ASHAWADI PRAKASHAN ಆಶಾವಾದಿ ಪ್ರಕಾಶನ್ as long as I live, I hope
Contact us
ASHAWADI
Poinnari ಪಯ್ಣಾರಿ

ಕವಿತಾकविताPoem

Bosintolo provas (- Cialini Fernandes)

[kovita] Bosintolo provas (- Cialini Fernandes)

Bossantlem poinn mhollear monachea chintpacho ghoddo dhamvchem ek ugtem moidan. Monoxachea svopnnanche ghodde tea moidanar veveglle dore kiteak dongor soit choddtat, sagor legun upyetat. Osolich ek kovita hi zaunasa.

[kovita] Bosintolo provas (- Cialini Fernandes)

Bosintolo provas

lharam mogachim kallzant ufet asat

chintna tujim, monak mhojea

matuy thar dinat.

Nhidunk gelear, nhiduy yena

dolleam mukhar tujench mukh porzollotta.

Tuka hamve bosint polloilo.

Fonar tum konna lagim,

kitem tori uloitalo.

Mhoje kuxik ritem sitt polloun

yeun tum mhojexim boslo.

Itleanuch mhojem kalliz

dhodd'dhoddunk laglem,

monantuy khoxyechem kirnn fanklem,

tuje lagi ulouchem oxem,

mhaka monantlean dislem.

Punn tum fonacher axil'lean

hamvuy vogich raulem.

Konddakottor ttikett marunk ailo,

mhoje lagim moddche naxil'lean

tuvench mhoji ttikett kaddli.

Ten'nach amchea dolleanchi bhett ghoddli.

"devo borem korum" mhonnttach,

tujem sttop ailem.

Ten'na tuvem dil'lea mumurkea hanxeanuch

mhojem mon tuvem jikhun ghetlem.

© 2020 ಸಿಯಾಲಿನಿ ಫೆರ್ನಾಂಡಿಸ್ · ASHAWADI PROKAXON All rights reserved.

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.

Author

ಸಿಯಾಲಿನಿ ಫೆರ್ನಾಂಡಿಸ್

All 2 pages by this writer

More from ಸಿಯಾಲಿನಿ ಫೆರ್ನಾಂಡಿಸ್

More in Poinnari

Everything in Poinnari