(२७ सप्तेंबर): अखील भारतीय, खाडी गांवांचे देस, युरोप केनडा आनी अमेरिका अशें संसाराच्या वेग-वेगळ्या देसांतल्या कोंकणी संघटनाचे मुखेली, कोंकणी परिशदेचे मुखेली, कोंकणी अकाडेमिचे मुखेली तशेंच नाम्नेच्या नेमाळ्यांचे संपादक, नाम्नेचे कोंकणी बरवपी पयले पावटीं डिजिटल माध्ययामुखांत्र आशावादी प्रकाशन मुंबय हाणीं आयोजीत केल्ल्या ’जागतीक डिजिटल कोंकणी मेळ’ मांडून हाडलो.
आशावादी प्रकाशनाच्या वल्ली क्वाड्रसान स्वागत उलवपांत डिजिटल माध्यमांत आंटी वायरस आसा जें नोन-डिजिटल माध्यमांत ना देकून कोंकणी लोक भाशेक लागून संघटीत वावर कर्च्याकी चडीत मापान एकामेकालागीं झुजोन कोंकणिच्या फुडाराक मारून आसा. ह्या डिजिटल माध्यमांत कोंकणीक मुकार वरुंक वाटो सोधुंक तशेंच कोंकणीक मुकार वरुंक उलो दिलो.
मानेसत प्रेम मोरसान सयऱ्यांची वळोक करून दितच दायजिवरल्ड मीडियाचो मुखेल संपादक मानेसत वाल्टर नंदळिकेन ह्या डिजिटल काऱ्याचें उग्तावण करून आयच्या संघर्शाच्या काळार सयत कोंकणी फुलंवचें शर्ताचें काम सुरू केल्ल्या आसावादी प्रकाशनाक उल्लास पाटयले.
कोंकणिंतलो पयलो तीन लिपियांनी प्रकाशीत जाल्लो संशोधनाचो बूक ’केनरा काजरांनी वोवियो’ (मा|मायकल सांतुमायेर) मोकळीक केल्ल्या अधीक मानाधीक (निवृत) भिस्प लुवीस पावल सोजान कोंकणिची ग्रेसत संसकृती जोगासणेन दवर्चे दिशेन ह्या बुकाची थोकणाय केली. मा|बा|मायकल सांतुमायेरान केनरा कातोलीक काजरांनी वोवियो पुसतक फकत मंगळूर लोकांक मात्र न्हय, बगर समेसत कोंकणी वाचप्यांक पावंवच्या इराद्यान नागरी तशेंच रोमी लिपियेंनी सयत पर्गट केल्ल्या ’कोंकणगार प्रकाशन’ च्या संपादक वल्ली क्वाड्रसाक धिन्वासलें.
मंगळूरच्या बेसेंट कोलेजिच्या पत्रिकोध्यम विभागाची मुखेसत बाय स्मिता शेणय हिणें बुकांची वळोक करून दितच, कोंकणिंतलें पयलें डीजिटल साहितीक पत्रिका ’पयणारी’च्या कानडी लिपिच्या अंक्याचें मोकळीक करून अमेरिका थावन डा|आसटीन डी’सोज प्रभून कोंकणीक डिजिटल माध्यमांत मुकार वर्चें काम करून आसच्या आशावादी प्रकाशनाक लोकांनी सहकार दीवंक जाय म्हणालो.
मा|बा|प्रताप नायक हाणीं रोमी लिपिच्या पयणारी साहितीक पत्रिकेचें मोकळीक करून आमची कोंकणी आज मूटभर लोकांची जाल्या देकून आमी समेसतांनी सांगाता मेळून वावर कर्ची गर्ज आसा आनी डिजिटल माध्यम ह्या चित्पाक पाटिंबो दिता म्हणालो.
अखील भारतीय कोंकणी परिशदेची अध्यक्ष बाय उशा राणेन नागरी लिपिच्या पयणारी साहितीक पत्रिकेचें मोकळीक करून कोंकणी भास जागतीक स्थरार विसतारुंक आमी सर्वांनी एकामेका हात मेळवन काम करुंक जाय आनी भाशेक आधार लाभाशें करिजाय म्हणाली.
कोंकणिंतलो पयलो डिजिटल आडियो कविता पुसतक ’लोकडावन’ डिजिटल रुपार मोकळीक केल्ल्या बाब राजू नायक हाणीं अपल्या उलवपांत ’आमीं डिजिटल सक्तेक गळसून मौल्याधारीत साहित्य तशेंच त्या साहित्याची समीक्षा करुंक जाय, पूण ताच्याकी पयलें आमी नवे वाचपी तयार कर्चे दिशेन वावर करुंक जाय. ह्या दिशेन खूप वावर करून आसच्या आशावादी प्रकाशनाच्या पयणारीक परबीं पाटयली.
कोंकणिंतलो पयलो तीन लिपियेचो ’ई-बूक’ लोकडावन मोकळीक करून बाब गुरू बाळिगान आशावादी प्रकाशनाच्या वावराची थोकणाय करून डिजिटल माध्यमांत कशें आमी सांगाता काम करुंक साध्य आसा म्हळ्ळ्याचेर संदेश दिले.
त्ये उपरांत कोंकणिच्या वेग-वेगळ्या शेतांनी वेग-वेगळ्या मुखेलिंनी मोलाधीक संधेश दिले; केंद्र साहित्य अकाडेमिचो संचालक डा|भूशण भावे, रिटायर्ड रीडर आनी डीन तशेंच गोंय विश्वविध्यालयाच्या कोंकणी विभागाची आधली मुखेसत डा|चंद्रलेख डी’सोज, कर्नाटक कोंकणी साहित्य अकाडेमिचे अध्यक्ष डा|जगदीश पै, केरळा कोंकणी अकाडेमिचे आधले संचालक मानेसत पय्यनूर रमेश पै, दल्गादो कोंकणी अकाडेमी गोंय हाचे अध्यक्ष बाब विन्सी क्वाड्रोस, कोंकणी भाशा मंडळ मंगळूरचे अध्यक्ष तशेंच कोडियाळू खबरू पत्राचे संपादक मानेसत वेंकटेश बाळिगा, कोंकणी भाशा मंडळ गोंय हाची अध्यक्षीण बाय अन्वेशा सिंगबळ, दायजिवरल्ड वीकलिचे संपादक बाब हेमाचाऱ्य, ई-उज्वाड मयन्याळ्याचे संपादक मानेसत लुवीस रोड्रिगस बेळगांव, उडपी दियेसेजिचे पंद्राळें ’उज्वाड’ संपादक मा|बा|रोयसन फेर्नांडीस, म्यांगलोरे कोंकणस दुभयचे अध्यक्ष मानेसत जेम्स मेंडोन्सा दुभय, केनडा थावन मानेसत जेरी डी’मेल्लो बेंदूर, गोंय थावन नाम्नेचे कलाकार मानेसत विल्ली गोयेस, दायजिदुभय संचालक मानेसत नानू मरोळ, कुवेयट केनरा वेलफेर असोसियेशनची अध्यक्ष बाय रिन्ना डी’सोज, दबलीन अयरलेंड थावन बाय मोनिका डे’सा मथायस, यू.के.लंडन थावन सुनील डी’कुन्हा तशेंच बाह्रेयन थावन कोंकणी कुटम संचालक मानेसत हेनरी डी’अल्मेडा हाणीं आपले संधेश दिले.
पयणारी.कोमचे सह-संपादक बाब शैलेंद्र मेहता हाणीं धिन्वास दिले.
बाय स्मिता शेणय मंगळूर, बाब प्रेम मोरास आनी वल्ली क्वाड्रस हाणीं हें काऱ्यें चलवन वेलें.
-आमचो भात्मी
