ಕವಿತಾकविताPoem
ಪಿಶೆಂ
This poem is available in its original Kannada only.
ಕವಿತಾವೋಳ್
ಮನ್ ಮ್ಹಜೆಂ ಪಿಶೆಂ ಜಾತಾನಾ
ಮನ್ ಮ್ಹಜೆಂ ಪಿಶೆಂ ಜಾತಾ
ಜೆದ್ನಾಂ ತುಜಿ ಯಾದ್ ಯೆತಾ
ಮ್ಹನ್ ಮ್ಹಜೆಂ ಪಿಶೆಂಗಾಯ್, ತುಂ ಮ್ಹಜೆಂ ಪಿಸೊಳೆಂ
ಕುಡ್ ಮ್ಹಜಿ ಅಸ್ಕತ್, ಅಥ್ವಾ ತುಂ ಮ್ಹಜಿ ಅಸ್ಕತ್ ಕಾಯ್
ತುಜ್ಯಾ ಸಂಗಾಂತ್ ಸಂಸಾರ್ ವಿಸ್ರೊಂಚಿ ತಾಳ್ಣಿ ಯೆತಾ
ಮತ್ ಮ್ಹಜಿ ಪಿಶಿ ಜಾತಾ, ಜೆದ್ನಾಂ ತುಕಾ ಸೆಂವ್ಚಿ ಆಶಾ ಜಾತಾ
ಸುಧೃಡ್ ಸೊಭಿತ್ ಕೂಡ್ ಮ್ಹಜಿ, ಪೆಲ್ಯಾಕ್ ಆಂಗ್ ಕಾಡಯ್ತಾ
ಘಟ್ ಮುಟ್ ವದನ್, ಪೆಲ್ಯಾಕ್ ಭ್ಹಂಯ್ ಹಾಡಯ್ತಾ
ಪೈಲ್ವಾನಾಚ್ಯೊ ಮಿಶಿಯೊ, ಪಾಜೆತೆದೆಂ ಹರ್ದೆಂ
ಪುಣ್ ದೆವಾ ಮ್ಹಜಾ ಸಾಂಜ್ ಜಾತಾನಾ ತುಜೊ ಸಂಗ್ ಅಶೆತಾ
ತುಜೆ ವಿಣೆ ನೀದ್ ನಾ, ಜೀಣ್ ನಾ, ಸುಶೆಗ್ ನಾ
ಅಶಿ ಕಿತ್ಯಾಕ್ ಮ್ಹಜಿ ಗತ್ ಜಾತಾ, ರಾತ್ ಭರ್, ಪೋಟ್ ಭರ್
ತುಜೆ ವೋಂಟ್ ಚಿಂವೊನ್ ಕಾಡ್ಚಿ ಆಶಾ ಜಾತಾ
ಮತ್ ಮ್ಹಜಿ ಪಿಶಿ ಜಾತಾ ಜೆದ್ನಾಂ ತುಕಾ ಭೆಟ್ಚಿ ಘಡಿ ಉದೆತಾ
ತುಂ ಮ್ಹಣ್ ಅಮೃತ್ ಜೆಜುನ್ ಬೆಸಾಂವ್ ಘಾಲ್ಲೆಂ
ಮ್ಹಜೆಂ ಪಿಶೆಂ ಮನ್ ಮ್ಹಾಕಾ ಫಸಯ್ತಾ
ದುಃಖಿ ಮ್ಹಜೆ ಜಿಣ್ಯೆಂತ್ ಮಾಂಕ್ಡಾಚೊ ನಾಚ್ ನಾಚಯ್ತಾ
ಮತ್ ಮ್ಹಜಿ ಪಿಶಿ ಜಾತಾ ಜೆದ್ನಾಂ ತುಜಿ ಸಾವ್ಳಿ ಮತಿಂ ರೂಪ್ ಘೆತಾ
ಮನ್ ಮ್ಹಜೆಂ ಚಂಚಲ್ ಗಾಯ್, ತುಜ್ಯಾಚ್ ಚಿಂತ್ನಾಂನಿ ಭರೊನ್ ವೆತಾ
ಜೀಣ್ ಮ್ಹಜಿ ನಿರ್ಫಳ್ ಗಾಯ್ ಅಸ್ಕತ್ ಆಕಾಂತ್ ಕಾಂಜಾಂತ್ ಯೆತಾ
"ಭಾಯ್ರ್ ಚಲ್ ಮ್ಹಜೆ ಜಿಣ್ಯೆ ಥಾವ್ನ್" - ಸಾಂಗೊಂಕ್ ಮನ್ ಕರ್ತಾ
ಪುಣ್ ತುಜೆ ಗೊಪಾಂತ್ ಮರಣ್ ದೆಖ್ಚಿ ಆಶಾಚ್ ಹರ್ ದಿನ್ ಜಯ್ತ್ ವರ್ತಾ
ಅರ್ಧ್ಯಾ ಸಂಸಾರಾನ್ ನಾಕಾರ್ಲೆಲೆಂ ಪೀವನ್ ತುಂ
ಪುಣ್ ಖರೆಂಚ್ ಸಾಂಗೊಂ ಮ್ಹಜೆಂ ಸಾಸ್ಣಿಕ್ ಜೀವನ್ ತುಂ
ಮನ್ ಮ್ಹಜೆಂ ಪಿಶೆಂ ಜಾತಾ
ಜೆದ್ನಾಂ ತುಜಿ ಯಾದ್ ಯೆತಾ.
ಕವಿತಾವೋಳ್ ಅಂಕಣಾಚೆರ್ ತರ್ನ್ಯಾ ತಶೆಂಚ್ ಪರ್ನ್ಯಾ ಕವಿಂಚಾ ಕವಿತಾಂಕ್, ಅನುವಾದಿತ್ ಕವಿತಾಂಕ್ ಪರ್ಗಟ್ ಕರ್ತೆಲ್ಯಾಂವ್. ಹರ್ಯೆಕಾ ಹಫ್ತ್ಯಾಕ್ ಏಕ್ ಕವಿತಾ ಹ್ಯಾ ಅಂಕಣಾಚೆರ್ ಪರ್ಗಟ್ ಜಾತೆಲೆಂ. ತುಮ್ಚಿಂ ಕವಿತಾ ಧಾಡುಂಕ್ ವಿಳಾಸ್: info@daaiz.com
1. ಮನ್ ಮ್ಹಜೆಂ ಪಿಶೆಂ ಜಾತಾನಾ
ಹೇಮಾಚಾರ್ಯ
ಕವಿವಿಶಿಂ: ಕೊಂಕ್ಣೆಂತ್ ಹಾಚಿ ವಳೊಕ್ ಎಕಾ ಕಾಣ್ಯೆಗಾರಾಚಿ, ಅಂಕಣ್ಕಾರಾಚಿ ಜಾವ್ನ್ ತರ್ಯೀ, ಅಪ್ರೂಪಾಯೆನ್ ಕವಿತಾ ಬರಂವ್ಚಾ ಹೇಮಾಚಾರ್ಯಚೆಂ ಖರೆಂ ನಾಂವ್ ಸ್ಟೇವನ್ ಹೆರಾಲ್ಡ್ ಮಸ್ಕರೇಞಸ್. ಚಡ್ತಾವ್ ಜಾವ್ನ್ ಸಾಮಾಜಿಕ್ ವಿಶ್ಯಾಂಚೆರ್ ಬರಂವ್ಚೊ ಹೊ ಪ್ರಸ್ತುತ್ ಅಪ್ಲ್ಯಾ ಕುಟ್ಮಾಸವೆಂ ದುಭಾಯ್ ಶ್ಹೆರಾಂತ್ ವಸ್ತಿ ಕರ್ನ್ ಆಸ್ಚೊ ಹೊ ಮೂಳ್ ಕಿನ್ನಿಗೋಳಿ ಫಿರ್ಗಜೆಚೊ.
ಕವಿತೆಂಚಿಂ ಹೆರ್ ಅಂಕಣಾಂ
ಕವಿತಾಮೃತ್ [ವಿಂಚ್ಣಾರ್ ಕೊಂಕ್ಣಿ ಕವಿಂಚಿ ವಳೊಕ್ ಆನಿ ಕವಿತಾ]
ಕವಿತಾದಾಯ್ಜ್ [ವಿಂಚ್ಣಾರ್ ಹೆರ್ ಕವಿಂಚಿ ವಳೊಕ್ ಆನಿ ಕವಿತಾ]
ಕವಿತಾಪಾಠ್ [ಕವಿತಾ ಅಧ್ಯಯನಾಚೆಂ ಅಂಕಣ್]
ಉತ್ರಾಂತ್ ಸೂತ್ರಾಂ [ಮಯ್ನ್ಯಾಳೊ ಕವಿತಾ ಸ್ಪರ್ಧೊ]
ತಿಂತೆರಾಂತ್ ಪಿಂತುರಾಂ [2006 ವರ್ಸಾಚೊ ಕವಿತಾ ಸ್ಪರ್ಧೊ]
ಕವಿತಾಝರ್ [ದೊನ್ಶಿಂ ಕವಿಂಚಿಂ ದೊನ್ಶಿಂ ಕವಿತಾ]
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.