ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ರಾಂದ್ಪಾವೋಳ್
ದಾಯ್ಜ್ ಕುಜ್ನ್:ದಾಯ್ಜ್ಚೊ
ಪ್ರಮುಖ್ ಇರಾದೊ ಕೊಂಕ್ಣಿ ಸಾಹಿತ್ಯಾಚೊ ತರ್ಯ್ ವಾಚ್ಪ್ಯಾಂಚಾ ಪಸಂದೆಖಾತಿರ್ ಆಸಾ ಕೆಲ್ಲ್ಯಾ ದಾಯ್ಜ್ ಕುಜ್ನಾಂತ್ ಆಮ್ಚಾ ಮಾಂಯ್ಗಾಂವ್ಚಾ ಎಕೆಕಾಚ್ ಖಾಣಾ-ರಾಂದ್ಪಾಚೊ, ತಾಚಾ ತಯಾರಾಯೆಕ್ ಗರ್ಜೆಚ್ಯೊ ವಸ್ತು ತಶೆಂಚ್ ತೆಂ ಕಶೆಂ ರಾಂದ್ಚೆಂ ಮ್ಹಳ್ಳೆಂ ವಿವರ್ಚಾ ಇರಾದ್ಯಾನ್ ಹಿ ವೋಳ್ ಆಸಾ ಕೆಲ್ಯಾ,
ರಾಂದ್ಪಿಣ್: ಹರ್ಯೆಕಾ ಮಯ್ನ್ಯಾಂತ್, ತಿಚೆಂ ತಶೆಂಚ್ ಸಂಪಾದನ್ ಕೆಲ್ಲೆಂ ಹೆರಾಂಚೆಂ ಎಕೆಕ್ ನವೆಂ ರಾಂದಾಪ್ ತುಮ್ಚೆಮುಖಾರ್ ಹಾಡ್ನ್ ಯೆತೆಲೆಂ ಫೆರಾರ್ ಫಿರ್ಗಜೆಚೆಂ ಬಾಯ್ ಪ್ರಿಯಾ ಸಿಕ್ವೇರಾ. ತುಮ್ಕಾಂಯ್ ಹಾಂತುಂ ತುಮ್ಚಿಂ ರಾಂದ್ಪಾಂ ಧಾಡುಂಕ್ ಆಸಾತ್ ತರ್ ತಿಂ ತುಮಿಂ priya@daaiz.com ವಿಳಾಸಾಕ್ ಧಾಡ್ಯೆತಾ. ವಿಂಚ್ಣಾರ್ ಬರ್ಪಾಂಕ್ ಎಕ್ಟಾಂವ್ನ್ ಎಕಾ ಬುಕಾರುಪಾರ್ ಪರ್ಗಟ್ ಕರ್ಚೆಂ ಯೋಜನ್ಯ್ ಆಸ್ತೆಲೆಂ.
ರಾಂದ್ಪಾವೋಳ್ - 2. ಪತ್ರಾಡೆ [- ಲಿಡಿಯಾ ಲೋಬೊ ವಾಲೆನ್ಸಿಯಾ/ಕುವೇಯ್ಟ್]
ರಾಂದ್ಪಿಣೆಚಿ ಮಟ್ವ್ಯಾನ್ ವಳೊಕ್:ಬಾಯ್
ಲಿಡಿಯಾ ಲೋಬೊ ಕೆಲರಾಯ್ ಫಿರ್ಗಜೆಚಿ. ಪ್ರಸ್ತುತ್ ಅಪ್ಲ್ಯಾ ಕುಟ್ಮಾಸವೆಂ ಕುವೆಯ್ಟಾಂತ್ ವಸ್ತಿ ಕರುನ್ ಆಸಾ, ರುಚಿಕ್ ರಾಂದ್ಪಾಸವೆಂ ಭಾಗಿಚಿ, ಫುಲಾಂಚಿ ಜತನ್ ಕರ್ಚೆಂ ಹವ್ಯಾಸ್ ಹಿಕಾ ಆಸಾ, ಮಂಗ್ಳುರಾಂತ್ ’ಲ್ಯಾವಂಡರ್ಸ್’ ಮ್ಹಳ್ಳೆಂ ಫುಲಾಂಚೆಂ ಶೊಪ್ ಮಿಲಾಗ್ರಿಸ್ ಮೆನ್ಶನಾಂತ್ ಆಸ್ಲ್ಲೆಂ. ಕೊಂಕ್ಣಿ ಭಾಸೆಚೆರ್ ಅಭಿಮಾನ್ ಹಿಕಾ ಆಸಾ, ವಾಸ್ಚೆಂ, ಇಂಟರ್ನೆಟ್ ಸರ್ಫಿಂಗ್ ಹಿಚ್ಯೊ ಹೆರ್ ಹವ್ಯಾಸಾಂ ಪಯ್ಕಿ ಥೊಡ್ಯೊ.
- ಪ್ರಿಯಾ ಸಿಕ್ವೇರಾ, ಫೆರಾರ್
ಲಿಡಿಯಾ ಲೋಬೊ
2 ಪಾವ್ ಉಕ್ಡೊ ತಾಂದುಳ್
20 ತೆರೆಂ
ಪಾನಾ (ತೆರೆ ಪಾನಾಂ ಬದ್ಲಾಕ್ ದುಸ್ರಿ ಬಾಜಿಯಿ ಘಾಲ್ಯೆತ್)
2 ತಾಂಬ್ಡ್ಯೊ
ಲಾಂಬ್ ಮಿರ್ಸಾಂಗ್ಯೊ, ಇಲ್ಲಿಶಿ ಆಮ್ಟಾಣ್(ಲಾನ್ ಆವಾಳ್ಯಾ ತೆದಿ)
ಕರ್ಚಿ ರೀತ್: ತಾಂದುಳ್ ಧುವ್ನ್, ಬಿಜಾತ್ ಘಾಲ್. ಎಕಾ ವೊರಾಂ ಉಪ್ರಾಂತ್
ಮಿರ್ಸಾಂಗ್, ಆಮ್ಟಾಣ್ ಘಾಲ್ನ್ ಸುಕೆಶೆಂ ಗಂದ್ ವಾಟ್. ತಾಕಾ ಆಳುಂ
ಬಾರೀಕ್ ಶಿಂದುನ್ ಘಾಲ್ನ್ ಭರ್ಸುನ್, ತೊಂದ್ರಾಂತ್ ವೊತುನ್ ಉಕಡ್ನ್ ಕಾಡ್ ಆನಿಂ ಹಳ್ತಾಚೆ ಕುಡ್ಕೆ ಕರ್.
ಪತ್ರಾಡ್ಯಾಂಚಿ ಕಡಿ
ಆಳೆನಾಕ್:
2
ಮೆಜಾ ಕುಲೆರ್ಭರ್ ಕನ್ಪಿರ್
1
ಚಾಯೆಚೆಂ ಕುಲೆರ್ಭರ್ ಜಿರೆಂ
10
ಮಿರಿಯಾಂ
1
ಮೆಜಾ ಕುಲೆರ್ಭರ್ ಸಾಸಾಂವ್
6
ಲಾಂಬ್ ಮಿರ್ಸಾಂಗ್ಯೊ
3
ಮಟ್ವ್ಯೊ ಮಿರ್ಸಾಂಗ್ಯೊ
1 ಕುಡ್ಕೊ ತಿಕೆ
ಸಾಲ್
2-3
ಲವಂಗ
1
ನಾರ್ಲ್
1/2
ಚಾಯೆಚೆಂ ಕುಲೆರ್ಭರ್ ಹಳದ್
ಲ್ಹಾನ್ ಗುಳೊ ಆಮ್ಸಾಣ್ (ಲ್ಹಾನ್ ಆವಾಳ್ಯಾ ತೆದಿ)
3 ಹಳ್ತಾಚೆ ಪಿಯಾವ್
2 ಬಿಯೊ
ಲೊಸುಣ್
ಕರ್ಚಿ ರೀತ್:
ಆಳೆನಾಚೊ ವಸ್ತು, ಮಿರ್ಸಾಂಗ್ಯೊ, ಕಣ್ಪಿರ್,
ಮಿರಿಂ, ಜಿರೆಂ, ಸಾಸಾಂವ್, ಪಿಯಾವ್ ವಿವಿಂಗಡ್ ಬಾಜ್. ಆಳೆನಾಚ್ಯೊ
ಪೂರಾ ವಸ್ತು ಸಾಂಗಾಂತಾ ಘಾಲ್ನ್ ವಾಟುನ್ ಕಾಡ್.
ತೊಪ್ಲ್ಯಾಂತ್ ತೂಪ್ ಯಾ ತೇಲ್ ತಾಪವ್ನ್ ಎಕ್ ಪಿಯಾವ್
ಬಾಜ್ ತಾಂಬ್ಡೊ ಜಾತಾ ಮ್ಹಣಾಸರ್ ಭಾಜ್. ಆಳೆನ್ ಘಾಲ್ನ್ ಉದಾಕ್ ಘಾಲ್ನ್ ಹಳ್ತ್ ಕಡಿ ಕರ್. ಚಡ್ ದಾಟ್ ದವರಿನಾಕಾ. ರುಚಿ
ಪರ್ಮಾಣೆಂ ಮೀಟ್ ಘಾಲ್ನ್ ಬರೊ ಕತ್ಕತೊ ಕಾಡ್ನ್ ತಾಕಾ
ಪತ್ರಾಡೆ ಘಾಲ್ನ್ ಪಂದ್ರಾ ಮಿನುಟಾ ಉಕ್ಡುಂಕ್ ಸೊಡ್. ಖತ್ಕತೊ ಆಯ್ಲ್ಯಾ ಉಪ್ರಾಂತ್ ಭುಂಯ್ ದವರ್.
ಸುಚನ್: ರುಚಿಕ್ ಜಾಯ್ ಜಾಲ್ಯಾರ್ ಮಾತ್ರ್ ಅರ್ಧೊ ಕಿಲೊ
ಬೊಕ್ರ್ಯಾಚೆ ವಾ ಬೀಫಾಚೆ ಮಾಸ್ ಉಕಡ್ನ್ ಘಾಲ್ಯೆತ್.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
