ಕವಿತಾकविताPoem
’ನಜೀರ್
This poem is available in its original Kannada only.
ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಕವಿತಾಮೃತ್:
ಕೊಂಕ್ಣಿ ಕಾವ್ಯಾಂಕ್ ನವಿ ದಿಶಾ ಲಾಭೊಂಕ್ ಸುರು ಜಾಲ್ಲ್ಯಾ
ಹ್ಯಾ ದಿಸಾಂನಿ ಕವಿತಾ ಬರಯ್ತೆಲ್ಯಾಂಚೊ ಸಂಖೊ ವಾಡೊನ್
ವೆಚಿ ಗಜಾಲ್ ಭೋವ್ ಸಮಧಾನೆಚಿ. ಹಾಂತುಂ ಸಗ್ಳೆ
’ಕವಿ’ ಆನಿ ತಾಣಿಂ ಬರಯಿಲ್ಲಿಂ ಸರ್ವ್ ’ಕವಿತಾ’ ಮ್ಹಣೊಂಕ್ ಜಾಯ್ನಾ ತರ್ಯ್ ಕವಿತಾ ಬರಂವ್ಕ್ ಶಿಕ್ಚಾ
ಪ್ರಕ್ರಿಯೆಂತ್ ತಾಣಿಂ ವಾಂಟೆಲಿ ಜಾಲ್ಲಿ ಸಮಧಾನೆಚಿ ಗಜಾಲ್. ಕವಿತಾ ಬರಂವ್ಕ್ ಕಸಲಿಂಚ್
ನೇಮಾಂ ನಾಂತ್, ಕವಿತಾ ಇತ್ಲೆಂಚ್ ಲಾಂಬ್, ಇತ್ಲೆಂಚ್ ರೂಂದ್, ಇತ್ಲೆಚ್
ಸಬ್ಧ್ ಆಸಾಜಯ್ ಮ್ಹಳ್ಳಿ ಬಂದಡ್ ನಾ ತರ್ಯ್ ಕವಿತಾ ಕವಿತಾಪರಿಂಚ್ ಆಸಾಜಯ್. ಕವಿತೆಧ್ವಾರಿಂ ಏಕ್ ಕಾಣಿ,
ಲಿಸಾಂವ್ ದಿವ್ಯೆತಾ ಮ್ಹಣೊನ್ ಕಾಂಯ್ ಕಾಣ್ಯೆಕ್ ಕವಿತಾ
ಮ್ಹಣೊಂಕ್ ಜಾಯ್ನಾ. ಕವಿನ್ ಉತ್ರಾಂ
ವಾಪಾರುಂಕ್ ಕಠೀಣ್ ಸ್ವಾರ್ಥಿ ಜಾಯ್ಜಯ್ ಪುಣ್ ಚಿಂತ್ಪಾಂತ್ ಭೋವ್ ಗ್ರೇಸ್ತ್ ಜಾವ್ನ್ ಆಸಾಜಯ್.
ಹ್ಯಾ ಖಾತಿರ್ ಜಿಣ್ಯೆ ಅನ್ಭೋಗ್ ಆನಿ ಚಡಿತ್ ಆನಿ ಚಡಿತ್ ವಾಚಾಪ್ ಭೋವ್ ಗರ್ಜೆಚೆಂ. ತೆದ್ನಾಂಚ್ ಕವಿತಾ ಅಪ್ಲ್ಯಾ ಜಾಗ್ಯಾರ್
ಸೊಭ್ತಾ ಮಾತ್ರ್ ನ್ಹಂಯ್ ವಾಚ್ಪ್ಯಾಂಕ್ಯ್
ರುಚ್ತಾ.
ಆತಾಂ ಕವಿತಾಚಾ ಧಾಖ್ಲ್ಯಾಕ್ ಏಕ್ ಲ್ಹಾನ್ ಪಂಗತ್ ಘೆವ್ಯಾಂ,
"ಮ್ಹಾಕಾ ಜಿವೆಶಿಂ ಮಾರ್ಲ್ಲ್ಯಾಕ್ ಕೊಣ್ ತರ್ಯ್ ವ್ಹಚೊನ್ ಸಾಂಗಾ
ಮ್ಹಜ್ಯಾ ಮೊಡ್ಯಾಚ್ಯಾ ಬಗ್ಲೆನ್ ತೊ ಅಪ್ಲ್ಯಾ ಚುರಿಯೆಕ್ ವಿಸ್ರೊನ್ ಗೆಲಾ"
ಪಾಕಿಸ್ತಾನಾಚಾ ’ನಜೀರ್ ಭಾಖ್ರಿ’ ಮ್ಹಳ್ಳ್ಯಾನ್ ಬರಯಿಲ್ಲ್ಯಾ ಹ್ಯಾ ಉತ್ರಾಂಚಿ ತಾಂಕ್ ತರ್ಯ್ ಪಳೆಯಾ. ವಾಚ್ತಾಂ ವಾಚ್ತಾಂ ವಾಚ್ಪ್ಯಾಕ್ ಅಥ್ವೊಚ್ ಅನ್ಭೋಗ್ ದಿತಾ ನ್ಹಂಯ್ಗಿ? ಆತಾಂ ಕೊಂಕ್ಣೆಂತ್ ಅಸಲೊ ಅನ್ಭೋಗ್ ದಿಂವ್ಚಿಂ ಕವಿತಾ ಯೇಂವ್ಕ್ಜಾಯ್ ತರ್ ಖಂಡಿತ್ ಜಾವ್ನ್ ಪರಿಶ್ರಮಾಚಿ ಗರ್ಜ್ ಆಸಾ. ವಾಚಾಪ್ ಗರ್ಜ್ ಆಸಾ. ಆತಾಂ ಕವಿತಾ ಬರಯ್ತೆಲ್ಯಾಂನಿ ಕವಿತಾಜಮ್ಯಾಂಚಿ ಎಕೇಕ್ ಪ್ರತಿ ಮೊಲಾಕ್ ಘೆತ್ಲಿ ತರ್ಯ್ ಸಲೀಸಾಯೆನ್ ದೊನ್ಶಿಂ-ತಿನ್ಶಿಂ ಕವಿತಾಜಮೆ ವಿಖೊನ್ ಗೆಲ್ಲೆಪರಿಂ ಜಾಲೆಂ. ಅಶೆಂ ಕೆಲ್ಲೆವರ್ವಿಂ ಕೊಣಾಯ್ ಎಕ್ಲ್ಯಾ ಬಾವ್ಡ್ಯಾಕ್ ಅಪ್ಲ್ಯಾ ಕವಿತಾಂಚೊ ಬೂಕ್ ಪರ್ಗಟ್ ಕರ್ಚೆಂ ಧಯ್ರ್ ತರ್ಯ್ ಮೆಳಾತ್.
ದಾಯ್ಜಾರ್ ಎದೊಳ್ಚ್ ’ಕವಿತಾಝರ್’,
’ಕವಿತಾದಾಯ್ಜ್’ ಮ್ಹಳ್ಳಿಂ ದೋನ್
ವೆಗ್ಳಿಂ ಅಂಕಣಾಂ ಆಸಾತ್, ತ್ಯಾ ಶಿವಾಯ್ ’ತಿಂತೆರಾಂತ್ ಪಿಂತುರಾಂ’
ಸಂಪೊನ್ ಆತಾಂ ’ಉತ್ರಾಂತ್
ಸೂತ್ರಾಂ’ ಅಂಕಣ್ ಫಕತ್ತ್ ಪ್ರೇರಿತ್ ಕವಿತಾಂ ಖಾತಿರ್ ಆಸ್ಚೆಂ ಅಂಕಣ್.
ಹ್ಯಾ ತೀನ್ಯೀ ಅಂಕಣಾಂನಿ ವೆವೆಗ್ಳೆ ಇರಾದೆ, ಶೆವೊಟ್ ಆನಿ ಮೂಳ್ ಉದ್ದೇಶ್ ಆಸಾತ್ ದೆಖುನ್ ಆತಾಂ
’ಕವಿತಾಮೃತ್’ ಅಂಕಣಾಂತ್ ಕೊಂಕ್ಣೆಂತ್ ’ಕವಿತಾ’ ವರ್ಗಾಕ್
ಸೆರ್ವೊಂಚ್ಯಾ ಕವಿತಾಂಕ್, ತ್ಯಾ ಕವಿಚಾ ಮಟ್ವ್ಯಾ ವಳ್ಕೆಸವೆಂ
ಪರ್ಗಟ್ಲೆಲ್ಯಾಂವ್. ಕೊಣೆಂಯ್ ಹ್ಯಾ ಆಂಕ್ಡ್ಯಾಚೆರ್ ಕವಿತಾ ಬರವ್ಯೆತಾ.
ಹಾಂತ್ಲಿಂ ಕವಿತಾ ಫುಡೆಂ ಬುಕಾರುಪಾರ್ ಪರ್ಗಟ್ ಕರ್ಚೆಂ ಚಿಂತಾಪ್ ಆಮ್ಚೆಂ ಜಾವ್ನಾಸಾ.
ಕಾಯ್ಬೆವ್
ಕರಾಮಾಂತ್ ಕಾಂಪಾನ್ ಕಾಂಪ್ ಕಾಯ್ಬೆವಾಚೆ ರೂಕ್
ದೆಖ್ತಾಂ ಪಾನಾಂ, ಮ್ಹಜ್ಯಾ ಮನಾ ಥಾಂಬ್ತಾ-ಮುಗೊ ಭುಕ್.
ಇಂಗ್ಲೆಂಡಾಚೆ ರಾಣ್ಯೆ ಮಾತ್ಯಾರ್ ಆದ್ಲ್ಯಾ ಶೆಕ್ಡ್ಯಾ ಚೆಪೆಂ
ದಿಸತ್ ಎಕ್ಲ್ಯಾಕ್, ಕೊಣ್ ದುಸ್ರ್ಯಾಕ್ ಅಂತ್ರಳಾಂತ್ಲೆಂ ತುಪೆಂ.
ವಾರ್ಯಾ ತಾರ್ವಾರ್ ಬಸೊನ್ ಚೊಯ್ಲ್ಯಾರ್ ಪಾಚ್ವಿಂ ಸಾತಿಂ ದಿಸ್ತಿತ್
ಸಾವ್ಳೆಕ್ ಪಂದ್ಲ್ಯಾನ್ ಚಲೊನ್ ಗೆಲ್ಯಾರ್ ದುಕಿ ಲೆಗುನ್ ಪಳ್ತಿತ್.
ಮ್ಹಾಕಾ ಮಾತ್ರ್ ಚೊಯ್ತಾಂ ಚೊಯ್ತಾಂ ಫುಲೊನ್ ಯೆತಾ
ವೋಡ್
ಪಾನಾಂ ಕಣಾಂ ಫಕತ್ ದಿಸ್ತಾ ತುಜಿ-ಮೂ ಲಾಗ್ಮೋಡ್.
ಪಾನಾ ಪಾನಾ ನಾಚ್ಚೆಂ ದಿಸ್ತಾಯ್, ಕಳ್ನಾ ಸಂಗೀತ್ ಖಂಯ್ಚೆಂ?
ಆಸಾ ಕೊಣ್ಣಾ ವಾರ್ಯಾ ಶಿರಾಂ, ತುಕಾ ಮಾತ್ರ್ ಕಳ್ಚೆಂ!
ದೆಖೊನ್ ದೆಖೊನ್ ಜಾತಾಂ ಪಿಸೊ, ಥೊಡೆ ಪಾವ್ಟಿಂ ಸುಕ್ಣೆಂ
ಧನ್ಯ್ ತುಂವೆಂ ಕೆಲ್ಲ್ಯಾ ಪಾನಾಂಕ್ ಕರುಂಕ್ ಪಾಕಾಂ ಮಾಖ್ಣೆಂ.
ಜಾಣಾಂ ಹಾಂವ್ ಕಾಯ್ಬೆವ್ ಕೊಡು, ಶಮನ್ ಕರ್ತಾ ವ್ಯಾಧಿ
ಇಲ್ಲೆಂ ಕೊಡು ತೂಂಯ್ ದೆಕುನ್, ಜಾಲ್ಲೊಂ ಮೊಗಾ ಶಾದಿ!
ಕವಿತಾಮೃತ್ - 1
ಮೆಲ್ವಿನ್ ರೊಡ್ರಿಗಸ್
ಜನನ್: 8
ಜುಲಾಯ್
1962
ಇಮೇಯ್ಲ್: blamel@hotmail.com
ಪರ್ಗಟ್ ಜಾಲ್ಲೆ ಸ್ವತಾಚೆ ಕವಿತಾಜಮೆ:
ಮೊಗಾ ಪೆಳೊ [ಪ್ರಗತಿ ಪ್ರಕಾಶನ್]
ಫಿಂತಾಂ [ಮಾಂಡ್ ಸೊಭಾಣ್ ಪ್ರಕಾಶನ್]
ವಾಟ್ [ಕವಿತಾ ಪಬ್ಲಿಕೇಶನ್ಸ್]
ಪರ್ಗಟ್ ಕೆಲ್ಲೆ
(ಹೆರಾಂಚೆ) ಕೊಂಕ್ಣಿ
ಕವಿತಾಜಮೆ:
’ಕುಪಾಂ ಪೊಂದ್ಲಿಂ ಮುಖಾಂ’ (2003).
’ಕಾಳೊಕಾಂತ್ಲಿಂ ಕಾಂತಾರಾಂ’ (2005).
’ಚಿಂದಿಯಾಂಚೆ ಗೊಂಬೆ’ (2005).
’ಸುಖಾ ದುಖಾಚಿಂ ಪಾನಾಂ ಥೊಡಿಂ ಮೊಗಾಚಿಂ’ (2006).
’ಶೆಕ್ಡ್ಯಾಚ್ಯೊ ವಿಂಚ್ಣಾರ್ ಕವಿತಾ’ (2007).
ಹೆರಾಂನಿ
ಸಂಪಾದನ್ ಕರುನ್ ಪರ್ಗಟ್ ಕೆಲ್ಲೆ ಕೊಂಕ್ಣಿ
ಕವಿತಾಜಮೆ:
’ಕವಿತಾಪಾಠ್ ಭಾಗ್-1’ (2005,
ಸಂ: ವಲ್ಲಿ ಕ್ವಾಡ್ರಸ್).
’ಸಾಗೊರಾಚ್ಯಾ ವಾಟೆಚ್ಯೊ ಝರಿ’ (2006, ಸಂ: ವಲ್ಲಿ ಕ್ವಾಡ್ರಸ್).
ಲಾಭ್ಲ್ಲಿಂ ಇನಾಮಾಂ/ಪ್ರಶಸ್ಥ್ಯೊ:
ರಾಕ್ಣೊ
ಸಾಹಿತಿಕ್ ಸ್ಪರ್ಧ್ಯಾಂತ್ (ದೋನ್ ಪಾವ್ಟಿಂ ಪಯ್ಲೆಂ ಇನಾಮ್, ಏಕ್
ಪಾವ್ಟಿಂ ತಿಸ್ರೆಂ ಇನಾಮ್)
ಇಂಟರ್
ನ್ಯಾಶನಲ್ ಲೈಬ್ರೆರಿ ಆಫ್ ಪೋಯೆಟ್ಸ್ ಥಾವ್ನ್ ’ಎಡಿಟರ್ಸ್ ಚೋಯ್ಸ್’
ಪ್ರಶಸ್ಥಿ (2002)
ಗೊಂಯ್ಚಿ ಭಾಶಾ ಮಂಡಳೆಚಿ
ಪ್ರಶಸ್ಥಿ. (ಮೊಗಾಪೆಳೊ)
ಕೊಂಕ್ಣಿ ಕುಟಾಮ್ ಪ್ರಶಸ್ಥಿ.
2005 ಇಸ್ವೆಚಿ ಕರ್ನಾಟಕ್ ಕೊಂಕ್ಣಿ ಸಾಹಿತ್ಯ್ ಅಕಾಡೆಮೆಚಿ ಪ್ರಶಸ್ಥಿ.
ವಿಶೇಸ್ ವಾವ್ರ್:
ಕೊಂಕ್ಣೆಂತ್ ಪಯ್ಲೆಂ ಓನ್ಲಾಯ್ನ್ ಕವಿತಾ ಅಂಕಣಾಚಿ ಸುರ್ವಾತ್ ಕೆಲ್ಲ್ಯಾ ಹಾಣೆಂ ಪರ್ಗಾಂವಾಂತ್ ಕವಿತಾಚಿಂ ತರ್ಭೆತೆ ಶಿಭಿರಾಂ ಮಾಂಡುನ್ ಹಾಡ್ಚಿ ರಿವಾಜ್ ಸುರು ಕೆಲಿ ಮಾತ್ರ್ ನ್ಹಂಯ್, ಅಜೂನ್ ಚಲವ್ನ್ ಆಸಾ. ಕವಿತಾ ಪಬ್ಲಿಕೇಷನ್ಸ್ ತಶೆಂಚ್ ಕವಿತಾ ಟ್ರಸ್ಟ್ ಹಾಚೆಸವೆಂ ಸಂಪೂರ್ಣ್ ಕವಿತಾಂಚೆರ್ ಲಗ್ತಿ ಜಾಲ್ಲೆಂ ಅಪ್ಲೆಂಚ್ ಸಾಯ್ಟ್ ಕವಿತಾ.ಕೊಮ್ ಚಲವ್ನ್ ಆಸಾ. ’ಕವಿತಾಪಾಠ್’ಚೆರ್ ಹಾಚ್ಯಾ ಕವಿತಾಂಚೆರ್ ಕೆಲ್ಲೆಂ ಅಧ್ಯಯನ್ ಕೆಲಾಂ.
ಅಖಿಲ್ ಭಾರತೀಯ್ ಕೊಂಕ್ಣಿ ಸಾಹಿತಿಕ್ ಸಮ್ಮೇಳಾಂತ್ ಕವಿತಾ ವಾಚನ್ ಕೆಲಾಂ.
ಮಂಗ್ಳುರ್ ಆಕಾಶ್ವಾಣಿಚೆರ್ ತಶೆಂಚ್ ಸಭಾರ್ ಕವಿತಾಗೋಷ್ಟಿಂನಿ ಕವಿತಾ ವಾಚನ್ ಕೆಲಾಂ.
ಗಾಂವಾಂತ್ ತಶೆಂ ಪರ್ಗಾಂವಾಂತ್ ಸಭಾರ್ ಕವಿತಾಗೋಶ್ಟಿ ಚಲವ್ನ್ ವೆಲ್ಯಾತ್ ತಶೆಂಚ್ ಕವಿತೆಚಿಂ ಕಾಮಾಸಾಳಾಂ ಚಲವ್ನ್ ವೆಲ್ಯಾಂತ್.
’ದಾಕ್ಟ್ಯಾ ದೆವಾಚಿಂ ಭುರ್ಗಿಂ’, ’ಚಾರ್ ಮುಖಾಂ’, ’ಚಿಂದಿಯಾಂಚೆ ಗೊಂಬೆ’, ’ಏಕ್ ಧೇಂಟ್ ಏಕ್ ಪಾನ್’ ಕವಿತಾಜಮ್ಯಾಂಕ್ ಪ್ರಸ್ತಾವನ್ ಬರಯ್ಲಾಂ.
’ಶೆಕ್ಡ್ಯಾಚಿಂ ಕವಿತಾಂ’ ಬುಕಾಚೆಂ ಸಂಪಾದಕ್ಪಣ್ ಕೆಲಾಂ.
ಮೆಲ್ವಿನಾಚಿಂ ಕವಿತಾ/ಲೇಖನಾಂ:
ಕವಿತಾಝರ್ಚೆರ್ ಪರ್ಗಟ್ ಜಾಲ್ಲೆಂ ತಾಚೆಂ ಪ್ರಕೃತಿಚೊ ಪಾಸ್ ಕವಿತಾ.
ತಾಚೆಂ ಏಕ್ ಕೊಂಕ್ಣಿ ಗಝಲ್.
ತಾಚ್ಯಾ ಕವಿತಾಂಚೆರ್ ಅಧ್ಯಯನ್ ಕರುನ್ ಕವಿತಾಪಾಠ್ಚೆರ್ ಪ್ರಸ್ತುತ್ ಕೆಲ್ಲಿಂ ಲೇಖನಾಂ.
ಕವಿತಾಪಾಠ್ ಬುಕಾಕ್ ಮೆಲ್ವಿನಾನ್ ಬರಯಿಲ್ಲೆಂ ಪ್ರಸ್ತಾವನ್.
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.