’ಸಂಪದ್ಲೆಂ’

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ ’ದಾಯ್ಜ್’ ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಕೊಂಕ್ಣಿ ಕವಿತಾ ಕ್ವಿಜ್- 9

ಶರೊ: ಕೊಂಕ್ಣಿ ಕವಿತಾವಿಶಿಂ ವಾಚ್ಪ್ಯಾಂಕ್ ಚಡಿತ್ ಮಾಹೆತ್ ದಿಂವ್ಚಾ ಇರಾದ್ಯಾನ್ ಹೊ ಸ್ಪರ್ಧೊ ಆಸಾ ಕೆಲಾ ಶಿವಾಯ್ ಕೊಣಾಯ್ಚೆಂಯ್ ಉಣೆಂಪಣ್ ಕರುಂಕ್ ವ ದುಖಂವ್ಕ್ ಭಿಲ್ಕುಲ್ ನ್ಹಂಯ್. ಹ್ಯಾ ಧಾ ಸವಾಲಾಂಕ್ ಸಾರ್ಕ್ಯೊ ಜಾಪಿ ಧಾಡ್ನ್ ದೀಂವ್ಕ್ ಅಖ್ರೇಚಿ ತಾರಿಕ್: 15 ನವೆಂಬರ್ 2006.

ಪಯ್ಲೆಂ ಇನಾಮ್: ಸಾಗೊರಾಚ್ಯಾ ವಾಟೆಚ್ಯೊ ಝರಿ ಬೂಕ್ [ಶೆಂಭೊರ್ ಕವಿತಾಂಚೊ ಕೊಂಕ್ಣೆಂತ್ಲೊ ಪಯ್ಲೊ ಕವಿತಾಜಮೊ].
ದುಸ್ರೆಂ ಇನಾಮ್: ಎಚ್ಚೆಮ್ ಹಾಚೊ ಕವಿತಾಜಮೊ - ಬಾಮುಣಾಚೆಂ ಚೆಡುಂ.
ತಿಸ್ರೆಂ ಇನಾಮ್: ’ದಿವೊ’ ಪತ್ರಾಚಿ ಎಕಾ ವರ್ಸಾಚಿ ವರ್ಗಣಿ.

ಜಾಪಿ ಧಾಡುಂಕ್ ವಿಳಾಸ್: daaiz@daaiz.com

1. ರಾಕ್ಣೊ ಪ್ರಕಾಶನಾನ್ ಪರ್ಗಟ್ ಕೆಲ್ಲೆಂ ’ಸಂಪದ್ಲೆಂ’ ನೀಳ್‌ಕವನ್ ಬರಯಿಲ್ಲೊ ಕವಿ.
[a> ಜೆ.ಬಿ.ಸಿಕ್ವೇರಾ b> ವಿಕ್ಟರ್ ರೊಡ್ರಿಗಸ್ c> ಎ.ಟಿ.ಲೋಬ್ d> ಡಾ|ಎಡ್ವರ್ಡ್ ನಜ್ರೆತ್ e> ಡಾ|ಎಡ್ವರ್ಡ್ ನೊರೊಞ್]

2.’ದೇವ್ ಹಾಸ್ಲೊ’ ಕವಿತಾಜಮ್ಯಾಚ್ಯಾ ಕವಿಚೆಂ ನಾಂವ್.
[a> ಪಿಡ್ವಾಜ್ b> ಸಿಜ್ಯೆಸ್ ತಾಕೊಡೆ c> ಸ್ವಾಮಿ ಸುಪ್ರಿಯಾ d> ಕಾವ್ಯಾದಾಸ್ e> ಮರಿದಾಸ್]

3. ’ಸ್ವಾಧಿಕ್ ಲ್ಹಾರಾಂ’ ಕವಿತಾಜಮ್ಯಾಚ್ಯಾ ಕವಿಚೆಂ ನಾಂವ್.
[a> ಪ್ರೀತಮ್ ಕಿರೆಂ b> ಜೆ.ಬಿ.ಮೊರಾಯಸ್ c> ರಾನ್ ಉದ್ಯಾವರ್ d> ವಿಲ್ಸನ್ ಕಟೀಲ್ e> ಜಿಯೋ ಆಗ್ರಾರ್]

4. ’ಪೊಳೆರ್’ ಕವಿತಾಜಮ್ಯಾಚ್ಯಾ ಕವಿಚೆಂ ನಾಂವ್.
[a> ಬರ್ನಾಡ್ ಜೆ. ಕೋಸ್ತಾ b> ಸಿಜ್ಯೆಸ್ ತಾಕೊಡೆ c> ಟೈಟಸ್ ತಾಕೊಡೆ d> ಎಡಿ ನೆಟ್ಟೊ e> ಲಿಲ್ಲಿ ಮಿರಾಂದಾ]

5. ’ಘಡ್ಘಡೊ’ ಕವಿತಾಜಮ್ಯಾಚ್ಯಾ ಕವಿಚೆಂ ನಾಂವ್.
[a> ಗ್ಲ್ಯಾಡಿಸ್ ರೇಗೊ b> ಶಿರ್ತಾಡಿ ವಿಲಯಂ ಪಿಂಟೊ c> ಪಾವ್ಲ್ ಮೋರಸ್ d> ವಿತ್ತಿ ಬೆಂಗ್ಳುರ್ e> ಬಾತ್ತಿ ಕೆಲರಾಯ್]

6. ’ಬಾಳ್ಕಾಂಚೆಂ ರಾಜ್’ ಕವಿತಾಜಮ್ಯಾಚ್ಯಾ ಕವಿಚೆಂ ನಾಂವ್.
[a> ಆನ್ಸಿ ಪಾಲಡ್ಕಾ b> ಮಾ|ಪ್ರತಾಪ್ ನಾಯ್ಕ್ c> ವಿಲ್ಮಾ ರೇಗೊ d> ಹೆರೊಲ್ಪಿಯುಸ್ e> ಸೋನಿಯಾ ದೆ’ಕೋಸ್ತಾ ]

7. ’ಕವಿತಾ ತುರೊ’ ಕವಿತಾಜಮ್ಯಾಚ್ಯಾ ಕವಿಚೆಂ ನಾಂವ್.
[a> ನವೀನ್ ಕುಲ್ಶೇಕರ್ b> ನವೀನ್ ಸಿಕ್ವೇರಾ, ಬ್ರಹ್ಮಾವರ್ c> ಪ್ರವೀಣ್ ತೌರೊ, ಕುಲ್ಶೇಕರ್ d> ಸುನಿಲ್ ಫೆರ್ನಾಂಡಿಸ್, ಕೋಟ e> ಜಿ.ಎಮ್.ಬಿ.ಲುದ್ರಿಕ್]

8. ’ಚ್ಯಾರ್ ಮುಖಾಂ’ ಕವಿತಾಜಮ್ಯಾಚ್ಯಾ ಕವಿಚೆಂ ನಾಂವ್.
[a> ಜೊರ್ಜಿ ಪೀಂತ್ ಅಯ್ಕೊಳ್ b> ಜೋನಿ ಸುರತ್ಕಲ್ c> ವಲ್ಲಿ ಕ್ವಾಡ್ರಸ್ d> ಆಂಡ್ರು ಎಲ್. ಡಿ’ಕುನ್ಹಾ e> ಎಡ್ವಿನ್ ವಾಸ್ ಕೆಲರಾಯ್]

9. ಆಸ್ಟಿನ್ ಪ್ರಭುಚ್ಯಾ ಫುಡ್ಲದ್ ಕವಿತಾಜಮ್ಯಾಚೆಂ ನಾಂವ್.
[a> ಫುಲಾನಾತ್‌ಲ್ಲಿಂ ಫುಲಾಂ b> ಉಜ್ವಾಡಾಂತ್ಲಿಂ ಫುಲಾಂ c> ವಾಟೆವಯ್ಲಿಂ ಫುಲಾಂ d> ಶೆತಾಂತ್ಲಿಂ ಫುಲಾಂ e> ಆಡೊಸಾಂತ್ಲಿಂ ಫುಲಾಂ]

10. ಮೆಲ್ವಿನ್ ಜೆ. ವಾಸ್ ಕೆಲರಾಯ್ ಏಕ್ ಫಾಮಾದ್.
[a> ಭಾಶಣ್‌ಕಾರ್ b> ವಿಮರ್ಶಕ್ c> ನಟ್ d> ಕಾದಂಬರಿಕಾರ್ e> ನಾಟಕಿಸ್ತ್]

ಫಳಿತಾಂಶ್

ಭಾಗ್ ಘೆತ್‌ಲ್ಲಿಂ: 22

ಸಾರ್ಕಿ ಜವಾಬ್ ದಿಲ್ಲ್ಯಾಂಚಿಂ ನಾಂವಾಂ:
1. ವಿನ್ಸಿ, ಬೆಂಗ್ಳುರ್ [ಇನಾಮ್: ಎಕಾ ವರ್ಸಾಚಿ ’ದಿವೊ’ ಪತ್ರಾಚಿ ವರ್ಗಣಿ]

2. ಸಿರಿಲ್ ಡಿ’ಸೋಜ್, ಮುಂಬಯ್. [ಇನಾಮ್: ’ಸಾಗೊರಾಚ್ಯಾ ವಾಟೆಚ್ಯೊ ಝರಿ’ ಬೂಕ್]

3. ಸೆವ್ರಿನ್, ಶಿರ್ವಾಂ [ಇನಾಮ್: ’ಬಾಮುಣಾಂಚೆಂ ಚೆಡುಂ’ ಬೂಕ್]

[4 ಜಣಾಂನಿ ಏಕ್ ಚೂಕ್ ಕೆಲ್ಯಾ, 8 ಜಣಾಂನಿ ದೋನ್ ಚುಕಿ ಕೆಲ್ಯಾತ್ ಆನಿ 5 ಜಣಾಂನಿ ದೋನ್ ಚುಕಿ ಕೆಲ್ಯಾತ್, ದೊಗಾಂನಿ ತೀನ್ ಚುಕಿ ಕೆಲ್ಯಾತ್. ಹ್ಯಾ ಸ್ಪರ್ಧ್ಯಾಂತ್ ಭಾಗ್ ಘೆತ್‌ಲ್ಲ್ಯಾ ಸರ್ವಾಂಕ್ ಉಲ್ಲಾಸ್. ಇನಾಮಾಂ ಜೊಡ್‌ಲ್ಲ್ಯಾಂನಿ ತಾಂಚೊ ಜೊಕ್ತೊ ವಿಳಾಸ್ ಧಾಡ್ಲಾ ತರ್ ವಯ್ಲೆ ಬೂಕ್ ತ್ಯಾ ವಿಳಾಸಾಕ್ ಆಮಿ ಧಾಡುನ್ ದಿತೆಲ್ಯಾಂವ್ - ಸಂ.]

ರೆಗ್ರೊ:
1. ಸ್ಪರ್ಧ್ಯಾಂತ್ ಕೊಣೆಂಯ್ ಭಾಗ್ ಘೆವ್ಯೆತ್.
2. ಭಾಗ್ ಘೆತೆಲ್ಯಾಂನಿ ಸಾರ್ಕೆಂ ನಾಂವ್, ವಿಳಾಸ್, ಸಂಪರ್ಕ್ ವಿವರ್ ಕಳಂವ್ಚೊ.
3. ಜವಾಬಿ ಬರವ್ನ್ ಧಾಡಿಜಾಯ್ ಮ್ಹಣೊನ್ ನಾ ಬಗಾರ್ ಸಂಖೊ ಆನಿ ಸಾರ್ಕ್ಯಾ ಜವಾಬೆಕ್ ಕಳಾಯ್ಲ್ಯಾರ್ ಪುರೊ.

[ದಾಕ್ಲೊ: ಸವಾಲ್ 11. ಹೊ ಕೊಂಕ್ಣೆಂತ್ ಕವಿತಾ ಬರಂವ್ಚಾಂತ್ ಫಾಮಾದ್ ಜಾಲ್ಲೊ. a> ಚಾ.ಫ್ರಾ b> ಖಡಾಪ್ c> ಜೆರಿ ಕುಲ್ಶೇಕರ್ d> ವಿಕ್ಟರ್ ರೋಡ್ರಿಗಸ್ e> ಗಬ್ಬು ಉರ್‍ವಾ] ಹಾಚಿ ಜೊಕ್ತಿ ಜವಾಬ್ a> ತರ್ ತುಮಿಂ ಆಮ್ಕಾಂ 11[a] ಮ್ಹಳ್ಳಿ ಜಾಪ್ ದಿಲ್ಯಾರ್ ಪಾವ್ತಾ.]

4. ಸಾರ್ಕ್ಯೊ ಜಾಪಿ ಧಾಡ್ಲೆಲ್ಯಾಂಚಿಂ ನಾಂವಾಂ ಪರ್ಗಟ್ ಕರ್ತೆಲ್ಯಾಂವ್ - ಪತ್ರ್ ವೆವ್ಹಾರಾಕ್ ಆವ್ಕಾಸ್ ಆಸ್ಚೊನಾ.
5. ಸಾರ್ಕ್ಯೊ ಜಾಪಿ ಧಾಡ್ಲೆಲ್ಯಾಂ ಮಧೆಂ ಎಕ್ಲ್ಯಾಚೆಂ ನಾಂವ್ ವಿಂಚುನ್ ಕಾಡ್ನ್ ಇನಾಮ್ ದಿತೆಲ್ಯಾಂವ್.

ಆಧ್ಲೆ ಕ್ವಿಜ್: 1, 2, 3, 4, 5, 6, 7, 8

ದಾಯ್ಜ್ ಪಾನಾಕ್

[ಮಿಕ್‌ಮ್ಯಾಕ್ಸ್]

[8. ವಲ್ಲಿ]

[7. ಮಾನೆಸ್ತ್]