ಕವಿತಾकविताPoem
ಪಾತ್ಕಾಂ
ಕವಿತಾ
ಪಾತ್ಕಾಂ
ಪಾತ್ಕಾಂ ರಡ್ಚಾಕ್
ಮಿಸಾಕ್ ಗೆಲ್ಲೊಂ ಹಾಂವ್
ಪಾತ್ಕಾಂ ಕರ್ನ್ಂಚ್ ಪಾಟಿಂ ಆಯ್ಲೊಂ!
ಬಸ್ಲೊ ಸೆಜಾರ್ ಮ್ಹಜ್ಯಾ ಮುಕ್ಲ್ಯಾ ಬಾಂಕಾರ್
ದುಸ್ಮಾನ್ ಆಮಿಂ, ಕೆಲ್ಲೆ ಲಫ್ಡೆ ಹಜಾರ್
ದೆಕ್ತಚ್ ತಾಕಾ ಜಾಲೊಂ ರಾಗಾರ್
ದೇವ್ ಪೊಳ್ಳೊ ರಿಗ್ಲೊ ದೆಂವ್ಚಾರ್!
ತರ್ನೆಂ ಎಕ್ಲೆಂ ಮಿಸಾಕ್ ಆಯ್ಲೆಂ
ಹರ್ದೆಂ ಇಲ್ಲೆಂ ಉಗ್ತೆಂ ದಿಸ್ಲೆಂ
ತಾಚೆಚ್ ವಿಶಿಂ ಮ್ಹಜಿಂ ಚಿಂತ್ನಾ ಘುಂವ್ಲಿಂ
ವಿಸ್ರಾಲೊಂ ಹಾಂವ್ ಮಾಗ್ಣಿಂ ಪುರ್ತೆಂ!
ಮೊಬಾಯ್ಲ್ ವಾಜ್ಲೆಂ ಮಿಸಾ ವೆಳಾರ್
ಬಂದ್ ಕರುಂಕ್ ಪಡ್ಲಿ ವಿಸರ್
ಸಗ್ಳ್ಯಾಂನಿ ಜೊಕ್ಲಿ ಮ್ಹಜೆರ್ ನದರ್
ತಾಂಚ್ಯಾ ಅಡ್ಚಣ್ಯಾಂಕ್ ಜಾಲೊಂ ಚುಕಿದಾರ್!
ಪಾತ್ಕಾಂ ರಡ್ಚಾಕ್ ಮಿಸಾಕ್ ಗೆಲ್ಲೊಂ ಹಾಂವ್...
ಪಾತ್ಕಾಂ ಕರ್ನ್ಂಚ್ ಪಾಟಿಂ ಆಯ್ಲೊಂ!
ಮೆಳ್ಳೊ ಮ್ಹಣೊನ್ ಚಡ್ಡಿ ದೊಸ್ತ್
ಬಸ್ಲೊಂ ಬಾಂಕಾರ್ ಲಾಸ್ಟ್
ವಿಸ್ರೊನ್ ಮಿಸಾ ವೆಳಾಚಿ ಶಿಸ್ತ್
ಕಾಂತುನ್ ಬಸ್ಲ್ಯಾಂವ್ ಗಜಾಲಿ ಮೊಸ್ತ್!
’ಮಿಸಾ ಉಪ್ರಾಂತ್ ಕಿತೆಂ ಕರುಂ?’
ಚಿಂತಾ ಹಾಂವ್
ಪಾದ್ರಿ ಸಾಂಗ್ತಾನಾ ಶೆರ್ಮಾಂವ್
ಬಾರಾಕ್ ರಿಗೊಂ ವಾ ಪಿಕ್ಚರ್ ಪಳೆಂವ್
ಖಂಚ್ಯಾಕೀ ವೆಗ್ಗಿಂ ಮೀಸ್ ಆಕೆರ್ ಜಾಂವ್!
ಭೊಗ್ಶಿ ದೆವಾ ಭೊಗ್ಶಿ ಮ್ಹಕಾ
ಜೆದ್ನಾಂ ಹಾಂವ್ ಮಿಸಾಂತ್ ಬಸ್ತಾಂ
ತೆದ್ನಾಂ...
ತುಕಾ ಕಿತ್ಯಾಕ್
ಹಾಂವ್ ಮ್ಹಕಾಚ್ ವಿಸ್ರತಾಂ!!
- ವಿಲ್ಪ್ರೆಡ್ ಆರ್. ಪಾಂಗ್ಳಾ.
© 2026 ವಿಲ್‍ಫ್ರೆಡ್ ಆರ್. ಪಾಂಗ್ಳಾ · ಆಶಾವಾದಿ ಪ್ರಕಾಶನ್ ಸರ್ವ್ ಹಕ್ಕಾಂ ರಾಕೊನ್ ದವರ್ಲ್ಯಾಂತ್.
More in Ashawadi
ಕವಿತಾकविताPoem 6 Oct 2026
ಖಂಯ್ ಗೆಲೆಂ ಪೊಲ್ಲಕ್ಕ
ಕವಿತಾकविताPoem Sep 2026
ಪ್ರತಿಕಾರಾಚಿಂ ಮುಳಾಂ
ಕವಿತಾकविताPoem Sep 2026
AI
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.
Comments
No comments yet. Be the first to say what you thought of it.
Leave a comment