2002 ವರ್ಸಾಂತ್ ಸುರ್ವಾತ್ ಜಾವುನ್ ಎದೊಳ್ ಪರ್ಯಾಂತ್ ಕೊಂಕ್ಣೆಂತ್ ವಿಂಚ್ಣಾರ್ 32 ಬೂಕ್ ಪರ್ಗಟ್ ಕರುನ್ ಆಯಿಲ್ಲೆಂ ’ಆಶಾವಾದಿ ಪ್ರಕಾಶನ್’, ಕೊಂಕ್ಣೆಂತ್ ವೆವೆಗ್ಳ್ಯಾ ಶೆತಾಂತ್ ಮಹತ್ವಾಚಿ ದೇಣ್ಗಿ ದಿಲೆಲ್ಯಾಂಕ್ ವಿಂಚುನ್ ಪರ್ಗಟ್ ಮಾನ್ ಕರ್ಚೆಂ ಕಾಮ್ ಕರುನ್ ಆಯ್ಲಾಂ. ಆಧ್ಲ್ಯಾ ವರ್ಸಾಚ್ಯಾ ’ಕೊಂಕ್ಣಿ ಎಕ್ವಟ್’ ಕಾರ್ಯಾಂತ್, ಮುಂಬಯಾಂತ್ಲ್ಯಾ ಸರ್ವ್ ಕೊಂಕ್ಣಿ ಎಕ್ತಾರಾಂಚ್ಯಾ ಸಾಂಗಾತಿಂಕ್ ಘೆವ್ನ್ ಅಸಲ್ಯಾಚ್ ಮಾನ್ ಕೊಂಕ್ಣಿ ಸಾಹಿತಿ/ಕಲಾಕಾರಾಂಕ್ ಪರ್ಗಟ್ ಮಾನ್ ಕೆಲ್ಲೊ. (ಸರ್ವ್ ಮಾನೆಸ್ತ್ ಹ್ಯಾರಿಬೋಯ್, ಹೆನ್ರಿ ಡಿ’ಸೋಜ್ (ಸಂಗೀತ್ ಸಾಮ್ರಾಟ್), ಲಾರೆನ್ಸ್ ಸಲ್ಡಾನ್ಹಾ (ಕೊಂಕ್ಣಿ ಕೀರ್) ಹಾಂಚೆಸವೆಂ ಫ್ರಾನ್ಸಿಸ್ ಫೆರ್ನಾಂಡಿಸ್ ಕಾಸ್ಸಿಯಾ (ರಂಗ್ಮಂಚ್), ವಿ. ಡಿ’ಸಿಲ್ವಾ (ಸಾಹಿತ್ಯ್), ಲಾರೆನ್ಸ್ ಕುವೆಲ್ಹೊ (ಪತ್ರಿಕೋಧ್ಯಮ್), ಹೆನ್ರಿ ಡಿ’ಪಾವ್ಲಾ (ಪತ್ರಿಕೋಧ್ಯಮ್), ವಾಲ್ಟರ್ ಲಸ್ರಾದೊ (ಅನುವಾದ್ ಸಾಹಿತ್), ಹ್ಯಾರಿ ಫೆರ್ನಾಂಡಿಸ್ (ಫಿಲ್ಮ್ ನಿರ್ದೇಶನ್), ಜೋಯ್ ಪಾಲಡ್ಕಾ (ನಾಟಕ್ ನಿರ್ದೇಶನ್), ಫ್ರಾನ್ಸಿಸ್ ಒಲಿವೆರಾ ಪಡುಕೋಣೆ (ರಂಗ್ಮಂಚ್) ಹೆ ಮಾನ್ ಕಲಾಕಾರ್.
ಹ್ಯಾ ವರ್ಸಾಚೊ ’ಕೊಂಕ್ಣಿ ಸಂಭ್ರಮ್ 2017’, ಆಶಾವಾದಿ ಪ್ರಕಾಶನಾನ್ ’ದಿವ್ಯದೀಪ ಪ್ರಕಾಶನಾಚ್ಯಾ’ ಸಹಯೋಗಾಖಾಲ್ ಆಸಾ ಕೆಲ್ಲೆಂ ಕಾರ್ಯೆಂ, ಕಲ್ಯಾಣ್ಪುರಾಂತ್ಲ್ಯಾ ಮಿಲಾಗ್ರಿಸ್ ಕೊಲೆಜಿಂತ್, ದಸೆಂಬರ್ 17 ತಾರಿಕೆರ್ ಸಕಾಳಿಂ 9:30 ವೊರಾಂಚೆರ್ ನೊಂದಾವ್ಣಿ ಆನಿ ಕಾಫಿ-ಫಳಾರಾಸವೆಂ ಸುರು ಜಾತಲೆಂ.
ಸಕಾಳಿಂ 10- ವೊರಾಂಕ್ ಸುರು ಜಾಂವ್ಚ್ಯಾ ಹ್ಯಾ ಕಾರ್ಯಾಚೆಂ ಉಧ್ಘಾಟನ್ ದಾಯ್ಜಿವರ್ಲ್ಡ್ ಮೀಡಿಯಾ ಪ್ರಾಯ್ವೆಟ್ ಲಿಮಿಟೆಡ್ಚೊ ಮಾನೆಸ್ತ್ ವಾಲ್ಟರ್ ನಂದಳಿಕೆ ಕರ್ತಲೊ. ಮುಖೆಲ್ ಸಯ್ರೊ ಜಾವ್ನ್ ಉಧ್ಯಮಿ ಮಾನೆಸ್ತ್ ಪಾಸ್ಕಲ್ ಬಿ. ಪಿಂಟೊ ಪೆರ್ಮುದೆ, ಮಾನೆಸ್ತ್ ಸಯ್ರೆ ಜಾವ್ನ್ ಮಾನೆಸ್ತ್ ಆಸ್ಟಿನ್ ಡಿ’ಸೋಜ್ ಪ್ರಭು, ಮಾ|ಬಾ|ಚೇತನ್ ಕಾಪುಜಿನ್ ಕಾರ್ಯೆಂ ಸೊಭಯ್ತಲೆ.
ಮಾ|ಚೇತನ್ ಲೋಬೊಚೆಂ ಉಲವ್ಪ್ ಆಸ್ಚ್ಯಾ ಹ್ಯಾ ಕಾರ್ಯಾಚೆಂ ನಿರ್ವಾಹಣ್, ಫಾಮಾದ್ ಕೊಂಕ್ಣಿ ಕಾರ್ಯೆಂ ನಿರ್ವಾಹಕ್ ಮಾನೆಸ್ತ್ ಜಿಯೋ ಆಗ್ರಾರ್ ಕರ್ತಲೊ.
ಬೂಕ್ ಮೊಕ್ಳೀಕ್ ಕಾರ್ಯಾಂತ್; ’ಸಾಹಿತ್ಯಾಧ್ವಾರಿಂ ಸಮಾಜ್ಸೆವಾ’ ಇರಾದ್ಯಾಚೊ ಪಯ್ಣಾರಿ ಕ್ರಿಸ್ಮಸ್ ವಿಶೇಸ್ ಅಂಕೊ, ಜೋನ್ ಸುಂಟಿಕೊಪ್ಪಾಚೊ ’ಮೊನಿ ಬೋಬ್ (ಕವಿತಾಜಮೊ)’, ವಲ್ಲಿ ಕ್ವಾಡ್ರಸಾಚೊ ’ಮುಖಾಮುಖಿ (ಸಂಪಾದಕೀಯಾಂ)’, ವಿನ್ಸಿ ಪಾಂಬೂರಾಚೊ ’ಮೆಲ್ಲ್ಯಾ ಪೆಟ್ಯಾಭಂವಾರಿಂ (ಮಟ್ವ್ಯೊ ಕಾಣಿಯೊ)’ ಮಾನೆಸ್ತ್ ಜೋರ್ಜ್ ಕ್ಯಾಸ್ತಲಿನೊ ನಕ್ರೆ, ಮಾನೆಸ್ತ್ ಮೆಲ್ವಿನ್ ರೊಡ್ರಿಗಸ್, ಮಾನೆಸ್ತ್ ಆಸ್ಟಿನ್ ಡಿ’ಸೋಜ್ ಪ್ರಭು ಆನಿ ಅಯ್ರಿನ್ ಪಿಂಟೊ ಮೊಕ್ಳಿಕ್ ಕರ್ತೆಲಿಂ.
ಸಾಧಕಾಂಕ್ ಪರ್ಗಟ್ಮಾನ್ ಕಾರ್ಯಾಂತ್ ಸಾಧಕಾಂಕ್; ವಲ್ಲಿ ವಗ್ಗ (ಸಾಹಿತ್ - ಕಾಣ್ಯೊ), ಡಾ|ಎಡ್ವರ್ಡ್ ನಜ್ರೆತ್ (ಸಾಹಿತ್ - ಲೇಕನಾಂ), ಜೆರಾಲ್ಡ್ ವಿ. ಕಾರ್ಲೊ (ಸಾಹಿತ್ - ಅನುವಾದ್), ಕನ್ಸೆಪ್ಟಾ ಫೆರ್ನಾಂಡಿಸ್ ಆಳ್ವ (ರೇಡಿಯೊ, ಮೀಡಿಯಾ), ಆಸ್ಟಿನ್ ಡಿ’ಸೋಜ್ ಪ್ರಭು (ಅಂತರ್ರಾಶ್ಟ್ರೀಯ್ ಕೊಂಕ್ಣಿ ಮಾನ್-ಮನಿಸ್) ಹಾಂಕಾಂ ಮಾನೆಸ್ತ್ ಜೆಮ್ಮಾ ಪಡೀಲ್, ಡೊಲ್ಫಿ ಕಾಸ್ಸಿಯಾ, ಎಡಿ ನೆಟ್ಟೊ, ಆಯ್ರಿನ್ ಪಿಂಟೊ, ಆನಿ ಗ್ಲೇಡಿಸ್ ರೇಗೊ ಮಾನ್ ಕರ್ತೆಲಿಂ.
ವಲ್ಲಿ ವಗ್ಗ (ಕೊಂಕ್ಣಿ ಕಾಣ್ಯೊ), ಡಾ|ಎಡ್ವರ್ಡ್ ಎಲ್. ನಜ್ರೆತ್ (ಭಲಾಯ್ಕೆಚಿಂ ಲೇಕನಾಂ)
ಜೆರಾಲ್ಡ್ ವಿ. ಕಾರ್ಲೊ, ಹಾಸನ್ (ಅನುವಾದ್), ಕನ್ಸೆಪ್ಟಾ ಫೆರ್ನಾಂಡಿಸ್ ಆಳ್ವ (ರೇಡಿಯೊ/ಮಾಧ್ಯಮ್)
ಡಾ|ಆಸ್ಟಿನ್ ಡಿ’ಸೋಜ್ ಪ್ರಭು (ಅಂತರ್ರಾಶ್ಟ್ರೀಯ್ ಕೊಂಕ್ಣಿ ಮಾನ್ ಮನಿಸ್)
ಹೆಚ್ಚ್ ಸಂದರ್ಭಾರ್ ಲೊಕಾಮೊಗಾಳ್ ಕೊಂಕ್ಣಿ ಸಂಸ್ಥೊ T3 ಹಾಂಚ್ಯಾ ಪ್ರಾಯೋಜಕ್ಪಣಾಖಾಲ್ ಚಲ್ಲ್ಲ್ಯಾ ’ಪಯ್ಣಾರಿ ಸಾಹಿತಿಕ್ ಸ್ಪರ್ಧೊ 2017’ ಹಾಂತುಂ ಇನಾಮಾಂ ಜೊಡ್ಲೆಲ್ಯಾಂಕ್ ಇನಾಮಾಂ ವಾಂಟ್ತೆಲ್ಯಾಂವ್.
ತ್ಯೇ ಉಪ್ರಾಂತ್ ವಲ್ಲಿ ಕ್ವಾಡ್ರಸಾಚ್ಯಾ ಅಧ್ಯಕ್ಷ್ಪಣಾಖಾಲ್ ಕೊಂಕ್ಣಿ ಕವಿಗೋಶ್ಟಿಂತ್, ನಾಮ್ಣೆಚೆ ಕವಿ; ಆಂಡ್ರು ಎಲ್. ಡಿ’ಕುನ್ಹಾ, ಮೆಲ್ವಿನ್ ಜೆ. ವಾಸ್ ಕೆಲರಾಯ್, ವಲ್ಲಿ ವಗ್ಗ, ಆಸ್ಟಿನ್ ಪ್ರಭು, ಗ್ಲೇಡಿಸ್ ರೇಗೊ, ಕ್ಯಾಥರಿನ್ ರೊಡ್ರಿಗಸ್, ಆಂಟನಿ ಬಾರ್ಕುರ್, ಆಂಟನಿ ಲೊಪೆಜ್, ನವೀನ್ ಕುಲ್ಶೇಕರ್, ವಾಲ್ಟರ್ ದಾಂತಿಸ್, ರಿಚ್ಚಿ ಪಿರೇರ್, ಪ್ರಸನ್ನ ನಿಡ್ಡೋಡಿ, ಜಿಯೋ ಆಗ್ರಾರ್ ಆಪ್ಲಿಂ ಕವಿತಾ ವಾಚ್ತಲಿಂ.
ತ್ಯೇ ಉಪ್ರಾಂತ್ ಕ್ರಿಸ್ಟೋಫರ್ ಡಿ’ಸೋಜ ನೀನಾಸಮ್ ನಿರ್ದೇಶನಾಖಾಲ್, ಪದ್ವಾ ಕೊಲೆಜಿಚ್ಯಾ ಪಂಗ್ಡಾಥಾವ್ನ್ ’ಕಾವ್ಯ - ಕಥಾರಂಗ್’ ಮ್ಹಳ್ಳೊ ಕವಿತಾ-ಕಾಣಿಯೆಂಚೆರ್ ಅಭಿನಯ್ ಆಸ್ತಲೆಂ; ಚಾ.ಫ್ರಾ.ದೆ’ಕೋಸ್ತಾಚ್ಯಾ ಕವಿತೆಂಚೆರ್, ಬಾತ್ತಿ ಕೆಲರಾಯ್ಚ್ಯಾ ’ಘಡ್ಗಡೊ’ ತಶೆಂಚ್ ವಲ್ಲಿ ಕ್ವಾಡ್ರಸಾಚ್ಯಾ ’ಸಛ್ ಕಾ ಸಾಮ್ನಾ’ ಮಟ್ವಿಕಾಣಿಯೆಂಚೆರ್ ಅಭಿನಯ್ ಆಸ್ತಲೆಂ.
ಆಧ್ಲಿಂ ಕಾರ್ಯಿಂ
