ಕವಿತಾकविताPoem

Deva Deva (- Uday Mhambro)

[kovita] Deva Deva (- Uday Mhambro)

Aponnacheaki choddit sokteuntok ful, kannik vo man orpun sontos korochi souy monoxan kaim yugam pallun ayil'li. Zamv to rai va devo. Hangasor devachea pamyacher monoxan bhettoyil'lem ful soit konnacheaki khuxek lagun jivo dita. Hi kovita kaim ek pauttim vachun ek orth korche tosoli nhoi. Dekun hea kovitechi tank vorti.

Bab Uday Mhambrochi onyek bhovo sundor kovita. Hea kovitechi sobhai polleunko tukach soddtam.

[kovita] Deva Deva (- Uday Mhambro)

Deva Deva

devachea pamyar opil'le ful

devakodde horaitale

deva deva

tujea pamyar hamve ghalun gheunk na

mhaka bollzobream haddun oplam

zanne vhodda loktubayen

aplea porsant

mhojea matrizhaddak roile

ximpun voir kaddle

to mhojea fulpachi sopnam

ratbhor nhident sopnetalo

punn tuje bhoktin

tol'lin zal'lea tujea bhoktan

tachi sopnam matyebhorounn keli

mhojesaroki kitlinch fulam

fulcheadinch khunttli

ani tujea pamyar ompli

deva deva

tujean zata zalear itlench kor

mhaka porot aslem toxem

matrizhaddar dentthar bosoi

zanne bhoktibhavan

mhojea matrizhaddachi

loktubayen vadd keli

tachea tonddar hamso khelloi

- Uday Mhambro. [Febrer, 2020]

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

Your name

Your comment

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.