ಸಾಯ್ಟಿಚೆರ್

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ ’ದಾಯ್ಜ್’ ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಸವಾಲಾಂಕ್ ಜಾಪಿ

ಹ್ಯಾ ಅಂಕಣಾಂತ್ ಇನಾಮಾಂಕ್ ಫಾವೊ ಜಾಲ್ಲ್ಯಾ ಸವಾಲಾಂಚೆಂ ಪೋಶಕ್ ಜಾವ್ನಾಸಾತ್ ಹಿಂ ಕೊಂಕ್ಣಿ ಪತ್ರಾಂ

Placeholder: the original page gave this picture no description, and none has been written yet. It came from daaiz\daaiz\column\sz\sz6.asp.

ದಿವೊ ಹಾಫ್ತ್ಯಾಳೆಂ

ಮಿತ್ರ್ ಹಾಫ್ತಾಳೆಂ

ಸೆವಕ್ ಮಯ್ನ್ಯಾಳೆಂ

ಅಂಕಣ್‌ಕಾರಾ ವಿಶ್ಯಾಂತ್

’ಮಿತ್ರ್’, ’ಝೆಲೊ’ ತಶೆಂಚ್ ’ಕಾಣಿಕ್’ ಪತ್ರಾಂಚೆಂ ಸಂಪಾದಕ್ಪಣ್ ಚಲಂವ್ಚೆ ಮಾರಿಫಾತ್, ಕೊಂಕ್ಣಿ ಪತ್ರಿಕೋಧ್ಯಮಾಂತ್ ಭರ್ಪೂರ್ ಅನ್ಭೋಗ್ ಆಸ್ಚೊ ದೊ|ಆಸ್ಟಿನ್ ಡಿ’ಸೋಜ್ ಪ್ರಭು ಪ್ರಸ್ತುತ್, ಅಮೆರಿಕಾಂತ್ ಅಪ್ಲ್ಯಾ ಕುಟ್ಮಾಸವೆಂ ವಸ್ತಿ ಕರುನ್ ಆಸಾ. ಕೊಂಕ್ಣಿ ಭಾಸ್/ಸಾಹಿತ್ಯಾಚಾ ವ್ಹಾಡಾವಳೆಕ್ ಖಾಂದ್ ದಿಲ್ಲೊ ಹೊ ಏಕ್ ಸಂಘಟಕ್/ಮುಖೆಲಿ ತಶೆಂಚ್ ಕೊಂಕ್ಣಿ ಕಾರ್ಭಾರಿ ಜಾವ್ನಾಸಾ.

ಹಾಚಾ ವೆಕ್ತಿತ್ವಾ/ವಿಚಾರಾಂವಿಶಿಂ ಚಡ್ ಜಾಣಾಂ ಜಾಂವ್ಕ್ ಕೊಂಕ್ಣಿ ಕಾರ್ಭಾರಿ ಅಂಕಣಾಕ್ ಭೆಟ್ ದೀ.

[ಹೆಂ ಮಯ್ನ್ಯಾಳೆಂ ಅಂಕಣ್ ಜಾವ್ನಾಸಾ, ತುಮ್ಚಿಂ ಸವಾಲಾಂ ವಿಚಾರಾ, ಇನಾಮಾಂ ಜೊಡಾ]

ಆಸ್ಟಿನ್ ಅಂಕಲ್ - ತುಕಾ ಸಾಯ್ಟಿಚೆರ್ (ದಾಯ್ಜ್) ಜಾಪಿ ದೀಂವ್ಕ್ ಪಸಂದ್‌ಗಿ ವಾ ಪತ್ರಾಂತ್ (ಕಾಣಿಕ್)? [ದುಮಿಂಗ್, ದುಭಾಯ್]

ಹಾಂವ್ ಜಾಪಿ ದಿತಾನಾ ಅಂತರ್‌ಜಾಳ್ (ಸಾಯ್ಟ್) ವ ಪತ್ರ್ ಮ್ಹಳ್ಳೆಂ ಗಮನಾಂತ್ ದವ್ರಿನಾ; ಸವಾಲ್ ಖಂಯ್ಸರ್‌ಯೀ ಆಸೊಂ, ಮ್ಹಜಿ ಜವಾಬ್ ಆಸ್ತೆಲಿ ಥಂಯ್ಸರ್ ಹನಿಮೂನ್ ರಾತಿಂ ವಿಣ್ಗಿ ಹೊಕಾಲ್ ತುಜ್ಯಾ ಆಪ್ಲ್ಯಾ ನವ್ರ್ಯಾಕ್ ರಾಕೊನ್ ರಾವ್‌ಲ್ಲೆಪರಿಂ.

ಫುಟ್‌ಬೋಲ್ ವಿಶ್ವ್‌ಕಪ್ಪಾಂತ್ ಭಾರತಾಚೆಂ ಟೀಮ್ ಕಿತ್ಯಾಕ್ ನಾ? [ಶಾಲೆಟ್, ವಾಲೆನ್ಸಿಯಾ]

ಭಾರತೀಯ್ ದಾದ್ಲೆ ಸರ್ವಾಂ ಮುಖಾರ್ ಖೆಳಾಂಗ್ಣಾಂತ್ ಪಾಂಯ್ ಉಕಲ್ಚ್ಯಾಂತ್ ಭಾರಿಚ್ ಪಾಟಿಂ; ತಾಂಕಾಂ ಬೋಲ್ ಮೆಳ್ಳ್ಯಾರ್ ತೆ ಹಾತಿಂ ಧರುನ್ ಘರಾ ವ್ಹರ್ತಾತ್ ಏಕಾ ಸೊಭಿತ್ ಸುಂದರ್ ಚಲಿಯೆಪರಿಂ.

ಗಾಂವಾಂತ್ ಬಾಯ್ಲ್ ಭುರ್ಗಿಂ ಆಸ್ಚೆ ಗಲ್ಫಾಂತ್ಲೆ ಸಭಾರ್ ಮಲ್ಬಾರಿ ಮಂಗ್ಳುರಿ ಬಾಯ್ಲಾಂಲಾಗಿಂ ಕಾಜಾರ್ ಜಾತಾತ್‌ಮೂ? [ಬಾಜಿಲ್, ಬಾಹ್ರೇಯ್ನ್]

ತಾಂಕಾಂ ಧರುನ್, ತಾಂಚಿ ಪಿಸ್ತುಲ್ ಕಾತ್ರುನ್ ತಾಚೊ ಖಿಮಾಂ ಕರುಂಕ್ ಜಾಯ್! ಉಪ್ರಾಂತ್ ಪಳೆ ತೆ ಬಾಯ್ಲೆ ಸಂಗಿಂಚ್ ರಾವ್ತಾತ್‌ಗೀ ನಾ ಮ್ಹಣ್.

ಗಾಂವ್ಚಾ ಇಸ್ಕೊಲಾಂನಿ ಕೊಂಕ್ಣಿ ಶಿಕಂವ್ಕ್ ಸುರು ಕೆಲಾಂ ಖಂಯ್, ಫುಡೆಂ ಕಿತೆಂ ಜಾಯ್ತ್‌ಗಾ ಕುಂಪಾರೆ? [ಕುಮಾದ್ರ್, ಕುಂದಾಪುರ್] (ಎಕಾ ವರ್ಸಾಚಿ ಸೆವಕ್ ಪತ್ರಾಚಿ ದೇಶಿ ವರ್ಗಣೆಚೆಂ ಇನಾಮ್ ಫಾವೊ ಜಾಲ್ಲೆಂ ಸವಾಲ್)

ಜಾಂವ್ಚೆಂ ಕಿತೆಂ ಕುಮಾದ್ರೆ? ಆಮ್ಚಿ ಕೊಂಕ್ಣಿ ಮಾಂಯ್ ಗಿರೆಸ್ತ್ ಜಾತೆಲಿ, ಬಳಿಷ್ಠ್ ಜಾತೆಲಿ, ಕೊಂಕ್ಣಿ ವೃದ್ಧಿ ಜಾತೆಲಿ.

ಹಿಟ್ಲರ್ ಬೊಟ್ಲೆರ್ ಜಾಯ್ತ್ ತರ್ ಘರಾಂತ್ ಕಿತೆಂ ಜಾಯ್ತ್ ಸಾಂಗ್ಶಿಗಿ ಇರ್ಮಾಂವ್? [ರೊಜಿಟಾ ನಜ್ರೆತ್,ಮಿರಾ ರೋಡ್]

ಹಿಟ್ಲರ್ ಬೊಟ್ಲೆರ್ ಜಾಯ್ತ್ ಜಾಲ್ಯಾರ್ ತಾಚಿ ಬಾಯ್ಲ್ ಇಂದಿರಾ ಗಾಂಧಿ ಜಾವ್ನ್ ಘೊವಾಕ್ ಗೃಹ ಬಂಧನಾಂತ್ ದವ್ರಿತ್ ತುರ್ಥ್ ಪರಿಸ್ಥಿತಿ!

ಮಂಗ್ಳುರ್ಚೊ ಬಾವ್ಟೊ ಗುಡೊ ಪಡ್ಚಾರ್ ಆಸಾ ಮ್ಹಣ್ತಾತ್ - ಮ್ಹಾಕಾ ಅಮೆರಿಕಾ ವರ್ಶಿವೆ ಆಸ್ಟಿನಾ? [ಜೆರ್ಮಿ, ಜೆಪ್ಪು]

ತುಂ ಬಾವ್ಟ್ಯಾ ಗುಡ್ಯಾರ್ ಕಿತ್ಯಾ ಸಕಾಳಿಂ ಫುಡೆ ಚೆಂಬು ಘೆವ್ನ್ ವೆತಾಯ್? ಘರಾ ತುಮ್ಗೆರ್ ಕಾಕುಸ್ ನಾಂವೆ??

ಮಂಗ್ಳುರಾಂತ್ ಅನ್ಯೇಕ್ ಕೊಂಕ್ಣಿ ಪತ್ರ್ ಸುರು ಜಾಲೆಂ ಖೈಂ - ಆಮಿಂಯ್ ಏಕ್ ಪತ್ರ್ ಕಾಡ್ಯಾಂಗಿ ಆಸ್ಟಿನಾ? [ಸೆವ್ರಿನ್, ಶಿರ್‍ವಾಂ]

ನಾಕಾರೆ ಬಾಬಾ, ನಾಕಾ! ಹಾಂವೆಂ ತೀನ್ ಪತ್ರಾಂ ಥಾವ್ನ್ ಡೈವೋರ್ಸ್ ಘೆತ್‌ಲ್ಲೆಂಚ್ ಪುರೊ.

ಮಹಾಜನಾಚಾ ಪುತಾಕ್ ಆಮಾಲ್ ಸೆವ್ತಾನಾ ಧರ್ಲೊ - ಪುಣ್ ಆಮ್ಚಾ ಮಂಗ್ಳುರಾಂತ್ ಆಸ್ಚಾ ಕುಡ್ಚೆಲಾಂಕ್ ಸುಣೆಂಯ್ ಹುಂಗಾನಾ ಕಿತ್ಯಾಕ್? [ವಿನ್ಸಿ, ಬೆಂಗ್ಳುರ್]

ಕೋಣ್ ಮ್ಹಣ್ತಾ ತೆಂ ವಿನ್ಸಿ? ತೆ ಆಮಾಲ್ ಜಾವ್ನ್ ಪಡ್‌ಲ್ಲ್ಯಾ ತೆನ್ನಾಂ ಸುಣೆಂ ತಾಂಚ್ಯಾ ತೋಂಡಾರ್ ಸುಸು ಕರ್ತಾನಾ, ತೆ ತಾಂಚ್ಯಾ ಬಾಯ್ಲೆನ್ ಪಿಯೆಂವ್ಕ್ ಉದಾಕ್ ದಿಲೆಂ ಮ್ಹಣ್ ಚಿಂತುನ್ ಗಿಳುನ್ಂಚ್ ರಾವ್ತಾತ್ ತೆಂ ಭೋವ್ಶಾ ತುಕಾ ಕಳಿತ್ ನಾ!

ತುಜ್ಯೊ ಜಾಪಿ ವಾಚುನ್ ಮ್ಹಜಿ ಯೇಣ್ ತುಜೆರ್ ಮೊಗಾರ್ ಪಡ್ಲ್ಯಾಮೂ? [ಡೇವಿಡ್ ರೊಡ್ರಿಗಸ್, ಪೆರ್ಮುದೆ]

ಧಾಡ್ ತಿಕಾ ಅಮೇರಿಕಾ! ಹಾಂವ್ ತಿಕಾ ಯೆಣೊಂ ಯೇಂವ್ಕ್ ಸುರು ಜಾತಾ ಪರ್ಯಾಂತ್ ಆಮ್ಗೆರ್ ದವ್ರುನ್ ಉಪ್ರಾಂತ್ ತುಮ್ಗೆರ್ ಧಾಡ್ತಾಂ.

ಕೊಂಕ್ಣೆಂತ್ಲೆಂ ಲಾಂಬ್ ಕವಿತಾ ಬರಂವ್ಕ್ ಚಿಂತುನ್ ಆಸಾಂ - ಕುಮೊಕ್ ದಿಶಿಗಿ? [ಪಾಸ್ಕು ಸೊಜ್, ಪಾಂಬೂರ್]

ಲಾಂಬ್ ಕವಿತಾ ಬರಂವ್ಚೆಂ ಮ್ಹಳ್ಯಾರ್ ಭಿಕ್ಣಾಂ ಖಾವ್ನ್ ಪುಸ್ಕು ಕರ್ಚ್ಯಾ ತಿತ್ಲೆಂ ಸುಲಭ್ ನಹಿಂ ಪಾಸ್ಕು.

ಗಾಂವಾಂತ್ ಆತಾಂ ಆಟಿ ಮಯ್ನೊ ಖೈಂ - ಅಮೆರಿಕಾಂತ್ ಖಂಚೊಗಾ? [ದುಕೊರ್ ಬೊಸ್ತ್ಯಾಂವ್, ದುಬಾಯ್]

ಹಾಂಗಾಯೀ ತೊಚ್ಚ್ ಆಟಿ ಮಹಿನೊ ಬೊಸ್ತು; ಸೆಜಾರಾ ಪೆಟೆ ಏಕಾಮೆಕಾ ಆಂಗಾರ್ ಉಡೊಂಕ್ ತಯಾರ್ ಜಾಲ್ಯಾತ್, ತುಂ ದುಬಾಯ್ ಕಿತೆಂ ಕರ್ತಾಯ್?

ಹಾಂಗಾ ಥೊಡೆ ಅಪುಣ್ ’ಶ್ರೇಷ್ಠ್’ ಮ್ಹಣ್ ಸಂಸಾರಾಕ್ ದಾಖಂವ್ಕ್ ಹೆರಾಂಚ್ಯೊ ಖೊಡಿ ಕಾಡುಂಕ್ ಲಾಗ್ಲ್ಯಾತ್‌ಮೂ? [ಸನ್ನೇಶಿ ಬೊಳಿಯೆ]

ತಾಂಕಾಂ ಕಾಪಾತ್ ಕರುನ್ ಸನ್ನೇಶಿ ಕರುಂಕ್ ಜಾಯ್, ಮನ್ಜಾತಿಪರಿಂ ಜಿಯೆಂವ್ಕ್ ಆಸಾತ್.

ಕವಿ ಜಾಂವ್ಚೆಂ, ಕಾಣ್ಯೆಗಾರ್ ಜಾಂವ್ಚೆಂ, ನಾಟಕಿಸ್ತ್ ಜಾಂವ್ಚೆಂ, ಕಾದಂಬರಿಕಾರ್ ಜಾಂವ್ಚೆಂ ಆನಿ ವಿಮರ್ಶಕ್ ಜಾಂವ್ಚೆಪಯ್ಕಿ ಖಂಯ್ಚೆಂ ಭೋವ್ ಸಲೀಸ್ ಆಸ್ಟಿನಾ? [ಅಸ್ಕತ್ ಪಿಲೊ, ಮಸ್ಕತ್] (ಎಕಾ ವರ್ಸಾಚಿ ಮಿತ್ರ್ ಪತ್ರಾಚಿ ದೇಶಿ ವರ್ಗಣೆಚೆಂ ಇನಾಮ್ ಫಾವೊ ಜಾಲ್ಲೆಂ ಸವಾಲ್)

ವಿಮರ್ಶಕ್ ಜಾಂವ್ಚೆಂ ಭಾರಿಚ್ ಸುಲಭ್; ತಕ್ಲೆಂತ್ ಮೆಂದು ನಾ ಜಾಲ್ಯಾರೀ ಹೆರಾಂಚ್ಯೊ ಖೊಡಿ ಕಾಡುನ್ಂಚ್ ರಾವ್ಯೆತ್.

ಕೊಂಕ್ಣೆಂತ್ ಪಾರ್ದನಾ ಆಯ್ಕೊಂಕ್ ಮನ್ ಜಾಲಾಂಗಾ - ಕೊಣ್‌ಯ್ ಗಾವ್ಪಿ ಆಸಾತ್‌ಗಿ ಅಮೆರಿಕಾಂತ್? [ದುಕೊರ್ ಬಾಬುಟಿ, ಮೊಡಂಕಾಪ್]

ಬರ್ಪೂರ್ ಆಸಾತ್ - ಜೋರ್ಜ್ ಬುಶ್, ಡಿಕ್ಕ್ ಚೇನಿ, ಇತ್ಯಾದಿ. ಬಾಯ್ಲ್ ನಿದ್ಲ್ಯಾ ಉಪ್ರಾಂತ್ ಸಿಎನ್‌ಎನ್ ವಾರ್ತಾ ಟೀವಿರ್ ಪಳೆ ಆನಿ ವಿಣ್ಗೊ ನಾಚ್ ತಾಂಚ್ಯಾ ಪಾರ್ದನಾಂಕ್.

ಅಂಕಲ್, ಆತಾಂಚ್ಯಾ ಟೀವಿ ಸೀರಿಯಲಾಂನಿ ಬಾಯ್ಲಾಂಚ್ ಚಡ್ತಾವ್ ರೌಡಿ ಜಾವ್ನ್ ಆಸಾತ್‌ನೆ, ಕಿತ್ಯಾಕ್? [ಗೀತಾ, ಬೆಂಗ್ಳುರ್] (ಎಕಾ ವರ್ಸಾಚಿ ದಿವೊ ಪತ್ರಾಚಿ ದೇಶಿ ವರ್ಗಣೆಚೆಂ ಇನಾಮ್ ಫಾವೊ ಜಾಲ್ಲೆಂ ಸವಾಲ್)

ದಾದ್ಲೆ ’ಚಕ್ಕಾ’ ಜಾವ್ನ್ ಯೆತಾನಾ ಬಾಯ್ಲಾಂನಿ ರೌಡಿ ಜಾಲ್ಲ್ಯಾಂತ್ ಕಿತೆಂಚ್ ನವಾಲ್ ನಾ. ಆದಾಂವ್ಕ್ ಏಪ್ಪಲ್ ಖಾವಯಿಲ್ಲಿಂ ಬಾಯ್ಲಾಂ ಕಿತೇಂಯ್ ಕರ್ತಿತ್!

ಎಕಾ ವರ್ಸಾಚಿ ದೇಶಿ ವರ್ಗಣಿ ಹ್ಯಾ ಸಕಯ್ಲ್ಯಾಂಕ್ ಫಾವೊ ಜಾತಾ

’ಮಿತ್ ಹಾಪ್ತ್ಯಾಳೆಂ’

ಅಸ್ಕತ್ ಪಿಲೊ, ಮಸ್ಕತ್

’ದಿವೊ ಹಾಪ್ತ್ಯಾಳೆಂ’

ಗೀತಾ, ಬೆಂಗ್ಳುರ್

’ಸೆವಕ್ ಮಯ್ನ್ಯಾಳೆಂ’

ಕುಮಾದ್ರ್, ಕುಂದಾಪುರ್

(ಇನಾಮಾಂ ಜಿಕ್ಪ್ಯಾಂಕ್ ತಾಂಚಿಂ ಇನಾಮಾಂ ತಾಣಿಂ ದಿಲ್ಲ್ಯಾ ವಿಳಾಸಾಕ್ ಪಾವ್ತೆಲಿಂ, ಚೂಕ್ ವಿಳಾಸಾಕ್ ಆಮಿ ಜವಾಬ್ಧಾರ್ ನಾಂವ್) - ಸಂ.

ತುಮ್ಚಿಂ ಸವಾಲಾಂ ಧಾಡುಂಕ್ ವಿಳಾಸ್: austinporob@gmail.com ವಾ editor@daaiz.com

ಹ್ಯಾ ಅಧ್ಲಿಂ ಸವಾಲಾಂ-ಜಾಪಿ: 1 , 2, 3 , 4 , 5