ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ -’ದಾಯ್ಜ್’ -ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಸರ್ವ್ ದಾಯ್ಜ್ ವಾಚ್ಪ್ಯಾಂಕ್ ಪಾಸ್ಕಾಂಚಾ ಫೆಸ್ತಾಚೆ ಉಲ್ಲಾಸ್
ಅಂಕೊ: 23 ಮಯ್ನೊ: ಎಪ್ರಿಲ್ 2006 ವರಸ್: 3
ಮನಿಸ್ ಜಾವ್ನ್ ಯೇನಾಕಾ: (ಆರ್ಥರ್ ಪಿರೇರಾ, ಒಮ್ಜೂರ್)
ಜೆಜುನ್ ಸಾಂಡುನ್ ಗೆಲ್ಲ್ಯಾ ಹ್ಯಾ ಸಂಸಾರಾಂತ್ ಜಾಯ್ತೆಂ ಬದಲ್ಲಾಂ, ಮನಿಸ್ ಬದಲ್ಲಾ, ಮನ್ಶಾಚೆಂ ಚಿಂತಾಪ್ ಬದಲ್ಲಾಂ, ಸತ್-ನೀತ್ ಬದಲ್ಲ್ಯಾ, ಮೋಗ್-ಮಯ್ಪಾಸ್ ಬದಲ್ಲಾ ದೆಖುನ್ ಜೆಜುಕ್ ಪರತ್ ಹ್ಯಾ ಸಂಸಾರಾಕ್ ಯೆತಾನಾ ಮನಿಸ್ ಜಾವ್ನ್ ಯೇನಾಕಾ ಮ್ಹಣ್ ಕವಿ ಆಯ್ಚಾ ಕಾಳಾಚಾ ಮನ್ಶಾಪಣಾಚಾ ಮೊಲಾಂಕ್ ಸವಾಲ್ ಕರ್ತಾ. ವಾಚ್.
ತುಜೆರ್ ಏಕ್ ನಿಯಾಳ್ ಸೊಮ್ಯಾಂ: (ವಾಯ್ಲೆಟ್ ಪಿರೇರಾ, ಕುಲ್ಶೇಕರ್)
ದಿಸಾನ್ದೀಸ್ ಅಪ್ಲ್ಯಾ ಸಂಸಾರಿ ರಾಟಾವಳೆಂನಿ ಮೆತೆರ್ ಜಾಲ್ಲ್ಯಾ ಮನ್ಶಾಕ್, ಜೆದ್ನಾಂ ಅಪ್ಣಾವಿಶ್ಯಾಂತ್ ಚಿಂತುಂಕ್ಚ್ ವೇಳ್ ನಾತ್ಲ್ಲ್ಯಾ ಸಂದರ್ಭಾರ್, ಲಗ್ಬಗ್ ವೀಸ್ ಶೆಕ್ಡ್ಯಾಧಿಂ ಮನ್ಶಾಂಚಾ ಹಾತಿಂ ಮರಣ್ ಪಾವ್ಲ್ಲ್ಯಾ ಸೊಮ್ಯಾಚೊ ನಿಯಾಳ್ ಕರುನ್ ದಿತಾ. ವಾಚ್.
ಪಾಸ್ಕಾಚೆಂ ಜಾಗರಣ್: (ಜೊಮೆಲ್, ಬೊಂದೆಲ್)
ಕರೆಜ್ಮಾಚಾ ವೆಳಾರ್ ಜೆದ್ನಾಂ ಎಕಾ ಬೆಬ್ದ್ಯಾ ಬಾಪಾಯ್ನ್ ಸೊಡ್ಲ್ಲೊ ಸೊರೊ ಪರತ್ ಪಿಯೆಂವ್ಕ್ ಲಾಗ್ತಾನಾ, ತಶೆಂಚ್ ಘರಾಂತ್ ಹರ್ಶೆಂಚೆಂ ಝಗ್ಡೆಂ-ಲಡಾಯ್ ಪಾಸ್ಕಾಂಚೆಂ ಫೆಸ್ತ್ ಯೆತೆಚ್ಚ್ ಪರತ್ ಸುರು ಜಾಂವ್ಚಾ ವೆಳಾರ್ ಏಕ್ ಭುರ್ಗೆಂ ಕಿತ್ಲ್ಯಾ ಮಾರ್ಮಿಕ್ ರಿತಿನ್ ದೆವಾಲಾಗಿಂ ವಿನತಿ ಕರ್ತಾ ತೆಂ ಪಳೆಯಾ. ವಾಚ್.
ಚಿಂತಾಪ್ ಮ್ಹಜೆಂ: (ಆಸ್ಟಿನ್ ಡಿ’ಸೋಜ್ ಪ್ರಭು ನಂತೂರ್, ಚಿಕಾಗೊ)
ಕವಿ ಜೆದ್ನಾಂ ವಾಸ್ತವಾಂತ್ ಉಭೊ ರಾವೊನ್ ಸಾಮಾಜಿಕ್, ಧಾರ್ಮಿಕ್, ರಾಜಕೀಯ್, ಚಾರಿತ್ರಿಕ್ ಸಂಗ್ತ್ಯಾಂಕ್ ತುಕುನ್ ಸವಾಲಾಂ ಕರುಂಕ್ ಧರ್ತಾನಾ ಉದೆಂವ್ಚೆಂ ಕವಿತಾ ಕಿತ್ಲೆಂ ಸೊಭಿತ್ ಆಸ್ಯೆತ್ ಮ್ಹಣ್ಚಾಕ್ ಗೊವಾಯ್ ದಿಂವ್ಚೆಂ ಕವಿತಾ ಹೆಂ. ವಾಚ್.
ಖುರ್ಸಾವರ್ವಿಂ ಸೊಡ್ವಣ್: (ವಿನ್ಸಿ ಮೆಲ್ಕಾರ್, ಬೆಂಗ್ಳುರ್)
ಕರೆಜ್ಮಾಚಾ ವೆಳಾರ್ ಕವಿ ಸೊಮ್ಯಾಲಾಗಿಂ ಎಕಾ ಸಂವಾದಾಕ್ ಲಾಗ್ತಾನಾ ಥಂಯ್ಸರ್ ಕಸಲೆಂ ಸಂಭಾಶಣ್ ಉಭೆಂ ಜಾಯ್ತ್ ಮ್ಹಳ್ಳೆಂ ಸಮ್ಜೊಂಕ್ ಕವಿಕ್ ಮಾತ್ರ್ ನ್ಹಯ್, ಎಕಾ ಸಾದ್ಯಾ ವಾಚ್ಪ್ಯಾಕ್ ಸಯ್ತ್ ತ್ರಾಸ್ ಜಾಂವ್ಚೆನಾಂತ್. ವಾಚ್.
ಎಪ್ರಿಲಾಂತ್ಲ್ಯಾ ರಾತಿಂ: (ಆಂಡ್ರು ಎಲ್. ಡಿ’ಕುನ್ಹಾ)
ಎಪ್ರಿಲ್ ಮಯ್ನ್ಯಾಚಾ ಎಕಾ ರಾತಿಂ ಕವಿ ದೆವಾಕ್ ಏಕ್ ಅಪುರ್ಭಾಯೆಚೊ ಉಲೊ ದಿತಾ, ಹೆಂ ವಾಚ್ತಾನಾ ಸಾದೆಂ ಕವಿತಾ ದಿಸೊಂಕ್ ಪುರೊ, ಪುಣ್ ಸಾಂಕೇತಿಕ್ ರಿತಿನ್ ಹ್ಯಾ ಕವಿತೆಂತ್ ಆಯ್ಚಾ ಪ್ರಸ್ತುತ್ ಕಾಳಾಚಿ ಅಪುರ್ಭಾಯೆಚಿ ಕಾಣಿ ಆಸ್ಚಿ ಕವಿತೆಚಿ ವೋಡ್ ಆಸ್ಚಾಂಕ್ ಜರೂರ್ ಗೊಮ್ತೆಲಿ. ವಾಚ್.
ಚಲ್ತಾಂ ಚಲ್ತಾಂ: (ಡಾ|ಎಡ್ವರ್ಡ್ ನೊರೊನ್ಹಾ, ಮೈಸೂರ್)
ಜೆದ್ನಾಂ ಏಕ್ ಕವಿ ಖುರಿಸ್ ಆನಿ ಮೊರ್ನಾಚೊ ಫೊಂಡ್ ಸಾಂಕೇತಿಕ್ ರಿತಿನ್ ಜಿಣ್ಯೆ ಮಿಸಾಂವಾಕ್ ಸರಿ ಕರುನ್ ಮನ್ಶಾ ಜಿಣ್ಯೆಚಾ ಸಾರಾಚೆರ್ ಕವಿತಾ ಬರಂವ್ಕ್ ಲಾಗ್ತಾನಾ ಥಂಯ್ಚರ್ ಉದೆಂವ್ಚೆಂ ಕವಿತಾ ಕಿತ್ಲೆಂ ಅಪುರ್ಭಾಯೆಚೆಂ ತೆಂ ತುಮಿಂಚ್ ಪಾರ್ಕಿಯಾ. ವಾಚ್.
ಪಿಲಾತ್ ಹಾತ್ ಧುತಾ: (ಜೆ.ಬಿ.ಮೊರಾಯಸ್, ಮುಂಬಯ್)
ಜೆಜುಕ್ ಖುರ್ಸಾಚಾ ಮೊರ್ನಾಚೆಂ ಫರ್ಮಾಣ್ ದೀವ್ನ್ ಲೊಕಾಂ ಮುಖಾರ್ ಸುಭಾಗಿ ಮ್ಹಣ್ ಪಾಚಾರ್ಚಾಕ್ ಹಾತ್ ಧುಲ್ಲೊ ಪಿಲಾತ್ ಆಜ್ ನಾಂ ತರ್ಯ್ ತಾಚೆಂ ಸಂತಾನ್ ಅಜೂನ್ ಆಮ್ಚಾ ಸಂಸಾರಾಂತ್ ಹರ್ಯೆಕ್ಕಡೆ ಆಸಾತ್ ತೆಂ ಕವಿತೆಚಾ ಸಾವ್ಳೆಂತ್ ಉಟೊನ್ ದಿಸ್ತಾ. ವಾಚ್.
ಫೈಸಲ್: (ಕಥಾಂಕರ್ - 3. ರೆಮ್ಸಿ ಫೆರ್ನಾಂಡಿಸ್, ದುಭಾಯ್)
ಜೆಜುಚಾ ಪುನರ್ ಜಿವಿತಾಚಾ ಫೆಸ್ತಾಚಾ ಕಾಳಾಕ್ ಪ್ರಸ್ತುತ್ ಜಾಲ್ಲಿ, ಚಾಲ್ತಿ ಜಿಣ್ಯೆಂತ್ ಅಪ್ರೂಪಾಯೆನ್ ಘಡ್ಯೆತ್ ಜಾಲ್ಲ್ಯಾ ಎಕಾ ಮಾರ್ಮಿಕ್ ಘಟನಾಕ್ ಅಪುರ್ಭಾಯೆನ್ ಎಕಾ ಕಾಣ್ಯೆರುಪಾರ್ ಗುಂತುನ್ ಪ್ರಸ್ತುತ್ ಕರ್ಚಾಕ್ ಅಪ್ಲಿ ಪಯ್ಲಿ ಮಟ್ವಿ ಕಾಣಿ ಘೆವ್ನ್ ಆಯ್ಲಾ ತರ್ನಾಟೊ ಕವಿ ರೆಮ್ಸಿ ಫೆರ್ನಾಂಡಿಸ್. ವಾಚ್.
ರೂಕ್: (ಮೆಲ್ವಿನ್ ಜೆ. ವಾಸ್, ಕೆಲರಾಯ್)
ಜ್ಯಾ ರುಕಾಂತ್ ಜಾಲ್ಲ್ಯಾ ಅಸ್ತಿತ್ವಾಂತ್ ಕವಿ, ಇತ್ಲೊ ಮುಖಾರ್ ಪಾವೊನ್ ತ್ಯಾಚ್ ರುಕಾಂತ್ ಅಪ್ಲೊ ಶೆವೊಟ್ ಜೊಡ್ತಾನಾ ಹ್ಯಾ ರುಕಾಚಾ ಪಾಳಾಂನಿ, ಫಳಾಂನಿ, ಫುಲಾಂನಿ, ಸಾವ್ಳೆಂನಿ ಸಯ್ತ್ ಕವಿ ಅಪ್ಲೆಂಪಣ್ ಸೊಧುನ್ ಆಸ್ತಾನಾ, ಅಪ್ಲ್ಯಾ ವ್ಹಡಿಲಾಂಕ್ ದಿಂವ್ಚಿ ಭುಜಾವಣ್ ಸಯ್ತ್ ಕಿತ್ಲಿ ಪರಿಪಕ್ವ್ ಜಾಂವ್ಕ್ ಸಕ್ತಾ ತೆಂ ತುಮಿಂಚ್ ಪಾರ್ಕುನ್ ಸೊಡಾ. ವಾಚ್.
ಖುರ್ಸಾಯ್ ತಾಕಾ ಖುರ್ಸಾಯ್: (ವಲ್ಲಿ ಕ್ವಾಡ್ರಸ್, ಅಜೆಕಾರ್)
ಆಮ್ಚಾ ಸಮಾಜೆಂತ್ ಅಸಲೊ ಲೋಕ್ ಭರೊನ್ ಗೆಲಾ, ಅಪ್ಣಾಚಾ ದೊಳ್ಯಾಂತ್ ಆಡೆಂ ಆಸೊನ್ಯ್ ಹೆರಾಂಚಾ ದೊಳ್ಯಾಂಚೆಂ ಕಿಸರ್ ಮೆಜ್ಚೆ ಹೆ ಇತ್ಲೆ ಹಡ್ಬೆ ತರ್ಯೀ ಹೆರಾಂಕ್ ಸದಾಂಯ್ ’ಖುರ್ಸಾಯ್ ತಾಕಾ ಖುರ್ಸಾಯ್ (ಚಾರ್ ಮುಖಾಂ ಬುಕಾಂತ್ಲೆಂ)’ ಮ್ಹಣ್ ಅಪ್ಣಾಂಕ್ ಭಾಗೆವಂತ್ ಮ್ಹಣ್ ಪಾಚಾರುಂಕ್ಯ್ ಪಾಟಿಂ ಸರಾನಾಂತ್. ವಾಚ್.
About us | Feedback | Contact us
Copyright © 2005
DAAIZ.COM All rights reserved.
Page concept, designed, hosted and maintained by Ashawadi
Publications