ಅಂಕಣಾಂತ್

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

Placeholder: the original page gave this picture no description, and none has been written yet. It came from daaiz\daaiz\katha\km\km.asp.

ಹ್ಯಾ ಅಂಕಣಾಂತ್ ಫಕತ್ತ್ ಕೊಂಕ್ಣೆಕ್ ಅನುವಾದಿತ್ ಜಾಲ್ಲ್ಯಾ ಕಾಣ್ಯಾಂಕ್ ಆಮಿ ಪರ್ಗಟ್ ಕರ್ತೆಲ್ಯಾಂವ್. ತುಮ್ಚೆಪಯ್ಕಿ ಕೊಣಾಯ್ಕೀ ಅಪ್ಲ್ಯಾ ಅನುವಾದಿತ್ ಕಾಣ್ಯಾಂಕ್ ಧಾಡುಂಕ್ ಆಸಾತ್ ತರ್ ತ್ಯೊ ತುಮಿ, ಮೂಳ್ ಬರವ್ಪ್ಯಾಚಾ ಪರ್ವಣ್ಗೆಸವೆಂ, ತಾಚಾ ಮಟ್ವ್ಯಾ ವಳೊಕೆಸವೆಂ ಆಮ್ಕಾಂ ಧಾಡುನ್ ದಿವ್ಯೆತಾ.

[ಅಜೀಕ್ ಚಾರ್ ವರ್ಸಾಧಿಂ, ಕಥಾಮೃತ್ ನಾಂವಾರ್ ಮಟ್ವ್ಯಾ ಕಾಣ್ಯಾಂಚೆಂ ಏಕ್ ಅಂಕಣ್ ದಾಯ್ಜಿದುಭಾಯ್ ಅಂತರ್‌ಜಾಳಿಚೆರ್, ಫಾಮಾದ್ ಕಾಣ್ಯೆಗಾರ್ ಕ್ಲೆರೆನ್ಸ್ ಕೈಕಂಬ ಚಲವ್ನ್ ಆಸ್‌ಲ್ಲೊ. ತಾಂಚ್ಯಾ ದೊಗಾಂಯ್ಚಾ ಪರ್ವಣ್ಗೆನ್ ಹೆಂ ನಾಂವ್ ಘೆತ್ಲಾಂ. ತ್ಯಾ ಖಾತಿರ್ ಮಾನೆಸ್ತ್ ವಾಲ್ಟರ್ ನಂದಳಿಕೆ ಆನಿ ಕ್ಲೆರೆನ್ಸ್ ಕೈಕಂಬ ಹಾಂಚೊ ಉಪ್ಕಾರ್ ಬಾವುಡ್ತಾಂ.]-

ವಲ್ಲಿ ಕ್ವಾಡ್ರಸ್.

’ಕೊಂಕ್ಣಿ ಮಟ್ವ್ಯಾ ಕಾಣ್ಯೊ ಆಮ್ಚಾ ಹೆರ್ ಪ್ರಾಂತೀಯ್ ಭಾಸೆಂತ್ಲ್ಯಾ ಕಾಣ್ಯಾಂ ಮುಖಾರ್ ಖಂಯ್ಚರ್ ಆಸಾತ್?’ ಮ್ಹಳ್ಳೆಂ ಚಡಾವತಾಂಕ್ ಕಳಿತ್ ಆಸಾ. ಹಾಚೆಂ ಕಾರಾಣ್‌ಯೀ ಬರ್‍ಯಾನ್ ಕಳಿತ್ ಆಸಾ, ಆನಿ ತೆಂ ಜಾವ್ನಾಸಾ; ’ವಾಚ್ಪಾಚಿ ಆಳ್ಸಾಯ್’. ಆಮ್ಚಾ ಚಡ್ತಾವ್ ಬರವ್ಪ್ಯಾಂಕ್ ಹೆರಾಂಚೆಂ ಸಾಹಿತ್ಯ್ ವಾಚುಂಕ್‌ಚ್ ನಾಕಾ, ದೆಕುನ್ ಆಪ್ಲ್ಯಾ ಭಂವಾರಿಂ ಆಸ್ಚೆಂ ಬರೆಂ ಸಾಹಿತ್ಯ್ ಆನಿ ತಾಚಿ ಉಂಚಾಯ್/ಗುಂಡಾಯ್ ಮೆಜುಂಕ್ ಸಕಾನಾಂತ್. ಅನ್ಯೇಕ್ ಕಾರಾಣ್ ಆಮ್ಚೆಂ ಕೊಂಕ್ಣೆ ಸಾಹಿತ್ಯ್ ’ವೃತ್ತಿಪರ್ ಸಾಹಿತ್ಯ್’ ನ್ಹಂಯ್. ಕಿತೆಂಯ್ ಬರಯ್ಲ್ಯಾರ್ ಚಡಾವತ್ ಚಲ್ತಾ. ಪುಣ್ ಆಮ್ಚೆ ವಾಚ್ಪಿ ಮೂರ್ಖ್ ನ್ಹಂಯ್, ಆಮ್ಚೆ ವಾಚ್ಪಿ ಖಂಡಿತ್ ಜಾಣಾರಿ, ದೆಕುನ್ ದಿಸಾನ್ ದೀಸ್ ಕೊಂಕ್ಣಿ ವಾಚ್ಪಿ ಉಣೆ ಜಾವ್ನ್ ಯೆತಾತ್ ತರ್ ಎಕಾ ರಿತಿನ್ ಹಾಚೆ ಜವಾಬ್ಧಾರ್ ಎಕಾ ರಿತಿನ್ ಆಮ್ಚೆ ಬರವ್ಪಿಂಯೀ ಜಾವ್ನಾಸಾತ್.

ಆಮ್ಚಾ ದೆಸಾಚಾ ಹೆರ್ ಭಾಸಾಂನಿ ಭೋವ್ ಫಾಮಾದ್ ಕಾಣ್ಯೆಗಾರ್ ಆಸ್ಚೆಪರಿಂ ಕೊಂಕ್ಣೆಂತ್ ಕಿತ್ಲೆ ಆಸಾತ್? ಆಸ್ಚಾಂಕ್‌ಯ್ ಕೊಂಕ್ಣೆಂತ್ ಕಸಲೆಂ ಸ್ಥಾನ್ ಆಸಾ? ಹ್ಯಾ ದಿಶೆನ್ ಆಮ್ಚಾ ಯುವಬರವ್ಪ್ಯಾಂನಿ ಚಿಂತಾಪ್ ವ್ಹಾಳಂವ್ಚೆಂ ಭೋವ್ ಗರ್ಜೆಚೆಂ ಜಾವ್ನಾಸಾ. ಹೆಂ ಅಂಕಣ್ ತ್ಯಾ ಚಿಂತ್ಪಾಕ್ ಕಾಂಯ್ ಪಾಟಿಂಬೊ ಜಾಯ್ತ್ ಕೊಣ್ಣಾ. ಹೆಂಚ್ ಚಿಂತಾಪ್ ಆಮ್ಚೆಂ. ದಾಯ್ಜಾಚೆರ್ ಎದೊಳ್‌ಚ್ ವೆವೆಗ್ಳ್ಯಾ ಇರಾದ್ಯಾಚೆ ತೀನ್ ಅಂಕಣಾಂ ಆಸಾತ್, ತಿನಾಂಕ್‌ಯೀ ಅಪಾಪ್ಲೆ ಇರಾದೆ ಆನಿ ಶೆವೊಟ್ ಆಸಾತ್ ಮ್ಹಣ್ ಎದೊಳ್‌ಚ್ ವಾಚ್ಪಿ ಸಮ್ಜಲ್ಯಾತ್.

ಕಥಾಂಕರ್ - ಫಕತ್ತ್ ಪಯ್ಲೆ ಪಾವ್ಟಿಂ ಕಾಣ್ಯೊ ಬರಯ್ತೆಲ್ಯಾಂಕ್ ಏಕ್ ವೆದಿ.

ಕಥಾಝರ್ - ಕೊಂಕ್ಣೆಂತ್ ಆಸ್ಚಾ ವೆವೆಗ್ಳ್ಯಾ ಬರವ್ಪ್ಯಾಂಚಿ ಮಟ್ವಿ ಕಾಣಿ ಪರ್ಗಟ್ ಕರ್ಚೆಂ ಅಂಕಣ್.

ಕಥಾದಾಯ್ಜ್ - ಕೊಂಕ್ಣೆಂತ್ಲ್ಯಾ ಮಾನ್ ಕಾಣ್ಯೆಗಾರಾಂಚಿ ಕಾಣಿ ಆನಿ ತಾಂಚಾ ಸಗ್ಳ್ಯಾ ಸಾಹಿತಿಕ್ ವಾವ್ರಾಚಿ ವಳೊಕ್ ಕರ್ನ್ ದಿಂವ್ಚೆಂ ಅಂಕಣ್.

ಹ್ಯಾಶಿವಾಯ್ ತವಳ್ ತವಳ್ ದಾಯ್ಜ್ ವಿಶೇಸ್ ಅಂಕ್ಯಾಂತ್ ಕೊಂಕ್ಣೆಂತ್ಲ್ಯಾ ನಾಮ್ಣೆಚಾ ಕಾಣ್ಯೆಗಾರಾಂಚ್ಯೊ ಕಾಣ್ಯೊ ಆಮಿ ಪರ್ಗಟ್ ಕರ್ತಾಂವ್ ಆಸ್ತಾಂ, ಹೆರ್ ಭಾಸಾಂ ಥಾವ್ನ್ ಕೊಂಕ್ಣೆಕ್ ಅನುವಾದ್ ಜಾಂವ್ಚ್ಯಾ ಕಾಣ್ಯಾಂ ಖಾತಿರ್ ಆಸ್ಚೆಂ ಅಂಕಣ್ ಜಾವ್ನಾಸಾ ’ಕಥಾಮೃತ್’. ಹ್ಯಾ ಅಂಕಣಾಂತ್ ಕಾಣ್ಯಾಂಚಿ ಅಭಿರುಚ್ ಆಸ್ಚಾ ವಾಚ್ಪ್ಯಾಂಕ್ ವೆವೆಗ್ಳ್ಯಾ ಕಾಣ್ಯಾಂಚೆಂ ಅಮೃತ್ ಚಾಕ್‌ಲ್ಲೊ ಅನ್ಭೋಗ್ ದಿಂವ್ಚೆಂ ಪ್ರೇತನ್ ಆಮ್ಚೆಂ. ಹ್ಯಾ ಅಂಕಣಾಂತ್ ಆಮಿ ತವಳ್ ತವಳ್ ವಿಶಿಷ್ಟ್ ಚಿಂತ್ಪಾಚ್ಯಾ, ವಿಶಿಷ್ಟ್ ಪ್ರಕಾರಾಚ್ಯಾ ಕಾಣ್ಯೆಕ್ ಅನುವಾದ್ ಕರ್ತಾಂವ್, ಸವೆಂ ಮೂಳ್ ಬರವ್ಪ್ಯಾಚಿ ಮಟ್ವಿ ವಳೊಕ್‌ಯ್ ಪರ್ಗಟ್ ಕರ್ತೆಲ್ಯಾಂವ್. ವಾಚ್ಪ್ಯಾಂಚಾ ಸಲ್ಹಾ-ಸುಚನಾಂಕ್ ಉಗ್ತ್ಯಾ ಮನಾಚೊ ಸ್ವಾಗತ್ ಆಸ್ತಲೊ.

ಕಥಾಮೃತ್ ಅಂಕಣಾಂತ್ ಪರ್ಗಟ್ ಜಾಲ್ಲ್ಯೊ ಕಾಣ್ಯೊ

01. ವ್ಹಡ್ಲೊ ಭಾವ್ [ಉರ್ದು ಮೂಳ್: ಡಾ|ಮಿರ್ಜಾ ಬೇಗ್, ಕೊಂಕ್ಣೆಕ್ ಅನುವಾದ್: ವಲ್ಲಿ ಕ್ವಾಡ್ರಸ್, ಅಜೆಕಾರ್]

02. ರೋಜಾ [ಫ್ರೆಂಚ್ ಮೂಳ್: ಗಾಯ್ ದೆ ಮೊಪಾಸ್ಸಾಂ, ಕೊಂಕ್ಣೆಕ್ ಅನುವಾದ್: ನಂದಿನಿ]

ಕಥಾಝರ್ ಪಾನಾಕ್

ದಾಯ್ಜ್ ಪಾನಾಕ್

ಅನೇಕ್

ವ್ಯಾ

ಕಾಣ್ಯೆಗಾರ್]