ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ರಾಂದ್ಪಾವೋಳ್
ದಾಯ್ಜ್ ಕುಜ್ನ್:ದಾಯ್ಜ್ಚೊ
ಪ್ರಮುಖ್ ಇರಾದೊ ಕೊಂಕ್ಣಿ ಸಾಹಿತ್ಯಾಚೊ ತರ್ಯ್ ವಾಚ್ಪ್ಯಾಂಚಾ ಪಸಂದೆಖಾತಿರ್ ಆಸಾ ಕೆಲ್ಲ್ಯಾ ದಾಯ್ಜ್ ಕುಜ್ನಾಂತ್ ಆಮ್ಚಾ ಮಾಂಯ್ಗಾಂವ್ಚಾ ಎಕೆಕಾಚ್ ಖಾಣಾ-ರಾಂದ್ಪಾಚೊ, ತಾಚಾ ತಯಾರಾಯೆಕ್ ಗರ್ಜೆಚ್ಯೊ ವಸ್ತು ತಶೆಂಚ್ ತೆಂ ಕಶೆಂ ರಾಂದ್ಚೆಂ ಮ್ಹಳ್ಳೆಂ ವಿವರ್ಚಾ ಇರಾದ್ಯಾನ್ ಹಿ ವೋಳ್ ಆಸಾ ಕೆಲ್ಯಾ,
ರಾಂದ್ಪಿಣ್: ಹರ್ಯೆಕಾ ಮಯ್ನ್ಯಾಂತ್, ತಿಚೆಂ ತಶೆಂಚ್ ಸಂಪಾದನ್ ಕೆಲ್ಲೆಂ ಹೆರಾಂಚೆಂ ಎಕೆಕ್ ನವೆಂ ರಾಂದಾಪ್ ತುಮ್ಚೆಮುಖಾರ್ ಹಾಡ್ನ್ ಯೆತೆಲೆಂ ಫೆರಾರ್ ಫಿರ್ಗಜೆಚೆಂ ಬಾಯ್ ಪ್ರಿಯಾ ಸಿಕ್ವೇರಾ. ತುಮ್ಕಾಂಯ್ ಹಾಂತುಂ ತುಮ್ಚಿಂ ರಾಂದ್ಪಾಂ ಧಾಡುಂಕ್ ಆಸಾತ್ ತರ್ ತಿಂ ತುಮಿಂ priya@daaiz.com ವಿಳಾಸಾಕ್ ಧಾಡ್ಯೆತಾ. ವಿಂಚ್ಣಾರ್ ಬರ್ಪಾಂಕ್ ಎಕ್ಟಾಂವ್ನ್ ಎಕಾ ಬುಕಾರುಪಾರ್ ಪರ್ಗಟ್ ಕರ್ಚೆಂ ಯೋಜನ್ಯ್ ಆಸ್ತೆಲೆಂ.
ರಾಂದ್ಪಾವೋಳ್ - 6. ಚಿಕನ್ ಚಿಲ್ಲಿ [- ಸೆನೊರಿಟಾ ಬಾರ್ಬೋಜ್, ಅಮೆರಿಕಾ]
ರಾಂದ್ಪಿಣೆಚಿ ಮಟ್ವ್ಯಾನ್ ವಳೊಕ್:ಬಾಯ್
ಸೆನೊರಿಟಾ ಬಾರ್ಬೊಜಾ (ಅತಾಂ ಡಿ’ಸೋಜಾ) ಗಾಂವಾನ್ ಬಳ್ಕುಂಜೆಚೆಂ, ಬೊಂಬಯ್ ಲ್ಹಾನ್ ವ್ಹಡ್ ಜಾಲ್ಲೆಂ. ಪ್ರಸ್ತುತ್ ಅಮೇರಿಕಾಂತ್ ವೆಬ್ ಡಿಸೈನರ್ ಜಾವ್ನ್ ವಾವ್ರ್ ಕರುನ್ ಆಸಾ. ರಾಂದಾಪ್ ತಯಾರ್ ಕರ್ಚೆಂ ಹಿಚೆಂ ಮೊಗಾಚೆಂ ಹವ್ಯಾಸ್.
- ಪ್ರಿಯಾ ಸಿಕ್ವೇರಾ, ಫೆರಾರ್
ಸೆನೊರಿಟಾ ಬಾರ್ಬೊಜಾ
ಗರ್ಜೆಚ್ಯೊ ವಸ್ತು:
1/2 ಕಿಲೊ ಚಿಕನ್
2 ಚಾಯೆ ಕುಲೆರ್ ಮಿರ್ಸಾಂಗೆಚೊ ಪಿಟೊ
1 ಚಾಯೆ ಕುಲೆರ್ ಗರಮ್ ಮಸಾಲಾ ಪಿಟೊ
1 ಕ್ಯಾಪ್ಸಿಕಮ್ ಮಿರ್ಸಾಂಗ್ (ಹಳ್ತಾಚೆ ಕುಡ್ಕೆ ಕರ್)
1 ವ್ಹಡ್ ಪಿಯಾವ್ (ಬಾರಿಕ್ ಶಿಂದ್)
1 ಹಳ್ತಾಚೊ ಟೊಮೆಟೊ (ಬಾರಿಕ್ ಶಿಂದ್)
4 ಚಾಯೆ ಕುಲೆರ್ ಸೊಯಾ ಸೊಸ್
2 ಚಾಯೆ ಕುಲೆರ್ ಆಲ್ಯಾ - ಲೊಸುಣೆಚೊ
ಪೇಸ್ಟ್
1/2 ಚಾಯೆ ಕುಲೆರ್ ಹಳ್ದಿಚೊ ಪಿಟೊ
ರುಚಿಕ್ ತೆಕಿದ್ ಮೀಟ್
ಜಾಯ್ ತಶೆಂ ತೇಲ್ ವಾ ತೂಪ್
ಕರ್ಚಿ ರೀತ್:
ಚಿಕನಾಚೆ ಹಳ್ತಾಚೆ ಕುಡ್ಕೆ ಕರ್ನ್, ಧುವ್ನ್ ದವರ್. ತೊಪ್ಲ್ಯಾಂತ್ ತೇಲ್ ವಾ ತೂಪ್ ಹುನ್ ಕರ್ನ್ ಪಿಯಾವ್ನ್ ಘಾಲ್ನ್ ಪಾಂಚ್ ಮಿನುಟಾಂ ಭರ್ ಬಾಜ್. ಉಪ್ರಾಂತ್ ಆಲ್ಯಾ ಲೊಸುಣೆಚೊ ಪೇಸ್ಟ್ ಘಾಲ್ನ್ ಧಾ ಸೆಕುಂಡಾ ಚಾಳ್ನ್ ರಾವ್. ಉಪ್ರಾಂತ್ ಟೊಮೆಟೊ ಘಾಲ್ನ್, ಪೇಸ್ಟ್ ಜಾತಾ ಮ್ಹಣಾಸರ್ ಚಾಳ್ನ್ಂಚ್ ರಾವ್. ಚಿಕನ್ ಘಾಲ್ನ್
ವೀಸ್ ಮಿನುಟಾಂ ಚಾಳ್ನ್ಂಚ್ ರಾವ್. ರುಚಿಕ್ ತೆಕಿದ್ ಮೀಟ್ ಘಾಲ್. ಮಾಸ್ ಅರ್ಧೆಂ ಉಕಡ್ಲ್ಯಾ ಉಪ್ರಾಂತ್ ಹಳ್ದಿಚೊ ಪಿಟೊ, ಗರಮ್ ಮಸಲಾ, ಸೊಯಾ ಸೋಸ್, ಮಿರ್ಸಾಂಗೆಚೊ ಪಿಟೊ ಘಾಲ್. ಮಾಸ್ ಬರೆಂ ಉಕಡ್. ಭುಂಯ್ ದವರ್ಚಾ ಪಯ್ಲೆಂ ಉದಾಕ್ ಸುಕ್ಲ್ಯಾರ್ ಬರೆಂ. ಉಪ್ರಾಂತ್ ಕ್ಯಾಪ್ಸಿಕಮ್ ಘಾಲ್ನ್ ಭುಂಯ್ ದವರ್.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
