ಕವಿತಾकविताPoem
ಸ್ವಾದಿಕ್
ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಕವಿತಾಪಾಠ್ ಮ್ಹಳ್ಯಾರ್ ಕಿತೆಂ ಮ್ಹಳ್ಳ್ಯಾಚಾ ಸವಿಸ್ತಾರ್ ವಿವರಾಂಕ್ ಹ್ಯಾ ಪಾನಾಕ್ ಭೆಟ್ ದಿಯಾ
ಕವಿತಾಪಾಠ್ - 25
ಸ್ವಾದಿಕ್ ಸಾಕ್ರಾಮೆಂತ್ - ಎಲ್ಯೆರ್ ತಾಕೊಡೆ
ಬೆಣ್ಸಿ ಬಿಯಾಂನಿ ರಂಗ್ ಇರಯ್ಲೆಲ್ಯಾ
ಮನ್ಶಾ ಜಿವಾಂನಿ ರಗ್ತಾಂ ವಾರಯ್ಲೆಲ್ಯಾ
ಮ್ಹಜ್ಯಾ ಗಾಂವ್ಚ್ಯಾ ಅಶೀರ್ ವಾಟಾಂನಿ
ವಿಲಾಯ್ತೆ ಕಾರಾಚ್ಯಾ ರೊದಾಂಕ್ ಝರವ್ನ್
ಸ್ವಾದಿಕ್ ಸಾಕ್ರಾಮೆಂತ್ ಪಾಶಾರ್ ಜಾತಾ!
ವಾಟೆ ದೆಗಾಂನಿ
ನಿರಾಳ್ ಪೊಟಾಚೆಂ ಮ್ಹೆಳೆಂ ಕರುಂಕ್ ಬಸ್ಲೆಲ್ಯಾ
ಧಾರಾಳ್ ಭುಕೆಚ್ಯಾ ಕರಾಳ್ ಬಾಳಾಂಕ್
ಕರುಣಾಯೆಚ್ಯೊ ಹಾಸೊ ಪಾಸುನ್ ದೀನಾಶೆಂ
ನಾಕ್ ಧಾಂಪುನ್, ದೊಳೆಯಿ ಧಾಂಪುನ್
ಸುಗಂಧಿ ಪರ್ಮಳ್ ಆಂಗಾಕ್ ಲೆಪುನ್
ಸ್ವಾದಿಕ್ ಸಾಕ್ರಾಮೆಂತ್ ಕಾರಾರ್ ವೆತಾ!
ವರುಣಾಚೆ ಥಂಡಿ ವಾಯೆಂತ್
ತರುಣ್ ಸುಣಿಂ ಆಂಗ್ ಲಾಗವ್ನ್
ಧಾರುಣಾಯೆನ್ ಸುಖ್ ಭೊಗ್ತಾನಾ
ಸುಖಾಂಕ್ ವೆಂಗ್ಚಿ ತಾಂಕ್ ನಾಸ್ತಾನಾ
ಸೊಪ್ಯಾಚ್ಯಾ ಬೊಡಿಯಾನಿಂಚ್ ದೂಕ್ ಭೊಗ್ತೆಲ್ಯಾ
ಹಾಡ್ಕುಟ್ಯಾ ಬಾಯ್ಲಾಂಕ್
ಭಿರ್ಮತೆಚೆಂ ಉತರ್ ಉಲಯ್ನಾಸ್ತಾಂ
ಸ್ವಾದಿಕ್ ಸಾಕ್ರಾಮೆಂತ್ ಬೊಂಗ್ಲ್ಯಾಕ್ ವೆತಾ!
ಸರ್ಕಾರಿ ಬಾಂಯ್ಚ್ಯಾ ಕಾಟ್ಯಾರ್
ಸರ್ಕಾರಿ ಸೊರ್ಯಾಚಿ ನಶಾ ಭೊಗುನ್
ಮಿಟಿಯೊ ಮಾರುನ್ ಗುಟಿಯೊ ಖೆಳ್ಚ್ಯಾ
ಜಿವಿತಾಚಿ ಮಿಟಾಕಣ್ ಹೊಗ್ಡಾಯ್ಲೆಲ್ಯಾ
ಬೆಕಾರಿ ದಾದ್ಲ್ಯಾಂಕ್
ಭುಜ್ವಣೆಚೆಂ ಬೆಸಾಂವ್ ಸಯ್ತ್ ದೀನಾಸ್ತಾಂ
ಪಾಶಾಂವಾಂನಿ ಪಿಕ್ಲೆಲ್ಯಾಂಚಿ
ಆತ್ಮಿಕ್ ಭುಕ್ ಥಾಂಬಂವ್ಕ್
ಸ್ವಾದಿಕ್ ಸಾಕ್ರಾಮೆಂತ್ ಕಾರಾರ್ ವೆತಾ.
ತಿತ್ಲ್ಯಾ ಭಿತರ್ ರಸ್ತೊ ಉತರ್ಚೆಂ ಜಾನ್ವಾರ್
ಕಾರಾಚ್ಯಾ ದಾರಾಕ್ ಆಪ್ಟತಾ
ವ್ಹಡ್ ಏಕ್ ಅನ್ವಾರ್
ಸಾಕ್ರಾಮೆಂತ್ ಘೆತ್ಲಲೊ ವಿಗಾರ್
ರಸ್ತ್ಯಾಕ್ ಉಸಳ್ತಾ
ಆನಿ ಪವಿತ್ರ್ ಉಂಡೆ
ವಾಟೆವಯ್ಲ್ಯಾ ಮ್ಹೆಳ್ಯಾಂನಿ!
ಹಾಡ್ಕುಟಿಂ ಬಾಯ್ಲಾಂ
ಇರ್ಲೆಲ್ಯಾ ಕಾಪ್ಡಾಂಚೊ ತೀರ್ ಶಿಂದುನ್
ವಿಗಾರಾಚೆಂ ರಗತ್ ಉರಯ್ತಾತ್
ಬೆಕಾರಿ ದಾದ್ಲೆ ಖಾಂದಾರ್ ಧರುನ್
ಭೊಂಗ್ಲ್ಯಾಗಾರಾಂಚ್ಯಾ ಆಂಗ್ಣಾಂಕ್ ಧಾಂವ್ತಾತ್
ಶಿಂಪ್ಲೆಲೆ ಪವಿತ್ರ್ ಉಂಡೆ
ಭುಕೆಲ್ಲ್ಯಾ ಬಾಳಾಂಚ್ಯಾ ಪೊಟಾಂನಿ
ಜಿರೊನ್ ವೆತಾತ್..
ಸ್ವಾದಿಕ್ ಸಾಕ್ರಾಮೆಂತ್
ಪವಿತ್ರ್ ಸಾಕ್ರಾಮೆಂತ್.
ಕವಿ: ಲೋಯ್ಡ್ ರೇಗೊ
ತಾರಿಕ್: 17 ಅಗೋಸ್ತ್ 2007
ಜಾಗೊ: ಸಾಲ್ಮಿಯಾ, ಕುವೇಯ್ಟ್
ಎಲ್ಯೆರ್ ತಾಕೊಡೆ
ಆಧ್ಲ್ಯಾ ಸಮೀಕ್ಶಾಂಚೊ ವಿವರ್
ಆಧ್ಲ್ಯಾ ಕವಿತಾಪಾಠಾಂಚೊ ವಿವರ್
01. ವ್ಹಳೂ ವ್ಹಳೂ ವ್ಹಾಳ್ ವ್ಹಾಳ್ಯಾ
23. ದೇವ್ ಉಲಯ್ಲೊ (ವಿಲ್ಸನ್ ಕಟೀಲ್)
22. ನವಾಲ್ (ಮೆಲ್ವಿನ್ ಪಿಂಟೊ ನೀರುಡೆ)
21. ಚಾಮ್ಡ್ಯಾ ವ್ಹಾಣೊ (ಸನ್ನು ಮೊನಿಜ್)
20. ಕಾಳಿಜ್ (ಎಡ್ವಿನ್ ಜೆ. ಎಫ್. ಡಿ’ಸೋಜ್)
18. ಎಕಾ ಕಾಳಾರ್ ಮ್ಹಜೆಂ ಮಂಗ್ಳುರ್ (ಸಿಜ್ಯೆಸ್, ತಾಕೊಡೆ)
17. ಹಾಂವ್ ಯೆತಾಂಗೊ (ವಿಲ್ಫಿ ರೆಬಿಂಬಸ್)
16. ಅಧ್ಯಯನ್ ಲೇಕನ್ (ವಲ್ಲಿ ಕ್ವಾಡ್ರಸ್)
15. ಗಝಲಾಂ ಅಧ್ಯಯನ್ (ವಲ್ಲಿ ಕ್ವಾಡ್ರಸ್)
14. ಸೊಧ್ನಾಂ (ಮೆಲ್ವಿನ್ ಜೆ. ವಾಸ್, ಕೆಲರಾಯ್)
13. ದೋನ್ ದಿವೆ (ಜೊಮೆಲ್, ಬೊಂದೆಲ್)
11. ಬಾಪಾಚೆಂ ಘರ್ (ರೊಬರ್ಟ್ ಫೆರ್ನಾಂಡಿಸ್)
09. ಭಿತರ್ಲೆಂ ತುಫಾನ್ (ಜೆ.ಬಿ.ಮೊರಾಯಸ್)
08. ದರ್ಯಾಕ್ ಉಜೊ ಪೆಟ್ಲಾ (ಚಾ.ಫ್ರಾ)
07. ಮನಿಸ್ ಮ್ಹಣ್ಜೆ ಕಿತೆಂ (ಲು.ಮ.)
06. ಮ್ಹಜೊ ದಿವೊ (ಮಾವ್ರಿಸ್ ಡೆ’ಸಾ)
ಕವಿತಾಪಾಠ್ಚೆರ್ ಕೆಲ್ಲಿಂ ಅಧ್ಯಯನ್ ಲೇಖನಾಂ ’ಕವಿತಾಪಾಠ್ -೧’ ಆನಿ ’ದರ್ಯಾಕ್ ಉದಾಕ್’ ಬುಕಾಂನಿ ಪರ್ಗಟ್ ಜಾಲ್ಯಾಂತ್
About us | Feedback | Contact us
Copyright ©
2004 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.