अंतरराषट्रीय स्त्रीयांचो दीस आचरण, स्त्री साधकिंक मान आनी नोव कोंकणी पुस्तकां लोकार्पण
९ मार्च (मंगळूर): कोंकणी लेखकिंचो एक्तार आनी आशावादी प्रकाशनान मंगळुरांतल्या सी.ओ.डी.पी. सभासालांत सकाळीं ९:३० थावन १:३० पऱ्यांत अंतरराषट्रीय स्त्रीयांचो दीस भोव अपुर्भायेन आचरण केलो. मा|चेतन लोबोच्या अध्यक्षपणाखाल दिवटी पेटवन ह्या काऱ्याचें उग्तावण जालें. काणीक पत्राची आधली सह-संपादकी मारियेट रासकिन्हा, एवरेल रोड्रिगस, ग्वादलूप डायस, विल्ली गोयेस, विलफ्रेड लोबो पडील, आनी फ्लाविया आलबुकर्क वेदिचेर हाजर आसलीं.
सलोमी मोगर्नाड हिणें लोकार्पण जांवच्या नोव पुस्तकांची (कोंकण सर्दार स्ती वामन शेणय स्मारक पुस्तक प्रकाशन येवजणेखाल आशावादी प्रकाशनाचीं सात पुस्तकां, दोन हेर पुस्तकां) तशेंच बरवप्यांची मोटवी ओळोक करून दितच, एवरेल रोड्रिगसान ’फुलां तुरो’, मारियेट रासकिन्हान ’मोळसूद’, मा|चेतन लोबोन ’सूऱ्यो उदेला' (कन्नड लिपी), ग्वादलूप डायसान ’सूऱ्यो उदेला’ (नागरी लिपी), विल्ली गोयेसान ’सूऱ्यो उदेला’ (रोमी लिपी), फ्लाविया आलबुकर्कान ’कात्रीन’, विलफ्रेड लोबोन ’भितरलो कवी’, आवील रासकिन्हान ’रेगिसतानांतलीं फुलां’, क्याथरीन रोड्रिगसान ’प्यारी पदां’ पुस्तकाचें लोकार्पण केलें.
पर्द्या पाटल्यान कोंकणिचो वावर केल्ल्या स्त्री साधकिंची ओळोक जोयस पिंटोन करून दितच, एवरेल रोड्रिगसान मारियेट रासकिन्हाक, ग्वादलूप डायसान ऐरीन पिंटोक, फ्लाविया आलबुकर्कान शालिनी वालेन्सियाक, फेल्सी लोबोन फ्लोरा क्यास्तलिनोक शाल पांग्रून, उडासाची काणीक दिवून सन्मान केलो. सन्मानितां तर्फेन फ्लोरा क्यास्तलिनो उलयली.
हेच संधर्भार सलोमी मोगर्नाडाक मा|चेतन लोबोन सन्मान केलो.
सलोमी मोगर्नाड हिच्या अध्यक्षपणाखाल चल्लेल्या कविगोश्टिंत स्मिता शेणय, ग्वादलूप डायस, जोयस पिंटो, लविटा डिसोज नक्रे, जीता गोन्सालवीस बार्कूर, डो.आन्नी क्यास्तलिनो, फेल्सी लोबो, फ्लाविया आलबुकर्क, जूलियेट मोरस हाणीं वांटो घेतलो. उपरांत ’फुलां तुरो’ पुस्तकांत कविता धाडलेल्यांक मान प्रती दिली.
फेल्सी लोबोचें सूत्र संचालन आसलेल्या ह्या काऱ्यांत फ्लाविया आलबुकर्कार येवकार केलो, जीता गोन्सालविसान धिन्वास पाठयले.
Ontorraxttri-i Osturencho dis Achoronn
