ವ್ಹೊಳಿಂತ್

ಕೊಂಕ್ಣಿ ಮಟ್ವ್ಯಾ ಕಾಣ್ಯಾಂಚಾ ಸಂಸಾರಾಕ್ ಗ್ರೇಸ್ತ್ ಕೆಲ್ಲ್ಯಾ ಕೊಂಕ್ಣೆಚಾ ಮಹಾನ್ ಕಾಣ್ಯಾಂಗಾರಾಂಚೊ ಮಟ್ವ್ಯೊ ಕಾಣ್ಯೊ ಹ್ಯಾ ವ್ಹೊಳಿಂತ್ ಆಸ್ತೆಲ್ಯೊ.

ಕಥಾದಾಯ್ಜ್

[ಕೊಂಕ್ಣೆಂತ್ಲ್ಯಾ ಉಂಚ್ಲ್ಯಾ ಕಾಣ್ಯೆಗಾರಾಂಚ್ಯೊ ಕಾಣ್ಯೊ ಆನಿ ತಾಂಚಿ ಸಾಹಿತಿಕ್ ವಳೊಕ್]

ಹಾಂವ್ ಕೊಂಕ್ಣಿ ಸಾಹಿತಿಕ್ ಶೆತಾಂತ್ಲೊ ಏಕ್ ಕೃಶಿಕ್, ಪುಣ್ ತಾಚಾಕೀ ವಡ್ಲೊಂ ಭ್ರಮರ್, ಜೊ ಶೆತಾನ್ ಶೆತ್ ಭಂವಾಡೊ ಕಾಡ್ಚೊ. ಕಾಣ್ಯೊ ಮ್ಹಜೊ ಪಯ್ಲೊ ಉಸ್ವಾಸ್ ಆನಿಂ ಕಾಣ್ಯೆಗಾರ್ ಮ್ಹಜೆ ಪಯ್ಲೆ ಸಯ್ರೆ. ಮ್ಹಜಾ ಕಾಳ್ಜಾಂತ್ ಕಾಣ್ಯಾಂಚಿ ಪಿಸಾಯ್ ಲಾಗ್ತಾನಾ ಹಾಂವ್ ಸಾತ್ ಯಾ ಆಟ್ ವರ್ಸಾಂಚೊ. ತ್ಯಾ ಪಿಸಾಯೆನ್ ಮ್ಹಾಕಾ ಇತ್ಲೆಂ ಘಟ್ಟ್ ವೆಂಗುನ್ ಧರ್ಲೆಂಕೀ ತೆನ್ನಾ ವಾಚ್‌ಲ್ಲ್ಯೊ ಸಭಾರ್ ಕಾಣ್ಯೊ ಅಜೂನ್ ಮ್ಹಜಾ ಮತಿಪಡ್ದ್ಯಾರ್ ಕೆದಿಂಕ್‌ಚ್ ಮಾಜ್ವನಾ ತಸಲ್ಯಾ ಪಿಂತುರಾಭಾಶೆನ್ಂಚ್ ಉರ್ಲ್ಯಾತ್.

ಆನಿಂ ತ್ಯಾ ಕಾಣ್ಯಾಂಚೊ ಉಡಾಸ್ ಕಾಡ್ತಾನಾ ಮ್ಹಜಾ ಮತಿಂತ್ ಉದೆವ್ನ್ ಯೆಂವ್ಚಿ ಬೊಲ್ತಿಂ ಮುಖಾಂಚ್ ಏಕ್ ಸೊಭ್. ತ್ಯಾ ಕಾಣ್ಯಾಂಕ್ ಬರಯಿಲ್ಲೆ ಸಭಾರ್ ಮಹಾನ್ ಕಾಣ್ಯೆಗಾರ್ ಆತಾಂ ಹ್ಯಾ ಸಂಸಾರಾಂತ್ ಜಿಯೆನಾಂತ್ ಪುಣ್ ಕೊಣ್ ಸಾಂಗ್ತಾ ಸಾಹಿತಿಂಕ್ ಮರಣ್ ಆಸಾ ಮ್ಹಣ್? ಕುಡಿಂತ್ ತೆ ನಾಂತ್ ತರ್‌ಯ್ ತಾಂಚಾ ಸಾಹಿತ್ಯಾವರ್ವಿಂ ತೆ ಆತಾಂಯ್ ಆಸಾತ್ ಆನಿಂ ಅಜೂನ್ ಜಿಯೆವ್ನ್ ಆಸಾತ್ ಅಪ್ಲ್ಯಾ ಬರ್ಪಾಂರುಪಾರ್. ಅಶೆಂ ಆಸ್ತಾಂ ತ್ಯಾ ಕಾಣ್ಯೆಚೊ ತಶೆಂಚ್ ಕಾಣ್ಯೆಗಾರಾಚೊ ಏಕ್ ಘಡಿ ಉಡಾಸ್ ಕಾಡ್ಚೆಂ ಏಕ್ ಪ್ರೇತನ್ಂಚ್ ಜಾವ್ನಾಸಾ ಹೆಂ ’ಕಥಾದಾಯ್ಜ್’ ಅಂಕಣ್.

ಆತಾಂ ಮ್ಹಜಾ ಹ್ಯಾ ಭಂವಾಡ್ಯಾಂತ್ ಮ್ಹಜಾ ಮತಿಕ್ ಪಸಂದ್ ಜಾಲ್ಲ್ಯೊ, ಮ್ಹಜಾ ಮತಿಕ್ ಬರ್‍ಯೊ ದಿಸ್‌ಲ್ಲ್ಯೊ ಕಾಣ್ಯೊ, ತ್ಯಾ ಮ್ಹಜಾ ಮೊಗಾಚಾ ಬರವ್ಪ್ಯಾವಿಶ್ಯಾಂತ್ ಮ್ಹಜಾ ಮತಿಂತ್ ಆಸ್ಚೆಂ ಪಿಂತುರ್ ತುಮ್ಚೆಮುಖಾರ್ ದವರುಂಕ್ ಮ್ಹಾಕಾ ಭೋವ್ ವ್ಹಡ್ ಅಭಿಮಾನ್ ಭೊಗ್ತಾ.

ಆನಿಂ ತ್ಯಾ ಬರವ್ಪ್ಯಾಚಾ ಕಾಣ್ಯಾಂಚಾ ಜೆರಾಲ್ ಪ್ರಕಾರಾವಿಶಿಂ ದೋನ್ ಸಬ್ದ್ ಬರಂವ್ಚೇಂಯ್ ವಾಜ್ಬಿ ಮ್ಹಳ್ಳೆಂ ಭೊಗಾಪ್‌ಯ್ ಉದೆತಾನಾ, ಹಾಂವ್ ಹ್ಯಾ ವ್ಹೊಳಿಂತ್ ಇತ್ಲೆಂಚ್ ಸಾಂಗ್ತಾಂ, ಏಕ್ ಕಾಣ್ಯೆಂಗಾರ್, ತಾಚೆಂ ಚಿಂತಾಪ್, ತಾಚೊ ಕಾಣ್ಯೊ ಜ್ಯೊ ಹಾಂವೆಂ ವಾಚ್‌ಲ್ಲ್ಯೊ/ಸಮ್ಜಾಲ್ಲ್ಯೊ ಕಸಲ್ಯೊ, ಆನಿಂ ತಾಚಿ ಏಕ್ ಕಾಣಿಂ. ಹರ್ಯೆಕಾ ಮಯ್ನ್ಯಾಕ್ ಬರ್‍ಯಾಂತ್ಲ್ಯಾ ಬರ್‍ಯಾ ಕಾಣ್ಯೆಗಾರಾಚಿ ಬರ್‍ಯಾಂತ್ಲಿ ಬರಿ ಕಾಣಿ ತುಮ್ಚೆ ಹುಜಿರ್ ಹಾಡುನ್ ಹಾಂವ್ ಯೆತಲೊಂ.

ತುಮ್ಚಾ ಮೊಲಾಧಿಕ್ ಸಲ್ಹಾ-ಸುಚನಾಂಕ್ ಅತ್ರೆಗಾನ್ ರಾಕ್ತಾಂ,

ಮಾಯಾ ಮೊಗಾಸವೆಂ,

ವಲ್ಲಿ ಕ್ವಾಡ್ರಸ್, ಅಜೆಕಾರ್

ಕಥಾದಾಯ್ಜ್ ವ್ಹೊಳಿಂತ್ ಪರ್ಗಟ್ಲೆಲ್ಯೊ ಕಾಣ್ಯೊ

ಕಥಾದಾಯ್ಜ್ - 19 . ಮ್ಹೊಂವಾಂತ್ ಹುಲ್ಪಾಲ್ಲಿಂ ಸ್ವಪ್ಣಾ (ಕ್ಲೆರೆನ್ಸ್ ಕೈಕಂಬ)

ಕಥಾದಾಯ್ಜ್ - 17 . ಪಾರ್ಸೆಲ್ (ಸ್ಟೇನ್ ಅಗೇರಾ)

ಕಥಾದಾಯ್ಜ್ - 15 . ಶನಿ (ಮಿಕ್‌ಮ್ಯಾಕ್ಸ್)

ಕಥಾದಾಯ್ಜ್ - 13 . ಪರ್ನೆಂ ಕದೆಲ್ (ಜೆಮ್ಮಾ ಪಡೀಲ್)

ಕಥಾದಾಯ್ಜ್ - 11 . ಹರ್ಧ್ಯಾರ್ ಖುರಿಸ್ (ಎ.ಟಿ.ಲೋಬೊ)ಕಥಾದಾಯ್ಜ್

- 09 . ಮಾಯ್ ಕಿತ್ಯಾಕ್ ರಡ್ತಾ (ಡೊಲ್ಫಿ ಕಾಸ್ಸಿಯಾ)

ಕಥಾದಾಯ್ಜ್ - 07 . ಘುಂವ್‌ಲ್ಲೊ ಭಾಲೊ (ವಿ.ರೊ, ಆಂಜೆಲೊರ್)ಕಥಾದಾಯ್ಜ್

- 05 . ಕಾಗ್ದಾಚಿ ಸ್ತ್ರೀ (ಎಡ್ವಿನ್ ಜೆ.ಎಫ್. ಡಿ’ಸೊಜ್)ಕಥಾದಾಯ್ಜ್