ಸೆಡ್ರಿಕ್

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಕವಿತಾಝರ್

     ಸೊಧ್ನಾಂ

ದೀಸ್ ಜೂನ್ ಜಾಂವ್ಚೆ ಆದಿಂ

ಉಂಡಿ ಲಾಯ್ತಲಿ ನಾ ಜಾತಾನಾ

ವೆಳಾ ಜೆವ್ಣಾಂಕ್ ಸೊಧ್ನಾಂ..

ಪರ್‍ತ್ಯಾನ್ ವೆಳಾ ಜೆವ್ಣಾಂಕ್

ಎಕ್ಸುರ್‌ಪಣಾಚಾ ಪಯ್ಣಾರ್.

ಮೊವಾಳ್, ನಿತಳ್ ಮನಾಚಾ

ಮತಿ ಭಿತರ್ ನಾಡ್ಚಿಂ ಚಿಂತ್ನಾಂ

ಮುಳಾಂತ್‌ಚ್ಚ್ ಕಾತರ್ನ್ ಉಡಂವ್ಕ್

ಕಿತ್ತೂರ್‌ಚ್ಯೆ ರಾಣಿಯೆಚಾ ಝುಜಾ ಭಾಶೆನ್

ತಾಳೊ ಸಂಗೀತಾ ಸಂಗಿಂ ಸದಾಂಚೆಂ ಝುಜ್.

ಸಭಾರ್ ಪದಾಂ ಮ್ಹಳ್ಳ್ಯಾ ಸುಕ್ಣ್ಯಾಂಕ್

ಮತಿ ಪಿಂಜ್ರ್ಯಾಂತ್ ಖೈದ್ ಕರುನ್

ವೆಳಾ ಉಂಡಿ ಜೊಡ್ಚಾಕ್

ಸ್ವತಂತ್ರ್ ಜಾಂವ್ಕ್

ಉಡೊಂಕ್ ಸೊಡ್ಚೆಂ ಭುರ್‍ಗ್ಯಾಪಣ್.

ಮೊವಾಳ್ ಮುಖಮಳಾಚಾ ಭುರ್ಗ್ಯಾ

ಅಯ್ಯೋ ಭುರ್‍ಗೊ ತುಂ, ಮುಖ್ಲೆಂ ಜನಾಂಗ್ ತುಂ

ತಾಳೊ, ಸಂಗೀತಾಕ್ ತುಂಚ್ ಚಾಲಕ್

ಜೀವನ್ ಸರಾಸರ್ ಜಾತಲೊಯ್

ಕವಿತಾಂಚೊ ಮ್ಹಾಲಕ್.

ಕವಿತಾಝರ್ - 197

- ಜೇಮ್ಸ್ ಸೆಡ್ರಿಕ್ ವಾಜ್, ಪಡುಕೋಣೆ 

ಕವಿ ಜೆದ್ನಾಂ ಮನ್ಶಾ ಸಂಬಂಧಾಂನಿ ಕವಿತೆಚೆ ಸೊಧ್ನೆರ್ ಪಡ್ತಾನಾ, ಥಂಯ್ಚರ್ ತಾಕಾ ಏಕ್ ದೋನ್ ನ್ಹಂಯ್, ಕವಿತೆಂಚೊ ವ್ಹೊರ್‌ಚ್ಚ್ ದಿಶ್ಟಿಕ್ ಪಡ್ತಾ ಮ್ಹಣ್ಚ್ಯಾಕ್ ಹೆಂ ಕವಿತಾ ಗೊವಾಯ್.

ಕವಿತಾಝರ್ ಪಾನಾಕ್

ಪಾಟಿಂ ದಾಯ್ಜ್ ಪಾನಾಕ್

About us | Feedback | Contact us
Copyright © 2005 DAAIZ.COM All rights reserved. Page concept, designed and maintained by Ashawadi Publications