ಕವಿತಾकविताPoem
ಪ್ರಗತೆಚ್ಯಾ
This poem is available in its original Kannada only.
ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಕವಿತಾಝರ್
ಪ್ರಗತೆಚ್ಯಾ ಮೆಟಾಂನಿ
ಸೊಭಿತ್ ಪೃಕೃತಿ ಪಾಚಾರ್ತಾ ಭಾರತಾಚಿ ವ್ಹಡ್ವಿಕಾಯ್
ಲೋಕ್ ಭಾರಿಚ್ಚ್ ಶಾಣೊ ವಿದೇಶಿ ಉಚಾರ್ತಾ ಅಭಿಪ್ರಾಯ್
ಅಭಿವೃದ್ದೆಚಿ ನಿಶಾನಿ ಹರ್ಯೆಕಾ ಶೆತಾಂತ್ ದಿಸೊನ್ ಯೆತಾ
ಸಮೃದ್ಧೆಭರಿತ್ ರಾಷ್ಟ್ರಾಚಿಂ ಸಪ್ಣಾ ಲೋಕ್ ಸದಾಂನಿತ್ ದೆಖ್ತಾ.
ಹಾಯ್ ಭಾವಾ ಕಸಲಿ ಬದ್ಲಾವಣ್
ಆಧುನಿಕತೆನ್ ಭರ್ಲಾಂ ನ್ಹೆಸಾಣ್ ಖಾಣ್
ಮನ್ಶ್ಯಾ ಸಂಭಂಧ್ ಗೆಲಾ ಕೊನ್ಶ್ಯಾಕ್
ಮಾರ್ಲ್ಯಾ ವೇಂಗ್ ವಸ್ತುಪ್ರಧಾನ್ ಸಮಾಜೆಕ್
ಸಭಾರ್ ಮಾಳಿಯಾಂಚಿಂ ಬಾಂದ್ಪಾಂ ಮಜ್ಬೂತ್
ಸಕ್ಲಾ ದುಬ್ಳೊ ಖೊಮ್ಟ್ಯಾಂನಿ ಸಾರ್ತಾ ದೀಸ್ ರಾತ್
ವಸ್ತುರಾಂಚೆಂ ಉತ್ಪಾದನ್ ಜಾತಾ ಧಾರಾಳ್ ಮಾಪಾನ್
ಗತ್ ನಾ ಸಭಾರಾಂಕ್ ಧಾಂಪುಂಕ್ ಆಪ್ಲೊ ಮಾನ್
ಭರೊನ್ ವೊಮ್ತಾತಾ ಲೊಕಾ ಸಂಖೊ
ಕುಟ್ಮಾಂತ್ ಉಣೊ ಕರಾ ಭುರ್ಗ್ಯಾಂಚೊ ಸಂಖೊ
ಏಕ್ ಭುರ್ಗೆಂ, ನಾ ತಾಕಾ ಸಾಂಗಾತ್
ವಾಡ್ತೆಲೆಂ ಭರೊನ್ ತಾಚ್ಯೆ ಥಂಯ್ ಸ್ವಾರ್ಥ್.
ಧರ್ಮಾ ಮಧೆಂ ಭೇದ್ ಬಾವ್ ಕರಿನಾಕಾತ್
ಲಿಸಾಂವ್ ನೆಣ್ತ್ಯಾಂ ಭುರ್ಗ್ಯಾಂಕ್ ಕ್ಲಾಸಿಂತ್
ಜಾಣ್ತೆ ಝಗಡ್ತಾತ್ ಮ್ಹಜೊ ಧರ್ಮ್ ಮಹಾನ್
ಭೀಫ್ ಖಾತಾಯ್ ತರ್ ಲಗಾಡ್ ಕಾಡಿನ್
ಮುಖೆಲಿ ಆಶೆತಾತ್ ರಚುಂಕ್ ಸಂಭಂಧ್
ಚಲಯ್ತಾತ್ ರಾಷ್ಟ್ರಾಂ ಮಧೆಂ ಬರೊ ಸಂವಾದ್
ತರಿಪುಣ್ ನಾ ಕಿತೆಂಚ್ ಫಾಯ್ದೊ ಸೈನಿಕಾಂಕ್
ರಾಕಾಜಾಯ್ ಗಡ್ ಅರ್ಪಿಜಾಯ್ ಜೀವ್ ಆಮೊಲಿಕ್
ಸ್ತ್ರೀಯಾಂಚಾ ಹಕ್ಕಾಂಥಂಯ್ ವಿಶೇಸ್ ಗಮನ್
ಘರಾಂತ್ ಜಾಂವ್ಚೊ ಅನ್ಯಾಯ್ ಆಡಾಂವ್ಕ್ ಕಾನೂನ್
ದೊತಿಖಾತಿರ್ ಖುನಿ ಸ್ತ್ರೀಯಾಂಚೆರ್ ಅತ್ತ್ಯಾಚಾರ್
ಸದಾಂಚೊ ಖಬ್ರೊ ದೈನಿಕ್ ಪತ್ರಾಂಚೆರ್
ಹರ್ಯೆಕಾ ಭುರ್ಗ್ಯಾನ್ ಶಿಕ್ಷಿತ್ ಜಾಯ್ಜಯ್
ಬಾಳ್ ಕಾಮೆಲ್ಯಾಂಕ್ ರಕ್ಷಣ್ ಲಾಭಾಜಾಯ್
ಕಾಯ್ದೆ ಸಭಾರ್ ನೆಣ್ತ್ಯಾಂ ಭುರ್ಗ್ಯಾಂ ಖಾತಿರ್
ಆವ್ಕಾಸಾ ಥಾವ್ನ್ ವಂಚಿತ್ ಜಾಲ್ಯಾಂತ್ ಹಜಾರ್
ವ್ಹಯ್ ಭಾವಾ ಹೆಂ ಆಮ್ಚೆಂ ಭಾರತ್
ಪೆಚಾಡ್ತಾ ಜಾಂವ್ಕ್ ಸದಾಂಚ್ ಭಳ್ವಂತ್
ಭಳ್ ಆಸ್ಲ್ಲ್ಯಾಂಚೆಂ ಬೊಳ್ಕೆಂ ಸಾಂಗ್ಣಿ ಖರಿ
ನಿರ್ಗತಿಕಾಂಚಾ ಗಳ್ಯಾಕ್ ಪಡ್ಲ್ಯಾ ದೊರಿ
ತರ್ ಖಂಯ್ ಆಸಾ ಸಮಾನತಾ
ವಾವುರ್ತಿತ್ ಕೋಣ್ ಹಾಡುಂಕ್ ಏಕತಾ
ಸುದ್ರಾಪಾಚಿ ವೆಗಿಂಚ್ ಗರ್ಜ್ ಆಸಾ
ಎಕ್ವಟಾಚೆಂ ವಾತಾವರಣ್ ರಚುಂಕ್ ಆಸಾ
ಬಾಂದ್ಯಾಂ ಆಮಿಂ ಕಮರ್ ಹಾಡ್ಚ್ಯಾಕ್ ಸುಧಾರಣ್
ವಾಪಾರ್ಯಾಂ ದೆಣೆಂ ತಾಲೆಂತಾ ಕರುಂಕ್ ಬರೆಂಪಣ್
ಸುಖ್ ಸಮೃದ್ಧಿನ್ ಭರ್ಲ್ಲೊ ಜಾಂವ್ದಿ ಆಮ್ಚೊ ದೇಶ್
ಹರ್ಯೆಕ್ ಪ್ರಜೆಕ್ ಲಾಬೊಂದಿ ಎಕ್ವಟಚೊ ಸಂದೇಶ್.
ಕವಿತಾಝರ್ - 169
- ಡಿಂಪಲ್ ಅರ್ಸುಲಾಯ್ನ್
ಕವಿ ಅಪ್ಲೆಂ ಅಸ್ತಿತ್ವ್ ಕಸಲೇಂಯ್ ಆಸೊಂದಿ, ಪುಣ್ ಅಪ್ಲಿ ಮೂಳ್ ಜವಾಬ್ಧಾರಿ ಕೆದಿಂಚ್ ಸೊಡ್ನ್ ದೀನಾ - ಆನಿ ತಿ ಜಾವ್ನಾಸಾ ಆಮ್ಚಾ ಸಮಾಜೆಚಾ ಎಕೆಕಾ ಬರ್ಯಾ-ವಾಯ್ಟಾಚೆರ್ ಅಪ್ಲಿ ಗಿದಾಚಿ ನದರ್ ಘಾಲ್ಚಿ. ಹೆಂಚ್ ಕಾಮ್ ಕವಯತ್ರಿ ಭಯ್ಣ್ ಡಿಂಪಲ್ ಅರ್ಸುಲಾಯ್ನ್ ಕರ್ಚೆಂ ಹಾಂಗಾಸರ್ ದಿಸೊನ್ ಯೆತಾ.
ಮನ್ಶ್ಯಾ ಹಕ್ಕಾಂ, ವರ್ಗ್-ಭೇಧ್, ಗ್ರೇಸ್ತ್-ದುಬ್ಳೊ, ಶೀಕ್ಪಿ-ಅಶಿಕ್ಪಿ, ಊಂಚ್-ನೀಚ್.. ಆಮ್ಚಾ ದೆಸಾಚೆ ಸಮಸ್ಸ್ಯೆ ಹಜಾರ್. ಹ್ಯಾ ಸಮಸ್ಸ್ಯಾಂಚೆರ್ ಕವಿ ಅಪ್ಲಿ ನದರ್ ಘಾಲ್ತಾ ಮಾತ್ರ್ ನ್ಹಂಯ್, ಮನ್ಶ್ಯಾನ್ ಹ್ಯಾ ಸಮಸ್ಸ್ಯಾಂ ಮಧೆಂ ಅಪ್ಲಿ ಜಿಣಿ ಕಶಿ ರುತಾಂ ಕರುಂಕ್ ಜಾಯ್ ಮ್ಹಳ್ಳೆಂ ಚಿಂತಾಪ್ ದೀಂವ್ಕ್ ಪ್ರಯತ್ನ್ ಕರ್ಚೆಂ ದಿಸೊನ್ ಯೆತಾ.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.