[Khobor] DKA Ghoddoun Haddtta Pio Fernandes-achi Buzvonn Sobha
DKA Ghoddoun Haddtta Pio Fernandes-achi Buzvonn Sobha
Ponnji : Konknni
bhaxentlo ek khoddegant borovpi, ganvan
Kutthtthallecho punn nokrie khatir chodd-so
videxant vaur korpi Pio Fernandes sumar ek
mhoino adim 22 Agostak London xarant devadhn
zalo. Tannem ho sonvsar soddlolean, tachea
kuttumbak dukh zalanch punn Konknnichea sahityik
mollar ek pokhlli nirmann zalia. Kaim
nemalleank satotyan borovpi unno zala zalear
Konknni bhaxek, ticho sodanch husko aslolo
zhuzari unno zala. He khatir Dalgado Konknni
Akademi dukhkh veokt korta.
Piok argam diunk Somar, 23 Setembr, 2019
disa sanjechea 4.00 vorancher DKA-chea Reginald
Fernandes Conference Hall-ant DKA-n Buzvonn
Sobha manddun haddlia. DKA-cho Odheokx
Tomazinho Cardozo hache Odheokxte khala
choltolie hie sobhent Konknni borovpiank ani
mogiank aple vichear manddpachi sond mellttoli.
Pio Fernandes khub kalla thaun Konknni
sahityik mollar vaurta. Tujea Moga Khatir,
Don Zhuzam Ek Zoit – Ek Har sarkim voznadik
pustokam tannem Konknni bhaxek dileant. To
morche don dis adim Vincy Quadros-an lipiantor
kelolem Tujea Moga Khatir hem tachem pustok
devnagrintlean uzvadda ailam. Konknni
khatir apli seva divpachi taka khub umed asli
punn ek tor bholaikien boro naslolean ani
videxant vaurlolean to pois urtalo punn aplie
likhnnientlean tannem Konknnichi zaiti seva
kelia. Konknnichea veg-vegllea prokarant
toborovp kortalo. Adim to Bharain desant
nokri kortalo zalear halinchea kallant to London
xarant aslo.
Konknni borovpiamni ani mogiamni hie sobhent vanttekar zaun Pio Fernandesak argam ompchim mhonn DKA-n ulo marla.
