ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ -’ದಾಯ್ಜ್’ -ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಸರ್ವ್ ದಾಯ್ಜ್ ವಾಚ್ಪ್ಯಾಂಕ್ ಮೊಂತಿ ಸಾಯ್ಭಿಣಿಚೆಂ ಫೆಸ್ತ್ ಮಾಗ್ತಾಸ್ತಾಂ, ಕುಟ್ಮಾ ಎಕ್ವಟ್ ಆಶೆತಾಂವ್
ಚಿಮ್ಟೊ (ಮಟ್ವಿ ಕಾಣಿ):ಹಿ ಕಾಣಿ ಕಾಂಯ್ ವಾಚ್ಪ್ಯಾಕ್ ತೀಸ್-ಪಾಂತೀಸ್ ವರ್ಸಾಂ ಪಾಟಿಂ ವರುಂಕ್ ಪುರೊ. ತವಳ್ಚೆ ತರ್ನಾಟೆ ತರ್ನಾಟ್ಯಾ ಚೆಡ್ವಾಂಕ್ ಕಶೆ ಚಿಡಾಯ್ತಾಲೆ ಆನಿ ಕಶೆ ಚಿಮ್ಟೆ ಕಾಡ್ತಾಲೆ ಮ್ಹಳ್ಳೆಂ ಚಾ.ಫ್ರಾ.ಚಾಕೀ ಬರ್ಯಾನ್ ಕೊಣ್ ಸಾಂಗೊಂಕ್ ಸಕಾತ್?
ಪಾತ್ಕಾಂ (ಮಟ್ವಿ ಕಾಣಿ): ಜೆದ್ನಾಂ ಏಕ್ ಘರ್ ಕೊಡ್ತಿಚೆಂ ರೂಪ್ ಘೆತಾನಾ ಥಂಯ್ಚರ್ ಆಸ್ಚೆ ಸಂಬಂದ್ ಕಶೆ ಬದಲ್ತಾತ್ ಆನಿ ಬಾಳ್ತಾತ್, ಆನಿ ಪಾತ್ಕಾಂ ಕಶಿಂ ಉಭ್ಜಾತಾತ್ ಮ್ಹಳ್ಳೆಂ ಜೆಮ್ಮಾ ಪಡೀಲ್ ಹಾಚಿ ಹಿ ಕಾಣಿ ಗೊವಾಯ್ ದಿತಾ.
ಏಕ್ ಮೊಂತಿ ಫೆಸ್ತ್ ಆನಿಂ ಹಾಂವ್ (ಮಟ್ವಿ ಕಾಣಿ): ಮೊಂತಿ ಫೆಸ್ತಾಚೊ ಉಡಾಸ್ ಪರ್ಗಾಂವಾಂತ್ ಆಸ್ಚಾಂನಿ ಕಾಡ್ಚೊ ಕಸೊ, ಆನಿ ಭುರ್ಗ್ಯಾಪಣಾರ್ ಹ್ಯಾ ಫೆಸ್ತಾಚೊ ಉಡಾಸ್ ಕಿತ್ಲೊ ಮಧುರ್ ಮ್ಹಳ್ಳೊ ನಿಯಾಳ್ ಆಪ್ಲ್ಯಾ ಅಪುರ್ಭಾಯೆಚಾ ಕಾಣ್ಯೆರುಪಾರ್ ಕರುನ್ ದಿತಾ ಸುನಿಲ್ ಫೆರ್ನಾಂಡಿಸ್, ಕೋಟ.
ಗುಣಾಕಾರ್ (ಮಟ್ವಿ ಕಾಣಿ):ಮನಿಸ್ ಕಶೆಂ ಅಪ್ಲ್ಯಾ ಸುರಾತಾ ಖಾತಿರ್ ಹೆರ್ ಮನ್ಶಾಕ್ ಆಪ್ಲಿ ಚಾಲ್ ಕರುಂಕ್ ಯೆವ್ಜಿತಾ ಆನಿ ದೇವ್ ಮನ್ಶ್ಯಾಚೆರ್ ಕಸಲಿ ಚಾಲ್ ಖೆಳ್ತಾ ಮ್ಹಳ್ಳೆಂ ಅಪುರ್ಭಾಯೆನ್ ಪಿಂತ್ರಾಯ್ತಾ ಸ್ಟೇನ್ ಅಗೇರಾ ಹಾಚಿ ಭಳ್ವಂತ್ ಕಾಣಿ.
ಸ್ತ್ರೀ (ಕವಿತಾ):ಆಯ್ಚೊ ದೀಸ್ ಫಕತ್ತ್ ಮೊಂತಿ ಸಾಯ್ಭಿಣಿಚಾ ಜನನಾಚೊ ಮಾತ್ರ್ ನ್ಹಂಯ್, ಆಯ್ಚೊ ದೀಸ್ ಚಲಿಯಾಂಚೊ ದೀಸ್ ಸಯ್ತ್. ಸಂಸಾರ್ಭರ್ ಚಲಿಯಾಂಕ್/ಸ್ತ್ರೀಯಾಂಕ್ ಕಸಲೊ ಮಾನ್ ಮೆಳ್ತಾ ಮ್ಹಳ್ಳ್ಯಾಚೆರ್ ಕವಿ ಮ್ಯಾಕ್ಸಿಮ್ ಲೋಬೊ ನಿಯಾಳ್ ದಿತಾ.
ಸಕ್ಕಡ್ ಸಾಂಗಾತಾ ಮೆಳ್ಯಾಂ (ಕವಿತಾ):ಕುಟ್ಮಾಚೆಂ ಫೆಸ್ತ್ ಮ್ಹಣ್ ನಾಂವಾಡ್ಲ್ಲ್ಯಾ ಮೊಂತಿ ಸಾಯ್ಭಿಣಿಚಾ ಫೆಸ್ತಾದಿಸಾ ಕುಟ್ಮಾ ಜೆವ್ಣಾಚೊ ನಿಯಾಳ್ ಕರ್ಚೊ ಕಿತ್ಯಾಕ್? ಕವಿ ಆಸ್ಟಿನ್ ಪ್ರಭುಚೆಂ ಹೆಂ ಕವಿತಾ ಕಾಂಯ್ ಥೊಡೊ ನಿಯಾಳ್ ದಿತಾ.
ಸಪ್ಣಾಂ (ಕವಿತಾ):ಕೊಣ್ ತೊ ಮನಿಸ್ ಸಪ್ಣಾಂ ದೆಖಿನಾ? ಸಪ್ಣಾಂ ಪಳೆಂವ್ಕ್ ನಿದಾಜಯ್ ಮ್ಹಣ್ ನಾ. ದಿಸಾಚಾ ಭರಾರ್ ಸಯ್ತ್ ಮನಿಸ್ ಸಪ್ಣಾಂ ದೆಖೊಂಕ್ ಸಕ್ತಾ. ಹೊ ಕವಿ ಲೂಕಸ್ ದಿನಿಜ್ ಅಸಲಿಂಚ್ ಸ್ವಪ್ಣಾಂ ಘೆವ್ನ್ ಆಯ್ಲಾ.
ಮನಾಂ ನವಿಂ ಕರ್ಯಾಂ (ಕವಿತಾ):ಅಪ್ಲ್ಯಾ ಕವಿತೆಂಚ್ ಭುರ್ಗ್ಯಾಪಣಾಚೊ ನಿಯಾಳ್ ಕರುನ್ ದಿಂವ್ಚೆಂ ಪ್ರೇತನ್ ಕರುಂಕ್ ಆಯ್ಲಾ ಕವಿ ಆರ್ಯನ್ ತಾಕೊಡೆ. ಮೊಂತಿ ಫೆಸ್ತಾಚಾ ಸಂದರ್ಭಾರ್ ಗಾಂವಾ ಥಾವ್ನ್ ಪಯ್ಸ್ ಆಸ್ಚಾ ಸರ್ವಾಂಕ್ ಆಪ್ಲ್ಯಾ ಭುರ್ಗ್ಯಾಪಣಾಚೊ ಉಡಾಸ್ ಹಾಡ್ಚಾಂತ್ ದುಭಾವ್ ನಾ.
ಮೊಂತಿ ಫೆಸ್ತ್ ಆಯ್ಲೆಂ ಮ್ಹಣ್ತಾನಾ (ಕವಿತಾ):ಕೊಣಾಕ್ ವೆವೆಗ್ಳ್ಯಾ ರಾಂದ್ವಯೆಚೆಂ ನಿಸ್ತೆಂ ಉಡಾಸಾಕ್ ಯೆತಾ ತರ್ ಕೊಣಾಕ್ ಇಗರ್ಜೆಂತ್ಲೊ ಕೊಬು ಆನಿ ಕೊಣಾಕ್ ಆಪ್ಲ್ಯಾ ಕುಟ್ಮಾಚೊ ಉಡಾಸ್ ಯೆತಾ. ಖರೆಂಪಣಿಂ ಎಕಾ ಕುಟ್ಮಾಕ್ ಹೆಂ ಫೆಸ್ತ್ ಎಕ್ವಟಾಚೆಂ ಆನಿ ಮಾಯಾಮೊಗಾಚೆಂ ಫೆಸ್ತ್ ಮ್ಹಳ್ಳೆಂ ಕವಿ ವಿನ್ಸಿ ಮೆಲ್ಕಾರ್ ನಿಯಾಳ್ ಕರುನ್ ದಿತಾ.
ಕೊಬು (ಕವಿತಾ): ಕೊಬು ಉಲಂವ್ಕ್ ಸಕ್ತಾ? ತುವೆಂ ಆಯ್ಕಲಾಂಯ್ ಕೊಬುನ್ ಉಲಯಿಲ್ಲೆಂ? ಕವಿಚಾ ಸಂಸಾರಾಂತ್ ಮಾತ್ರ್ ಹೆಂ ಘಡೊಂಕ್ ಸಾಧ್ಯ್. ಆನಿ ಕವಯತ್ರಿ ಬಾಯ್ ವಾಯ್ಲೆಟ್ ಪಿರೇರಾ ಅಪ್ಲ್ಯಾ ಕವಿತೆಂತ್ ಕೊಬು ಉಲಂವ್ಚೆಂ ದಿಸೊನ್ ಯೆತಾ.
ಅಮೂಲ್ಯ್ ದೆಣೆಂ (ಕವಿತಾ): ಹ್ಯಾ ಸಂಸಾರಾಂತ್ ’ಆವಯ್’ ಏಕ್ ಖರೆಂಚ್ ದೆಣೆಂ, ಅಮೂಲ್ಯ್ ದೆಣೆಂ ಮ್ಹಣ್ ಕವಯತ್ರಿ ಬಾಯ್ ನಿರ್ಮಲಾ ಗೋವಿಯಸ್ ಆಯ್ಚ್ಯಾ ದಿಸಾ ಕಿತ್ಯಾಕ್ ಸಾಂಗ್ತಾ ಮ್ಹಣ್ ತಿಚೆಂ ಕವಿತಾ ವಾಚ್ತಾಂ ಸುಸ್ತಾತಾ.
About us | Feedback | Contact us
Copyright © 2004
DAAIZ.COM All rights reserved.
Page concept, designed, hosted and maintained by Ashawadi
Publications