ಸಚಿನಾಚಿ

ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ ’ದಾಯ್ಜ್’ ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್‍ಯಾಂತ್, ಕೊಂಕಣಿ ಖಾತಿರ್.

ಸವಾಲಾಂಕ್ ಜಾಪಿ

ಹ್ಯಾ ಅಂಕಣಾಂತ್ ಇನಾಮಾಂಕ್ ಫಾವೊ ಜಾಲ್ಲ್ಯಾ ಸವಾಲಾಂಚೆಂ ಪೋಶಕ್ ಜಾವ್ನಾಸಾತ್ ಹಿಂ ಕೊಂಕ್ಣಿ ಪತ್ರಾಂ

Placeholder: the original page gave this picture no description, and none has been written yet. It came from daaiz\daaiz\column\sz\sz16.asp.

ದಿವೊ ಹಾಫ್ತ್ಯಾಳೆಂ

ಮಿತ್ರ್ ಹಾಫ್ತಾಳೆಂ

ಸೆವಕ್ ಮಯ್ನ್ಯಾಳೆಂ

ಯಾತ್ರಿ ವಿಶ್ಯಾಂತ್

ಕೊಂಕ್ಣೆಂತ್ ಪಾಟ್ಲ್ಯಾ ಥೊಡ್ಯಾ ವರ್ಸಾಂನಿ ಉದೆವ್ನ್ ಆಯಿಲ್ಲ್ಯಾ ಥೊಡ್ಯಾ ಭರ್ವಶ್ಯಾಚ್ಯಾ ಬರವ್ಪ್ಯಾಂ ಪಯ್ಕಿಂತ್ಲೊ ಎಕ್ಲೊ ’ಯಾತ್ರಿ’ ಕವಿ, ನಾಟಕಿಸ್ತ್, ಕಾಣ್ಯೆಗಾರ್, ವಿಡಂಬನ್‌ಕಾರ್ ತಶೆಂಚ್ ವಾವ್ರಾಡಿ. ಕೊಂಕ್ಣಿ ಪತ್ರಿಕೋಧ್ಯಮಾಂತ್ ಸಯ್ತ್ ಹಾಣೆಂ ಅಪ್ಲೊ ಹಾತ್ ಭಂವ್ಡಾಯ್ಲಾ ದೆಖುನ್ ಕೊಂಕ್ಣಿ ಲೊಕಾಂಚಾ ಕಾಳ್ಜಾಚೊ ಉಲೊ ಲಾಗ್ಶಿಲ್ಯಾನ್ ಆಯ್ಕೊಂಕ್ ಸಕ್ತಾ. ಹ್ಯಾ ವರ್ಸಾಂತ್ ವಾಚ್ಪ್ಯಾಂಚ್ಯಾ ಸವಾಲಾಂಕ್ ಅಪುರ್ಭಾಯೆಚ್ಯೊ ಜಾಪಿ ದೀಂವ್ಕ್ ಹೊ ಸಕ್ತಲೊ ಮ್ಹಳ್ಳೊ ಆಮ್ಚೊ ಭರ್ವಸೊ.

[ಹೆಂ ಮಯ್ನ್ಯಾಳೆಂ ಅಂಕಣ್ ಜಾವ್ನಾಸಾ, ತುಮ್ಚಿಂ ಸವಾಲಾಂ ವಿಚಾರಾ, ಇನಾಮಾಂ ಜೊಡಾ]

ಜಾಪಿ ದಿತಾ: ಯಾತ್ರಿ

1. ಸಚಿನಾಚಿ ಸೆಂಚುರಿ, ರಾಖಿಚೆಂ ಐಟಮ್ ನಂಬರಿ ಆನಿ ಲಾಲುಚೆಂ ರಯ್ಲ್ - ಹಾಂಚೆಪಯ್ಕಿ ತುಕಾ ಖಂಯ್ಚೆಂ ಚಡ್ ಪಸಂದ್ ಯಾತ್ರಿ? [ಗಂಗು ಗಂಗೊಳ್ಳಿ ಆತಾಂ ವಾರಣಾಸಿ]

- ಮ್ಹಾಕಾ ಯಡಿಯುರಪ್ಪಾಚೆಂ ’ಸೈಕಲ್’ ಪುರೊ..!!

2. ವಾಟೆರ್ ವೆತೆಲ್ಯಾಂಕ್ ಬೆಶ್ಟೆಂಚ್ ಘೊಂಕ್ಚಾ ಪಿಶ್ಯಾ ಪೆಟ್ಯಾಕ್ ಪಳೆವ್ನ್ ವೊಗೆಚ್ಚ್ ವೆತೆಲ್ಯಾಂಕ್ ಪಳೆವ್ನ್ ಆತಾಂ ತೊ ಪೆಟೊ ’ಅಪುಣ್ಂಚ್ ಬಾದೂರ್’ ಮ್ಹಣ್ ಚಿಂತುಂಕ್ ಲಾಗ್ಲಾಗಾ - ಕಹಲಿ ಫಜೀತ್ ಹಿ? [ಕಲ್ಲಡ್ಕಚೊ ನೆಲ್ಸನ್, ದುಭಾಯ್]

- ಎದೋಳ್ ವಗೆಚ್ ರಾವೊನ್ ಆತಾಂ ತು ತಾಕಾ ಚಿಡಾಂವ್ಕ್ ವೆಶಿ ತರ್ ಭೆಶ್ಟೊ ಜಾಶಿ. ತಾಕಾ ಏಕ್ ಹಾಡ್ ಉಡವ್ನ್ ಈಷ್ಟಾಗತ್ ಕರ್, ಮಾಗಿರ್ ಕಾಂಯ್ ಫಾಯ್ದೊ ಉಟಯ್. ಸಾಂಗ್‌ಲ್ಲೆಪರಿಂ ತುಂ ಕಾಂಯ್ ಕೊಂಕ್ಣಿ ವಿಮರ್ಸ್ ಬರಯ್ತೆಲ್ಯಾಂಕ್ ಬಂದೂಕ್ ಧಾಖಯ್ನಾಂಯ್‌ಮೂ?

3. ಬೆಂಗ್ಳುರ್ ’ಬೆಂಗಳೂರು’ ಜಾಲೆಂ, ಮಂಗ್ಳುರ್ ’ಮಂಗಳೂರು’ ಜಾಲೆಂ ತರ್‌ಯೀ ಲೊಕಾಂಚಿ ದುಬ್ಳಿಕಾಯ್ ತಶಿಚ್ ಆಸಾಮೂ? [ಸಹನಾ, ಕುವೇಯ್ಟ್] (ಎಕಾ ವರ್ಸಾಚಿ ಸೆವಕ್ ಪತ್ರಾಚಿ ದೇಶಿ ವರ್ಗಣೆಚೆಂ ಇನಾಮ್ ಫಾವೊ ಜಾಲ್ಲೆಂ ಸವಾಲ್)

- ಕೊಣೆಂ ಮ್ಹಳೆಂ ತುಕಾ ದುಬ್ಳಿಕಾಯ್ ತಶಿಚ್ ಆಸಾ ಮ್ಹಣ್..? ಕೊಲ್ವಾಂಚಿ ಪಾಕಿಂ ಮಾಯಾಕ್ ಜಾಲ್ಯಾಂತ್, ಗಲ್ಫಾಚ್ಯಾ ತೆಲಾಂತ್ ಮಂಗ್ಳುರ್ ಪರ್ಜಳ್ತಾ.. ನೆಣಾಂಯ್ ತೂಂ....?

4. ಹಾಂಗಾ ಥೊಡೆ ಮೊಂತಿ ಫೆಸ್ತಾಕ್ ದುಕ್ರಾಮಾಸ್ ಆನಿ ಸೊರೊ ನಾ ಮ್ಹಣೊನ್ ಫೆಸ್ತ್ ಕರಿನಾಂವ್ ಮ್ಹಣ್ತಾತ್ ಸಾಡ್ವಾನೊ - ಹಾಂಕಾಂ ಇಲ್ಲಿ ಬೂದ್ ಸಾಂಗ್ಶಾತ್‌ಗಿ? [ವಿನ್ಸಿ, ಬೆಂಗ್ಳುರ್]

- ತಾಂಕಾಂ ’ಫೆಸ್ತಾ’ ಕ್ ವಚೊಂಕ್ ಚಡ್ ದೀಸ್ ಲಾಗ್ಚೆನಾಂತ್, ತುಂ ಆನಿ ಹಾಂವ್ ರಾಂದ್ವಾಯ್ ಜೇವ್ನ್ ಘಟ್ಟ್ ದೇಂಕ್ ಕಾಡ್ಯಾಂ..

5. ಪಯ್ಲೆಂ ಘಾಟಾಗಾರ್, ಉಪ್ರಾಂತ್ ಬೊಂಬೊಯ್‌ಗಾರ್, ಮಾಗಿರ್ ಗಲ್ಫಾಗಾರ್ ಆಸ್ಲೆ ಆತಾಂ ಕೊಣ್ ದುಡ್ವಾಗಾರ್ ಕುಂಪಾರೆ? [ಕುಮಾದ್ರ್, ಕುಂದಾಪುರ್]

- ’ದುಡು’ ಆಸ್‌ಲ್ಲೆ ದುಡ್ವಾಗಾರ್..!

6. ಅಪ್ಲ್ಯಾ ಖಾಂದ್ಯಾರ್ ಬಂದೂಕ್ ದವರ್ನ್ ಕೊಣೆ ಕೊಣಾಕ್ ಜೊಕ್ಲೆಂ. ಆತಾಂ ತಶೆಂ ಜೊಕ್ಲೆಲೆ ಏಕ್ ಜಾಲೆ ಪುಣ್ ಕೊಣಾಚಾ ಖಾಂದ್ಯಾರ್ ಬಂದೂಕ್ ಆಸ್ಲಿ ತೊ ಅನಿಕೀ ಸುಧ್ರೊಂಕ್ ನಾಮೂ? [ಸಾವೆರ್ ಸೊಜ್, ಶಾರ್ಜಾ]

- ತಾಚ್ಯಾ ಗಳ್ಯಾಕ್ ದೊರಿ ಪಡ್ಚೆ ದೀಸ್ ಕಾಂಯ್ ಪಯ್ಸ್ ಆಸ್ಚೆ ನಾಂತ್.

7. ಹಾಂಗಾ ಥೊಡೆ ಪೊಕ್ರಿ ಪಿಲೆ ’ಆಕಯ್ ಆಕಯ್ ಗಡಾಯ್ ಪಿಕಯ್, ವ್ಹಡ್ಲ್ಯಾ ಫೆಸ್ತಾಕ್ ಉಕಲ್ನ್ ದಾಖಯ್’ ಮ್ಹಣ್ತಾತ್‌ಮೂ? [ಅಸ್ಕತ್ ಪಿಲೊ, ಮಸ್ಕತ್]

- ಮಾಮಾಕಡೆ ಸಾಂಗ್ ಏಕ್ ಪಾವ್ಟಿಂ. ಮಾಮಾಚೊ ಗಡಾಯ್ ಏಕ್ ಪಾವ್ಟಿಂ ಪಳೆತಿತ್ ತರ್ ಮಾಗಿರ್ ಆಕಯ್ಚೆ ಖಬ್ರೆಕ್ ಯೆಂವ್ಚೆನಾಂತ್.

8. ಕೊಂಕ್ಣೆಚಿ ಪೊಳಿ ಸನ್ನಾಂ ಕರ್ಚಿ ರಿವಾಜ್ ಕಳ್‌ಲ್ಲೆಪರಿಂ ಪಿಟ್ಕಾಚಿ (ಪಿಟ್ಕ್ = ಕಂಟ್ರಿ/ಕಾಜುಚೊ ಸೊರೊ] ರಿವಾಜ್ ಕಶಿ ಸುರು ಜಾಲಿ ಮ್ಹಣೊನ್ ಹಾಂಗಾಚೆ ಥೊಡೆ ಪಿಟ್ಕ್‌ಗಾರ್ ವಿಚಾರ್ತಾತ್‌ಮೂ? [ಟಾಯ್ಟ್ ಮಾಸ್ಟರ್, ತಾಕೊಡೆ]

- ಜೆಜುನ್ ಕಾನಾ ಶ್ಹೆರಾಂತ್ ಉದಾಕ್ ಆಸ್ಚೆಂ ವಾಯ್ನ್ ಕರ್ನ್ ಪಯ್ಲೆಂ ಪಿಟ್ಕ್ ಕೆಲೆಂ ಪುಣ್ ಥೊಡೆ ಅಂಡೆ ಪಿರ್ಕಿಂನಿ ಸಾಂಗ್ಚೆಂ ಹಾಂವೆಂಯೀ ಆಯ್ಕಲಾಂಗಾ.

9. ಗಾಂವಾಂತ್ ಎಕ್ಲಿ ಬಾಯ್ಲ್ ಸದಾಂ ಫೊನಾರ್ ಕುಮ್ಸಾರ್ ಜಾತಾ ಮ್ಹಣ್ತಾ - ಗಜಾಲ್ ಕಹಲಿಗಾ? [ಅಂತು ಖುರಿಸ್]

- ಪಾದ್ರ್ಯಾಬಾಕಡೆ ಕುಮ್ಸಾರ್ ಜಾಲಿ ತರ್ ’ಇಂದುಲ್ಜೆನ್ಸ್’ ಲಾಭಾತ್, ನಾಂ ತರ್ ’ಇಂಜೆಕ್ಷನ್’ ಖಾಯ್ಜೆ ಪಡಾತ್..!. ಪುಣ್ ಸಾಂಗ್ ಮ್ಹಾಕಾ ತೊ ದಾಕ್ಟೊ ಪಾದ್ರಿಗೀ ವಾ ವಿಗಾರ್?

10. ಇತ್ಲಿಂ ರಯ್ಲಾಂ ಚಡ್ಲಿಂ ತರ್‌ಯೀ ರಯ್ಲಾಂನಿ ಬೊಂಬೊಯ್ಚಿ ಗಡ್ದಿ ಕೆದ್ನಾಂ ಉಣಿ ಜಾಯ್ತ್‌ಗಾ? [ರೊಜಿಟಾ ನಜ್ರೆತ್, ಮಿರಾರೋಡ್]

- ಸಂಸಾರ್ ಕೆದಾಳಾ ಆಖೇರ್ ಮ್ಹಣ್ ವಿಚಾರ್‌ಲ್ಲ್ಯಾಪರಿಂ ಜಾಲೆಂ..!

11. ಪಾಡಿಯೆಕ್ ಆಸ್ಚೆಪರಿಂ ಪಾಡ್ಯಾಕ್ ಮಾನ್ ನಾ, ಮಾಜ್ರಾಕ್ ಆಸ್ಚೆಪರಿಂ ಬೊಕುಲಾಕ್ ಮಾನ್ ನಾ ಪುಣ್ ಕೊಂಬಿಯೆಚ್ಯಾಕೀ ಚಡ್ ಮಾನ್ ಕೊಂಬ್ಯಾಕ್ ಕಿತ್ಯಾಕ್ ಇರ್ಮಾಂವ್? [ಸೆವ್ರಿನ್, ಶಿರ್ವಾಂ]

- ಕೊಂಬಿಯೆನ್ ತಾಂತಿ ದವರ್ಚೆಂ ನೇ..? ಪಾಡಿಯೆಬರಿ ಆನಿ ಮಾಜ್ರಾಬರಿ ಪೀಲ್ ಗಳಯ್ಲೆಂ ತರ್ ಕಾಂಯ್ ಇಲ್ಲೊ ಮಾನ್ ಮೆಳ್ತೊ ಕೊಣ್ಣಾ..?

12. ಜೊಂಬ್ಲೊ ತಾಂಬ್ಡೊ ಜಾಯ್ತ್ ತರ್ ತಾಕಾ ಹುಂಬ್ಲೊ ಮ್ಹಣ್ಚೆಂ ಸಾರ್ಕೆಂಗೀ ಯಾತ್ರಿ ಅಂಕಲ್? [ಬೋರಿಬಸವ, ಅಬ್ಬಾಸಿಯಾ]

- ಜೊಂಬ್ಲೊ ಆಸೊಂ ವ ಹುಂಬ್ಲೊ ಆಸೊಂ, ತುಜೆಂ ಕಾಲೆಂ ತಾಂಬ್ಡೆ ಜಾಲೆಂ, ಚಿಕ್ಕೆ ಸಾಂಗ್ಶಿಗೀ...?.

13. ಹಾಂಗಾ ಥೊಡೆ ಮುಖೆಲಿ ಸಯ್ತ್ ಪತ್ರಾಂ/ಸಾಯ್ಟಾಂನಿ ಖಬ್ರೊ ಕರ್ಚ್ಯಾಕ್ ಕೊಣಾ ಕೊಣಾಚಾ ತೊಂಡಾಕ್ ಕರಿ ಪುಸ್ತಾತ್‌ಮುಂಗಾ? [ಸಿ.ಎಲ್. ಕರಾಮ, ದುಭಾಯ್] (ಎಕಾ ವರ್ಸಾಚಿ ದಿವೊ ಪತ್ರಾಚಿ ದೇಶಿ ವರ್ಗಣೆಚೆಂ ಇನಾಮ್ ಫಾವೊ ಜಾಲ್ಲೆಂ ಸವಾಲ್)

- ದುಸ್ರ್ಯಾಂಕ್ ಕರಿ ಪುಸ್‌ಲ್ಲ್ಯಾ ಹಾತಾಂನಿ ಆಪ್ಣಾಚೆಂ ತೊಂಡ್‌ಯೀ ಪುಸುನ್ ಕಾಳೆಂ ಜಾಲ್ಲೆಂ ತೆಂ ಅರ್ಸೊ ಪಳೆಯ್ತಾನಾಂಚ್ ತಾಂಕಾ ಕಳ್ತೆಲೆಂ. ದೊಳ್ಯಾಂಕ್ ಮಿಂಜಾಸ್ಕೆಚಿ ಸಾಯ್ ಮಾಂಡ್ಲೆಲ್ಯಾಂಕ್ ಅಪ್ಲ್ಯಾ ದೊಂಪ್ರಾರ್ ಜಾಲ್ಲೆ ಘಾಯ್ ದಿಸಾನಾ ಜಾಯ್ತ್ ಪುಣ್ ದೂಕ್ ಭಗಾನಾಯೆ ರಾವತ್‌ವೆ?

14. ಗಾಂವ್ಚಿ, ಪರ್ಗಾಂವ್ಚಿ, ಗೊಂಯ್ಚಿ, ಮುಂಬಯ್ಚಿ ಕೊಂಕ್ಣಿ ವೆವೆಗ್ಳಿಗೀ? [ಕೊಂಕ್ಣೊ, ಕೊಂಕಣಿ] (ಎಕಾ ವರ್ಸಾಚಿ ಮಿತ್ರ್ ಪತ್ರಾಚಿ ದೇಶಿ ವರ್ಗಣೆಚೆಂ ಇನಾಮ್ ಫಾವೊ ಜಾಲ್ಲೆಂ ಸವಾಲ್)

- ಕೊಂಕ್ಣಿ ಭಾಸ್ ಏಕ್‌ಚ್. ಉಲಂವ್ಚೆ ಬೊಲಿ ವೆವೆಗ್ಳೆ, ಲಿಪಿಯ್ ವೆವೆಗ್ಳೆ. ಪುಣ್ ಅಪ್ಲೆಂ ಬೊಳ್ಕೆ ಭರ್ಚಾ ಥೊಡ್ಯಾಂನಿ ಶೀಂತ್ರ್ಯೊ ಖೆಳೊನ್ ಅಶೆಂ ಸಮಾಜೆಕ್ ವಿವಿಂಗಡ್ ಕರ್ಚೆಂ ದೆಕುನ್ ಆಮಿ ಚತ್ರಾಯ್ ಕರ್ಯಾಂ.

ಎಕಾ ವರ್ಸಾಚಿ ದೇಶಿ ವರ್ಗಣಿ ಹ್ಯಾ ಸಕಯ್ಲ್ಯಾಂಕ್ ಫಾವೊ ಜಾತಾ

’ಮಿತ್ರ್ ಹಾಪ್ತ್ಯಾಳೆಂ’

ಕೊಂಕ್ಣಿ, ಕೊಂಕಣ್

’ದಿವೊ ಹಾಪ್ತ್ಯಾಳೆಂ’

ಸಿ.ಎಲ್.ಕರಾಮಾ

’ಸೆವಕ್ ಮಯ್ನ್ಯಾಳೆಂ’

ಸಹನಾ, ಕುವೇಯ್ಟ್

(ಇನಾಮಾಂ ಜಿಕ್ಪ್ಯಾಂಕ್ ತಾಂಚಿಂ ಇನಾಮಾಂ ತಾಣಿಂ ದಿಲ್ಲ್ಯಾ ವಿಳಾಸಾಕ್ ಪಾವ್ತೆಲಿಂ, ಚೂಕ್ ವಿಳಾಸಾಕ್ ಆಮಿ ಜವಾಬ್ಧಾರ್ ನಾಂವ್) - ಸಂ.

ತುಮ್ಚಿಂ ಸವಾಲಾಂ ಧಾಡುಂಕ್ ವಿಳಾಸ್: info @daaiz.com

ಅಧ್ಲಿಂ ಸವಾಲಾಂ-ಜಾಪಿ: 1 , 2, 3 , 4 , 5, 6, 7, 8, 9, 10, 11, 12, 13, 14, 15