ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ -’ದಾಯ್ಜ್’ -ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಸರ್ವ್ ದಾಯ್ಜ್ ವಾಚ್ಪ್ಯಾಂಕ್ ನತಾಲಾಂ ಫೆಸ್ತಾಚೆ ಶುಭಾಶಯ್
ಅಂಕೊ: 19 ಮಯ್ನೊ: ದಸೆಂಬರ್ 2005 ವರಸ್: 2
"ಬಾಳ್ ಜಲ್ಮಾಲಾ ಸಂತೊಸ್ ಫಾಂಕ್ಲಾ
ಸ್ವಾಗಾತ್ಸಿಯಾಂ ರಾಯಾಕ್
ಹರ್ಯೆಕ್ ಕಾಳ್ಜಾಂ ಸಂತೊಸ್ ಪಾಂವ್ದಿತ್
ಹರ್ಸುನ್ ಜೆಜು ಬಾಳ್ಕಾಕ್, ಹರ್ಸುನ್ ಜೆಜು ಬಾಳ್ಕಾಕ್
ಹರ್ಸುನ್ ಹರ್ಸುನ್ ಜೆಜು ಬಾಳ್ಕಾಕ್..."
ಸರ್ವ್ ವಾಚ್ಪ್ಯಾಂಕ್, ಬರವ್ಪ್ಯಾಂಕ್ ದಾಯ್ಜ್
ಪಂಗ್ಡಾಥಾವ್ನ್ ನತಾಲಾಂ ಫೆಸ್ತಾಚೆ ಶುಭಾಶಯ್. ನತಾಲಾಂಚೊ
ಉಜ್ವಾಡ್ ಆಮ್ಕಾಂ ಆಮ್ಚಾ ಪೆಲ್ಯಾಚೆ ಕಶ್ಟ್ ಪಳೆಂವ್ಚಿ ದೀಶ್ಟ್
ದೀಂವ್, ಹೆರಾಂಚಿ ದೂಕ್ ಸಮ್ಜೊಂಚಿ ಸಮ್ಜಣಿ ದೀಂವ್.
ತಶೆಂಚ್ ನವೆಂ ವರಸ್ ಹರ್ಯೆಕಾ ಮನ್ಶಾಚಾ ಜಿಣ್ಯೆಂತ್
ನವೊ ಸಂತೊಸ್, ಮನ್ಶಾಪಣ್ ಆನಿ ಮೋಗ್-ಮಯ್ಪಾಸ್
ಹಾಡುಂಕ್ ಸಕೊಂದಿ ಮ್ಹಣ್ ಮಾಗ್ತಾಂವ್.
ನತಾಲಾಂಚಿ ಭೆಟ್: ನತಾಲಾಂಚಾ ಫೆಸ್ತಾವಿಶ್ಯಾಂತ್ ಅಮರ್ ಕವಿ ಚಾ.ಫ್ರಾ, ಕೊಂಕ್ಣಿ ಕವಿಂಕ್ ಕಸಲೊ ಸಂದೇಶ್ ದಿತಾ ಮ್ಹಳ್ಳೆಂ ಹೆಂ ಕವಿತಾ ವಾಚ್ತಾನಾ ಗೊಮ್ತೆಲೆಂ. ಆಜ್ ನತಾಲಾಂಚೆಂ ಫೆಸ್ತ್. ತರ್ ಜಲ್ಮಾಲ್ಲ್ಯಾ ಜೆಜುಕ್ ಹಾಂವ್ ಕಸಲಿ ಕಾಣಿಕ್ ದೀಂವ್ಕ್ ಸಕ್ತಾಂ? ಮ್ಹಳ್ಳ್ಯಾ ಸವಾಲಾಚೆರ್ ಅಪುರ್ಭಾಯೆಚಿ ದಿವ್ಟಿ ಪೆಟವ್ನ್ ಉಜ್ವಾಡ್ ಫಾಂಕಯ್ತಾನಾ ಹೆಂ ಕವಿತಾ ವಾಚುಂಕ್ ಕಿತ್ಲೆಂ ಬರೆಂ ಲಾಗ್ತಾ ತೆಂ ತುಮಿಂಚ್ ಪಾರ್ಕಿಯಾ. ವಾಚ್.
ಮ್ಹಜೆಂ ನತಾಲ್: ಕವಿತಾಂತ್ ಜೆದ್ನಾಂ ಸೊಭಿತ್ ವ್ಹಾಳೊ ಆಸ್ತಾ, ತೆದ್ನಾಂ ತೆಂ ಆಯ್ಕೊಂಕ್ ಬರೆಂ ಲಾಗ್ತಾ. ಕವಿತಾಂತ್ ಜೆದ್ನಾಂ ಸತಾಂ ಆಸ್ತಾತ್, ತೆಂ ಕೊಣಾಯ್ಕ್ಯ್ ಲಿಸಾಂವ್ ಜಾಂವ್ಕ್ ಪಾವ್ತಾ, ಪುಣ್ ಕವಿತಾ ಜೆದ್ನಾಂ ವಿಚಾರ್ಧಾರಾ ಪಾಚಾರ್ತಾ, ತೆದ್ನಾಂ ತೆಂ ವಾಚ್ಪ್ಯಾಚ್ಯಾ ಮತಿಂತ್ ಆಸ್ಚಾ ಚಿಂತ್ನಾಂಕ್ ಜಾಗಂವ್ಕ್ ಸಕ್ತಾ ಮ್ಹಣ್ಚಾಕ್ ಹೆಂ ಕವಿತಾ ಗೊವಾಯ್ ದಿತಾ. ಪ್ರಸ್ತುತ್ ಪರಿಗತೆಚೆರ್ ಆರ್ಸೊ ಧರ್ಚೆಂ ಹೆಂ ಕವಿತಾ ಬರಯಿಲ್ಲೊ, ಕೊಂಕ್ಣೆಚೊ ಫಾಮಾದ್ ಪದಾಂ ಘಡ್ಪಿ, ಚಿಂತ್ಪಿ ದೆ|ಜೊರ್ಜಿ ಪೀಂತ್ ಆಯ್ಕೊಳ್. ಹೆಂ ಕವಿತಾ ತಾಚಾ ’ಪರತ್ ಪರತ್’ ಕವಿತಾ ಜಮ್ಯಾಂತ್ ಪರ್ಗಟ್ಲಾಂ. ವಾಚ್.
ಕ್ರಿಸ್ಮಸ್ ಆನಿ ಹಾಂವ್: ಹೆಂ ಕವಿತಾ ವಾಚ್ತಾನಾ ಕೊಣ್ ಸಾಂಗತ್ ಹ್ಯಾ ಕವಯತ್ರಿನ್ ಕವಿತಾ ಬರಂವ್ಕ್ ಧರ್ಲ್ಲಿಂ ಆಯ್ಲೆವಾರ್ ಮ್ಹಣೊನ್? ಹೆಂ ಬಾಯ್ ಪ್ರಿಯಾಚೆಂ ಧಾವೆಂ ಕವಿತಾ, ಪುಣ್ ಹ್ಯಾ ಕವಿತೆಂತ್ ಆಸ್ಚಾ ಉತ್ರಾಂಚೆಂ ತ್ರಾಣ್ ಆನಿ ವಿಚಾರಾಂಚಿ ಸಕತ್ ಪಳೆತಾನಾ ಸಭಾರ್ ಪಾವ್ಟಿಂ ಹಾಂವ್ಂಚ್ ವಿಜ್ಮಿತ್ ಪಾವ್ತಾಂ. ನತಾಲಾಂಚಾ ಫೆಸ್ತಾಚಾ ಸಂಭ್ರಮಾಂತ್ ಏಕ್ ವಾಂಟೊ ಜಾಲ್ಲ್ಯಾ/ಜಾಂವ್ಚಾ ಸಂಗ್ತ್ಯಾಂಚಾ ಖರ್ಯಾ ಮಹತ್ವಾಚೆರ್ ಅಪ್ಲ್ಯಾ ವಿಚಾರಾಚಿಂ ಸವಾಲಾಂ ಪೊಕೊಳ್ಪಣಾಚಿಂ ಎಕೆಕ್ಚ್ ಸರ್ಲಾಂ ಸೊಲ್ತಾತ್. ವಾಚ್.
ಜೆಜುನ್ ದೋನ್ ಹಜಾರ್ ಪಾಂಚ್ ವರ್ಸಾಂಧಿಂ ಜಲ್ಮೊನ್ ಯೆತಾನಾ ಮರಿಯೆಕ್, ಜುಜೆಕ್ ತಶೆಂಚ್ ಹೆರಾಂಕ್ ಕಿತೆಂ ಭೊಗ್ಲ್ಲೆಂ ಜಾವ್ಯೆತ್ ಮ್ಹಳ್ಳೆಂ ಅಪುರ್ಭಾಯೆಚಾ ರಿತಿನ್ ಸಾಂಗೊನ್, ಅಖ್ರೇಕ್ ಬಾಳೊಕ್ ಜೆಜುಕ್ ಭೆಟೊಂಕ್ ಆಯಿಲ್ಲ್ಯಾ ರಾಯಾಂ ಪಯ್ಕಿ ಆತಾಂ ಆಮಿಂ ಎಕ್ಲಿಂ ಜಾವ್ನಾಸ್ತಾಂ, ಆಮಿಂ ಜೆಜುಕ್ ಭೆಟ್ ದೀಂವ್ಕ್ ವೆಚಾ ರಸ್ತ್ಯಾರ್ ಆಮ್ಕಾಂ ಕಸೊ ಮೆಳ್ತಾ ಆನಿ ತೊ ಜೆಜು ಖಂಚ್ಯಾ ರುಪಾರ್ ಆಸಾ ಮ್ಹಳ್ಳೆಂ ಭೋವ್ ನಾಜೂಕ್ ರಿತಿನ್ ಪಿಂತ್ರಾಯ್ತಾ. ವಾಚ್.
ನತಾಲಾಂಚೆಂ ಫೆಸ್ತ್ ಸರ್ವಾಂಕ್ ಸಂಭ್ರಮಾಚೆಂ ತರ್ಯ್ ಮರಿಯೆಕ್ ಜೆದ್ನಾಂ ಜೆಜುಕ್ ಬಾಳಾಂತ್ ಜಾಂವ್ಚಾ ವಗ್ತಾಂ ಕಿತೆಂ ಭೊಗ್ಲ್ಲೆಂ ಜಾವ್ಯೆತ್ ಮ್ಹಳ್ಳೆಂ ಮಟ್ವ್ಯಾನ್ ವರ್ಣಿತಾ ವಾಯ್ಲೆಟ್ ಜೆ. ಪಿರೇರಾ. ಹಿಣೆಂ ಆಯ್ಲೆವಾರ್ ಕವಿತಾ ಬರಂವ್ಕ್ ಧರ್ಲಾಂ ಥರ್ಯ್ ಪ್ರಸ್ತುತ್ ಘಡಿತಾಂಚೆರ್ ಕವಿತಾ ಬರಂವ್ಚೆಂ ವಿಶೇಷ್ ದೆಣೆಂ ಆಸ್ಚಾಂ ಪಯ್ಕಿ ಹಿ ಎಕ್ಲಿ ಮ್ಹಣ್ ಧಯ್ರಾನ್ ಸಾಂಗ್ಯೆತಾ. ದೆಕುನ್ ಅಸಲಿಂ ಕವಿತಾ ವಾಚ್ಪ್ಯಾಂಕ್ ವೆಗಿಂ ಖಾಯ್ಸ್ ಜಾತಾತ್. ವಾಚ್.
ಜೆಜು ಜಲ್ಮಾಲೊ: ಕೊಣ್ ಸಾಂಗ್ತಾ, ಕಾಣಿ ಬರಂವ್ಕ್ ಪಾನಾಂ ಜಾಯ್ ಮ್ಹಣ್? ಹೆಂ ಕವಿತಾ ವಾಚ್ತಾನಾ ತುಕಾಚ್ಚ್ ತೆಂ ಸಮ್ಜಾತೆಲೆಂ. ಕಿತ್ಯಾಕ್ ಮ್ಹಳ್ಯಾರ್ ಹೆಂ ಕವಿತಾ ಭೋವ್ ಉಣ್ಯಾ ಸಬ್ಧಾಂನಿ, ಭೋವ್ ಅಪುರ್ಭಾಯೆಚಿ ಕಾಣಿ ಪಿಂತ್ರಾಯ್ತಾ, ಆಂಡ್ರು ಎಲ್’ಡಿ’ಕುನ್ಹಾ. ಹೆಂ ಕವಿತಾ ಕಿತ್ಲೆಪಾವ್ಟಿಂ ವಾಚ್ಲ್ಯಾರ್ಯ್ ಪರತ್ ಪರತ್ ಕಾಣಿಂಚ್ ಸಾಂಗೊನ್ ಆನಿ ಕವಿತಾಚಿ ಸೊಭಾಯ್ ದೊಡ್ತಿ ಕರುನ್ ವೆತಾ. ವಾಚ್.
ಜೆಜುಚಾ ಜನನಾಚಿ ಕಥಾ ಕ್ರಿಸ್ಮಾಚಾಚಾ ವೆಳಾರ್ ವೆವೆಗ್ಳ್ಯಾ ವಾಚ್ಪಾಂನಿ ವಾಚ್ತಾಂವ್ ತರ್ಯ್ ಜೆದ್ನಾಂ ಏಕ್ ಕವಿ ಅಪ್ಲ್ಯಾ ಕವಿತೆಂತ್ ಹೆಂ ವರ್ಣಿತಾನಾ ದಿಸ್ಚಿ ಸೊಭಾಯ್ ವೆಗ್ಳಿಚ್. ಜಶೆಂ ಅಬ್ರಾಂವ್ಚೆಂ ಜಯ್ನ್ದಾನಾಚೊ ಉಡಾಸ್ ಕಾಡ್ತಾನಾ ಥೊಡೆ ಕವಿ ಕೊಣ್ ಅಬ್ರಾಂವ್? ಲುವಿಸ್ ಮಸ್ಕರೇಞಾಚೊಗೀ ಮ್ಹಣ್ತಾನಾ ಹೆಂ ಕಾವ್ಯನಾಟಕ್ ಕಿತ್ಲೆಂ ಫಾಮಾದ್ ಮ್ಹಳ್ಳಿ ಅಂದಾಜ್ ಕರ್ಯೆತ್. ಪುಣ್ ಹೆಂ ಕವಿತಾ ವಾಚುನ್ ಕೊಣ್ ಜೆಜು ಮ್ಹಳ್ಯಾರ್ ಜೊಮೆಲಾಚೊ ಮ್ಹಣ್ ಕೊಣೆಂಯ್ ಸಾಂಗಾನಾತ್ಲ್ಯಾರ್ ಪುರೊ. ವಾಚ್.
ಮಟ್ವಿ ಕಾಣಿ: ಆಜ್ ಕ್ರಿಸ್ಮಸ್, ಎದೊಳ್ ತಾಣೆಂ ಚಿಂತ್ಲ್ಲೆಪರಿಂಚ್ ಸಗ್ಳೆಂ ಘಡ್ಲ್ಲೆಂ. ಇಕ್ರಾ ವರ್ಸಾಂ ಪರ್ಗಾಂವಾಂತ್ ಆಸ್ಲ್ಲ್ಯಾ ತಾಕಾ ಗಾಂವಾಂತ್ ಹೆಂ ಪಯ್ಲೆಂ ಕ್ರಿಸ್ಮಸ್ ದೆಕುನ್ ಬರೆಂಚ್ ಆಸಾಜಯ್ ನ್ಹಯ್ಗಿ? ಹೆಚ್ಚ್ಖಾತಿರ್ ತಾಣೆಂ ಗಾಂವಾಂತ್ ಭೋವ್ ಗಡ್ದಾಯೆಚಿ ಪಾರ್ಟಿ ಆಸಾ ಕೆಲ್ಲಿ. ಲಾಖಾಂನಿ ಇನಾಮಾಂ ದೀಂವ್ಕ್ ಧರ್ತಾನಾ ತಾಕಾ ಅಚಾನಕ್ ಮುಖ್ಲ್ಯಾಸಾಲಾಂತ್ ಎಕ್ಲಿ ದಿಸ್ಲಿ. ಕ್ರಿಸ್ಮಸ್ ಫೆಸ್ತಾಚಾ ಸಂದರ್ಭಾರ್, ಕ್ರಿಸ್ಮಸಾಕ್ ಲಗ್ತಿ ಜಾಲ್ಲಿ ಮಟ್ವಿ ಕಾಣಿ ಕ್ರಿಸ್ಮಸ್ ಕಾಣಿಕ್. ವಾಚ್.
About us | Feedback | Contact us
Copyright © 2005
DAAIZ.COM All rights reserved.
Page concept, designed, hosted and maintained by Ashawadi
Publications