खरें कागत (- जेस फेर्नांडीस)

[कविता] खरें कागत (- जेस फेर्नांडीस)

खरें (रितें) कागत सोंप्या उत्रांनी तात्वीक अर्थ समजावन वेची कविता. खरें कागत म्हळ्यार जिवीत, ह्या संसारांत जियेंवचाक पासत देवान दिललें देकून आमकां सर्वांक ह्या जिविताक सार्थक रितीन जियेवन दाकवंक आसा कित्याक म्हळ्यार हें जिवीत दिलल्या देवाक एका दिसा आमी लेक दीवंक आसा.

बाब जेस फेर्नांडीस जिविता अनभोग जोडललो कवी. साहित्य अकाडेमिचो पुरसकार जोडपी. ह्या सोंप्या उत्रांनी आटापून आसच्या आध्यात्मिकता/तात्विकता पार्कुंक तुकाच सोडतां.

[कविता] खरें कागत (- जेस फेर्नांडीस)

खरें कागत

मनश्या, तुका हांवें जिवीत दिलां

धवें कागत खरें

ताचेर तुवें चितावचें आसा रे

तुजें जिवीत पुरें.

अर्थाभरीत जिविताच्या मनश्या

तुजें तें जिवीत जांवचें.

करिना जाल्यार सगळेंच म्हजें कऱ्ये

कर्तलोय अधुरें.

चत्राय धर, खऱ्या कागदाचेर मनश्या

वेगीन चित्राय तुजें

ह्या जिविताचें कर मनश्या

एक सुंदर चित्र बरें.

चित्रायना आसतानां वेळ होगडायल्यार

दुस्मान वयर सर्तलो

आनी आपल्या चित्रान तुजें कागत

अपूण नेटयतलो.

त्या वेळार तुका रचलेल्या

देवाक पश्चाताप जातलो

मागीर सांग मनश्या तुज्या देवाक तूं

कितें जाप दितलो?.

- जेस फेर्नांडीस. [एपरील, २०२०]