ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ರಾಂದ್ಪಾವೋಳ್
ದಾಯ್ಜ್ ಕುಜ್ನ್:ದಾಯ್ಜ್ಚೊ
ಪ್ರಮುಖ್ ಇರಾದೊ ಕೊಂಕ್ಣಿ ಸಾಹಿತ್ಯಾಚೊ ತರ್ಯ್ ವಾಚ್ಪ್ಯಾಂಚಾ ಪಸಂದೆಖಾತಿರ್ ಆಸಾ ಕೆಲ್ಲ್ಯಾ ದಾಯ್ಜ್ ಕುಜ್ನಾಂತ್ ಆಮ್ಚಾ ಮಾಂಯ್ಗಾಂವ್ಚಾ ಎಕೆಕಾಚ್ ಖಾಣಾ-ರಾಂದ್ಪಾಚೊ, ತಾಚಾ ತಯಾರಾಯೆಕ್ ಗರ್ಜೆಚ್ಯೊ ವಸ್ತು ತಶೆಂಚ್ ತೆಂ ಕಶೆಂ ರಾಂದ್ಚೆಂ ಮ್ಹಳ್ಳೆಂ ವಿವರ್ಚಾ ಇರಾದ್ಯಾನ್ ಹಿ ವೋಳ್ ಆಸಾ ಕೆಲ್ಯಾ,
ರಾಂದ್ಪಿಣ್: ಹರ್ಯೆಕಾ ಮಯ್ನ್ಯಾಂತ್, ತಿಚೆಂ ತಶೆಂಚ್ ಸಂಪಾದನ್ ಕೆಲ್ಲೆಂ ಹೆರಾಂಚೆಂ ಎಕೆಕ್ ನವೆಂ ರಾಂದಾಪ್ ತುಮ್ಚೆಮುಖಾರ್ ಹಾಡ್ನ್ ಯೆತೆಲೆಂ ಫೆರಾರ್ ಫಿರ್ಗಜೆಚೆಂ ಬಾಯ್ ಪ್ರಿಯಾ ಸಿಕ್ವೇರಾ. ತುಮ್ಕಾಂಯ್ ಹಾಂತುಂ ತುಮ್ಚಿಂ ರಾಂದ್ಪಾಂ ಧಾಡುಂಕ್ ಆಸಾತ್ ತರ್ ತಿಂ ತುಮಿಂ priya@daaiz.com ವಿಳಾಸಾಕ್ ಧಾಡ್ಯೆತಾ. ವಿಂಚ್ಣಾರ್ ಬರ್ಪಾಂಕ್ ಎಕ್ಟಾಂವ್ನ್ ಎಕಾ ಬುಕಾರುಪಾರ್ ಪರ್ಗಟ್ ಕರ್ಚೆಂ ಯೋಜನ್ಯ್ ಆಸ್ತೆಲೆಂ.
ರಾಂದ್ಪಾವೋಳ್ - 4. ಸುಕ್ಯಾ ಮಾಸ್ಳೆಚಿ (ಲೆಪಾಂಚಿ) ಕಡಿ [- ಬಾಯ್ ರೀಮಾ ಡಿಮೆಲ್ಲೊ, ಬಾಹ್ರೇಯ್ನ್]
ರಾಂದ್ಪಿಣೆಚಿ ಮಟ್ವ್ಯಾನ್ ವಳೊಕ್:
ಫೆರಾರ್ ಪಿರ್ಗಜೆಚೆಂ(ಆತಾಂ ಬಳ್ಕುಂಜೆ) ಬಾಯ್ ರೀಮಾ ಡಿಮೆಲ್ಲೊ ಪ್ರಸ್ತುತ್ ಬಾಹ್ರೇಯ್ನಾಂತ್ ವಾವ್ರ್ ಕರುನ್ ಆಸಾ. ರೀಮಾ ಬಾಯ್ ಏಕ್ ಬರೆಂ ಗಾವ್ಪಿಣ್ ಸಯ್ತ್. ರಾಂದ್ಚೆ, ಟಿ.ವಿ. ಸಿರಿಯಲಾಂ ಪಳೆಂವ್ಚೆಂ ಕೊಂಕ್ಣಿ ಪತ್ರಾಂ ವಾಚ್ಚೆಂ ಮ್ಹಳ್ಯಾರ್ ಹಿಕಾ ಬಾರಿ ಖುಶಿ. ಪರ್ಗಾಂವಾಂತ್ ಆಸ್ಚಾಂಕ್ ಸುಕ್ಯಾ ಮಾಸ್ಳೆಚಿ ಕಡಿ ಖಂಡಿತ್ ಗಾಂವ್ಚೊ ಉಡಾಸ್ ಹಾಡಯ್ತಾಲೊ ಮ್ಹಣ್ಚಾಕ್ ದುಭಾವ್ ನಾ.
- ಪ್ರಿಯಾ ಸಿಕ್ವೇರಾ, ಫೆರಾರ್
ರೀಮಾ ಡಿ’ಮೆಲ್ಲೊ
ಸುಕ್ಯಾ ಮಾಸ್ಳಿಚೆ (ಲೆಪಾಂಚಿ) ಕಡಿ
ಗರ್ಜೆಚ್ಯೊ ವಸ್ತು:
20 ಸುಕ್ಯೊ ಲೆಪೊ
2 ಹಳ್ತಾಚೆ ತರ್ನೆಂ ಅಂಬೆ
ಆಳೆನಾಕ್:
1/2 ವೊಳೆಂ ನಾರ್ಲ್
1 ಹಳ್ತಾಚೊ ಪಿಯಾವ್
7-8 ಕಾಶ್ಮೀರಿ ಮಿರ್ಸಾಂಗ್ಯೊ
1/2 ಚಾಯೆಚೆಂ ಕುಲೆರ್ ಹಳ್ದಿ ಪಿಟೊ
1
ಚಾಯೆಚೆಂ ಕುಲೆರ್ ಜಿರೆಂ
2
ಚಾಯೆಚೆಂ ಕುಲೆರ್ ಕನ್ಪಿರ್
4
ಲೊಸುಣೆಚ್ಯೊ ಬಿಯೊ
ಲಾನ್ ಕುಡ್ಕೊ ಆಲೆಂ
ರಾಂದ್ಚಿ ರೀತ್:
ಕನ್ಪಿರ್, ಜಿರೆಂ, ಮಿರ್ಸಾಂಗ್ಯೊ ತೊವ್ಯಾರ್ ಬಾಜ್. ಹೆರ್ ಅಳೆನಾಚ್ಯೊ ವಸ್ತು ಘಾಲ್ನ್ ಗಂದ್ ವಾಟ್.
ಲೆಪಾಂಚ್ಯೊ ಕಾತಿ ಕಾಡ್ನ್ ಬರೆಂ ಕರ್ನ್ ದು. ಅಂಬ್ಯಾಚಿ ಹಳ್ತಾಚಿ ಪಾತಾಳ್ ಕಾಪಾಂ ಕರ್.
ಇಲ್ಲೆಶ್ಯಾ ಉದ್ಕಾಂತ್ ಸುಕಿ ಮಾಸ್ಳಿ ಆನಿಂ ಅಂಬೊ ಘಾಲ್ನ್ ಉಕಡ್. ಅಳೆನ್ ಘಾಲ್ನ್ ಜಾಯ್ ತಶಿ ಕಡಿ ಕರ್(ಪಾತಾಳ್ ವ ದಾಟ್). ರುಚಿ ಪರ್ಮಾಣೆಂ ಮೀಟ್ ಘಾಲ್ನ್ ಬರೊ ಕತ್ಕತೊ ಕಾಡ್ನ್ ಭುಂಯ್ ದವರ್.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
