Ponnje: Dalgado Konknni Akademichie Vavurpi
Somiticho tin vorsancho kar’yakal 16 Febrerak
sompta, hem monant dovrun 2017 tem 2020 hea
fattlea tin vorsant DKA-n kelolea karyachem ek
Riportt Pustok 02 Febrer, 2020 hea disa Tiatr
Academy of Goa-chea Conference Hall-ant Ponnje
uzvaddailem. Hea vellar ‘Amcho Avaz’ satalleacho
Sompadok ani jiextth potrkar Rajendra Dessai
Mukhel Soiro koso hajir aslo. Tache borabor
DKA-cho Potrkarita Disacho sotkarmurti Anthony
Menezes, DKA-cho Odheokx Tomazinho Cardozo,
Chittnis Vincy Quadros ani Bhanddari Celso
Fernandes hajir asle.
Fattlim tin vorsam
DKA-n kelolo boro vaur hea pustokant nond asa
ani fattlea tin vorsant Akademin kitli progoti
kelia tachi nond asa tem Tomazinhon sanglem.
Hajir aslolea soglleank hea pustokachi ek-ek
prot bhettoili. DKA-chea jea vangddiank hea
pustokachi prot zai taka ti funkott mellttoli
punn tannem ti porxim DKA-chea ofisant yeun
vhorchi poddttoli oxem Vincy Quadrosan yeukar
ditanam sanglem. Celso Fernandesan soglleanche
upkar mandle zalear Sonia Gomes-an
sutrsonchealon kelem. Raxttrgit mhunnon
karyavoll sompli.
