Vimor‍so, Kovita Par‍kita ani Kovink Vollkota!

Vimor‍so, Kovita Par‍kita ani Kovink Vollkota!

Melvin Roddrigos, konknni kovitaxetant atancha uncholea kovim poikintolo namv vel'lo kovi, vimrxok, kannyegar, onkonn‌kar toxench ek probhud'd chintpi. ’kovita ttrosott’ hacho ghoddnnar toxench kovita.Kom' hacho sompadok. Ontor‌zallincher konknni kovitancha vhollichi survat kel'lo. Kuveyttant ’daiz’ pongddan choloun vorcha kovitapatth kamasallavixim ople vichar oxe vekt korta. [kovitapatth pustokantolem prostaun]

Melvin Rodrigues

Suru kor‍chea adim jeajh songitacho ustad luyis arm'‌sttrongalagim eklean ek‌pauttim vichar‍lem khoim- "What is Jazz?" mhonnon. Toull tanne dil'li zap kitem zannant? "Man, if you gotta ask, you'll never know".

Kovitevixim ami vivronn zanna zaunk suru kelem tor amchi-i got oslich zata mholl'lleak don utram nant.

Inglix kovi robor‍tto frosttalagim eklean ek‌pauttim oxem soval kelem khoim "What is Poetry?". Toull tanne dil'li zap oxi as‌l'li. "Poetry is a kind of thing Poets write". Vichar‌l'leachea sovalak robor‍tto frosttalagim zap nat‌l'li mhonn nhoi. As‌l'li. Taka mhonnyetem: "Poetry is a rhythmical composition of words expressing an attitude, designed to surprise and delight, and to arouse an emotional response"

Osli zap tanne dil'li tor aikl'lo monis somzolem mhonnchea jinsar kodelak vonnkon bosto ani taka sasnnachea sasnnak kovita mhollear tea don in‌vaittodd komam bhitor‌cho ur‍ti.

Kovita kiteak zai?

Kovita kiteak zai mhonn vichar‍chey asat. Kovita xikchi mhollear sains leabant eka par‍veachem pott chir‍chea titlem krur mhonn chintley asat. Punn tankam mhoji zap itlich. Ek‌pauttim tumvem par‍veachem pott xindlem, teauporant to par‍vo ghannunk suru zata ani tumvem taka uddoije poddta. Kovita toxi nhoi, tumvem ti kitli xindli, kitli viskollaili titlo tacho suvad choddta ani ti ekleachea kallzant ani monant ghontter bandhun bosta ani jivitachea pamvddeapamvddear sukasontosacho sagu pieunk dita.

Kovita somzonk suru kel'leank, xikonk suru kel'leank mellchem sukh hem tor, kovita boroitleank mellchem sukh kitlem mhonn kovininch sangje. Saddetin vor‍sank zoilachi xikxa zal'lea soviyt kouyitri oirina rotuxin‌skayak mhoineak don pauttim matr kagdam boromvchekhatir - aplea ghovak ani auy bapaik- pensil ani kagod melltalem. Kagod soddon dusrem kitem-i boromvcho aukas taka nat‌l'lo. Titli bondhodd ason‌yo oirinan donxam voir kovita boroileo. Ani koxeo boroileo zannant? zoll‌l'li kaddi sabachea barabhitor rigoun vonntincher tem boroitalem. Toxem boryil'li kovita monant ur‍ta pasun tem' vachtalem ani vachtalem. Ek pauttim motint rombli mhonntoch don‌yo hatamni boryil'lem pusun kaddtalem. Oxem tanne donxim kovita monant‌cho boroun dour‍leo.

Kovita mhollear kitem?

Sompea utramni kovitechem vivronn oxem divyeta.

Tar‍leanchi koddi matyechea kunddleant attvonk soddun dusreadisa, tisreadisa khollachea ambeasangata pejek tonddlaunk dili tor tachi ruch vixes asta.

Tech pori ek kotha monache moddkent xizon, atton, att'ttit zaun vir‍golltana, vir‍tana ya ir‍tana thoimsor ek kovita kir‍lota, ankreta, paleta ani fulta.

Kotechem vir‍gollayil'lem rup‌cho kovita!

kovi mohaxoi de. Chafra dekosotan sang‌l'lebri ek unchlo vixoi bovo apur‌bayechea utramni sangchi kola kovitent attaplea.

Kovita unchlo vixoi attapta. Sado nhoi. ’sonxeache kan’ pustokant ’popayo’ kovitechi (pan 74) poili voll polleya:

"ekye popayek

xembhor bio

soglleo zor‌yo kir‍loleo

dekhtam tinga mateak lago

popayoch popayo

vonttank lago,

galank lago

popayoch popayo......"

popayecheo xembhor bio ek sado vixoi. Punn teo xembhor bio purai kir‍loleo tor zauyet zal'lo popayencho somsar ek unchlo vixoi. Teadekun kovin, sadea monxachea chintpacheak‌yo ek mett mukar asje poddta.

Kovita apur‌bayechea utramni nettyil'li asje poddta. Tall, pras, olonkar aslear he apur‌bayeche rong anik‌yo choddtat.

Viskollaunni, vimor‍so, khodd iteadi

Vimor‍so, khodd, viskollaunni -he purai sobd choddunne ek‌cho orth dimvchea kuttmache. Hea sobdanchea ortham modhem vom-i ghalunk ya gitt voddunk koxott. Hea sogllea sobdancho mullavo orth‌cho ’somzon ghemvcho’ mhonn zata. Hea somzon ghemvche prokrieur‍vim gondollant sampoddl'lea vachpeak apnnem vach‌l'lem sahity somzon gheunk solis zata. Titlem matr nhoi tosli ek somzonni sahiteathoim vachpeache protikrieche chalik novich dixa dita. Heavor‍vim ek budhvont vixlexonn kor‍chi tank sado vachpi zoddun gheta.

Nimannem Utor

Ut'tim' kovi amkam labje zalear, amchelagim ut'tim' toxem budhvont vachpi asje poddtat. Eke bhaxent cholchi vimor‍xachi prokriach te bhaxent asyet zal'lea budhvont vachpeamvixim saks dita. Sumar vis vor‍sam adim hamvem cholyil'lea eka sodha prokar kanddi lipint porgott zal'lea konknni kovita pustokancho sonko satank mikounat‌l'lo. Punn atam fokot vis vor‍samni ho sonko xembhrank tenkla. Hor‍yek kovi vachpealagim lagxilo sombondh zoddunk preton korun asa. Kovi chodd‌l'lebri vevegllea obhivektichim rupam bodlon vetlim ani vachotleak tea rupamni apnnachea osthitvacho sodh cholvonk solis zatlem. Osle prokrieche chalik kitli sorai labtoli, title amche vachpi choddtole.

Vachpi choddomvchea xevottan cholyil'lea eke cholluvllecho foll zaun hem pustok tumchea hatamni asa. Oslea pustokancho sonko choddon gel'leabori amchelagim ut'tim' kovinchem rauller ruta zalam mholl'lleachem amkam dhoir melltolem. Nantor toslem ek dhoir ucharunk ami sokchenamv!

- Melvin Rodrigues

Dubai

15 July 2005