ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
[2006 ಇಸ್ವೆಚಾ ಸಪ್ತೆಂಬರ್ 23 ತಾರಿಕೆರ್ ಅಪ್ಲೊ 41ವೊ ಜಲ್ಮಾದಿವಸ್ ಆಚರಣ್ ಕರ್ಚಾ ಆಂಡ್ರು ತುಕಾ ಹೆಂ ಅಂಕಣ್ ಅರ್ಪಣ್]
ಸತಾಂ ಆನಿ ಖತಾಂ - 24. ಹಾಂವ್ ತುಜೊ ಮೋಗ್ ಕರ್ತಾಂ
ಹೆಂ ಅಂಕಣ್ ’ರಾಕ್ಣೊ’ ಚೆರ್ ತಶೆಂಚ್ ಆಶಾವಾದಿ ಪ್ರಕಾಶನಾಚಾ ಬುಕಾರುಪಾರ್ ಪರ್ಗಟ್ ಜಾಲಾಂ.
ಎಕಾ ಫಾಂತ್ಯಾರ್ ಉಟೊನ್, ನ್ಹವೆಂಚ್ ಘೆತ್ಲ್ಲೆಂ ಆಪ್ಲೆಂ ಮೊಲಾಧಿಕ್ ಕಾರ್ ಪುಸುನ್ ಆಸ್ಚ್ಯಾ ಎಕಾ ಬಾಪಾಯ್ಕ್, ತಾಚೊ ಚ್ಯಾರ್ ವರ್ಸಾಂಚೊ ಪೊಕ್ರಿ ಪೂತ್ ಎಕಾ ಫಾತ್ರಾಂತ್ ತ್ಯಾ ಕಾರಾಚೆರ್ ಗಿಚ್ಚುಂಚೆಂ ಪಳೆತಚ್ಚ್ ತಡ್ವುಂಕ್ ಸಕ್ಲೊನಾ. ರಾಗಾನ್ ಪೆಟ್ಲ್ಲ್ಯಾ ಬಾಪಾಯ್ನ್ ವಚೊನ್ ಪುತಾಚ್ಯಾ ಹಾತಾಂಚೆರ್ ಜ್ಯೊರಾನ್ ಮಾರ್ಲೆಂ ಆನಿ ತಾಚಿಂ ಬೊಟಾಂ ಚಿರ್ಡಿಲಿಂ.
ಸುಮಾರ್ ವೆಳಾ ಉಪ್ರಾಂತ್ಯೀ ಭುರ್ಗ್ಯಾನ್ ದುಃಖಿನ್ ವ್ಹಳ್ವಳ್ಚೆಂ ಪಳೆವ್ನ್, ಥೊಡ್ಯಾ ವೆಳಾನ್ ತಾಕಾ ಲಾಗ್ಸಿಲ್ಯಾ ಆಸ್ಪತ್ರೆಕ್ ವ್ಹರ್ನ್ ಪಳೆತಾನಾ ಕಳೊನ್ ಆಯ್ಲೆಂಕೀ, ಪುತಾಚಿಂ ಥೊಡಿಂ ಬೊಟಾಂ ಮೊಡ್ಲ್ಲಿಂ. ದುಖೇಸ್ತ್ ದೊಳ್ಯಾಂನಿ ಪೂತ್ ಬಾಪಾಯ್ಲಾಗಿಂ ನೆಣ್ತೆಂ ಸವಾಲ್ ಕರಿಲಾಗ್ಲೊ "ಪಪ್ಪಾ, ಕೆದ್ನಾಂ ಮ್ಹಜಿಂ ಬೊಟಾಂ ಸಾರ್ಕಿಂ ಜಾತೆಲಿಂ?"
ಬಾಪಾಯ್ಕ್ ಜವಾಬ್ ದೀಂವ್ಕ್ ಜಾಲೆಂನಾ, ತೊ ಆಸ್ಪತ್ರೆಚ್ಯಾ ಭಾಯ್ರ್ ಯೇವ್ನ್, ಹ್ಯಾ ಸರ್ವಾಕ್ ಕಾರಾಣ್ ಹೆಂ ಮೊಲಾಚೆಂ ಕಾರ್ ಮ್ಹಣೊನ್, ತ್ಯಾ ಕಾರಾಕ್ ರಾಗಾನ್ ಖೊಟೊ ಘಾಲಿಲಾಗ್ಲೊ. ಮಾತ್ಸೊ ಆವೇಶ್ ನಿವ್ತಚ್ಚ್, ತಾಣೆಂ ಪುತಾನ್ ಕಾರಾಚೆರ್ ಗಿಚ್ಚಿಲ್ಲೆಂ ಲಾಗ್ಸಿಲ್ಯಾನ್ ಪಳೆಲೆಂ, ತಾಂತುಂ ಪುತಾನ್ ಅಶೆಂ ಬರಯಿಲ್ಲೆಂ; ’ಪಪ್ಪಾ, ಹಾಂವ್ ತುಜೊ ಮೋಗ್ ಕರ್ತಾಂ’.
ದುಸ್ರೆ ದಿಸಾ ಬಾಪಾಯ್ನ್ ಜೀವ್ಘಾತ್ ಕೆಲೊ.
ಸಂದೇಶ್: ರಾಗಾಕ್ ತಶೆಂಚ್ ಮೊಗಾಕ್ ಗಡ್ ನಾ, ಪುಣ್ ಕೆದಿಂಚ್ ರಾಗ್ ವಿಂಚಿನಾಕಾ. ಜಿಣಿಭರ್ ಚುರ್ಚುರೆ ಭಗ್ಶಿ. ವಸ್ತುಂಕ್ ವ್ಹಾಪಾರ್ ಕರ್, ಮನ್ಶಾಂಚೊ ಮೋಗ್ ಕರ್. ಪುಣ್ ಆಯ್ಚ್ಯಾ ಸಂಸಾರಾಂತ್ ವ್ಯತಿರಿಕ್ತ್ ಜಾತಾ, ಆಮಿ ವಸ್ತುಂಚೊ ಮೋಗ್ ಕರ್ತಾಂವ್ ಆನಿ ಮನ್ಶಾಂಕ್ ವ್ಹಾಪಾರ್ತಾಂವ್.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
