ಕವಿತಾकविताPoem
ರಿಸ್ಕ್
ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಪಿಂತುರಾಚೆರ್ ಪ್ರೇರಣ್ ಜೊಡುನ್ ಕವಿತಾ ಬರಂವ್ಕ್ ’ತಿಂತೆರಾಂತ್ ಪಿಂತುರಾಂ’ ಅಂಕಣಾಕ್ ಭೆಟ್ ದಿ.
ಕವಿತಾಝರ್
ರಿಸ್ಕ್
ದೀಸ್ ಮುಗೆಲೆ ಬಾಳ್ಪಣಾಲೆ
ಉಡ್ಡೊನ್-ಖೆಳೊನ್ ಮ್ಹಜೆನ್ ಸಾರ್ಲೆಲೆ
ದೊಳೆ ಧಾಂಪುನ್ ಉಘಡ್ಚಾ ಫುಡೆಂ
ಸ್ವಪಾಣ್ ಕಶೆಂ ತೆಂ ಮಾಯಾಕ್ರೆ ಜಾಲೆಂ
ತರ್ನಾಟ್ಪಣಾಚಾ ಹುಂಬ್ರಾರ್ರೆ ಪಾವ್ಲಾಂ
ಆಂಗಾ-ಶಿರಾನಿಂ ಝಗ್ಲಾಣೆಂ ಮಾರ್ಲಾಂ
ತರ್ನ್ಯಾ-ಮಾಣ್ಕಾಚಿ ಸೊಭಾಯ್ ತಿ ಚಾಕ್ತಾಂ
ಕಾಳ್ಜಾ ಆಂಗ್ಣಾಂತ್ ಖದ್ನೊರೆ ಉಡ್ತಾ
ದೀಸ್ ಮುಗೆಲೆ ತರ್ಣಾಟ್ಪಣಾಲೆ
ವರ್ಣುಂ ಕಶೆ ತೆ ಮೊಗಾ ಸ್ವಪ್ಣಾಲೆ..?
ಮ್ಹನಾ - ಮಂದಿರಾಂತ್ ಕಾಳ್ಜಾ-ಗುಡ್ಸುಲಾಂತ್..
ಧೊಸ್ತಾತ್ ಪಳೆರೆ ’ಮೊಗಾ-ಮಾಣ್ಕುಲೆ’..
ಕಾರ್ಮಿಣ್, ಫೆರ್ಮಿಣ್, ದುಲ್ಸಿನ್, ಸೆರ್ಪಿನ್
ಸೊಭಿತ್-ಸೊಭಿನ್, ಕೊತ್ರು ಕಾತ್ರಿನ್
’ಆವಡ್ತಾಂ ತುಮ್ಕಾಂ’ ನಿಮ್ಗುಚ್ಯಾ ಫುಡೆಂ
ಗಲ್ಫಾಗಾರಾಶಿ ಜಾಲಿಂರೆ ಲಗಿನ್.
ಆಂಕ್ವಾರ್ಪಣ್ ಮುಗೆಲೆಂ ಮೊಡುಂಕ್ ಆಶೆತಾಂ
ಕಾಜಾರಿ ಭೆಸ್ ಜೊಡುಂಕ್ ಲಾಲೆತಾಂ
ಬೋರ್ ಮುಗೆಲಿ ಕಾಡ್ಲ್ಯಾ ತಿ ದೆವಾನ್
ಸೊಧುನ್ ದಿಲ್ಲ್ಯಾಂಕ್ರೆ ದುಡ್ಡು ಪೆಟಯ್ತಾಂ.
ಆಡ್ದೊಡ್-ಆಣ್ಕಣ್ಯಾ ಉತ್ರಾಂಕ್ ಥಕೊನ್
ಕಾಜಾರ್ ಜಾಂವ್ಕ್ ಹಾವೆಂ ಘೆತ್ಲ್ಯಾರೆ ರಿಸ್ಕ್
ಬರೆಂ ಮೆಳಾತ್ ತರ್ ಜಾತೆಲೆಂ ಪಾಸ್ಕ್
ಉಳ್ಟೆಂ ಭೆಟ್ಲ್ಯಾರ್ ಜಿವಿತ್ರೆ ’ಪುಸ್ಕ್’
ಸೊಧುನ್ ದಿಯಾತ್ ಚೆಡುಂರೆ ಮ್ಹಾಕಾ
ಸಾವ್ಳೆಂ-ಕಾಳ್ಶೆಂ-ನಿಳ್ಶೆಂ ತೆಂ ಚಲ್ತಾ
ಆಟೆ-ನೆಟೆಂಚೆ ನಾಕಾಚ್ಚ್ರೆ ನಾಕಾ
ಮೊವಾಳ್ ಕಾಳ್ಜಾಚೆಂ ಆಸ್ಲ್ಯಾರ್ ಸಾಂಗಾ
ಕವಿತಾಝರ್ - 77
- ಡೇವಿಡ್ ಲುವಿಸ್, ತಲ್ಲೂರ್
ವಿಡಂಬನಾಚಾ ರುಪಾರ್ ಕವಿತಾ ಬರಂವ್ಚಾಂತ್ ಕಿತ್ಲೆ ಕವಿ ಹೆಳ್ಲ್ಲೆ ಆಸಾತ್? ಭೋವ್ ಥೊಡೆ ತರ್ಯ್ ತಾಂತ್ಲೊ ಎಕ್ಲೊ ಮ್ಹಾಕಾ ದಿಸ್ಚೊ ಕುವೆಯ್ಟ್ಚೊ ಡೇವಿಡ್ ಲುವಿಸ್ ತಲ್ಲೂರ್.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.