ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
[2006 ಇಸ್ವೆಚಾ ಸಪ್ತೆಂಬರ್ 23 ತಾರಿಕೆರ್ ಅಪ್ಲೊ 41ವೊ ಜಲ್ಮಾದಿವಸ್ ಆಚರಣ್ ಕರ್ಚಾ ಆಂಡ್ರು ತುಕಾ ಹೆಂ ಅಂಕಣ್ ಅರ್ಪಣ್]
ಸತಾಂ ಆನಿ ಖತಾಂ - 12. ಮಿನತ್
ಹೆಂ ಅಂಕಣ್ ’ರಾಕ್ಣೊ’ ಚೆರ್ ತಶೆಂಚ್ ಆಶಾವಾದಿ ಪ್ರಕಾಶನಾಚಾ ಬುಕಾರುಪಾರ್ ಪರ್ಗಟ್ ಜಾಲಾಂ.
ಮಹಾಭಾರತಾಂತ್ಲಿ ಏಕ್ ಕಾಣಿ ಅಶಿ ಸಾಂಗ್ತಾ;
ಎಕಾ ಗಾಂವಾಂತ್ ದ್ರೋಣಾಚಾರ್ಯ ಮ್ಹಳ್ಳೋ ಶ್ರೇಷ್ಟ್ ಮೆಸ್ತ್ರಿ ಧೊಣ್ವಿ-ವಿಧ್ಯಾ (ಬಿಲ್ಲು-ವಿಧ್ಯ) ಶಿಕಯ್ತಾಲೊ. ಆನಿಂ ತೊ ತಿ ವಿಧ್ಯಾ ಫಕತ್ತ್ ಊಂಚ್ ಕುಳಿಯೆಚಾ ಬುರ್ಗ್ಯಾಂಕ್ ಮಾತ್ರ್ ಶಿಕಯ್ತಾಲೊ. ಏಕಲವ್ಯ ಮ್ಹಳ್ಳೊ ಏಕ್ ಭುರ್ಗೊ ಹಿ ವಿಧ್ಯ ಶಿಕೊಂಕ್ ಚಿಂತುನ್ ಆಪ್ಣಾನ್ಂಯೀ ಹ್ಯಾ ವಿಧ್ಯೆಂತ್ ಪ್ರವೀಣ್ಕಾಯ್ ಜೊಡಿಜಾಯ್ ಮ್ಹಣೊನ್ ದ್ರೋಣಾಚಾರ್ಯಲಾಗಿಂ ಗೆಲೊ.
ದ್ರೋಣಾಚಾರ್ಯಾನ್ ಏಕಲವ್ಯಾಚಿ ಗರ್ಜ್ ಸಮ್ಜಾಲೊ ತರ್ಯೀ ತಾಕಾ ಶಿಕಂವ್ಕ್ ಕಬೂಲ್ ಜಾಲೊನಾ, ಕಿತ್ಯಾಕ್ ಮ್ಹಳ್ಯಾರ್ ದ್ರೋಣಾಚಾರ್ಯ ಆಪ್ಲ್ಯಾ ಮತಿಂತ್ ಅರ್ಜುನಾಕ್ ಆಪ್ಲೊ ಶ್ರೇಷ್ಟ್ ವಿಧ್ಯಾರ್ಥಿ ಕರುಂಕ್ ಮತಿಂತ್ ಜೆವ್ಜಣ್ ಘಾಲ್ನ್ ಆಸ್ಲ್ಲೊ. ಮೆಸ್ತ್ರಿಚಾ ನಾ-ಕಬ್ಲಾತೆಂತ್ ಏಕಲವ್ಯ ಇಲ್ಲೊ ನಿರಾಸ್ಲೊ ತರೀ ಆಪ್ಲೆಂ ಹಠ್ ಸೊಡುಂಕ್ ತೊ ಕಬೂಲ್ ಜಾಲೊನಾ. ಬಗಾರ್ ಆಪ್ಲೇಸ್ತಕಿಂ ಪಾಟಿಂ ಯೇವುನ್ ಕಿತೆಂ ಕರ್ಚೆಂ ಮ್ಹಣೊನ್ ಮತಿಂತ್ ನಿಯಾಳಿಲಾಗ್ಲೊ.
ತಾಚಾ ಮತಿಂತ್ ಏಕ್ ಪಿಂತುರ್ ಖಂಚ್ಲ್ಲೆಂಕೀ ಆಪ್ಣಾನ್ ಜರ್ ಹ್ಯಾ ವಿಧ್ಯಾಂತ್ ಪ್ರವೀಣತಾ ಜೊಡುಂಕ್ ಜಾಯ್ ತರ್ ತಿ ದಿಂವ್ಚಿ ಸಾಧ್ಯತಾ ಫಕತ್ತ್ ದ್ರೋಣಾಚಾರ್ಯಕ್ ಆಸಾ. ಆನಿಂ ತಾಣೆ ಆಪ್ಲ್ಯಾ ಘರ್ಚಾ ಆಂಗ್ಣಾಂತ್ ದ್ರೋಣಾಚಾರ್ಯಾಚಿ ಇಮಾಜ್ ಬಾಂಧ್ಲಿ ಆನಿ ಸದಾಂ ತ್ಯಾ ಇಮಾಜೆ ಮುಖಾರ್ ಮಿನತ್ ಕರುನ್ ಅಭ್ಯಾಸ್ ಕರಿಲಾಗ್ಲೊ. ಆನಿ ದಿಸಾನ್ದೀಸ್ ಆಪ್ಲ್ಯಾ ಧೊಣ್ವಿ ವಿಧ್ಯಾಚೆಂ ಅಭ್ಯಾಸ್ ಕೆಲ್ಲೊ ಏಕಲವ್ಯ ಏಕ್ ದೀಸ್ ಶ್ರೇಷ್ಟ್ ಮೆಸ್ತ್ರಿಚಾ ಶ್ರೇಷ್ಟ್ ವಿಧ್ಯಾರ್ಥಿ ’ಅರ್ಜುನಾಕ್’ ಸಲ್ವಂವ್ಕ್ ಕಾರಣ್ ಜಾಲೊ.
ಸಂದೇಶ್: ಆಮ್ಕಾಂ ಆಮ್ಚಾ ಜಿಣ್ಯೆಂತ್ ಅಸಲೆ ಸಂದರ್ಭ್ ದರಬಸ್ತ್ ಯೆತಾತ್. ಆಮಿ ಚಿಂತ್ಚೆಂ ಏಕ್ ಆನಿ ತ್ಯಾ ಚಿಂತ್ಪಾಕ್ ಸರಿ ಜಾವುನ್ ಮುಖ್ಲೆಂ ಮೇಟ್. ಆನಿ ಕೆನ್ನಾ ತೆಂ ಚಿಂತಾಪ್ ಫಟ್ ಜಾತಾಗೀ ತೆನ್ನಾ ಆಮಿ ಧಯ್ರ್ ಸಾಂಡ್ತಾಂವ್ ಶಿವಾಯ್ ಏಕಲವ್ಯಾಪರಿಂ ಮಿನತ್ ಕರುನ್ ಆಪ್ಲೆಂ ಸಾಧನ್ ಮುಖಾರ್ಸುನ್ ಗೆಲ್ಯಾರ್ ಏಕ್ ದೀಸ್ ಆಪ್ಲ್ಯಾ ಮಿನತೆಚೊ ಖರೊ ಪ್ರತಿಫಳ್ ಲಾಬ್ಲೆಲ್ಯಾ ಶಿವಾಯ್ ರಾವಾನಾ. ಆಮ್ಕಾಂ ಕರುಂಕ್ ಸಾರ್ಕೆಂ ಕಾಮ್ ನಾ ದೆಖುನ್ ಬೆಕಾರಿ. ಶಿಕೊಂಕ್ ಸಾರ್ಕೆ ಬೂಕ್ ನಾಂತ್ ದೆಖುನ್ ಶಿಕ್ಪಾಂತ್ ಆಮಿ ಪಾಟಿಂ. ಏಕ್ ಸಾರ್ಕೊ ಮುಖೆಲಿ ನಾ ದೆಖುನ್ ಆಮಿ ಪಾಟಿಂ. ಪುಣ್ ಏಕಲವ್ಯ ಥಂಯ್ ಆಸ್ಲ್ಲೆ ತಸಲೆಂ ಹಠ್ ಆನಿ ಆಪ್ಲ್ಯಾ ಶೆವೊಟಾಚೆರ್ ದೀಷ್ಟ್ ದವರ್ನ್ ಮಿನತ್ ಕರ್ಚಿ ಶ್ಯಾಥಿ ದವ್ರುಂಕ್ ಆಮಿಂಯ್ ಸಕ್ಲ್ಲ್ಯಾಂವ್ ತರ್?
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
