ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
[2006 ಇಸ್ವೆಚಾ ಸಪ್ತೆಂಬರ್ 23 ತಾರಿಕೆರ್ ಅಪ್ಲೊ 41ವೊ ಜಲ್ಮಾದಿವಸ್ ಆಚರಣ್ ಕರ್ಚಾ ಆಂಡ್ರು ತುಕಾ ಹೆಂ ಅಂಕಣ್ ಅರ್ಪಣ್]
ಸತಾಂ ಆನಿ ಖತಾಂ - 16. ಖಂತ್
ಹೆಂ ಅಂಕಣ್ ’ರಾಕ್ಣೊ’ ಚೆರ್ ತಶೆಂಚ್ ಆಶಾವಾದಿ ಪ್ರಕಾಶನಾಚಾ ಬುಕಾರುಪಾರ್ ಪರ್ಗಟ್ ಜಾಲಾಂ.
ಏಕ್ ಪಾವ್ಟಿಂ ಎಕಾ ಹಳ್ಳೆ ಥಾವುನ್ ಏಕ್ ಪ್ರಾಯೆಸ್ತ್ ಮನಿಸ್ ಆಪ್ಲ್ಯಾ ನಾತ್ವಾಕ್ ಘೆವುನ್, ಹಾತಾಂತ್ ಏಕ್ ವೊಜೆಂ ಘೆವುನ್ ಶೆರಾಕ್ ಭಾಯ್ರ್ ಸರ್ಲೊ
ಶೆರಾಚಿ ವಾಟ್ ಮಯ್ಲಾಂಚಿ ಆನಿ ತ್ಯಾ ಕಾಳಾರ್ ಬಸ್ಸಾಂ ನಾತ್ಲೆಲಿಂ ದೆಖುನ್ ತೊ ಎಕಾ ಗಾಡ್ವಾಕ್ ಘೆವುನ್ ಗೆಲೊ. ವೆತಾಸ್ತಾನಾ ತೊ ಗಾಡ್ವಾಚೆರ್ ಚಡ್ಲೊ ಆನಿ ನಾತ್ವಾಕ್ ಸಾಂಗಾತಾ ಘೆವುನ್ ತಶೆಂಚ್ಚ್ ತೆಂ ವೊಜೆಂಯ್ ಸಾಂಗಾತಾ ಘೆವುನ್ ತೊ ಬಸ್ಲೊ ಆನಿ ತೆಂ ಗಾಡಾಂವ್ ತ್ಯಾ ವೊತಾಂತ್ ಹ್ಯಾ ತೆಗಾಂಕ್ ವಾವವ್ನ್ ವರಿಲಾಗ್ಲೆಂ.
ಇಲ್ಲ್ಯಾ ವೆಳಾರ್ ತೊ ಪ್ರಾಯೆಸ್ತ್ ಮನಿಸ್ ಚಿಂತುಂಕ್ ಲಾಗ್ಲೊ ಕೊಣೀಂ ಪಳೆತಿತ್ ತರ್ ಕಿತೆಂ ಮ್ಹಣೊಂಕ್ ಆಸಾ? ಆಪುಣ್ ತೀನ್ ಆಳಾಂಚೆಂ ವೊಜೆಂ ಹ್ಯಾ ಬಿರ್ಮತ್ ಗಾಡ್ವಾಕ್ ದಿಲಾಂ ಮ್ಹಣತ್ ಮ್ಹಣೊನ್ ತಾಣೆ ನಾತ್ವಾಕ್ ಸಕ್ಲಾ ದೆಂವಯ್ಲೆಂ ಆನಿ ತಾಕಾ ಚಲೊನ್ ಯೇಂವ್ಕ್ ಸಾಂಗ್ಲೆಂ.ಖ್
ಇಲ್ಲಿ ವಾಟ್ ಮುಖಾರ್ಸುನ್ ವೆತಾಸ್ತಾಂ ತಾಚಾ ಮತಿಕ್ ಅನ್ಯೇಕ್ ಚಿಂತಾಪ್ ಉದೆಲೆಂ ಲೋಕ್ ಕಿತೆಂ ಚಿಂತುಕ್ ಆಸಾ? ಬಿರ್ಮತ್ ಬುರ್ಗ್ಯಾಕ್ ತ್ಯಾ ವೊತಾಂತ್ ಚಲೊಂಕ್ ದೀವ್ನ್ ಹೊ ಮಾಲ್ಘಡೊ ಗಾಡ್ವಾಚೆರ್ ಬೊಸ್ಲಾ ಅಶೆಂ ಚಿಂತುನ್ ತೊಯ್ ಸಕ್ಲಾ ದೆಂವ್ಲೊ ಆನಿ ಫ಼ಕತ್ತ್ ವೊಜೆಂ ತ್ಯಾ ಗಾಡ್ವಾ ವಯ್ರ್ ದವರ್ನ್ ಇಲ್ಲಿ ವಾಟ್ ಮುಖಾರುನ್ ಗೆಲೊ
ಅಶೆಂಚ್ಚ್ ಮುಖಾರುನ್ ವೆತಾಸ್ತಾಂ ತಾಚಾ ಮತಿಂತ್ ಅನ್ಯೇಕ್ ಚಿಂತಾಪ್ ಉದೆಲೆಂ ಪಳೆಲ್ಲೊ ಲೋಕ್ ಕಿತೆಂ ಮ್ಹಣೊಂಕ್ ಆಸಾ? ಗಾಡಾಂವ್ ಆಸೊನೀ ಹೆ ಚಲೊನ್ ವೆತಾತ್ ಅಶೆಂ ಚಿಂತುನ್ ತಾಣೆ ನಾತ್ವಾಕ್ ಗಾಡ್ವಾಚೆರ್ ಬೊಸಯ್ಲೆಂ ಆನಿ ಇಲ್ಲಿ ವಾಟ್ ಮುಖಾರುನ್ ಗೆಲೊ.
ಅಶೆಂಚ್ಚ್ ಇಲ್ಲಿ ವಾಟ್ ಚಲ್ಲ್ಲ್ಯಾ ಉಪ್ರಾಂತ್ ಪರತ್ ಅನ್ಯೇಕ್ ಚಿಂತಾಪ್ ತಾಚಾ ಮತಿಂತ್ ಆಯ್ಲೆಂ ಆನಿ ತೊ ಚಿಂತುಂಕ್ ಲಾಗ್ಲೊ - ಪಳೆಲ್ಲೊ ಲೋಕ್ ಕಿತೆಂ ಚಿಂತುಂಕ್ ಆಸಾ? ಹಾಂವ್ ಬೆಷ್ಟೊಂ ಚಲೊನ್ ವೆತಾಂ ಆನಿ ಹ್ಯಾ ತೋಂಡ್ ಯೇನಾತ್ಲ್ಲ್ಯಾ ಮನ್ಜಾತೆಚೆರ್ ಹ್ಯಾ ಬೊರ್ಕುಟ್ಯಾ ವೊತಾಂತ್ ವೊಜೆಂ ದಿಲಾಂ ಅಶೆಂ ಮ್ಹಣೊನ್ ತಾಣೆಂ ತೆಂ ವೊಜೆಂ ಆಪ್ಲ್ಯಾ ಖಾಂದ್ಯಾರ್ ವಾವಂವ್ನ್ ಆಪ್ಲಿ ವಾಟ್ ಮುಖಾರ್ಸಿಲಿ.
ಸಂದೇಶ್: ಹ್ಯಾ ಕಾಣ್ಯೆಕ್ ಆನಿ ಆಮ್ಚಾ ಜಿಣ್ಯೆಕ್ ಲಾಗ್ಸಿಲೊ ಸಂಬಂಧ್ ನಾಂಗಿ? ಆಮ್ಕಾಂಯ್ ಸಭಾರ್ ಪಾವ್ಟಿಂ ಸಭಾರ್ ರಿತಿಂನಿ ಆಮ್ಚಾ ಕರ್ನ್ಯಾಂನಿ ಹೆರಾಂಚೊ ಹುಸ್ಕೊ ಆಸಾನಾಂಗೀ? ಹೆರಾಂ ಕಿತೆಂ ಚಿಂತಿತ್ ಕೊಣ್ಣಾ, ಹೆರಾಂ ಕಿತೆಂ ಉಲಯ್ತಿತ್ ಕೊಣ್ಣಾ. ಆಮಿ ಜಿಯೆಂವ್ಚೆ ಹೆರಾಂ ಖಾತಿರ್ ನ್ಹಯ್ ತರೀ ಸಭಾರ್ ಪಾವ್ಟಿಂ ಗರ್ಜೆಭಾಯ್ಲೊ ಹೆರಾಂಚೊ ಹುಸ್ಕೊ ಆಮ್ಚಾನ್ ಥೊಡೆ ಪಾವ್ಟಿಂ ಪಿಶಿಂ ಕಾಮಾ ಕರಯ್ತಾ ನ್ಹಯ್ಗೀ?
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
