ಮಯ್ನೊ: ಫೆಬ್ರೆರ್ 2016
1. ಪಾವ್ಸಾಂತ್ ಆಳ್ಮಿಂ ಉದೆಲ್ಲೆಪರಿಂ ಕೊಂಕ್ಣೆಂತ್ ಸಾಯ್ಟಿ ಉದೆಲ್ಯಾತ್ಮುಂಗಾ, ಕಿತೆಂ ಮ್ಹಣ್ತಾಯ್ ನಾನು ಬಾಬಾ?
ನಾನುಇಸಂ: ಉದೆಂವ್ದಿತ್ , ಉದೆಂವ್ದಿತ್...... ಪುಣ್ ಆಪ್ಲ್ಯಾ ಸ್ವಾರ್ಥಿ ಉದ್ದೇಶಾ ಬದ್ಲಾಕ್ ಕೊಂಕ್ಣೆಚ್ಯಾ ನಿಸ್ವಾರ್ಥಿ ಸೆವೆಕ್ ತಾಚೆ ಮ್ಹಾಲಕ್ ಧ್ಯಾನ್ ದೀವ್ನ್ ಚಾರ್ ಘರಾಂಕ್ ಉಜ್ವಾಡಾಚಿ ವಾತ್ ಜಾಂವ್ದಿತ್ ಮ್ಹಳ್ಳಿಚ್ ಆಮ್ಚಿ ಆಶಾ ಜಾಂವ್ದಿ.
2. ಕೊಂಕ್ಣಿ ಗ್ರೂಪ್ ಮ್ಹಳ್ಳೊ ಪಂಗಡ್ ಕರ್ನ್ ವಾಟ್ಸ್ಆಪಾಚೆರ್ ಇಂಗ್ಲಿಶ್ ಖಾತರ್ತಾತ್ ಹಾಂಗಾಮುಂಗಾ, ತುಂ ಕಾಂಯ್ ಬೂದ್ ಸಾಂಗಿನಾಂಯ್?
ನಾನುಇಸಂ: ಹಿ ಬೂದ್ಬಾಳಿಕ್ ಬಾಗ್ವೊಂಚಿ ಜಾತ್ ನಂಯ್ಗಾ...... ಕಿತ್ಯಾಕ್ ಮ್ಹಳ್ಳ್ಯಾರ್ ಹೆ ರಾಂದ್ಚ್ಯಾ ಕುಡಾಂತ್ ಆಪ್ಲ್ಯಾ ಭುರ್ಗ್ಯಾಂಚ್ಯಾ ಪೊಟಾ ಭುಕೆ ಖಾತಿರ್ ರಾಂದುನ್ ಆಸ್ಚ್ಯಾ ಆಪ್ಲ್ಯಾ ಆವಯ್ಕ್ಚ್ ವ್ಹಳ್ಕಾನಾತ್ಲ್ಲೆ ಯೆಮ್ಕುಳೆ.
3. ಕೊಂಕ್ಣಿ ಆಯಾ-ಬೊಯಾಂಚಿ ಭಾಸ್ ಮ್ಹಣ್ತಾತ್ಮುಂಗಾ, ಹ್ಯೇ ವಿಶಿಂ ತುಜಿ ಅಭಿಪ್ರಾಯ್ ಕಸಲಿ?
ನಾನುಇಸಂ: ಮೂರ್ಖಾಂನಿ ಉಲಯಿಲ್ಲ್ಯಾ ಹರ್ಯೆಕಾ ಉತ್ರಾಂಕ್ ಆಮಿ ತಕ್ಲಿ ಹಾಲಯ್ಜಯ್ ಮ್ಹಣೊನ್ ನಾ. ತ್ಯಾಚ್ ಆಯಾ-ಬೊಯಾಂಚ್ಯಾ ಸಾಕ್ರಿಫಿಸಾವರ್ವಿಂ ಆಮ್ಚ್ಯಾ ಸಮಾಜೆಂತ್ ಜಾಯ್ತೆ ಇಜ್ನೆರ್ ಆನಿ ದಾಕ್ತೆರ್ ಉದೆಲ್ಯಾತ್. ಪುಣ್ ಹಾಯ್ ಕಟಾ-ಕಟಾ ಆಪ್ಲ್ಯಾ ಆವಯ್ - ಬಾಪಯ್ನ್ ಕೆಲ್ಲ್ಯಾ ವರ್ತ್ಯಾ ಸಾಕ್ರಿಫಿಸಾಕ್ ವಿಸ್ರೋನ್ ಆಪ್ಲ್ಯಾ ಜಲ್ಮ್ ದಿಲ್ಲ್ಯಾ ಆವಯ್ ಬಾಪಯ್ಕ್ಚ್ ಆಸ್ರ್ಯಾಕ್ ಲೊಟ್ಚೆ ಹೆ ಕಸಾಪ್ಪಿ ಗೊಡಾ - ಮ್ಹೊಂವಾ ಸಾರ್ಕ್ಯಾ ಆಪ್ಲ್ಯಾ ಮಾಂಯ್ ಭಾಶೆಕ್ ಕಿತ್ಲಿ ಮರ್ಯಾದ್ ದಿಂವ್ಕ್ ಆಸಾತ್? ಮ್ಹಾಕಾ ಮ್ಹಜ್ಯಾ ಮಾಂಯ್ಭಾಷೆವಯ್ರ್ ಆಭಿಮಾನ್ ಆಸಾ... ಖಂಯ್ ಜಾಲ್ಯಾರೀ ಉಲಂವ್ಕ್ ಲಜ್ ನಾ ಆನಿ ತುಕಾಯಿ ತಶೆಂಚ್ ಮ್ಹಣೊನ್ ಪಾತ್ಯೆತಾಂ.
4. ಕಾಣ್ಯೊ, ಕವಿತಾ, ನವಾಲಿಕಾ ಆನಿ ವಿಡಂಬನಾಂ ಪಯ್ಕಿಂತ್ ತುಕಾ ಪಸಂದೆಚೊ ಪ್ರಕಾರ್ ಖಂಚೊ ನಾನು ಮಾಮಾ?
ನಾನುಇಸಂ: ಸ್ವಾರ್ಥಿ ಉದ್ದೇಶ್ ದವರಿನಾಸ್ತಾನಾ ಕೊಂಕ್ಣೆಕ್ ಗಿರೆಸ್ತ್ ಕರ್ಚ್ಯಾ ನಿಸ್ವಾರ್ಥಿ ಉದ್ದೇಶಾನ್ ರಚ್ಲ್ಲೆ ಸರ್ವ್ ಪ್ರಕಾರ್ ಮ್ಹಾಕಾ ಪಸಂದೆಚೆ ಭಾಚ್ಯಾ.
5. ಎಕ್ಲೊ ದೊರ್ಯಾರ್ ಚಡೊನ್ ದೊರೊ ಭಾಂದಿನಾಕಾತ್ ಮ್ಹಣ್ ಬೊಬಾಟುಂಕ್ ಲಾಗ್ಲಾಮೂ? ಕಸಲಿ ಗಜಾಲ್ ಹಿ ಪ್ರೊಫೆಸರ್ ನಾನು?
ನಾನುಇಸಂ: ಹೊ ವ್ಯಾಪರಿಕ್ ಯುಗ್. ತುವೆಂ ತಾಚ್ಯಾ ದೊರ್ಯಾ ಮುಖಾರ್ ತುಜೊ ದೊರೊ ಭಾಂದ್ಲ್ಯಾರ್ ತಾಚ್ಯಾ ಬಾಹ್ಯ್ ಪೊಕೊಳ್ ಆಡಂಬರಾಕ್ ದಖೊ ಬಸ್ತಾ ನ್ಹಯ್ಗಿ ಶಿಸಾ?
6. ಗಲ್ಫಾಂತ್ ತೆಲಾಚೆಂ ಮೋಲ್ ಉಣೆಂ ಜಾಲಾಂ, ಪುಣ್ ಗಾಂವಾಂತ್ ಬಾರಾಂನಿ ಕಿತ್ಯಾಕ್ ಉಣೆಂ ಜಾವ್ನಾ ನಾನು ಬಾಬ್?
ನಾನುಇಸಂ: ಬಾರಾಂನಿ ತೇಲ್ ವಿಕ್ತಾತ್ ಮ್ಹಣೊನ್ ತುಕಾ ಕೊಣೆ ಸಾಂಗ್ಲೆಂಗಾ? ಕಾಂಯ್ ತುಂ ’ಕೊಂಕ್ಣಿ ಬುಡ್ತಾ’ ಮ್ಹಳ್ಳೆಂ ರುದಾನ್ ಕರುನ್ ಕೊಂಕ್ಣಿ ದುಡು ಕರ್ಚಿ ಅಲೋಚನ್ ಪುಣೀಂ ಕರುನ್ ನಾಂಯ್ಮೂ?
7. ತುವೆಂ ಆಜ್ ಮ್ಹಣಾಸರ್ ಆಯ್ಕಲ್ಲಿ ವ್ಹಡ್ಲಿ ಜೋಕ್ ಖಂಚಿ ಮ್ಹಣ್ ಸಾಂಗ್ಶಿಗಿ ನಾನು?
ನಾನುಇಸಂ: ವರ್ಸಾಂ ವರ್ಸಾಂ ಥಾವ್ನ್ ಕೊಂಕ್ಣೆಚಿ ಸೆವಾ ಕರ್ತಾಂವ್ ಮ್ಹಣೊನ್ ಕೊರೊಡಾಂನಿ ಜಮವ್ನ್ ವರ್ಸಾಚ್ಯಾ ಆಖ್ರೇರ್ ಲುಕ್ಸಾಣ್ ಜಾಲಾಂ ಮ್ಹಣ್ಚಿ.
8. ಎಕಾ ತೆಂಪಾಧಿಂ ವೊಡಾ ರುಕಾರ್ ಕೊಗುಳ್ ಗಾಯ್ತಾಲಿ ಪುಣ್ ಆಯ್ಚೆ ದಿಸಾಂನಿ ಮೊಬಾಯ್ಲಾಂನಿ ಸಯ್ತ್ ಕೊಗುಳ್ ಗಾಯ್ತಾಮೂ ನಾನು?
ನಾನುಇಸಂ: ತ್ಯಾಚ್ ದೆಕುನ್ ಪ್ರಖ್ಯಾತ್ ಪದಾಂ ಘಡ್ಣಾರ್ ಆನಿ ಗಾವ್ಪಿ ವಿಲ್ಸನ್ ಒಲಿವೆರಾ ಆಪ್ಲ್ಯಾ ಎಕಾ ಪದಾಂತ್ ಆಶೆಂ ಮುಣ್ತಾ "ನವಾಲಾಂಚೊ ಸಂಸಾರ್, ನವಾಲಾಂಚೊ ಸಂಸಾರ್, ಸಂಸಾರಾಚ್ಯಾ ತಕ್ಲೆಚೆರ್ ಬಸ್ಲಾ ದೆಂವ್ಚಾರ್"
9. ತುಕಾ ಆಜ್ಕಾಲ್ ಕೊಣಾಚಿಂ ಸ್ವಪ್ಣಾಂ ಪಡ್ತತ್ ನಾನು?
ನಾನುಇಸಂ: ಸನ್ನಿ ಲಿಯೊನಿಚಿಂ. ಪುಣ್ ಶ್ಶ್!! ಮಾತ್ಸೆಂ ಲೋವ್ ವಿಚಾರ್ ಸಾಯ್ಬಾ.
10. ಪರ್ನಿ ಡೆಲ್ಲಿ ಆನಿ ನವಿ ಡೆಲ್ಲಿಕ್ ವೆತ್ಯಾಸ್ ಕಸಲೊ ನಾನು ಬೊಯ್?
ನಾನುಇಸಂ: ಪರ್ನ್ಯಾ ಡೆಲ್ಲಿಂತ್ ಸರ್ವ್ ವೇಶ್ಯಾಂ ರಾವ್ತಾತ್ ಆನಿ ನವ್ಯಾ ಡೆಲ್ಲಿಂತ್ ತಾಂಚೆ ಗಿರಾಯ್ಕಿ.
ಆಧ್ಲೊ ಆಂಕ್ಡೊ
