ten'nam hea purvitanchim gulamam zaun, hoftea hofteak tanchim patkam tankam sangon tanni sodd‌l'lea var‍ya kusin'nch dhamvonk suru zalim. Amche purvit‌y tea loba bhitor peanttam ghalunk lagle (fimrgi onukoronn amchem madhyom' zalem), hennem tennem iskolam bandhun fimrgi bhas‌ch mukhel bhas korunk lagle, bharoti-i somskritek vengonk sangchea bodlak fimrgi somskritechem varem igorzamni vengonk lagle ani xeuttim amcheo igorzo feaxon kendram zaun porivortit zaleo!

Unneantlem unnem nhesann, thoddoso xringarit pemytt (mekop, lip‌sttik, pauddor) thapun amcheo cholio/striyo kolvontam bhaxen igorzamni sobhleo, hankanch polleunko mhonn sobhar amche tornatte/mhatare igorzank vechem bhilkul chukana zale, igorje bhitor zugar khell moha patok mhonnon igorje bhair firgoz salamni zugar (feansi fett) suru zali, poixe korchea niban gamvant tosem mumbomyt amchea somajentleamni soro ukddunk suru kelo, to vanttunk amim amchea torneam bhurgeank mukhar dhaddlem, hindu giraik amchea mumbomyt‌lea ghoramni ’antticho soro’ pieunko harimni yeunko suru zale, thodde anttichea tosem ani thodde anttichea dhuvanchea angar‌y uddle ani soro pieun motir nastam sorpoddon poddle!

Gozal itlear rauli na. Kamachea bonttek lagon amche dadle golf dexamni paule, thoim dadhoxi poixe komaun adlea ghorcho kolu usllaun fatrachim ghoram bandunk lagle, nolle usllaun konkrittachim palesam bandhunk lagle, apli grest‌kai dakhounko vilasi jiun jielagle, amche mattovo portun poddle, indache talle rukar‌ch urle, kemllbeanche khole konknneank vikle, omchim logna karyim firgoz salamni zalim, amche benddkar itlea bhitor funkun, funkun ani ghottun ho somsar sanddun pedruchea rajeant funkunk dhamvle, nove nove fimrgi songit pongodd udele, konknni bodlak fimrgi kontaram tallo pinzun, kan keppe zata poreant logna somarombhavellim khellonk lagle, salamni march suru kelo, sogllea salant bhomvddi marn kek katrunk suru keli, vain ani keki kuddke vanttunk suru kele, bholaiki magtele udele, karyem nirvahok allmeaporim ful'le ani hem kam' aplo dondo mholl'lleaporinch tanchea kamank poixe vicharilagle. Rosavellim matear tantiam, ttomette, biyor votun amchem honneborap ami ugtean porki somajentleank tin kasank viklem, somskritek man dimvcheant ami ranantle kole mhonn sorvank dakhoilem!

Amchea kristamv choliank musolman, bonnke, iteadi bhul'le, tankam hottelam dakhoun, poixe yettun tankam gurvar korun gamv soddn dhamvle, striyancheo auyo tea durboll dhuvank xerantlea unchlea dakhtera sorxin vhoralagleo, tancho gorbh kaddilagleo ani turthan vorsa bhitor khonchyai golfantlea bokrealagim tichem logon korun xanti somadhanan jielagleo! amchea somajentlem hem chalu jiun itlem famad zalenki sorvoi hindi pinturamni randdanchea, vexeanchea golleamni te bhangarache khuris porzollalagle; on'naddi striyank kristamv namvamni apoilagle ani hea sar‍yak itt diunko helen (hindi pinturantlem kheat nachpinn) tosolim kolvontam kristamv somaje thaun'nch mukhar ailim; angar jillmillchim chindi umkallaun aple kule, sthonam, patt, pott ani as‌l'lem sorv porgott dakhoilaglim.

Amchea kristamv somajek fimrgi kidd lagli, piddechem vik (voiros) kuddint bhorlem ani tem vistarit't gelem. Dadlo porixroman golfant gholltana mohineak ek pauttim hambemvcheo thoddeo striyo apli axa karearupak haddunk konnak‌y mell‌l'leank handdonk lagleo, nourea thaun mellanas‌l'lem heam porkeam thaun melltana tancho sontos sorgak choddlo, thodde auchit gamvak demv‌l'le him atorvonnam polleun baile bhurgeank gamvant soddun pattim portale, pieunko lagle ani popsak burak poddon ho somsar sanddilagle. Logna vingodd‌ponn choddat't ailem, sobharam vokilanchim baglam thapddun vivah vichchhedon ghelaglim. Amchim lognam kunddleantlim kailir poddlim, ani kailir thaun sokla poddon tea ujeant sompurnn laslim. Punn hea kortubamni sobhar purvit‌yi vantteli zale punn tancho ghutt, striyancho sangat, choliancho priyotom' mell gupit't dourcheant bharich yoxosvi zale! (zai zalear hamv zaiteanchim namvam diunko‌yi toyar!)

Konn fottoun, fosoun, fottinchi sankholl reuddaun mankodd korun logna bhesant riglim, aplim patkam porgott zatana sompurnn xirim chuklim, ekameka thaun vingodd sorlim vivah vichchhedonant buddon melim. Az mongllur hea piddechem mohan‌dhvar kosem zalam. Haka karonn konn? hamve hea lekhonant dil'lim drixttantam kaim unnim zalim? amchea jiunantle ale-pale mayag zaun amim bontlintleo vo elyuminiyom auronnantleo gulleo seunko suru keleo, tokle foddafoddek, gorbhapatak amim dakhteranche pam-i dhorle.

Hea sorvank mukhel karonn konn? amkam remvddal'li ti fimrgi aurit'ti? vo amchi zat jiunant onuxason vo xist (ddisiplin) pallunk sokanaschi nirgotik jivi? ho sorv autar amkam sorvank khoimsor vhorun pait? ami amchea jiunant xist ken'nam haddunk soktamv? amim amchi somaz herank dakhounko khonchea nomuneacho futtkor arso dakhoun asamv? amchem protifolon vichitr, vibhin'n korunk lagon amche thoim ascho to man, bhorm' sompurnn sot'teanax korunk pauleamv; amim amche vixeant‌ch, ’porbunoklena zokulu, porpinokulu’ mhonn ganam ghoddun amchem honneborap‌ch sezarchea tea maddamullant votunk sokleamv!

Pordexamni bharoti-i somskriti manan apli korun astana amim ti fimrgi somskriti amchi korun, devak dhor‌l'le ghovak poreant teach fimrgi kontaramni guttlaun amchi ti grest somskriti lhan lhan muttlim korun herank vikunk pauleamv. Thukk amchea honneborpak, loz amchea kortubank!